[Kumin a Post ngai an post nawn tlat mai a, kan tang ve deuh ang e…weekend hman nawm nan kan rawn bel ve leh e….MUP Tlangau July 2001 atanga lak chhuah ani]
Zawhna : Pu Chawngkhup, hei kan in-ah te i lo thleng hi kan lawm em em a. Hman deuh khan Pu C.Pahlira te nen kan sawi ho tawh a, i savawm hliam chhui thu leh kangvar, lo mawngah khan-thangchep a thehlei awh thu te kha kan hre chiang ve lova,min hrilh leh teh.
Chawngkhupa: Ani tak maw, an khua ka han lut chu ka chau deuhva. Zanriah eikham ve leh ka mu ta mai a. Ka muthilh hma chuan tlangau aw ka hre ta a. “Khurchhe mualah vawmtlakah savawm a tla na hle mai a. Naktuk khawvar ve leh a hnu chhui turin duh duh kal ni se. A hmunah innghah khawm mai ni se” tiin.
Zing khawvar hmain ka tho ta a, Khurchhe mual chu ka pan ta vang vang a. Chul hlui thlam thlanga vawmtlak pawh chu ka va hmu mai a. Savawm puitling zet mai a tla a, a hliam na hle tih hriat theih tak a ni. A HNU KA CHHUI A, VAU TUL PIKAH CHUAN A LUT A. Ka chhui zel a, tul hnawka kan luhna kua chu ka hui ping leh zel a, Mihring-hovin an hriat mai loh nan. Hnu chu ka chhui zel a. Mual hnihna tul pikah tho chuan Thingtluluang hi harsa ti tak chungin a kan a.
A piah maiah chuan a lo bawk a, savawm pui lian zet hi a lo ni a. Min ngur/vau chhur chhur mai a. Kei chuan, “ E…e…e…! bengchheng suh, ngawi reng ta che, hei ka han chhui zel che a, i hnu pawh ka han thup zel a. An chhui dawn che a nia,” ka’n ti chu a ngawi ta reng a, min en doh doh a. Chutih lai chuan ral leh lamah chuan Mihring au thawm kan hre ta, “He lamah….a hnu a la kal zel…lo kal zel rawh u..” tiin. A hnu an hlauh ta an man ta lo anih kha le.
Zawhna : Anih leh khan-thangchep a chepa awk thu kha han sawi leh zawr zawr teh. Ngaihnawm kan tih zawng tak a nia.
Chawngkhupa: Ani maw, eng lo a nia, kangvar thlai chi thlak chip tur hian chepa tih vel hi an lo chhuak duh reng a. Kangvar lo mawng, lui kawrte-ah ka zu kal haw chho, thlam thar lam ka pan chu lo mawng mang hnawkah chuan ka tang chho nawk nawk a. Ka meihawl kai dum nasa nen, ka buai chho hle a. Ka hmah chuan chuan chepa hi mang khawh khawmah chuan a sawt lawrin, “kherek kherek” tiin a mei a ti puk a.
A sawt zau zau va, min han en leh thin a. Kei chuan, “THiana, min lo nghak ve la….” te ka ti a. Ka thianpa kherek kherek thawm chu a reh ta daih mai a. Ka han hawi chho chu Loneitu khan-thangchepah chuan a lo awk ping nal nal mai niin. “E khai, thianpa lo zam hlek suh,” tiin ka chho bawrh bawrh a. A thangngul chu ka kuai kul a, ka chhuah ta a. A piah thing kang ding rovah chuan a lawn a, a zar phei deuhvah chuan kun kul khan hian, “Kherek kherek…” a han ti hawitawn zauh zauhva. Kei pek chuan, “Lalpa, a engtihna nge, ka va hrethiam mai love ?” ka’n ti a. Lalpa chuan, “HALELUIAH, KA LAWM E” a tihna anih chu a ti a.
P.S: An la post em lovang chu maw ? Check-na hun ka nei miah lo 
Similar Posts:
- Nipui Kaihhnawih
- 2013 March Fiamthu
- Beimatualeh – Chennai Version
- Come Together ‘Kawl Version’ with lyric
- Misual Mi Taima Ka hmu
September 17th, 2011 at 6:08 am
Post dangda1 tak a n1
Report this comment
September 17th, 2011 at 6:11 am
Ngaihnawm hle mai.. Mahsela, a khamawm loh deuh..
Report this comment
September 17th, 2011 at 6:12 am
phawkars chu min han thaawhkhalh chu le.. chhiar ang.
Report this comment
September 17th, 2011 at 6:40 am
ngaihnawm hle mai..
Report this comment
September 17th, 2011 at 7:03 am
Savawm zawk khi a tawp dan a bul deuh riau mai ka ti.
a ngaihnawm a, a khamawm loh mang e..
Report this comment
September 17th, 2011 at 7:24 am
Thil tak tak va ni suh han ti ngawt dawn ila, adik hmel viau asin.. Adang hria chuan han sawi bel teh u…
Report this comment
September 17th, 2011 at 7:34 am
Ngainawm lutuk…a dang xel…. Savawm khi a tawp dan ka khamkhop lo…
Report this comment
September 17th, 2011 at 7:39 am
Ngaihnawm hle mai .
