A nui sen sen reng a, a nun kha a awhawm êm êm reng thin. Mahse, a hlim lai a rei lo khawp. Khatiang reng renga nun beihvai leh runthlak kha hmang dawn tih inhria se zawng, he khawvel hi a lo hnuchhawn daih tawh ang.
Kan inneih atanga kum tam a ral hnuah pawh, fa kan nei thei lawk lova. A chhul lampang a that loh avangin a ni telin a danglam chho tan a, damdawi leh damdawi thiamte nên tangkawp ve bawk mah ila, Khuanu remruat kan dal thei si lo. Kan hmalam hun thlira hlimtaka kan suangtuah dun thinte pawh up bo an lo ni zo ta.
A ni telin a buai chho tan a. Engpawh ti ila, ka tel lova chaw pawh ei duh ngai lo kha hlimtakin kan kil dun thei ta meuh lo. Intithianghlim peih êm êm thin kha atawp tial tial a, mumal lo leh awmze nei lo takin a vei ang ang a sawi fova. Min ti zak lek lek reng fova, a â tan a ni ber.
A chhul paih sak a, a pangngai leh mai ka beisei tlat a. Mahse, doctor ten awmzia a nei tawh chuang lovang an ti tlat bawk si. A damdawi leh injection chi hrang hrangten hnathawk ve bawk thin mah se, damdawi thiltihtheihna a kian meuh chuan namen lovin a buai zual sauh zel bawk si. Bible meuh chhiar a, a lu chunga kut nghata ka tawngtaina thinna chuan awmzia a nei thui hek lo.
Hnathawkin ka chhuahsan lo thei si lo. Chau leh hahtakin ka hawng a, peih leh peih lova chhuanchhum a ngai a. Bungbel hmun hrang hrangah an let rem rum a, patling lu a hai thin. Heng hunah hian hmangaihna dik a lo lang dawn chauh a lo ni.
Ka rilru tina zualtu chu, Pathian hmaah meuh a pasal tana min tiam tu khan- pawngsual tum ang a min puh tlat thin kha a ni. Chhuat laia awmze nei lo baksaka a let reng chu ka chawikang a, khumah han mut tir ka tum a. Pawngsual tum leh sawisa turah min ngai tlat a. Aw, a va lungchhiat thlak thin em.
Zingah thingpui tui tak siam sakin a kiangah eitur nen ka han chhawp a, a vawthlep sil nan leh infiam nan mai mai a hmang a. A hnuah engmah pe duh lo leh atana ui tlatah min puh leh hnuhnawh a. Chaw ei naa, nutling meuh a zung nam rum rum thin kha a mak hranpa lova. Zual lam a pan zel a lo ni tih ka chiang si a.
Chhungkaw harsat a zual a, suangtuahna thui tak a vak thin. A chang phei chuan, patling meuh pawh duhthusam a nep thei khawp. Mi hausa khama tla tur chhanchhuak hlauh ila, ka nupui a dam thlenga enkawl min tiam se ti mai maia duhthusam a awl khawp. Thluak a buai a, mi â dahkhawmnaa dah chu ka phal ngai dawn si lo. Dah chu sawi loh, a suangtuah pawh ka phal ngai lovang.
Ka chhuah loh chuan ei tur kan nei dawn si lo. Ka chhuahsan hlan chuan kan buhfai neih chhun tlemte, sazu ek nena inpawlh niai te chu nilengin ar chaw atan a lo pe leh ang a. Blanket bal miah lo kha tui tlemte awmchhun khan tul lo takin a lo chiah huh hnup bawk ang. Intifel zetin ka pho a ti ang a, chhuat lai takah a lo pharh leh diai duai dawn a. Bungbel a lo darh leh nuai dawn tih ka hre bawk si. Duhthlan tur avang khawp.
