A buaithlak ang reng khawp ta mai. A hming a Bandh a nih tawh dek dek chuan, Dawr hawng ngam an awm si lo; Motor tlan ngam an awm bawk si lo. A hlawhtling em em zel ringawt mai a. Sawrkar lam leh Dawrkai lam tangrualin, Anti-Bandh Committee te an han din sateh thin a, awmzia a la awm thei tak tak lo ve.
Bandh hlawhtlin theih chhan em em ni a lang chu, Dawrkai ho hi vai(Marrwori) ho deuh vek anni a, an awm mai mai pawh an zuam awm tawh tehreng nen, Bandh huaihawt laia dawr an hawn vaih chuan, chuti hlauh chu a ni dawn tih an hmu tlang chiang lutuk.
Hun pangaiah hi chuan, Bazar Welfare Committee an in din vek a, a hruaituah Tualchhunga mi thiltithei te an thlangchhuak thin a, Membership fee sang tak takin an khawn a, heng hruaitu ho hian, an memberte thlavang hauh an tina ve hle. Misual tan a chet theih bik vak loh.
Mahse, Bandh call lai a dawr an hawn luih vaih chuan, duhtawkin an rawk thei dawn a ni.
Tin, Motor a kal luih chuan, an dimlo em em mai a, tullo deuhva, Motor darthlalang kehvekna a ni mai. Engmah sawibuai theih a ni lo. Chuvangin, tuman Motor an khalhchhuak ngam ngailo a ni.
Arunachal Chief Minister te zinga la popular ber leh dik ber ni a ngaih, Dorjee Khandu halicopter chesual a, a han boral khan, a thlaktu tur Chief Minister tur a rinkai zual deuh mi 2 an awm a. Chungte chu, Tuna Congress 
President Nabam Tuki leh, tuna Chief Minister nilai mek Jarbom Gamlin te hi an ni. Jarbom Gamlin hi pa lian leh hmeltha ang reng tak, zahawm ruau mai a ni a, a nupui pakhat pawh hi IAS officer ngat a ni.
Amah hi Galo hnam a ni a, Home Minister anih laiin, Nyishi ho hian an hnam hming duh loh DAFFLA kha Constitution ah NYISHI ti a thlaktir tumin an bei nasa a, Gamlin hian bawhzui tha duh lovin anmahni hnam hming Galong kha Galo tiin a lo thlak fel tir hmasa et a. Nyishi zirlaiten hmelma en a an en a ni.
Nabam Tuki hi Nyishi niin Kristian (Catholic) a ni a, Party President nilai anih avangin Rinkai zawk mah a ni. Mahse, Times of India Itanagar Correspondent Pradeep Thakur an, Timing fuh lutukin TOI ah article a lo ziak pek a. “Nabam Tuki Party President nilai hi Chief Minister atana khan deuh ber a ni a, mahse, Nyishi hnam hi hnam kawlhsen tak annih avangin, Arunachal hnam dangte hian an ngaina lo a ni” (Nyishis being a fierce tribe doesn’t enjoy good rapport among other tribes of Arunachal Pradesh) tiin thu a lo vawrh darh pek a.
All Nyishi Students Union(ANSU) ho huat em em Jarbom Gamlin a zawk a CM ta ruau mai a ni. Arunachal Pradesh a Chanchinbu lam a an hotupa ber hi, Jarbom Gamlin-a fapa a lo ni kher bawk si nen, an in ringhlel zo ta a ni.
Nyishi Elite Society leh ANSU ho an lungawi thei ngang lova, Bandh vawi 1 an huaihawt tawh a, naktuk leh a tukleh (thawhtan leh thawhleh) thleng hian 48 hr. bandh an huaihawt leh dawn ta a ni.
Nyishi ho bandh huaihawt ngat phei chu, mi hlauh ber a ni a, keini pawh second Term exam lai mah nise, kan chawl ve ang. misual tlut tlut mai a niang chu.
Chhungkaw thilah te, Sakhaw thilah te, Hnam thilahte hian, tawng fimkhur a lo ngai hle mai tih i hre nawn fo ang u.
Similar Posts:
- Arunachal in kristian chief minister kan nei ta.
- Adi leh Nyishi
- Vehicle bandh-in thlawp a hlawh lo
- July 30-ah MSU-in bandh huaihawt dawn
- Thlalak hlui tlem..
September 5th, 2011 at 6:29 pm
F1mkhur a nga1 khawp ma1
Report this comment
September 5th, 2011 at 6:30 pm
#1 grrr…
Report this comment
September 5th, 2011 at 6:40 pm
huiham, keini chu block ni reng mai, block hming a rik tawh chuan, thilman engkim a let a ni ringawt, tunah pawh petrol rs.130/ltr, gas rs. 1500 huiham
Report this comment
September 5th, 2011 at 7:05 pm
3.muansangi pa, block i tih awmzia chu enge ni aw? Chuti ema petrol leh gas to thin ta mai chu, khawi lai hmun nge mawni le? Hriatchian deuh ava chak awm ve aw.
Report this comment
September 5th, 2011 at 7:29 pm
Arun lam misualho kha lo fimkhur deuh ula aw..