Report this comment
September 17th, 2011 at 7:46 am
Rambuai Sipai hran lai khan Bungtlangah Presbytery a awm dawn a, Pu Chawngkhupa kal ve a duh si a. A zinkual vel ni tur kha ania. Khatihlai khan khawtin maiah Sipai check gate a awm a, permit an lo check sak ziah thin. Pu Chawngkhupa chu kal pahin a tawngtai a, Lalpa, hei engtinnge ni ang ? tiin. Tahchuan, kawngchhak atangin chawngkawr rul lianpui mai alo tla thla a, a rilru ah aw in,’ la la, awrh rawh’ tih a hria a. A la a, a awrh ta ani.Sipai checkgate a va thleng chu vai ho chuan an lo be ve ngei mai a, mahse Chawngkawr kha a lo suuu vak vak mai bawk si a, vai sipai ho khan hnaih pawh an hnaih tha ngam lo… an kal tir rang viau awm e.
Report this comment
September 17th, 2011 at 8:08 am
“A thukin a va sang em!
Khawvel fin zawng aiin,
Pathian hmangaihna thu hi,
Van leh khawvela’n a khat e”
Report this comment
September 17th, 2011 at 8:10 am
Zinkawnga chhiar chi tak a nih hi mawle…ngaihnawmin khamawm loh narawh e.. Post Excellente..
Report this comment
September 17th, 2011 at 8:22 am
Thawnthu anga kan lo hriat ve riai ruai thin, i rawn sawi chiang a, a lawmawm hle mai. 9.loneeagle comment pawh a bengvarthlak e. Good post.
Report this comment
September 17th, 2011 at 8:35 am
True story ngaihnawm tak a ni e……..
Report this comment
September 17th, 2011 at 8:57 am
ngaihnawm hle mai,chhuahbelh la adang ho pawh.Mi a deuh kha pu chawngkhupa hi an ti thin kha nia,a chan ang chan ve loh chuan tih mai chu a awl ve ngei ang
Report this comment
September 17th, 2011 at 8:58 am
Han ti zel teh
Pu Chawngkhupa hming hi a lar hle a, a thlarau mi hle bawk, mahse a chanchin han sawichhawn mai tur hriat a tlem riau………..awmzel turah ngai ang aw.. 
Report this comment
September 17th, 2011 at 9:22 am
Chawngkhupa chanchin hi a ngaihnawm dangdai ve khawp mai. Mi pangai bak deuha khawsa chu a ni awm e, kutkawlte hial kha an buntir em kha? Zion zalenna (?) entirnan an in bangthlang lam a sat thla a, bal leh mai vel kawmthlang lamah an lum thla suau suau mai a ni awm e. A chhungte tan chuan a manganthlak ve duh viau ang.
Report this comment
September 17th, 2011 at 9:34 am
1998 khan Serkawn Hostel a ka awmlaiin hostel kawt a ka ding kha a lokal hnai a ka lu chunga kut nghatin mal min sawm ringawt mai mawle!!… tun thleng hian mak ka la ti
Report this comment
September 17th, 2011 at 9:34 am
oops ka tihsual… 1998 nilovin 1989 zawk
Report this comment
September 17th, 2011 at 10:06 am
Pu Chawngkhupa hming hriat hi chuan Kulikawn phei a a kal chhet chhet te, Pu Mâta thih a alo riah ve te kha ka hre chhuak lo theilo a ni e. Ka unaupa (cousin) Frankie Lawmkhima Sailo (fam) ka hrechhuak ngei2 bawk. Mitthlaah a cham a, a rim ( distinct smell) thleng mai khan a hriat theih fia fua tho mai!
Pu Mâta a thi tih a hria khawhar inriak zingah a rawn tel ve a lawm mawle. Savawm nen an inkawm chungchang a sawi a, a puiin a liah lep lep thu te a sawi pah chuan ka unaupa Frankiea chu, “Heti hian min liak,” tih pahin a hmaiah a liak ta mai a. A thaw rim kha a tui bik vaklo nen… engpawh nise, Frankiea chu bathroom ah tlanlut ina uak tuar tuar ta mai anih kha. Kan nui nasa ngei mai.
Mut a hun dawn chuan a lotion inhnawih a mitah a tilut nitur a ni, a thip a ti lutuk chu a hmai a phih phur phur reng mai a. Hnap tui nen mittui nen chuan, “Tiang hi chhun a hnawih chi leh zana hnawih chi a awm a. Kei hian chhuna hnawih chi ka inhnawih anih dawn hi,” a ti a, a thutak phian lehnghal a.
Mutmu kan tuah dawn a, kan inphah sang sang tih chuan tawngtaina a nei a. Khawhar chhungte tan leh riak zawng2 te tan a tawngtai bakah, thosi laka min veng turin a dil a. Mutna an phah ve a, thosilen a zar leh ta thaks mai a, a lawmawm dangdai ve khawp mai
Report this comment
September 17th, 2011 at 10:09 am
# 19… Savawm liah a han in liah lep lep mai chuuu(h)
Ngaihnawm hle mai, duh aiin a tawi deuh..