Van malsawmna ruahtui ringa nung ve mai mai thin leh sei lian, kan in bula thingkung awmte kha tuipek ngai tlat nia hriat tlatna a nei a. Bucket khat luau-in a khai ang a, tui a han pe leh lawp lawp ang. A chang leh thenawmte pangpar nen lam tui a han pe bawk ang a, a tui pek zawh chuan pangparte chu a en vang vang a. ” I nui ti raw?Thinrim reng reng suh aw, ka enkawl reng ang che. Ka hmangaih che asin, nang lo chu thian pawh ka nei tawh lo.” A tawngkam atang chuan mi pangngai a ang a, a buai tlat si.
Zingkhat chu ka chauh tawh em avangin thawh ka hai chiang kher mai. Ka han harh meuh chuan, ka nupui chu a lo awm tawh hauh lo. Hmanhmawhtaka ka thawh chuan, choka lamah ka tlan phei nghal a. Dawhkanah chuan fel taka thingpui lum sa diam a lo awm a, mak ka ti ngei mai. Mak tia ka din reng lai chuan ka nupui ngei mai chu a rawn nui lut sen sen a. Ka mitvai a ni mawlh lo, ka nupui ngei a ni si.
Thla tam tak hnuah a nui hmel ka hmu kha mak ka tih rualin, ka lawm bawk si. Ka kiangah lo kal hnaiin, “Duhtak, ka dam tawh niin ka inhria a, tawngtai turin Biak Inah ka kal asin.” Ka kuah chawt a, a ni pawhin nghet takin mi kuah vawng vawng a. ” Dam tha ila chuan, hetiang reng reng hian i buai leh i hah hi ka phal ngai lovang.” A dam lova, a harh thei si lo a ni tih a inhria a lo ni. Dan rual lohvina biangah mittui a sur zawih zawih a, mi kuah nghet sauh va, ka awmah mittui a luang a. Mittui hlu tak chu a va han ni em.
Kar khat zet a damthat hnu chuan, ka lawm em avangin a chhungte leh ka nu leh pate chaw ei ah ka sawm a. Hlimtaka chaw kan ei lai chuan, engmah pe phal ngai lo leh ka vuak reng thu a sawi leh ta heu mai le. Mak tiin min en thap a, a buai leh tan a ni tih ka hai mawlh si lo. A chaw thleg a beng baw thuai a, a tho nawlh mai le. Chutia a han awm takah chuan an hrethiam ve ta mai a. Kan hlimlai ni a va rei lo tak em. Patling thinlung mittui a sur leh thin.
Hmanhmawh taka Pastor kohvin, a tawngtai nghala. A awmthat duh tlat loh avangin ka kuah bet tlat a. “Lalpa….” a sawi zawm hmain hnunglamah kan let dun thak a. Theihtawpa kuah betin a tawngtai zel a, hmasawnna a awm thei si lo.
A buai belh sauh in ka hria a, that lam ai chuan chhiat lam apan zel a lo ni. Ngaihtuahna mak deuh ka put chang phei chuan, tairaw tiangin a kawngah hlap thawt ila, a natna atang hian a harh hlenphah ka ring rum rum a. Suangtuahna atthlak mai a ni si.
A buai belh zel takah chuan a kiangah ka awm ta chawt a. Chutia veng reng e ti lo chuan, ka hriat loh laiin a lo bo daih mai a. Pawngah hmanhmawhtaka ka tlan chhuah chuan, varanda atangin a lo tla reng mai a. “Mami” tia koh tuar tuar chung chuan ka zuk pawm tho vat a. A lu leh a nak a lo sawh reng mai.
Rangtakin in chhungah ka pawm lut a, ka kohna hria niawm tak hian a lo meng riai riai a. Mittui nena ka thlir reng lai chuan, mi nuihsak hian ka hria a, a mit a chhing leh riai riai a. He khawvel chhuahsanin thlamuang takin Pathian hnenah min lo haw san ta. Ka tap hleithei tawh lova, ka aw rawl tawpin ka bu vak thawmah chuan thenawmte an lo thleng thuai a. Chhan tlak leh chhan tur a awm ta si lo a ni.
