1. Chawngkhum dan tlang huat loh : Fiamthu thiam ten, fiamthu an thawh dawnin, “Kha, Chawngkhum dan tlang huat lohah aw,” an ti fiam thin. A tobul hi sawi dan chi thum a awm:
a) Hmanlaiin ‘Chawngkhuma’ hi a awm a, fiamthu a thiam a, fiamthu a duh em em bawk a, a thusawi leh a thiltih hi miten huat enah an en ngai lova. Nuihzatah an laksak mai mai zel a. Vawikhat pawh Chawng an chennaah nula te nen an inkaihkuah kual put a; Chawngkhuma chuan a Thimkual (Dawhkilh) chu a titla palh hlauh a.
A han chhar a, a han lak chhoh zawng chuan a nula kaihkuah pawnfen chu a thimkual chuan a pir hlim deuh a, a khawivah lawi a lang deuh iau iau a. Nula lah chuan a hre der si lo. Mite lah chuan an lo hmu ru a, an nui deuh tat tat hlawm a. Chawngkhuma lah chuan a haider lui tlat a. Nakina nulain a han hriat ve hnu pawh chuan Chawngkhuma tih a nih avangin a haw lem lo a.
Chutianga Chawngkhuma tih a nih avanga huat lem loh anih thin atanga he thu ‘Chawngkhum dan tlang huat loh’ tih hi a lo piang chhuak ta a ni an ti.
b) Chawngchen lai hian pa pakhat hian nu pakhat pawnfen a hlimsak a, chu nu chuan thuchhia, thubuaiah a la a, Lal hnenah a sawi ta a. Chawnkhuma chu Lal Upa zinga roreltu fing ber a ni a, ama rel tur a ni a. Tichuan Chawngkhuma chuan rem dan tur a ngaihtuah ta a. Lal Upa zing ami mi pakhat hnenah, “Ka nupui a lo kal dawn a, a lo kal hunah a pawnfen lo hlim sak la, thubuaiah a lak pawhin ka lo ngaidam dawn che nia,” tiin a lo be ru hmasa a.
Chawngkhuma nupui chu a lo kal a, chupa chuan a pawnfen chu a lo hlimsak ta ngei a. Chawngkhuma nupui chuan thinrim em emin thubuaiah a la a, Lal hnenah a sawi ta a. Chawngkhuma ho chuan an han rel ta a. Chawngkhuma chuan, “A, Chawngchen laite a ni a, tumahin thubuai hlabuaiah i la lo tlang mai ang u,” a ti a. A hma-a thubuai nen chuan an inngaidam tlang ta vek a. Hemi thu atang hian ‘Chawngkhum dan tlang huat loh’ tih hi a lo piang ta a ni.
c) Chawng an chen ni chuan an ri ta khum khum thin a, Darkhuangte an vua a, darmang te an tum a, Tumphit te an ham ri chul a. Hetianga Chawng chen ni na na na hi chuan an zalen em em a; tlangvalte chuan nulate chu an lo fiam na deuhin, an Darkhuang tumpawnte chu lo chul thuak thuak mah sela, huatthua lak tur a ni lova. Chawng chen nia huatthu a chhe lova an ri khum khum chu chawiin, ‘Chawngkhum dan tlang huat loh’ tih tawngkauchheh hi a lo piangchhuak ta a ni an ti. Heta ‘Khum’ hi ‘ri khum khum’ sawina a ni an ti bawk.
2. Fuliafa : Rannung ke pali nei sawina a ni a, ‘Fu’ chu ‘ke’ (Fu ke chawn ban tih angin), ‘Li’ chu ‘pali’. A lam rik dan: Fu-li-a-fa (fulia tih ni lo in)
3. Romei : ‘Romei a zam, lung a leng zual’
Hmanlai Lalte hian an chhungte thi chu Kuangin an ur vut vut a, an ruhro chu ‘Ro’ ah dah that an duh avangin. Chu ruhro chu thul mawngah an dah tha tlat thin. Chumi an urna meikhu chu, ‘Ro urna mei khu’ anih avangin ‘Romei’ an ti ta a ni. Mahse, tunah chuan tlang bawm meikhu anga zam chiai chiai apiang hi ‘Romei’ kan ti ta mai a ni.
4. Run : ‘ Tlai khua lo ngui, run In kan bel’
‘Run’ hi hnim chi khat a ni a, Di (Sun-grass) ang bawkin In chunga chih a ni ve a ni. Khaw thenkhat chuan In chungah an chih thin a, Cherhlun khaw ramah phei khi chuan, ‘Run zawl’ a awm an ti. Tichuan, Run chihna In chu ‘Run In’ an ti a, ‘Di’ chihna In chu ‘Di In’ an ti a, Thilthek te, Laisua te, Siallu te chihna In chu ‘Rap In’ an ti a. Rangva chihna In chu ‘Rangva In’ an ti ta a ni. Mahse, tunah chuan kan hla phuahtute hian In reng reng kawkin ‘Run’ tih hi an hmang a ni ta ber e.
