Lawng pawhchu a lo thleng hnai ta a. Chutihlaitak chuan Adi tlangval piantha thelh thawlh 3 hi Chemsei deuh chauh ak hian an lo lang nawlh mai a. Ka Adi thiam zawng zawng sawm khawmin, Pasighat kal tur kan nih thu te leh, ka mangan zia leh tanpui kan ngaih dan te chu ka han hrilh ta hlawm a.
Engtinmah min chhang lova, mahse, Kan bag ah theih an ak a, Suitcase khai theih an khai a, put theih an pu a, kan bungrua zawng zawng chu an keng fai thei ta mai a. Tlangval 3 Chemsei ak ruang mai anni bawk a, tuman an nekbuai ngam lova, awlsam tein Lawngah chuan kan inthiar kai thei ta vek mai a ni.
Luipui lian chu alo zau hle mai a, mittlin tawk takmeuh hi ani a, a current lah chu a chak ang reng viau mai a, thli lah chu a thaw vuk vuk bawk a. Tum dang chu nise, ka hlauh viau ka ring. Mahse, Lalpa aw ka hre tawh tlat a, hemi hmang hian min chhanchhuak dawn a ni tih ka rin ngheh tlat avangin, ka thla a muang thei a ni.
Chumi lawng atanga kan chhuk hnua Vawkkuang lawnga kan han chuangte chu aw, Lui a khauh si, Thli a thaw nasa bawk si, thla a phang teuh thin khawp mai. Mahse, Lalpa chu a thutiamah a dingnghet a, Dam takin Pasighat chu min hruai thleng ta a ni. Adi tlangval 3 te erawhchu, ka hmu leh ngai ta reng reng lo mai. Sap hovin, “They vanished in the thin air” an tih ang mai a ni.
Dam taka Pasighat kan thlen hnu chuan, Ka aw hriat kha Bible-ah a awm tlatin ka hre ta a, ka zawng ta ani. Exodus Bung 14 a Mosian Israel fate Aigupta atanga a hruaichhuah laia, Tuipui sen kama an tangkhan lai ami kha ani tih ka hre ta a.
Khatia, Lalpan Pathian tak ani tih leh, a ropui leh thiltihtheih zia lantir tura Pharoa thinlung a tihsak hnua,thilmak 10 lai mai Mosia leh Aarona hmanga a entir hnu khan, Pharoa khan a chelh ta ngang lova, chhuah a phal ta kha a ni a.
Lalpa khan Tuifinriat kamah hnai tein a hruai thei nain, Philistia mi Ralhrat tak tak ho an va tawn thut chuan, an zam chhe zo ang tih a hlau a, kawng ralmuang leh kual lamah a hruai ta kha a ni a. Hlim taka an kal dem dem lai khan, Pharoa khan a rilru a lam let leh a, a Sipai tha ho Sakawrtawlailir nen khawmin a um khu leh ta rum rum mai kha ani a.
Israel fate khan Pharoa Sipai ten Vaivut an chilkhuk rum rum chu an hmu a, kal chak sauh an tum nak laiin, an hmaah Tuipui sen zau lutuk, a daia daikai rual lohin alo dang ta hmuk mai si. Dinglamah han kal dawn se, Thlaler zau lutuk, Nunau a han kalchhuah chi rualloh in a hmuak bawk si.
Veilam Tuifinriat kam lamah kal dawn se, Philistia mi Ralhrat tak tak kutah an tlulut dawn bawk si. Khawi lam pawh kha ‘THIHNA’ vek ani mai a ni. A kaw tawp, tlanchhiat leh ngaihna awm tawh lovah awmin, Pharoa Sipai hovin duhtawka an rawn suasam hun tur kha an lo nghak chawrth chawrh ta ringawt mai a.
An mangang a, an phunnawi a,Mosia leh Pathian an dem a, an ang ta tun tun hlawm mai a ni.Hetih lai tak hian Lalpa Pathian a rawn inrawlh ve ta thung a. Amite rinawm lovin, phunnawi mahsela, Lalpa erawh a rinawmna a pangai reng a, Mosia hmangin Thlamuanna thu a sawi ta a. “Ngawi ula, awm hle hle mai rawh u.
Lalpa in Pathianin vawiina thil a tih sak tur che u hi en ngawt mai rawh u. Aigupta sipai vawiina in hmuhte hi kumkhuain in hmu leh tawh ngai dawn si lova, Lalpain a do sak dawn che u a ni” tiin.
Tichuan, Lalpa Pathianin thil awm theilo anga lang atanga a chhanchhuah dan zawng zawng chu kan hriat kha.