A thlahna hnuhnung kan hman ni chuan e, mipui ngawi thap karah patling pakhat a lo dingchhuak a. “He ka fanu thihna leh an nupa inkara hmangaihna mak tak, harsatna tinrenga a bawm lai pawha inhmangaihna ka hmuh hian, hmangaihna dik tak ka chharchhuak ta” tia mittui far fap fapa a sawi chuan e- tap lo reng an awm lo.
A lei taksa thlanmuala kan thlah liam naah chuan, Pathian chhiahhlawh a lo ding leh a. ” Lei vaivuta siam kan ni a, vaivuta kir leh vek tur kan ni. Kumhlun tur kan awm lova, nikin niah Lalpa khawpuiah inthen leh tawh ngai lo turin kan intawk leh ang”
Ka tawrhna zawng zawng leh aw chhang niau chuan, “Mami, Mangtha aw…” Ka sawi zawm thei ta lo. A lei taksa tawmkai lo chu kal hmasate chawlhna ah chawl tawh turin kan thlah liam ta a ni.
Heng ka tawrhna zawng zawng hian ” Hmangaihna dik” min zirtir reng a lo ni.
Kapzâwna hla-
Si-ar chawngmawipuii chuanin,
A di val hrang chuan then mah se;
Tawn leh chang ni a nei,
Kei erawh chuan he khawvelah,
Tawn leh ni reng ka nei dawn lo;
Aw ka di ve kha.
Sualin tling lo mah i langin,
Ka rawn dil zel ang a Lalpan,
Min ngaidam ve ang a,
A buatsaihsa chatuan ramah,
Kan la intawng leh dawn nia aw,
Thapui nang nen chuan…
tiin a tlang ka’n tlip ang e.
Similar Posts:
- Ka Pa Fam Chan Ni Kha
- Kumtluang atan..
- The Best Chrismas Present
- VAI BAWNG Vrs ZO BAWNG
- Pa hnen a lehkhathawn
September 22nd, 2011 at 3:08 pm
comment phoz
September 22nd, 2011 at 3:30 pm
Nang chuan Fiction category ah i dah nalh mai a, chhiar a nuam zaih zel, chhiar tan ang 🙂
September 22nd, 2011 at 3:30 pm
A lungchhiatthlak viau na chu…. Ngaihnawm ka tiin atawi ka ti kher mai, chhiar zel achak awm.. Ka tawrhpui ache. ;-(
September 22nd, 2011 at 3:34 pm
Nun beihvai tih thleng ka chhiar a beihvai awmzia ka hre tlat lo. A sei riau a nakin a chhiar zawm ah dah ang.
September 22nd, 2011 at 3:37 pm
A ngaìhnawm rem rem hle mai. Tin, i fakawm bawk. Kum 2007 ah khan, ka nupui hi a tha chhuak dawn tawh lo amaw tih khawpin thla 3 vel chhung a damlova, mangan thlak tak a ni. Guwahati GNR leh Downtown ah kan thlawk thla rum rum a. Keini chu kan vannei ta a, kan tha chhuak leh ta hlauh a. I thil tawn ang hi Ka ngaihtuah naah a lo lut fo mai. Engpawh lo thleng se, Pathian leh Kohhrante hma a kan thutiam tawh hi kan bawhchhe tur a ni lovang. Nang pawh i fakawm thlawt e.
September 22nd, 2011 at 3:37 pm
Tha e!
September 22nd, 2011 at 3:49 pm
Chris Medina- What are words tih hla kha rawn lang tlat rilru ah.. Good post.
September 22nd, 2011 at 3:51 pm
a nuam a hreawm ah pawh ti a tiamna kha a hlutzia i hria in hmangaihna awmzia i hrechiang e…nice post
September 22nd, 2011 at 3:53 pm
Lung a kuai hle mai, hrisel damtlang chung pawh a inngeih thei hauh lo an tam lai a, hetiang tak a dinhmun hreawm a ding chung pawh a hmangaihna in a kuah beh tlat nun neitu chu a fakawm khawp mai, a takah pawh an awm awm ngeiin ka ring si a.