Report this comment
September 17th, 2011 at 11:06 am
A ngaihnawm hle a, a tawi hle bawk! Similar post chu a mak hlawm hle mai.
Report this comment
September 17th, 2011 at 11:17 am
#17 feeder, kei ai chuan i chang sang a nih chu maw le. Kum 10 mi vel ka nihlaiin Kawnpuiah khuan ka awm ve zawk tawh a, vawikhat chu ka tui kawt nen kan intawk a. Ding meuhin min en vang vang a, ‘i fel hle mai’ min ti ringawt a, lawmawm ve duh tak chu a ni. Ka ngaihtuah let leh hian Pu Chawngkhupa chanchin ka hriat ho hi Kawnpuia ka awm hma a mi deuh vek kha niin ka hria. Kawnpui ah khan Pu Chawngkhupa chanchin hi an sawi ka hre ngai mang lo. Tin, an in pawh kha di leh dap a sak hlui ve tawh deuh mai a ni a. A fanu nen mawlmang takin an khawsa ve nawlh nawlh thin ni maiin ka hria.
Report this comment
September 17th, 2011 at 12:56 pm
Post ka vil hman loh chu le….! Pu Chawngkhupa chanchin ziahna lehkhabu chu ka nei ngei mai a, mahse tunah ka kawl mai si lo! A hla phuahte pawh a awm nual tak a sin.
Report this comment
September 17th, 2011 at 1:01 pm
Sawi tur tam tak ka nei lo tlat mai… a va kham awm loh ve aw tih bak chu..
Report this comment
September 17th, 2011 at 1:14 pm
A ngaihnawm hle mai a,savawm chu ava khawngaihthlak ve aw.
Report this comment
September 17th, 2011 at 1:40 pm
Pu Chawngkhupa hi kan naupan laiin khatla veng biakin ah a rawn inkawm tawh. Puan a bih a, a dangdai reuh khawp mai.
interview chu van khawmawm loh ve!
Report this comment
September 17th, 2011 at 1:42 pm
van ngaihnawm em…lo ziahbelh zel teh khai.(Y)
Report this comment
September 17th, 2011 at 2:18 pm
Ngaihnawm khawp mai. Kapu RL. Kamlala pawh kha khaw kar kawngah hian Sakeiin a hruai thin.
Report this comment
September 17th, 2011 at 2:22 pm
Ava ngaihnawm leh pek em!
Ka confi ta sawt mai. Titi leng han awih mai hi ka harsat thin a.
Report this comment
September 17th, 2011 at 2:30 pm
Ngamtlakah hetah hian dah ang aw. Tha ka ti thin khawp mai… Lo en/ngaithla ve r’u.
https://www.youtube.com/watch?v.....&NR=1
Report this comment
September 17th, 2011 at 4:35 pm
Tum khat chu Pu Chawngkhupa hian Driver nuthlawi phur hi a lo phar ve a, “Ka lo chuang ve ang e aw,” a ti a. Driver chuan, “Kan kal thui dawn lo, kan khat tawh tlat mai,” a ti a. Pu Chawngkhupa bengchhet khan engmah hre hek lo, “Driver te hi in fel mang e aw…” a ti a, a lawn ta teih teih mai a. Driver chuan, “Bam leh zo ta vek mai…” a ti chuai raih raih a…
Report this comment
September 17th, 2011 at 8:01 pm
#19 Haha…….. Ka nau lukir chiat pawh hi a liak pial then tawh
Naupang hian kan bawr luai luai zela, thawnthu leh ama chanchin te a sawia kan kil bial laih thin…..chutah savawm in duat taka a kuah lum dan vel an sawi lai chuan ka nau mipa naupang kal zir tan tir chu ala a, action in an bei cho ta anih kha 
Report this comment
September 18th, 2011 at 1:57 am
Hei zet chu a ngaih nawm hle mai.. ka super like top² e, A mah ang a mi bik nih hi ka chak leh zual khawp mai nakin a thrangthar ten ka chanchin ngaihnawm ti tak a an sawi a tan tal pawh.
Report this comment
September 18th, 2011 at 1:58 am
#32 Hmun dangah pawh alo ching tho ani maw hahaha dangdai riau asin
Report this comment
September 18th, 2011 at 7:45 am
Savawm chung chang khi in sawi ang khian a kal zel dan hriat ava chakawm ve le ! Pu Chawngkhupa chanchin in han share liam liam hian he Post hi a ti hlu zual hle in ka hria. Thank you all.
Report this comment
September 18th, 2011 at 9:56 am
Vawi khat pawh mi Aiawt chiaha tla chakai a lo chhuah vek mai a ni awm e. A han chhuah chiah chu lui mawng lam panin an Halelui thla chuah chuah e a ti!!
Report this comment
September 18th, 2011 at 11:05 pm
Kan naupan lai in kan khua ah a rawn kal a, kan bial thap a thu eng eng emaw kha a sawi a, kha kawng lo kian ru atia RUL a rawn tleng phei kan hmu chiah chu kan tlanchhe nasa hlawm khawp mai! Mak ve tak a ni.
Report this comment