Ruahsur nasa tak avanga chhiatna thleng thenkhatte

September 21st, 2011 9:00 am by Henry Vangchhia

from Vanneihthanga Vanchhawng at Facebook

September 20: Thawhlehni tlailam dar 6 vel khan Sailutar ram Tuitlaluia ramkal hawng lam mi 2 leimin in a hnawla, pakhat a thi. Ruang la hmulo.

Hemi ni hian Zarzosanga Sailutar khua leh a thiante pahnih Hruaitluanga Aizawl Durtlang leh Lawmvela Manipur Parbung khua te chu Sailutar ram Tuitlaluiah lui an kal a, an hawn lam hian tlai ruahsur nasa tak rawn thawk avang khan an kalna zawn kawngchhak a rawn min thut mai a, lei tawlh hian Zarzosanga thiante pahnih Hruaitluanga leh Lawmvela te chu a hnawl ta a ni.

Zarzosanga hian Hruaitluanga hi a hnukchhuak hman hram a, Lawmvela erawh hi chu leimin hian a hawl pil ta a ni. Zarzosanga hian a thianpa hliam natak tuar Hruaitluanga chu ramhnuaiah kalsanin, Sailutar khuaah a han zualkoa, he chanchin buatsaih lai hian Hruaitluanga hruaichhuaka leiminin a chhilh Lawmvela ruang zawn hna thawk turin Sailutar atangin tlawmngaiin ram lam an pan mek niin thu dawnna chuan a sawi.

A dangte:

1. Zanin thimhlima ruahsur nasa tak avangin Aizawl khawpui hmun hrang hrangah harsatna thleng a awm nual.

Zanin dar 6 vel khan Zonuam Govt. Complex road-a Pu Zoramthanga te chhungkua chuan an zanriah chawhmeh tur an la chhuang mek a, ruahbawhawk a rawn tlak khan an kawmchhak leimin rawn tawlh chuan an kawngkharpui chu a rawn ti ri thrawt thrawt a, pa ber Pu Zoramthanga chuan an kawngkharpui hawn a han tum chuan pawn lama leimin chuan a rawn chhilh bet tan tawh a, theih tawp chhuah a a han tlawh thuai thuai hnu chuan tlanchhuah theihna khawpin a chhuih hawng thei ta a, hmanhmawh takin an chhungkaw member 6 te chu pawnah an chhuak thei ta a ni. An eirawngbawl mekna gas an off lo tih hriain Pu Zoramthanga chu hmanhmawh takin inchhungah a tlanlut leh a, Gas a off a, a tlanchhuak leh hmanchiah tihin leimin nasa tak rawn thawk leh chuan an inluah lai chu thlanglamah an inchhung bungrua zawng zawng nen a hnawl liam ta a ni.

Pu Zoramthanga te inluah Assam type building hi Pu Zothana Tuikhuahtlang ta a ni a, chhawng hnih a ni a, inhnuai lam chu kudam atana an hman a ni. Thi leh hliam an awm lo.

2. Zanin thimhlim dar 6 velah tho khan Chawnpui leh Zotlang inrina Zotlang lam area kawng an a, Pu Lawmawma te chenna in Assam type tho chu an kawmchhak leimin leh rawhung tawlh in a delh a, thi leh hliam an awm lo hlauh. Pu Lawmawma in hi a ban leh beam te cement concrete a ni a, in nghet tha tak a nih avangin lei leh rawhung tawlh hian a hnawl thlu lo hlauh niin a lang. Tlawmngai chhuak khawm ten bungrua te thiar chhuakin in hi an thiat mek.

3. Zanin dar 6 bawr velah tho khan MG Road Tukhuahtlang Area-a JL Cinema hall hlui lungrem leh beam te chu a chima a thlang kawngpui a hnawhping hneh hle. Cinema hall hlui bang hi chim maithei dinhmuna a din avangin a chhehvela chhungkaw engemawzat te chu inthiar chhuah tir an ni.

4. Ngaizel kham pheiah lei leh hnawl tawlhin helai kawng pui hi a hnawh ping a, motor tlanm tlang theih turin JCB hmanga hna thawh mek a ni.

5. Kulikawn atanga Modelveng panna kawngpui James Dokhuma(L) inpiah chu a chhak liminin a hnawh ping hneh hle.

Heng bakah hian hmun hrang hrangah leimin avanga harsatna thleng hmun hrang hrangah a awm nualin a rinawm..han thawh khawm ve liam liam teh u lem.