Ziak thiam kher mai. (Y)
September 22nd, 2011 at 3:58 pm
I fakawm khawp mai..ka mittui atla lawm le..tak2 ni ang a.
September 22nd, 2011 at 4:11 pm
Ava han tha ve aw!
September 22nd, 2011 at 4:12 pm
rilru khawih tha ngaih ngaih hle mai..good post (Y)
September 22nd, 2011 at 4:21 pm
ngaihnawm ve,local train chuan chhung a ti reilo duh kher mai
Nice
September 22nd, 2011 at 4:21 pm
Thuziak hlu tak leh ngaihnawm tak a va ni tehlul em…
Hmangaihna, rinawmna, hriatthiamna, dawhtheihna, khawngaihna, chhelna a lang e he thu ziak ah hian.
September 22nd, 2011 at 4:27 pm
ziak zawm/zawm loh leh typo hrim2 a tam deuh. A thawnthu hrim2 chu a mawi thlawt e. ‘sipai lal kekawr’ ang mai, a mam thain a dak thlarh mai.
September 22nd, 2011 at 4:46 pm
Ava ngaihnawm em aw. A thui viau na a, mahse, a tawi em em si. ka chhiar a ka chhiar nawn leh ang. A thu inrem dan leh kal dan hi a fuh lutuk (Y)
September 22nd, 2011 at 4:52 pm
Ka chhiar a,
Ka chhiar chhuak vek a,
Ka chhiar nawn leh a. (Y)
September 22nd, 2011 at 4:54 pm
Ngaihnawm lutuk. Khitiang khi hringnun ah hian a thleng thin reng ani. Lawmthu sawina chang hi kan hrelo thin mai pawh a. A taka tawngtu tan a a natdan tur leh hriatthiamna neih a tul dan tur mi ngaihtuahtir. Post tupa, i ziak thiam ka ti.
September 22nd, 2011 at 5:03 pm
Keini chu Siamtu Pathian zarah kan vannei a, kan hrisel dun viau. Exercise kan la regular a, medical check up leh ei leh in insum nen. Pawimawh deuh mai: Kan dinhmun, sum lakluh, fate school leh awmna hmunah kan lungawi em em mai a, mi hausa ah kan in ngai.
September 22nd, 2011 at 5:10 pm
Keini pawh hi kum thum zen zawn chu kan innei ve ta, kan nu hi a chhul lam thatlohna avang hian tun thleng hian fa awt em em mah ila, kan la nei thei rih lo. A chang hi chuan ka vui lek lek thin Lalpa chungah hian. nang zawng entawn tlak tak chu i va ni teh lul em!!
September 22nd, 2011 at 5:16 pm
(U) ;-( (C)
September 22nd, 2011 at 5:41 pm
Chhiar anuam in i va en tawn tlak tak em,hetiang taka i nupui i hmangaih avang hian nasa takin Lalpa Pathian chuan malsawm che rawh se..
September 22nd, 2011 at 5:49 pm
he post chuan min va vel nasa em? Thil dang ah hi chuan mittui hi ka ti tla duh ngai reng reng lo a, mahse hmangaih te tan chuan nunna thleng hian kan phal chu a nih si hi maw
September 22nd, 2011 at 5:53 pm
Phuahchawp (fiction) mah nise, a tak2 ang deuhin a chhiar theih tlat mai. I phuah thiam hle a ni. (Y)
Keipawh ka nupui (kha!)a lainat awm thin khawp mai. Ka autobiography ziah mekah kan 2 chanchin pawh ka ziak nghe nghe.
September 22nd, 2011 at 7:10 pm
A ngaihnawm hle mai. Zirtirna tha tak nei a ni bawkin ka hria!
Nupuite dam that loh leh awm loh apianga nula hmu tai thinte tan chhiar ngei ngei chi! Kawplai nei reng si, Fb lama nula CK pui tum tlat tan phei chuan INHMUHLUHNA tham a ni.
