Pu Rokunga (fam) hla-te hian Zofa-te hi, ‘Mizo’ kan nihna-ah lungawina min pe a, ‘Mizo’ nih a tinuam a, hnam khatah min suihkhawm a. Mizoram ngaih-hlutna leh hmangaihna pawh kan thinlungah a tuh thuk em em a ni.
Eng ni lo mah ila, Mizo-te thinlungah mahni inrintawkna leh tha ve tawk a inngaihna (pride) min siam sak a. Chu chuan, kan tluk loh hnam dang ho zingah pawh duai bik lova inngaihna min neihtir tlat thin.
Kan ‘Mizo-na’ tluk bawka indahsanna min neihtirtu chu kan ‘Kristianna’ (sakhuana) hi a ni awm e. Kan sakhaw vawn hi sakhaw dang zawng zawng laka chungnung leh tha berah kan ngai nghet hle a. Kan ram pawh ‘Pathian Zawn Chhuah Ram / Kristian Ram’ kan ti deuh ngat thin a nih hi.
Chuvang chuan, keini aia changkang zawk pawh nise, sakhaw dang betu-te hi chu ‘Ram Thim’ a awm, tih en chawp ngai-ah kan dah hmiah mai a, kan indahsang viau a ni.
Kan chhehvel hnam zingah hian an hnam emaw an sakhaw vawn emaw chhal a, hetiang taka indahsang hi an awm awm ka hre mang hauh lo. Keini zawng kan danglam khawp mai. Kan ram ‘issue’ tam tak pawh hi kan ‘Mizo-na’ leh kan ‘Kristianna’ atangin kan lo buk deuh zel chu a nih hi maw le.
Hetiang taka kan hnam leh kan sakhua-te kan hma theh ber an nih lai hian, kan chhuan ‘Mizo-na’ leh ‘Kristianna’ chu kan nunpui tak tak em le? Kan nihna ni hauhlo, kan duhthusam a tha leh ropui, hnam leh sakhaw neitu angah kan lo inngai a ni lek lo maw? Engemaw hlek a, “Kristian ram kan nia, lo tih chhen hi a tul lo” titu-te hian an sawi dik viau a ni lo’m ni?
Tlawmngaihna leh kan Mizo nun mawiten mual min liamsan mek lai hian, hnam dangte aia khawtlang nun duhawm zawk nei anga inngaih tlat-te hi a tha ber ang em le! Kan nihna dik tak hi pawm ngam ila, kan chhuan em em, kan ‘Mizo-na’ leh ‘Kristianna’ hi I dah tha tawh teh ang u, tiin kan insawm mai dawn em ni ang?
Dik tak chuan, Pu Rokunga khan Mizo-te hi mumang ramah min chentir a. Chu a chhap-ah, kan sakhuana pawh hian mumang ram tho min rawn hlui leh bawk a. Amaherawh chu, chu mumang rama chen chu kan hnam hian kan ngeih tlat si. Ni a inhriat dan sang tak (mumang ram) kan neih avang hian, chulam thlirna chuan min pawt kal a, kawng tam takah a chhe lam aiin a tha lam kan thlan phah fo thin a ni lo’m ni!
Chuvangin, a thangmawi zawn kawngahte, midangte ngaihchan kawngah-te, khawngaihna leh lainatna lantir kawngahte, rinawmna kawngahte, dikna leh thianghlimna ngainat kawngahte leh hring nun thatna kawng hrang hrangahte hian Mizote hi kan va duhawm tak em ka ti ve thlawt thin. Kan bul vel hnam dangte nena inkhaikhinin a chiang leh zual awm e.
Mizote hian mumang ram um tur nei ta lo ila, tun ang dinhmun hi kan thleng thei ang em le? A tak rama harh chhuaha, mangphan Mizo-na leh Kristianna dah that ai chuan, harh fim tak chunga mumang rama chen zel hi a thlan-awm zawk lo maw!
Similar Posts:
- Sakhuana hi!
- LPS Muaythai
- Khawi chinah nge ramri kham tur?
- Hmanlai hian…
- Zo Sakhaw Zepui (chhunzawmna)
A lawmawm thin e…
September 13th, 2011 at 6:07 am
Chhiar ang hmiang..
Report this comment
September 13th, 2011 at 6:37 am
Kristian satliah fellohna a khat ni mahila, heti khawp a dan lekkawh mumal lohna ramah hian pawi tam tak kan khawih tur min veng tlat tu chu kan kristianna hi a ni, ka ti lo thei lo a ni.
mumang ram i tih khi beiseina tih lam pang zawngin ka rilruah a lan tlat pek chu le.
post tha leh dik tak a ni.
Report this comment
September 13th, 2011 at 6:57 am
A ngaihnawmin ngaihtuah tham tak a ni awm e. Mahse, i thuhlawm (paragraph) 2na khi a dikhlel deuhin ka hre mange.
Mizo te hi keimahni Mizo awmkhawmna hmunah te chuan kawlhrawngin kan thawm pawh a ring thin hle. Mahse, mahnia chettlat ngaihna chiah hian ka duh aiin kan ti mah mah thin niin ka la hre fo mai. Heihi nu leh pa emaw midang hrim2, kan thil tih tur min tihsak thintu kan lo neih thin vang niin ka hre pakhat. Mahnia thil tih kan tim tlangpui niin ka hria.