5. Siang/Siang lawi : ‘Siangah an lawi mi hraileng zawngte’
Zopa ina Kawngka kan tura pin, foot khat vela sang, Nu tuichawi thut thinna lai tak hi Siang chu a ni. Mi thenkhatin ‘siang bat’ an ti bawk. A hlutna: ‘Siang’ kan kana inchhung kan luh hma chu, pawn sumhmuna awm kan nia a, ina leng lut a la tling lo a ni. ‘Mo’ lawi tur pawh ‘siang’ a kan luh hma chu lawi a la tling lo.
Puithuna: Unau mipa (sal thiangin) a rualin nupui nei dawn sela, ni khatah a rualin lawi dawn bawk se la, he Siang kan lut hmasa zawk zawk fanauah an tluang (an sam) a, kan lut hnuhnung zawk chu an tluang lo duh an lo ti thin a, chuvangin mi puithu deuh chuan mote chu a rualin an kan luhtir chawk thin.
(Source: ZO HNAM DAN DEH by V.L.Ruala)
September 19th, 2011 at 9:18 am
A va reh ve…….comment ve ula..
Post tha/tangkai tak a nih hi…..
Report this comment
September 19th, 2011 at 9:30 am
Ri khum khum tih khi ka hriat vawikhatna..a dangte pawh khi ani tho mai. Thil hriat belhna tha tak anih hi.
Rulngan tih a ngan tih tak hi engtihna nge maw ni le? Ngun tihna lam ani em aw te ka ti mai mai..
Report this comment
September 19th, 2011 at 9:41 am
Ka hriat loh ka hriatphah teuh mai a.
Report this comment
September 19th, 2011 at 9:59 am
Run hi hnim chi khat ani tih ka hriat vawi khatna….. post tha tak a nih hi le
Report this comment
September 19th, 2011 at 10:52 am
A va manhla, Etymology lamhawi hi zirna ka hmawrbawknaa ka subject ve pakhat a ni a, ngaihnawm ka ti kher mai! Part 101 thleng awm se ka ti ber mai!
Report this comment
September 19th, 2011 at 10:59 am
@lalrinasailo : Ka SAVED hmaks!
Report this comment
September 19th, 2011 at 11:00 am
“Zo hnam dan deh” tih awmzia hi ka man lo, though!
Report this comment
September 19th, 2011 at 11:02 am
Report this comment
September 19th, 2011 at 11:12 am
A va bengvar thlak ve le. ‘Chawngkhum dan tlang huat loh’ tih tilar tu hi chu Vanapa kha a ni awm e. Kei Mizotawng thiam inti ve tak hian, ‘Ri khum khum’ leh ‘Mizo dan deh’ tih khi ka lo hre ngai hauh lo mai. Khawilai area bik tawng kauchheh emaw anih hmel. ‘Run’ Lui pawh thawnthuah a awm kha.
Report this comment
September 19th, 2011 at 11:12 am
Pawnfen hlim chungchang khi ka hriat dan nen ava in anglo ve, pawnfen hlim tir tu khi Vanapa angin kalo hria asin, hetiang lampang deuh siamthat nan tho… chawng chen na a hmeichhe zu in ve thin… tihvel emaw ni kha le… ka chianglo rei ruai.
“khawivah lawi” tih tak mai khi kala hre ngailo re re bawk. A sexy lai vel tak sawina anih hmel. heheh
Report this comment
September 19th, 2011 at 11:20 am
Good Post.. Ka la hriat loh a awm nual mai
Report this comment
September 19th, 2011 at 11:42 am
@funny : Khawivah lawi” tih euphemism mawizia hi! Sawi fiah a ngai LO! Hmuh fiah a ni zawk!
Report this comment
September 19th, 2011 at 11:47 am
Pu T. Lalnunpuia, Postal-a thawk a rawn leng lut chiah a, ka zawt a, RI KHUM KHUM tih hi khawpui ri rum rum poetic taka hman a lo ni ve awm e. Ka hriat vawikhatna ve tho. A len luh laiin ka rawn ziak a ni. “Hmanlai hla phuahtuten an hmang,” tiin a sawi a, khawi area bik nge erawh a sawi thei bik lo. “Hman uar em em chu a ni lo,” a ti.
Report this comment
September 19th, 2011 at 11:49 am
Pawnfen hlim hi chu mipa tih tur deuhvah ka ngai. Hlim hun hi hlim taka hun hman dun lai ni se. Kekawr an hak leh thu dang!
Report this comment
September 19th, 2011 at 11:53 am
@funny: Khawivah lawi chu kaiza chho vel hi ni mai in ka hria (confi lo rupsss
). “sexy lai vel tak” i tih hian kap bawr vel turah ka ngai deuh ngawt a. 
Report this comment
September 19th, 2011 at 12:00 pm
A nihphung athuin taksa pum mai hi “khawivah lawi” a ni thei ber e, thawkkhat March – April vel lai khan ni sa hnuaiah, ram palailengah hna kan thawk a. Zan hmasa lamah kan lo duk hnem bawk a, thlan a han sa a, a rim a han nam chak chak chiah mai chu, khawivah hian bu rawn chheh an tum va va zel mai, ninawm lam a kai!