Dai thei Lo rau rauah hian HMANGAIHNA dai thei LO hi a lo hlu ber mai!
Good Post!
September 22nd, 2011 at 7:21 pm
a ngaihnawm hle mai..voithum lai ka chhiar chhuak a,ka mittui a tla hial sin,kei ang,hmangaihna lama vanduai toh tan chuan in in hmangaihna ka ka thik lek lek..engtikah emaw chuan Hmangaihna dik tak,leh min hmangaih ka la tawn ve ngei ka beise.. ;-(
September 22nd, 2011 at 7:30 pm
chhiar a va nuamlo!!
September 22nd, 2011 at 7:58 pm
#26 Hmangaihtu dik tak leh hmangaihtu dik tak tawng mawlh ang che.
September 22nd, 2011 at 8:05 pm
Hehehe ka nuih a za deuh tlat.., ka chhiar rei tual tual a, ka nuih a za tual tual bawk… a tawp ah phei chuan nuih za tak ka ni..a tha vek tho e..tikhan a hre chiang lem lo tan chuan thuziak thiam tak, mi lungkuai zawnga ziak thiam nih i hlawh tho alom tiro post tupa..kei chu ka nuih a la za dawn chauh ani 😛
September 22nd, 2011 at 8:08 pm
doc_lib eng nge awm zia?
September 22nd, 2011 at 8:14 pm
Mi hausa khama tla tur chhanchhuak hlauh ila, ka nupui a dam thlenga enkawl min tiam se 🙂
September 22nd, 2011 at 8:21 pm
A tha vek e..i post ngaihnawm thiam teh a lawm le..thenkhat chuan mittui an hru fap fap tawh ang chu post tupa..ka nui tawh miah loh ang, tum hmuksssssssss lolzzz 😀 🙁 🙂
September 22nd, 2011 at 8:25 pm
Fiction kan chawtak khuk pui vang ni chek ang chu he2.
September 22nd, 2011 at 8:31 pm
Post tupa tak hi chu aw buichhe lai loh a in puang leh ta. 33 ang khi rawn type kher lo la chu a tak emaw tiin an in hrut fap fap reng dawn a sin le…33 a i comment khi a dik leh lo tiin sawi leh vat rawh..chuti lo te chu mi rilru a hneh thei nang 😛
September 22nd, 2011 at 8:32 pm
He dinhmun thlanawm lo tak hi a tak a tawng mektu ka hria asin. Ka lainat zual sauh mai.
September 22nd, 2011 at 8:36 pm
lr: Tute emaw zirlai mek i nek deuh a niang. Hetiang ang hian hmeichhia an buai thei lo a ni mahna.
Hmanni Asterica Thlawhna chungchang lo postnaah pawh khan Thlawhna khalh zirlai mekte chu an TEU khawp kha!
Mi post, kan hriat chian zawng leh kan special/zirlai mek a nih avanga SARCASTIC deuha comment ching hi ka hmu BABY riau….. 😀 😛
September 22nd, 2011 at 8:39 pm
doc_lib kan inhrechhuak tihna pawh a ni thei tho alawm le. Fiction kan la lungkuai thei nih te chuan, a pawi reng reng lo ka ti ve mai mai hi2.
September 22nd, 2011 at 8:40 pm
#31 a ka rawn thur chhuah lai khi ka duh lutuk! Kei pawh Sap hausa deuhin fapa atan min it tlat se, an ramah min hruai haw daih se… ka lo ti ve tawh thin a.