Engvangin nge Lalpa Pathian khan, Pharoa rilru kha a tihsak a, A mite hrehawmna kha a pawhsei? Engvanginnge a mite a hruaichhuak tan chauhva, khatianga dinhmun khirhkhan lutuk, tlanchhuah theihna reng awm tawh lo anga lang hmunah khan a din tir a, mangang lutuka a siam mai le? A chhanna I han zawng dawn teh ang.
(1) Lalpa hian a hmangaih hringfate nen a lendun hi a thlahlel tak zet a, nuam a ti a, amah a kan rinna kan han nghah te hian, kan rin ang ngei a, a thiltihtheihna han lantir(show) te hi nuam a ti ve tlat a, chutiang a lantir theihna tur mi chu a zawng ruai ruai thin a ni (II Chronicles 16:9)
(2) Hringfate hi kan mak khawp a, Malsawmna a vur dawng thiam hi kan awm mang meuh lova. Kan kawng a tluan a, a hmuingil lutuk chuan, kan kawng ti tluangtu lam theihnghilhin, kan lo vak bo thuai thin. Chutianga kan lo vak bo dawn a a lan chuan, Lalpa hian min hmangaih em vang zawkin, kan chunga harsatna han thlentir bauh hi a pawiti lemlo mai ni lovin kan thatna turin min duhsak thin a ni. (Philippi 1:29)
(3) Kan tluan pur pur viau chuan, he lei hi nuam kan ti lutuk a, Vanram pawh hi thlen hlan kan nghakhlel thei lova, He lei hi kan thlahlel toh mai a, Vanram hi nuam awm pawhin kan suangtuah thiam thin lo. Mahse, kan nun a harsatna alo thlen tak tak a, kan bei a dawn rum rum a, He leiah hlimna tur reng nei tawh lova kan inhriat hian, Vanram min ngaihtir a, Amahah kan intuk lut leh thin a ni.
Tam tak chu kan huaisen leh lutuk a, engkim hi kan hlau lova, kan mang a ang tham thin lova, Lalpa tanpuina dil nachang pawh kan hre thin lo. Thenkhat erawh chu, Israel fate ang maiin, Harsatnaa fiah dawllo lutuk, phunchiar nghal mai thin hi a tam zawk kan ni bawk awm e.
Mangang leh thlaphang ram ram te hian awm ila, Lalpa tellova, kan him lohzia te hi hrechiang ila, kan inhumhim nan Lalpa hian amah kan auh hi a beisei thin a ni. Rawlthar huaisen Lal Davida Savawm, Sakeibaknei leh Milian Goliatha pawh hlaulo khan, Sam 23 na a Lalpa a rinchhan leh a huaisenna thuruk anih zia a puan chhuah te hi ava rilin ava ropui em.
Hawh U Lalpa hnenah I kir ila, kan harsatna leh manganna zawngte hi min tanpui chak em em tu hnenah hian I thlen thin teh ang u khai.
Similar Posts:
- Ka ring reng a ni
- Nitin Lalpa nen ( Pathian Ni Pual )
- Thimin min hualvel laiin Pathianin hna a thawk thin (Sunday Pual)
- A kaw tawp
- I Lo Tawngtai Ang U
September 12th, 2011 at 6:01 am
chhiar i la
Report this comment
September 12th, 2011 at 6:07 am
Chhiar hma lawkin …
Report this comment
September 12th, 2011 at 6:12 am
amen
Report this comment
September 12th, 2011 at 6:23 am
Adi tlangval 3-te chu Cherub+IM khandaih keng an ni ringawt alawm le! Pathianin remchang a rawn siam dan in thil tawn hi zep hlen phal chi rual a lo ni lo a nih hi!
Rameses atanga Abib 15 tukzinga chhuak ta te pawh kha, an chhuah theihna ber BERAM NO sa hem hmin leh THISEN kha kawnglakah an chak nawn leh tawh lo va, chu ai chuan AIGUPTA SA BEL-a thil awm zawk kha an chak tlat kha … thilmak a ni.
Hruaichhuah an nih theihna tura hripui (thilmak) 10 lai tiha awmte kha, Pathian Nungin Aigupta mite pathian a hremna vek a ni bawk … Khaukhuap puang an thlawh luhna tuipuiah vek khan Israel fate umtu sipai rual leh an hmanrua zawng zawng an va tla hlum ve ta bawk.
Atheist pakhat hian naupangho hnenah, “Israel faten Tuipui Sen an kanna lai kha ke rek chen chauhva thuk mai mai alawm,” a ti a. Ngaithlatu naupang pakhat chuan, “Aw LALPA, I thiltih theihna a va ropui em! Ka fak a che. Ke rek chin chauhva thukah chuan Aigupta sipaite leh an sakawrtawlailir i piltir vek a … an thi ta vek kha …” a ti zui ta then a.
Post ngaihnawm leh bervarthlak, hmana Hebraite Pathian kha, keini Gentile-ho Pathian a lo ni ve ta!
