(…chhunzawmna)
3. PU HUALCHHUNGA : Ani hi Hualchhung Lumeta ti pawha hriat thin a ni. Mizoram pawna Puanthui zir hmasa an ti thin. Shillong G.S Road chhuk Punjabi puanthui bulah kum 3 lai chu a zuk khawsa nia sawi a ni. Ama zir loh nge an hotute thiam loh, kawrkilh kaw thui chiah thiamin a lo kir a ni awm e. Chutih vanga ‘Hair Cutting’ lumeh hna thawk kumkhua ta a ni.
Pa hleitling leh hmel fel pangngai tak a ni. Mahni chanchin zep nei miah lo leh a ngaihnawm tur zawnga sawi thin mi a ni a, a bula awm hi a hlimthlak tlat a ni.
Shillong a chhuahsan hnu lawk em ni? Tripura Zampuitlangah a chhungte kanin a zin a. An khawl chhia chu bawlhhlawh vang mai a lo niin a han tifai a, a tha a ti ta mai. An khaw Lal, Raja Hrangvunga’n a lo hriat chuan an khawl ensak ve turin a sawm ta a. A hawn dawn tukah chuan tukthuan tui tak an lo siam saka, a han khawihsak ta a. A eng mah hre hek lo, an kawt pialtlepah chawi chhuakin a han mawhchhiat ber thil kawm pakhat chu a han chhu ngil ta ngawt a. A kalsan dawnin, Sa-um mawm tak hnawihin hapta 3 ni sa hnuaiah pho turin a chah ta a ni.
Engkhaw ni ta hek lo, an Lal chu a thinur hle mai a, thah mai duh angin a ang a a ni ngei ang. A chhungte chuan lehkha an rawn thawn ta a. “Kan Lal a thinur em mai a, heng laiah chuan a lal nasa mai si a, thah pawh a that duh tak tak mai ang che. Raja Hrangvunga dam chhung hi chuan rawn zin tawh hlek suh,” min rawn ti a ni, amah ngei khan a sawi thin.
Pulpit a han chuankai ve te kha a thil ngaihsan zawng tak a ni a. Tum ta chuan hun pawh a chang ve thin a ni ngei ang. Vawikhat pawh Venghlui Biak Inah thu a sawi tum chuan, “Kei pawhin a awmzia ka hriat chiah loh, Saptawngte kha ka telh a ni,” a ti a. Inkhawm banah chuan Pu Hrawva B.A leh Dr. Thuamate kha enge a awmzia tiin an zawt nak nak mai a ni a tia lawm. Dawrpui Biak Ina hun a chan ve tum pawhin, a thusawina-ah pawh, “Tu mah rengin a va sawi tha em em an ti lo, a rin thu ringawt a sawi mai. Babutlanga Bengali Club atang te khian a ngaihthlak nuam tawk a lo ni awm e,” tiin. Eizawn nana lumet awm chhun kha a nih bakah, thiam pawh a lo thiam hle a ni ta ngei ang. Missionary-ho zawng zawng khan an ruai vek a.
Durtlang Hospital Nurse hmeltha Pi Sangi an tih leh Dr. Ketlawna (Williams) te chhung lumet tur khan Durtlang pawh a thleng reng a. Chutih laia ka Pu (M.Suaka) Sakawr hmul pawh thla 6 danah a rawn met ve pah thin a. Chumi zarzo chuan keini naupang lu pawh min meh sak ve nghal thin a. A thusawi ka la hriat reng chu : “Sap nula hmeltha tak, kapkalakah kan han thut tir a, duh duh a kan kai her te chu man lo pawhin kan met peih tur hi a ni a, miin siki min pek laiin siki-3 min han pe lehnghal si a,” tiin Pi Sangi lu a meh thu a sawi a ni.
Kum 1950 laia Pu Mendus-a te nupa Sapram atanga an lo zin khan, Pu Mena te nupa khan an lu met tur khan an chah a. A kal lawk lo va, a han kal tak chuan Pu Mena khan ngamtlak tak khan, “Hualchhung, engati nge ka ko che a, i lo kal lawk loh?” tiin a lo chhuahchhal a ni awm e. Ani ta pek chuan, “Tun hma ang khan Sap-ho hi kan hlau tawh hlei nem che u,” a han ti ve ngat mai anih awm kha. India Independent hnu kha a lo ni tawh si a, Pu Mena te pawh khan a ni tih chu hrethiamin an hlimpui hle zawk ta awm e.