Ziak leh sawi kan peih viau. Thu tha tak tak pawh kan ngaihtuah chhuak a, kan hre viau hlawm bawk. Bawhzuitu nih erawh kan peihlo fo nite pawhin ka hmu thin. Kan thil tha hriat kan sawi fo leh kan hmuh te hi bawhzui tu/bawhzui ngam nithin ilang chuan kan duailo ngawtin ka ring. Hindustan khawmualpui (Thliarkar tello vin) chhunga state GDP hniam ber dawttu (Sikkim dawtah) kan ni hauhin ka ringlo.
Kan mumang ram (kan dream) te ti hlawhtling theitu chu keimahni Mizo te kan ni. Sawi leh chhiar leh ziak ngawtin awmzia aneilo, um a umzui angai.
Report this comment
September 13th, 2011 at 7:00 am
2.(Y), Kan Missionary te leh kan mihmasa ten, Mizo pride leh Christian ethics tha tak mizote rilru a an lo tuh nghet tlat hi chu a tha tak zet a ni. Hmuh theih loh leh khawih theih siloh a, kan hnam min hung tlat tu a ni. Tan lak erawh chu kan ngai hle tih a chiang (Games and sports, music, central service, etc. ah te).
Report this comment
September 13th, 2011 at 7:35 am
Pu Lalmanzuala tarmit i tawmpui ta emaw kan ti dawn phawt a, a tawp para-ah khian i phelh leh ta daih bawk si a. Ka hmu thiam lo tep che a lawm. Mahni hnam leh sakhua siam thatna atana inpe social reformer, a taka thawk hi awm se ka lo ti ve thin. Thuziak leh a sawia sawi duhtawk ringawt loin.
Report this comment
September 13th, 2011 at 7:48 am
Ngaihnawm hle mai.
Report this comment
September 13th, 2011 at 8:02 am
#2 & #4: Thanks
#3 Pu HV, i sawi tum ka chiang lo tlat mai:
‘Mahse, mahnia chettlat ngaihna chiah hian ka duh aiin kan ti mah mah thin niin ka la hre fo mai. Heihi nu leh pa emaw midang hrim2, kan thil tih tur min tihsak thintu kan lo neih thin vang niin ka hre pakhat. Mahnia thil tih kan tim tlangpui niin ka hria.’
‘Kan ti mah mah’ i tih rualin ‘ka tim’ i ti leh bawk si a, ka man thiam chiah lo a ni. Han sawi zau leh thei la a lawmawm ngawt ang.
#5 Pu HVa nen insawi dik khawp mai. Mizoramah hian MSW kan awm ve ta nualin ka hria. Mahse, kan hre lar lem lo, YMA leh NGO dangte hian an hliah hneh deuh a ni mai thei e.
Report this comment
September 13th, 2011 at 9:15 am
A ngaihnawmin rawn zial tawi hlawm tha khawp mai. Post sei tak tha tak ai chuan post tawi fel tha tak a ngaihnawmin, a thawk chak zawk ang em aw ka ti mai mai a.
Report this comment
September 13th, 2011 at 9:32 am
Ka bengverh zawng tak a ni uluk deuhin kan chhiar teh ang.
Report this comment
September 13th, 2011 at 9:37 am
Post tha tak a ni awm e.
Report this comment
September 13th, 2011 at 9:43 am
tha khawp mai
Report this comment
September 13th, 2011 at 10:53 am
Uiau va ril ve, ka man pha ve lo
Report this comment
September 13th, 2011 at 12:00 pm
#3 & #5 (Y). Kan chhuan “mizo-na” leh “kristianna” itih hi dahtha lova, ataka nunpui ngam nih kan mamawh…
Report this comment
September 13th, 2011 at 12:48 pm
Chanchintha kha lo dawng ta lo ila, tunlai khawvelah hian kan chim chin ala hniam awm mange tih min ngaihtuah tir daih mai.
Report this comment
September 13th, 2011 at 1:07 pm
‘Tlawmngaihna a tlahniam…’ kan tih hi eng atangin nge kan teh thin aw? Mizo niha lungawi ringawt ram leh hnam tana kut zungpui vawi khat pawh ti che eih ngai silo. A hu hoa tlawmngaihte, kristiante, eiruk duhlote, huaisente ai chuan ‘maltlat ngam thangthar pasaltha’ kan mamawh takzet. Mang lamah pawh Bagha vai pakhatin min la um duai duai anih hi maw…!
Report this comment
September 13th, 2011 at 11:13 pm
Ngaihtuah tithui tak, hriatthiam har tak a ni. Bei an dawn deuh leh lung a awi loh deuh hian a tha bera kan ngaih kha va puh mai awl tak hi a ni a-tha lo dang puh tur pawh a awm teuh turah ngai ila-i postna rilru erawh ka tawmpui che.
Mumang/dream/ideal hi chuan kan inawmtlei thui ve ngawt chuan ka hria. Kan Pathian thu lak dan pawh hi a ni-han rah chilh chet chet tur lam aiin a riai riai lam hi kan awn fo.
Mizo identity hi kan chhuang a, mahse hnam dang hi chuan min chhuanpui lem hlei law. aaa a buaithlak a nih hi.
Report this comment