Report this comment
September 5th, 2011 at 7:31 pm
Nih chu mawle
Report this comment
September 5th, 2011 at 7:38 pm
@pk, manipur lam a ni e, hei naga lamin kawng an block leh tawh a, sipai escort hi chuan bungraw phur ho hi chu a rawn lut tho, mahse blockade a nih tawh chuan thilman a to nghal vek, petrol pump pawh an in hawng tha duhlo. Nikum lam khan petrol kha 170/ltr, gas 1900 khan kan lei hman a, tun tumah hi chuan nitawhlo hram se aw, meihawl a eirawng kan bawlna pawh a rei leh ta e
Report this comment
September 5th, 2011 at 7:45 pm
7. I rawn sawifiah a, a lawm awm lutuk e. Cachar lam kawng kha ala tlang tha lo a mawni le? Duh hun hun a Naga ho hrek beh theih a han awm ngawt mai hi, a zia lo em deuh mai.
Report this comment
September 5th, 2011 at 7:54 pm
churachanpur lam ai pawn a hrehawm zawk in ka hria, silchar lam chu, tunah rih chuan dimapur lam hi ala ni ringawt mai
Report this comment
September 5th, 2011 at 8:09 pm
A enga mah hmain OT nghal ringawt teh ang. Tukin khan post thar thlir zuai pahin i post kha kan page leh zuai a, min chhanna lawmawm tak leh Maya ni tain ka hria, comment lawmawm tak kha ka hmu zuai na a, ka chhang hman ta thlawt si lo che u a. Remchangah kha post lamah khan ka la rawn chhang tho ang che u. Leh lawk, vawiin khan civil hospital-ah chuan Pi Vanengi chu ka han tlawh ve a, thil tak tak a niin a lainatawm khawp mai. Female surgical word bed number 3 tih kha a dik e. Muansangi pa thil sawi khi chu Manipur lam boruak a ni mai lo maw? OT zawh vek loh nan, communal feeling sosang tak karah chuan tawng fimkhur a tul ngawt ta ve ang. Nang pawh Chanchin Tha i hril zel theih nan lo tawng fimkhur hle phawt mai teh lem.
Report this comment
September 5th, 2011 at 8:10 pm
Bandh hi nuam ka ti riau zel. Chawlh min pe ka ti mai. Thatchhiat thlak e.
Report this comment
September 5th, 2011 at 8:26 pm
10. Boiha pa, i lo han kan chu i titha e. Keipawh Aizawlah awm ila chuan, ka kan ve em em ang. Kan Lal Isuan, “Ka dam lohvin min kan a…heng mite berte chunga in tih hi ka chunga ti in ni” a tih kha. Arunachalah hian, “Nyishi ho support loh chu a CM theih loh” tih a ni thin a, Pu Gamlina hian eng chen tak daih ang maw? Kristian CM te pawh kan la nei thut maithei a nia.
Report this comment
September 5th, 2011 at 8:27 pm
Boruak va rit awm ve awww,han fimkhur hle teh u khai
Report this comment
September 5th, 2011 at 10:38 pm
Vantlang lungawihlohna chungchang hi post ka chak lutuk in rawn post a lawmawm ka ti khawp mai.
Kan lungawiloh chhan leh mipui tan tawrhna ani em? sorkhar tan ram tam a hlawk em tih lam te hi ngaihtuah ve fo a tha teh a sin.
Grik khawpui Athenah an ram economic tlatchhiat vanglai takin sorkhar leh mipui tawrh na ti tam turin khawpui an hal vak nikum mai khan London khawpuiah pawh hmani mai khan tunge tuar Ram leh mipui.
Israel ram ah Social protesst thla hnih an kal pui tawh pawn chhia takngial pawh an la hal lo.
An punkhawm hum pawh hi hnathawktute tibuai lo zawng leh an tel ve theih hun Thurday zan ah te Shabat ral zan Sutarday zan ten a nuai tel an pung khawm thin.
Free concert type deuhin zaithiam leh musician te nen mipui awi pah in an lungawi lohna thu te sawi pahin sorkhar an nawr mai thin.Tu tan mah hekna a awm lo mite sumdawnna an tibuai lo in an ti chhe ve lo bawk entawntlak ka ti ve mai mai
Report this comment
September 5th, 2011 at 11:46 pm
Ni e, fimkhur leh zual a ngai a nih chu maw le.
Cachar lamah khuan tih dan mak deuh an nei a. Maxi cab in mi lo su palh ta sela, chu lai road a maxi cab tlan zawng zawng chu an dang vek zel. Two wheeler a nih chuan two wheeler zawng zawng an dang a ni leh mai. A su tu leh a suta te inbiakfel hma chu tumah an tlan lui ngam miah lo.
Report this comment
September 6th, 2011 at 1:30 am
PC a sawi ang khian, bandh hi thla hlawh nei tan chuan, hlawh a kiam phah chuang si lova, a hahdamthlak phian. Mahse, nitina eichawp zawng leh dawrkai/sumdawng leh Sawrkar tan chuan a luhai thlak tak zet ang.
Report this comment