September 22nd, 2011 at 8:41 pm
doc, kan chaw tak khuk pui vek lem loh khi. 😀 (H)
September 22nd, 2011 at 8:45 pm
Post tupa i thiam ka ti rap,nick thlak miah lo a i post hi ka ngai hlu zual..then khat nick thlak a, an IP thleng a chhui chhuah har si lo, nick thlak ve satliah a,midang ang daih a in ti engemaw tawk a rawn comment ve chiam chiam ai chuan..hehe…(internet hi in zir kan la mamawh tlang hle tiin a tlang i kawm mai teh ang…mu hmaks teh ang zanin chu )
September 22nd, 2011 at 8:58 pm
Mu suh docte, engtin mah ka ti dawn hlei ne’m che. Heti zawng hian lo ngaituah ve thin tho ta che: nick thlaka mahse usermane leh email id la hmang ngam rengte hi- mi bik. Helaia internet kawngsir velah hian, ‘Ka sakhming- Vanlalignatia’ tih article lungkuai lo zet mai i la hmu anga chuan chutah tak chuan Detective Dengkhupa i nihna i hmang dawn nia.
Internet hi ka awmna vengah hi chuan engah vak kan ngai lo. Kawmpiutar emaw Piutar lo a ni emaw pawh chhia se Sunflower vela pawisa chawi ve lovin kan CHU KHA leh mai zel!
September 22nd, 2011 at 9:02 pm
#40 Vs 41 (inkhei fek fek… Tren tren!) :p
September 22nd, 2011 at 9:08 pm
Het Pu Kawlhawk i style pangai maw… 😛 Nagmah ber hi ka hawlh tho zo lo thin che alawm le. Ka provoke chak berte zinga mi i ni mahse i puitling riau. Zawlkhawpui ka lo chuankai huna ka hmuh chak berte zing ami i ni. I chanchin pawh tlem tlem ka hria…. 😀
Doctea hi chu a detective alawm. A chhui lut chat chat thei. Mahse thu leh hlaah pawh ka ngam chuang lo! 😀
September 22nd, 2011 at 9:23 pm
Ka chhiar zo vek a, lung pawh a chhe hman tep a. Mahse comment hma in comment tawh te kan chhiar zo leh a, ka nui ta tlat mai..hehe. Engpawh chu nise i post tha e, khitiang chiah khian ka patea pawh a awm asin.
September 22nd, 2011 at 9:24 pm
Tuk khat thil thuah a changtunu a rawn tha chhuak a, a that loh laia a awmdan leh a rilru buaidan vel pawh hre nghal veka a awm khi thil ni thei lo thawthang ni mah se, a thawnthu tingaihnawmtu leh tilungkuaitu a ni tlat. A tha chhuak lawmna ruai hial chhungkuaa an buatsaih lai leh hlim taka chawhlui an kil lai a, thawklehkhata a rawn buai leh thut te khian – a hawnthu kailawn a chhep chho fuh tlat alawm. Hengte hi a ni, fiction chu! :p
September 22nd, 2011 at 9:28 pm
Fictiona ni emaw ni lo emaw, zirtir a nei te a nih ngai chuan a tha vek tho lawm maw aw. Awm lo ata awma ni ve mai a.
September 22nd, 2011 at 9:32 pm
Kawlhawk ka reply na che ni lo nia. Ka sawi ve mai mai.
September 22nd, 2011 at 9:33 pm
Hmm..Thutak thluak hman ngaihna min hlui teh u, thluak hman ngaihna post a awm loh hian he rilru hi a buai thin, thubuai chhui chakin..misual.com ah pawh hian misual hnu hma a va han tlem kher thin em 😉
September 22nd, 2011 at 9:38 pm
docte ka mu dawn i ti lawm ni?
Thluak hman i thiam ka ti tak tak a nia. Kei chuan i hnuchhui hi ka hne ve lo ania aw. Ka chhiar dap zel.
Ka misual DOSE a zo ; ka hahdam ta. Ka liam mai ta’ng e.. Maithawks vek u!
lr: I hre lo em mai! Kawlhawk hnen atang hian hetiang ziak dan hi chu ZIR rawh!
September 22nd, 2011 at 9:53 pm
Tluk lh rim hi nam huam2 reng mai a nih hi! KZP
September 22nd, 2011 at 10:00 pm
ka hnuk a ulh titih mai a. Patling, zahthlak deuh e.