Report this comment
September 19th, 2011 at 12:02 pm
Report this comment
September 19th, 2011 at 12:10 pm
Ozima: Camel toe vel anih kalo ring deuha, Pu chawnghilh a sawi angin hmuh fiah ve kalo chak ve viau asin. I sawi hmangin a hit leh vaklo anih chu.
tak takin a tawngkam hi a mawi khawpmai.
Report this comment
September 19th, 2011 at 12:18 pm
Hmeichhiain chawn chunglam an tilang ngailo. Kan naupan lai han ti ve khanglang ila, High sikul zirlai pawh kha nula uaih tawh an ni mai a, an uniform pawnfen khup khuh hnalh pawh kha an han pen kau deuh khan kaiza alo lang thei thin a ni awm e, kan kawta nilum ai putar ho hian hmuhnawm an tih zia kha an sawi khawm laih laih thin
Report this comment
September 19th, 2011 at 12:20 pm
Ni ve thei tho mai thei.ka awi full lemlo.ot lok ka lu hi taksa chak lo zia deuhin a rawn in shake leh ne ne zel,achhan niawm hria kan awm mial em le?
Report this comment
September 19th, 2011 at 12:34 pm
Area leh khua/veng te te hian tawng kauchheh bik hi kan nei duh khawp mai a. Nui hum hum, nui hluah hluah, nui dur dur te pawh hi, Pangzawl velah chuan, ‘Nui duai duai’ an ti daih.Hnahthial leh Lunglei velah pawh sawn, Thian rual zau tham tak chuan ‘Ka thianpa’ tih aiah hian ‘A hiapa’ tih ngat hi an hmang thin. Chutiang zelin Serchhip te, Hlimen velah te pawh, tawng hman bik dangdai tak tak an neih hlawm kha.’La deh thiam’ nge tha ang ‘Zo dan deh thiam?’. ‘Khawivah lawi’ tih pawh hi tawng mawi tak a niin ka hria. a sexy ru tlat.
Report this comment
September 19th, 2011 at 1:01 pm
khoivah lawi chu mipa tan chuan sawifiah vak ngai pawn ka hre lo aa
Report this comment
September 19th, 2011 at 1:22 pm
Dan deh tih hi chu tih dan/ chin dan than sawina atan an hmang ber thin. JF Laldailova khan a dictionary-ah khan customary lehlinna atan a hmang. Chawngkhum dan tlang huat loh tih hrilhfiahna hmasa ber khi kei pawh ka hriat dan a ni. Khawivah lawi hi chu khup chung malte vawng tir lai sawina a ni. Khawnbawl upa nupui pawnfen hlimsak chungchang khi chu ka hriat dan chuan Vanapa a ni.
I post hi ka like e..
Report this comment
September 19th, 2011 at 1:34 pm
23@ khawivahlawi kan hriat dan a in ang.
lrpa@2 rulngan thi tawhah kan khaw parawn pakhatin min kawh hmuh a, a lu ziaah hian a lai takah nganbel ang chiah zia a awm mawle, hei vang hian rul ngan an ti, tiin min hrilh.
post ngaihnawm a, a hlu bawk.
Report this comment
September 19th, 2011 at 1:57 pm
In lo comment tam hman hlawm phian a.Post tha tak a nih hi. Chawngkhum Dan Tlang huat loh tih khi chu kan hriat dan a inanglo deuh. Vana Pa zawkah kei pawn ka lo ngai a.
Report this comment
September 19th, 2011 at 2:13 pm
Post tha tak a ni e,ka hriat ngailoh tam tak ka hriat phat a,a post tupa,ka lawm e.
Report this comment
September 19th, 2011 at 4:25 pm
“ZO HNAM DAN DEH”
Ka va man mai lo deuh….
Dan Deh ?
Report this comment
September 19th, 2011 at 4:28 pm
Bengvar thlak e
Report this comment
September 19th, 2011 at 5:07 pm
#23 Terema Chhakchhuak, sawi ang khian ‘Zo’ tih chu Mizo sawina a ni mai a, ‘Dan deh’ tih chu ‘Customary’ tih hrilhfiahnan J.F.-a’n a lo hmang bawk a, ‘Zo Hnam Dan Deh’ tih chu ‘Zo hnam nunphung’ leh ‘Tih dan’ sawina a ni ber ang chu.
Report this comment
September 19th, 2011 at 8:06 pm
Hetiang thu tobul leh ahmandan hi thangtharte hian kan hre tlem a, hriat a hman tam kan mamawh. Post tha tak ani…
Report this comment
September 19th, 2011 at 8:43 pm
Ngaihnawm hle mai…………a thu ken ho a chu a enga pawh chu lo nise, hriat voikhatna a tam a, ‘khum khum’ tih phei hi chu ka la hre ngai lo. kan pi eh pu te khan thu uar nan a an hman thin hnamdang ten a an ngah lem loh(ka hriat ve chinah) a saptawng takin Double verb/adverb(ti ve khanglanglang ila), an lo neih te hi a hlu riau a kan hriat chu le…………..
Report this comment
September 19th, 2011 at 10:23 pm
Tha hle mai
Report this comment