Report this comment
September 12th, 2011 at 6:49 am
A ngaihnawm hle mai.
A kaw tawp situation hi a nuam duhlo khawp mai a. Mahse, a kaw tawp a taan laia Pathian chetna hi a chiang bikin a lawmawm leh zual thinin ka hria. Hetiang experience hlu tak i nei hi ka lawmpui hle mai che. Kan zavai atan Lalpa’n malsawm rawh se.
Report this comment
September 12th, 2011 at 7:02 am
Pu Chawnghilh, I han comment hian Post hi a phuisui thlup zel a, Post man a awm thinin ka hria. Nia, Khatia kan bungrua zawng zawng Tlangval pathum chemsei pui pui akin min han thiarsak vek khan, keini kha kan Lal hmel lehling ta riau mai a. Lawngpute khan Kalkawng a hlauhawm tak em avang khan, an lawng chuan man kha Rs.20 ni thin kha Rs.30 ah an lo san a. Assamese pa thenkhat khan an complaint nasa mai a, kei kha ka sam a kawlh veng vawng nen, Army/Police Officer niah min ngai ni ngei tur a ni, min fuihpawrh an tum nasa mai a. Kei lah kha ka Lungawi nasa mai si a, Rs.50/- pawh tise, ihe lovin ka pe duh awm si a, Ka thu ngawi hmak mai si a, an ang rei peih ta bik lovin ka hria.
Report this comment
September 12th, 2011 at 7:17 am
A ngaihnawm hle mai… Lalpa in a chhanchhuah dan che u chu a ropui hle mai… Rin tlak Pathian kan nei hi kan vannei thlawt ani!
Report this comment
September 12th, 2011 at 7:24 am
Hawh u Lalpa hnen ah i kir ila… tih mai loh hi chu a ngaihnawm in chhiar a nuam khawp mai….
Pathian hruaia awm te hi Pathian fate an ni. tih hi a dik a ni,..
Report this comment
September 12th, 2011 at 7:28 am
Pathian chu kan inhumhimna leh kan chakna, mangan laia tanpui vartu hnai reng ani
Report this comment
September 12th, 2011 at 7:30 am
Avan ngaihnawm tak em… fuihna leh thu tha tak a ni chiang kher mai
He will cover you with his pinions, and under his wings you will find refuge. (Ps. 91:4, NRSV)
Report this comment
September 12th, 2011 at 7:39 am
“Hawh u, LALPA hnenah kir ila,” ti thliam ho hi kan awm. “I kir ila … i ngaihtuah ila …” ti-ulh deuhho hi an awm ve hranpa! Tet laia min zirtirtu Pi Zatluangi (w/o HS Zasela), Pu Liandala leh Pi Lianchani kha ka fak. Ka tet laia min zirtir kha ka theihnghilh duh lo va.
PKfanai : Lalhmingthanga, Arshan School, Pashinghat Principal kha hun rei lo te ka classmate a ni thin —naupan laiin. “Lamthang” tiin kan ko thin. Mizo pathum chiah awmna ramah ka liamsan ta viah viah si a. Ka naupan laia ka thiante hi hmun hrang hrangah, ram hrang hrangah ka hmu nual hlawm, kan lung an tileng thin.
Report this comment
September 12th, 2011 at 7:45 am
A ngaihnawm hle mai ! Hetiang mahni tawn ngei atanga Pathian thu sawi hi ngaihthlak a nuam, a tak bik….
Report this comment
September 12th, 2011 at 7:48 am
A va ropui em . Pathian chet duh hun hi mihring te kan mangan tawp ah a ni fo hi a mak . .i thu ziah a tha ka ti thei khawp mai . harsatna leh buaina i tawh chang in nang chuan i ring tak tak a . Amah ah i innghat ngam thin a . mi tam tak awh ngawih ngawih nun i nei ania . a ngaihnawm bawk
Report this comment
September 12th, 2011 at 7:55 am
A va han ngaihnawm tak em! Ka kham lo hle mai. Ni li a liam ta tia an tah hawm hawm lai pawh a tlai ti lo, Pathian nung a hun tea che thin Lazara leh keini min hmangaih tu chu fakin awm mawlh rawh se.
Report this comment
September 12th, 2011 at 8:06 am
Bucko, “i kir” i rawn point out chu a tha e. Pulpit tlang atang chuan tawngkam mawi tak niin ka lo hre thin a, a ziah a ziah ralah chuan, a lo ulh deuh tak a nih hi. Good comment. @ Pu Chawnghilh, Pu Hmingtea kha Pathianin ka partner tur a min pekah ka ngai a, kan inkawp rei khawp mai. Tunah chuan, headquarters lamah a thu tawh. Kum lamah a u zawk fe na a, kan inkawp fuh ve thin khawp mai. Mi famkim lo ve ve, in mamawh tawn tak kan ni thin.