September 22nd, 2011 at 10:51 pm
Khawnge Doc kha… he post hi tak tak emaw tiin kan kurpui lova maw, he thawnthu hi mihring nuna thleng thei leh thleng mek anih avangin a post tupa hian a phuah chhuak thiam kan ti lutuk a, kan lung te a chhe dawn dawn mai ania, my dear holmes
September 22nd, 2011 at 10:55 pm
Sheldon em em a che, min star viau pawn ti lang chiam zel suh..mak thei lutuk, detective kawppui i nih dawn chuan inthup a ngaih chin te hre ve ta che..khati te chuan i bulah tuman thuruk an sawi ngam nang
September 22nd, 2011 at 10:58 pm
Doc, runthlak ti taka kan lo chhiar a kan lo comment ve kha i rawn nuihzat vel ah
Inlak detective lutuk pawh hi ani lo. Ka star che..hehe 
September 22nd, 2011 at 11:19 pm
ka chhiuar hma lok in a va thui ve ooooooooooo
September 22nd, 2011 at 11:31 pm
A ngaihnawm hle mai; ka ngaihtuahnaa lo lut ve leh zauh thin, ka ngaihtuah that duh lem loh leh Pathian hnena lawmthu sawina chhan(a lo thlen loh avangin)pakhat a ni.
Hmangaihna awmze riltak a ni, hmeichhiate vanduaina a ni fo thin-medical science hian an pawm em ka hre lem lo va, mahse thil thleng mek chu a ni si.
September 22nd, 2011 at 11:45 pm
A bikin thingtlang kilkhawr, medical treatment thatlohna hmunah tiang ang problem hi a awm duh a, hmeichhiate thluak chu an chhul hi an ti ve ziah a, medical science chuan at chhanah hi chuan a pawmlo in ka hria. Mental disorder lam an puh daih ang. Tih ah chuan Psychology atang chuan mi ang bar hi kan awm hleinem..
September 23rd, 2011 at 7:58 am
Ka chhiar a, ngaihnawm ka ti a, Fiction or True story tih ka in khap buai khawp mai a.Comment zz ka chhiar chhuah ve hnu- ah Comment ka han pe ve ta a ni. Literature a i boruak hap chu tluk loh rim i nam e. Zikpuii Pa “Nunna Kawng Thuampui” te pawh min ngaihtuah chhuah tir hman alawm le ! Good Post, Carry on. KZP
September 23rd, 2011 at 11:12 am
Ziakthiam hle mai a….a tak2 emaw kan tih dawn chu le
September 23rd, 2011 at 12:17 pm
kan sawisel ve thung ang e, in fak nasa hlawm bawk a!
Fiction chu ni se, a ziaktu hi thiam ngang. A zirtir pawh a tha. MAHSE, a tak a nih ngat chuan a ziaktu hi ka dem ve thlawt ang. Heti taka detailed a nupui te atna ziah hi a mawi lo hulhual. ‘dawhkan chung leh chhuat a hrehrang lova, eitur leh bawlhhlawh a en thuhmun’ ti se, a at nasat dan level kan hrethiam mai ang. ‘zun rim nam rum²’ tihvel te hi chu….that is something a real man would take to his grave…’man’ taka sawichhuah loh chi zawk a ni e!
Tin, ngaihkawih duh tralh chuan, ngaihtuahna chidang a lo kal leh. A pasal hian an nu thih hnu reilo te ah nupui dang neihleh a tum a, a rilru in a nupui boral ta chhungte a zah ve deuh si a, he article hi amah in justify nan a hmang deuh amawni a tih theih bawk ang. ‘nupui thar ka nei dawn vang hian min dem su, in fanu kha ka theihtawkin ka hmangiah a, ka enkawl a sin’ a rawn tihna a ang. intlawhkhalh type!
Doc lib-a style in ka rawn lepse ve mai mai ni e…fiction a ni tih ka hria…ziaktu hian a thiam ka ti thlawt.