21 Responses to “Ruahsur nasa tak avanga chhiatna thleng thenkhatte”

1
Zephenath Says:
September 21st, 2011 at 9:06 am
(Y)…good post-bad news

Report this comment
2
rowland vanlalawia Says:
September 21st, 2011 at 9:11 am
Vanneihna kara vanduai te an tawrhpuiawm.

Report this comment
3
shailendra Says:
September 21st, 2011 at 9:12 am
Fur lai leimin leh kan khawsak hi chu ava han in hne hnai tak em…

Report this comment
4
khumchikthei Says:
September 21st, 2011 at 9:24 am
A hmunah chuan lei min hi a hnawk tham khawp mai.

…Khrum

Report this comment
5
Maya Says:
September 21st, 2011 at 9:28 am
A va pawi ve , Sailutar lam chu ruang zawn ava buaithlak duh awm ve aw . . a bengvarthlak e .

Report this comment
6
bk Says:
September 21st, 2011 at 9:29 am
A va pawi ve aw… Leimin vanga chhiatna hi kan la tuar reng mai dawn a nih hi.

…Khurirum

Report this comment
7
Bodom Pautu Says:
September 21st, 2011 at 9:39 am
zialo hlawm hle mai..

Report this comment
8
Kawnga Says:
September 21st, 2011 at 9:43 am
Bengvarthlak e, mihring nunna kan chan tam lo hi a lawmawm. Lei hi chu min awm reng hi a ni, kan ram leilung thlir hian.

Report this comment
9
Chhuaklinga Says:
September 21st, 2011 at 10:08 am
Lawmvela chu ka va lainat tak, a mangang dawn e mai. Thlamuang takin chawl mawlh rawh se.

Vanduaina tawk tute ka tuarpui e.

Report this comment
10
melody Says:
September 21st, 2011 at 10:50 am
A pawi thin mang e o… vawin chu veng tam takah hnatlang a chhuah a ngai dawn a nih hi… Mi mangangte Pathianin awm pui mawlh rawh se.

@Bodom Pautu, ‘Pautu biangtai’ pui ka hmu e…!!!

Report this comment
11
century child Says:
September 21st, 2011 at 11:22 am
Post lungchhiatthlak tak a ni.

Report this comment
12
sisen Says:
September 21st, 2011 at 11:32 am
OT…
Tinge maw post hi comment off fo le?

Report this comment
13
DXBFreak Says:
September 21st, 2011 at 11:53 am
Ngati nge H.V a hian a post teh mial le, Mizorama awm ho khan rawn update zel teh u kinchangin.

Kan awm na ah lah ruah a sur ngai reng reng lo bawk nen..

Report this comment
14
kawlnicolney Says:
September 21st, 2011 at 11:59 am
Nimin tlai kha chu a buak hnem em mai baka a rei em bawk ani.

Report this comment
15
Pc-a Says:
September 21st, 2011 at 12:26 pm
kan kawmthlang lungrem a chim a, a chhan leh vang mawhpuh tur zawn ruai a awl ngei mai. Ruah sur vang ni bawk mahse.

Report this comment
16
Silver Oak Says:
September 21st, 2011 at 1:13 pm
State dang ten harsatna tam tak an tawh ang kan tawh ve loh laiin . Leimin ,tuitla tih vel hi kan tuar nasa bik khawp mai apawi hle mai, Harsatna tawk chhungkua te Lalpan awmpui rawh se.

Report this comment
17
James Bond Says:
September 21st, 2011 at 1:14 pm
Lungrem chin hi a hlauhawm thei tak tak ani. Fur lai ruah tlak hun chhut rana lungrem leh a chhak leh thlang lama tui luan kawr (dranage)siam hi compulsory sela ka ti.

Report this comment
18
xotea Says:
September 21st, 2011 at 1:43 pm
zia lo thin hle mai. A beng var thlak e

Report this comment
19
H.Vangchhia Says:
September 21st, 2011 at 5:15 pm
DXBFreak #13 ka post tehmial chu a pawi em ni a, Zoram lam aiin ka che rang tihna ani mai alawm hairehai

Report this comment
20
sheldon170 Says:
September 21st, 2011 at 5:44 pm
Ruahsur vanga chhiatna tawh hi chu kan inhmeh. Khawi ah mah plan mumal awmlo. Tuihawk in luanna tur hre hek suh. Mizoram te chu natural drainage kan nei a..te zuk ti a. Nuihzatthlak e…hehe!

Report this comment
21
doc_lib Says:
September 21st, 2011 at 8:19 pm
20 sheldon nia kan la tuar zel dawn anih hi. kan in hmeh tlat ti ro

Report this comment