Report this comment
September 12th, 2011 at 8:45 am
PKfanai : Naupan lai ka hrechhuak zawk, Lamthanga, kei leh Lalsangpuia Hrahsel-te kha milem ziak reng mai kan ni thin a. Keiin Cowboy, sakawr lem; Sangpuia leh Lamthanga lah khan savawm lem leh pa sek deuh (Tarzan film an en avangin) an draw reng mai bawk thin a. Exercise Book hnung lam hi chu Hebrai/Urdu tawng ziak dan ang mai hian milem kan ziak tawlh let reng mai thin! Ha ha! Lehkha phek a hek thei. Arshang-ah pawh a school naupang a ko khawm a. Thu min sawitir alawm!
Biaksanga Chinzah lah nui hmun reng bawk a. Thawhkhat lai khan Aizawl-a kan inah a rawn tei lut nawlh a. Kan hlim dun khawp mai!
Report this comment
September 12th, 2011 at 8:55 am
Ava ropui em!
Report this comment
September 12th, 2011 at 9:33 am
Adi tlangval 3 te khan an hnathawh ropuizia hi an la hre ve angem le. A mite tanpuinan chuan thil/mihring engpawh hi Pathian hian a hmang duh vek mai nia.
‘kei atan zawng Pathian hnaih hi a tha ni…’ a va ropui em!!
Report this comment
September 12th, 2011 at 9:37 am
Super Like. A aw i hriatah khan i innghat tlat ngam a… Lalpa ropuina puanchhuahna thu tha tk a ni.
Report this comment
September 12th, 2011 at 9:40 am
Ngaihtuah tithui post hlu tak a ni e.
Report this comment
September 12th, 2011 at 9:47 am
“Even though i walked through the valley of shadow of death, i will fear no evil, for thy rod and staff, they comfort me. The Lord is my Shepherd, i shall not be in want.” (Psalm 23)
Report this comment
September 12th, 2011 at 9:55 am
LPS-a Mimii nena rawn inkawm Kha PKfanai hi ini mial lo maw. I nih chuan atakah ka hmu che, Ka u.
Report this comment
September 12th, 2011 at 10:50 am
PK Fanai hi tunge a nih ka hre tawh… A thu ziaka ngaihnawm thei khop mai….
Report this comment
September 12th, 2011 at 11:20 am
Kei pawh post tupa hi chiangtakin ka hrethawi ta!! He is a man…. Mi pakhat a tling.
Report this comment
September 12th, 2011 at 11:25 am
A hlimthla diktak a lo lang ta e.
Ngaihnawm khawp mai ka chhiar thuak thuak e.
shylo: Kum 2003 hmalam ‘Apela’ kuta hlan hma kha ngaihtuah rawh.
Pc: Mimiin LPSa a kawm kha chu amah a ni lo. Sawi loh tur ni awma ngaih a sawi lang leh chiang khawp mai kha…
Report this comment
September 12th, 2011 at 11:36 am
Ngaihnawm hle mai..post tha tak a ni..
Report this comment
September 12th, 2011 at 11:41 am
Ava nuam laih laih ve. Mizoram chhunga awm zingah chuan, Pu Muantea khan, “I unaute zawng zawng nen ka hria che u” min ti a, a dik ka ring. A bak chu min hria in awm ka ring chìah lo. Ignatia, Shylo leh Roseparvuli te hian min hria ang. Min hre duh suh u. “Pkfanai-a, a theihna zawng zawng, a Lalpa Isua krista tan a hman duh leh tum; Engmah thiam a neih tak tak si loh avang a, thawh kuak tak tak nei si lo kha” tiin min lo hria ula ka duhtawk khawp mai. Ka lawm e.
Report this comment
September 12th, 2011 at 12:09 pm
Ignatia : “Apela..” ka ngaihtuah vak a, sipai bang ka bo tulh tulh… enge i awm zia?
PK fanai post a ngaihnawmna thin pakhat hi chu a vil hneh em em zel hi a ni.Mahse badminton leh Tennis court-a kan inhmachhawn hi chuan a post hi a vil hneh meuh thinlo…he he (in sawithei, thuziak thiam ve hek lo i…)
Report this comment
September 12th, 2011 at 12:13 pm
Sermon ropui tak a ni e
Report this comment
September 12th, 2011 at 1:10 pm
Post sei tak a ni.
Report this comment
September 12th, 2011 at 1:44 pm
A ropui hle mai.
Report this comment
September 12th, 2011 at 7:59 pm
Post hmasa zawk nen ka chhiar chhuak leh dap a, a ngaihnawm thin hle mai. Arunachal lam hi lo post fo teh suh u, heti te chuan Mizoram aiin Arunachal lam in lung a len ang tih te a hlauhawm a lawm maw le
Report this comment