4. GERMAN-A : Thakthing Damveng a mi German-a (German-kebaia tih bawk thin) kha Lungchher-a eizawng a ni a. Kebai e ti lovin tlawmngai thei tak leh titi thiam hmingthang a ni ve thin. Vawikhat Mission Venga mitthi lumennah a ti ti kan ngaithla a. Mi anga Rs. 100 fai kenga nupui zawn ve a chak thu a han sawi chuan, a bul a mite’n eng vangin nge tih an han zawt ta a. Ani khan nupui vawi thum lai a lo nei tawh ni tur a ni. “A hmasa pahnihah kha chuan cheng khat mah ka seng lo ve ve a, ka la hlawk zawk ziah a. Tuna a hnuhnung ber kan Lusei-nu kha a chhuah dawn tukin ka lukham hnuai a hna 6 (38paise) a lo la daih mai a, chu zawng chu ka la sen a ni,” a han tih meuh chuan kan nui nasa kher mai. Kar lovah khua a lo var ta mai a.
Similar Posts:
- Thawnthu ngaihnawm ka tih pakhat!
- Aizawl mi chanchin ngaihnawm thin thenkhatte !
- Chennai, NE to get BSNL 3G by Jan’09
- Mopa nge Mo neitu?
- Buaina manhla lo
September 20th, 2011 at 7:39 am
Chiar ang.
Report this comment
September 20th, 2011 at 7:42 am
A ngaih nawm thin e, han phawrh belh zel teh
Report this comment
September 20th, 2011 at 7:48 am
Chhiar chhuak ta, a ngaihnawm e, ka nui vir2 mai.
Report this comment
September 20th, 2011 at 7:58 am
M.Suaka kha i pu maw? Ka va hre chiang chak che e aw…
A ngaihnawm hle mai…
Report this comment
September 20th, 2011 at 8:59 am
A ngaihnawm leh hle mai. A kum hi ziak tel se, a awm ang vel tal, a ngaihnawm leh zual ang le. An thih hun emaw pian hun emaw vel te hre thei ila eng hunlai ami chiah nge an nih a chiang zawk ngei ang.
Report this comment
September 20th, 2011 at 9:02 am
Aijal, Republic veng-a Kham-Lumeta khan ka naupan laiin ka lu a met thin a, a hmanrua a bil si a. Beng hup chawn chawn chungin ka tap nasa thei khawp mai! A met tlingtla ve hrim hrim a. Dawh rei a ngai si a, lu lei a sil thum thin! Ani kha la dam tak maw?
Chhang ur hmasa leh zuar chhuak hmasa CHHANG CHHANGA an tih mai kha, a dam rei ta lo va … “Chha chha chhang chhang … tuuuuui tak … thluuuuum tak …” tiin cacophony tak khan a au thiam hmasa a. “Pan biri sikret, singara, loppap, ruti caaaakeeeeeeeee” an han ti ang deuh hian! Mahse, Sikulpuikawn pelh hret Peter Street lam ni tawh, Pu R. Zuala Compound vel hi ni tain ka hria … a chuanna motor kha a accident a, chutah chuan a thi ta a. A hun lai chuan a lar khawp asin le! Dr Zokhuma hian rawn ziak ve tak ang maw? Chutih hun lai chuan street light te hi chhit chawp ngai, leilawn pu vu vuin a chhituin thler an chan bikah an chhi eng ve thin. A lo rei ta fu mai!
A hna ruk (anna pai) tih hun laia kan chhiarkawp chawh thin kha, a buaithlak ve thei ang reng. “Pawisa lai-kua” hmu phak leh hmang phak in awm hlawm em aw?
Anna khat kha paise 6 niin ka hria a, Anna (a hna) 6 chu [6×6 = 36) 36 paise a ni thei lo’m ni ta kha aw? Engti tiha 38 paise tia a inziah le?
A ngaihnawm hrim hrim mai!
Report this comment
September 20th, 2011 at 9:22 am
“Sap nula hmeltha tak, kapkalakah
kan han thut tir a, duh duh a kan
kai her te chu man lo pawhin kan
met peih tur hi a ni a, miin siki min
pek laiin siki-3 min han pe
lehnghal si a,” tiin Pi Sangi lu a
meh thu a sawi a ni.
Hei tak mai hi….hahaha.
Good post
Report this comment
September 20th, 2011 at 9:39 am
Ngaihnawm lehpek ve..
OT lok.. Inhnuai hnawng lutuk ni hmusilo tihro dan in hre mial em? Misual thiante hian min lo hrilh teh u..
Report this comment
September 20th, 2011 at 9:48 am
Kawrkilh kaw thui chiah thiam khi ka tan tawp
#8 Kawlri hairdryer in chhem mai ula
Report this comment
September 20th, 2011 at 10:24 am
@Aduhi mei kan chhem vak a, a ro duak a, a tukah hnog leh zel a.. Huiham..
Report this comment
September 20th, 2011 at 10:28 am
Report this comment
September 20th, 2011 at 10:37 am
@ thingtlagpa.. In chhug ni saah kan zon chhuak mai dawn ami?
Report this comment
September 20th, 2011 at 11:07 am
@kawlri : Khatiang hnawng lutukah khan zan sarih a mu tawh, ka chawrche hman hle. Ni a hmuh loh miau si chuan, mei chhem a ngai. Artui CRATE hi mut chiam mai teh: a khat tawkin. A ziaawm phah hle asin!
Report this comment
September 20th, 2011 at 11:21 am
ebay ah nisa lei tur a awm mai long maw?
Report this comment
September 20th, 2011 at 11:29 am
ngaihnawm hle mai..a dang?
Report this comment
September 20th, 2011 at 11:33 am
#4 : A ziaktupa hi chu 2008 khan ‘Fam rolung mual’ min liam san tawh…..! A post-tupa hian a sulhnu ka chhui anih hi.
Report this comment
September 20th, 2011 at 11:33 am
Ngaihnawmin bengvarthlak hle mai.
Report this comment
September 20th, 2011 at 11:35 am
#15 : Nia a dang chu rawn post zel kan rum dawn nia..!
Report this comment
September 20th, 2011 at 11:37 am
#7 Lalzulian: I ngaihtuahna a puk ruih mai….lolz
Report this comment
September 20th, 2011 at 11:42 am
#8: @Kawlri : DPC (Damp Proof Course) layer 1/2 hmang ta ula a zia ngei ang. Tin, OFC+lens hmang hian in-chung atangin in-hnuai lamah eng+lumna pe thei an siam chhuak tih kha 2006/7 velah khan Magazine pakhatah ka chhiar tawh tlat. Catalyst Architect, Cong Bhavan bul a mi kha lo zawt chiang teh, an office ka len tuma ka chhiar ani nghe nghe awm e.
Report this comment
September 20th, 2011 at 11:47 am
#5@Aduh: A post-tupa hi 1925-a piang a ni a, chunglaia naupang thil hre rual anih chuan kum 10+ ah ngai ta ila 1935+ bawr vel anih awm chu. Mizo hun chhiarah pawh ‘Golden Period’ an tih lai vel a ni thei ang em? Tin, Pu Mena te lo zin leh hi 1947 hnu a ni kan ti thei ang.
Report this comment
September 20th, 2011 at 12:06 pm
A ngaihnawm leh hle mai. Nula hmeltha takin duat taka lu an han meh hian, mutthluk a awl. Pi sangi pawh hian hrehawm a ti bik lem lo a niang a, siki 3 ngawt a pek.
Report this comment
September 20th, 2011 at 12:07 pm
@lushai_er.. Ka lawm e, ka zawt ang.
Report this comment
September 20th, 2011 at 1:39 pm
A ngaihnawm thei khawp mai…Dr. Zokhuma zar kan zo leh ta.
chawnghilh@6, Pu Khama (Kham-Lumeta i tih) khian kei pawh ka lu min mehsak tawh. Hman deuh tawh khan a thi a, thla hmasa lawk khan a nupui, Nu Lali pawh a thi ve leh ta bawk. Pu Khama kha mi inngaitlawm, a bula awm hahdam tak a ni.
Report this comment
September 20th, 2011 at 2:13 pm
Lumet sawi takah chuan Zadailova khan kan lu a met thin a, a nawrna khan duh tawka a nawr chuan a na duh thin khawp mai. Pu Khama pawh kha vawi engemaw zat chu ka lu ka meh tir ve tawh.
Report this comment
September 20th, 2011 at 5:49 pm
chhiar manhla khop mai….
Report this comment
September 20th, 2011 at 6:05 pm
#21 “#5@Aduh: A post-tupa hi 1925-a piang a ni a,”
He he…..tih sual palh a ziak-tupa hi tih zawk tur 1925-ah chuan piang bik love
Report this comment
September 20th, 2011 at 6:17 pm
An hming pawh ka vawikhat hriatna ani hial maithei, a bengvar thlak thin mange a.
Kan naupan laia kan lumeh tir thin, Thakthing bazar ami pa tawite kha, meh ngawt chu a thiam, a ziahna khawl mawlh mai kha ka rap thin. Hetiang ri riap ruap mai kha naupang tan chuan alo hlauhawm ve duh viau ni tur a ni hairehai
https://i52.tinypic.com/awua7r.jpg
Report this comment
September 20th, 2011 at 8:45 pm
van ngaihthlaknawm chiang ka Like mawlh mawlh e’
Report this comment
September 20th, 2011 at 11:31 pm
Ngaihnawm ngaiin a la ngaihnawm zel.
Report this comment
September 21st, 2011 at 12:00 am
Ngaihnawm khawp mai…
Part 1 ami zawk
“Nupui pahnih han kawl mai chu, Khaukhuap leh Bak hum pawlh an sawi ang maiin a ri rup rup mai a. Ar pawhkawn sa te hi tukverhah an thlawk chhuak nawl nawl mai,” te zuk han ti thiam a. Pathum law law chu a hahdam thlak khawp mai a ti thung.
ka la nui char char….
Report this comment