mi(sual).com

Mihring ranvulh zinga tangkai leh pawimawh tak chu ‘Bawng’ hi a ni . Keini Mizote phei chuan a sa kan duh em em a, a ruh, a ke tin leh a ki tih loh chu kan ei deuh vek a. A vun pawh khuanga  kaih atan kan hmang a, a vir zual deuh chuan kan rawh puara, kan la ei hram thin. Keini chauh ni lovin hnam dangte pawh hian an duh hle a. South Korea-ho phei chuan America bawng sa duh lo-in lungawi lohna an lan tir hial a nih kha. Hmanlai ata tawh vawiinni thlengin a hnute hi a la hlu em em a, tin, thil min phurh saktu leh hna min thawh saktu a la ni reng a ni. Heti taka tangkai si hi hla-ah hian  chawi a hlawh ma lek leh nghal a. Vai bawng leh Zo bawng chanchin sawi kan tum a ni a. Eng ang nge maw an nih teh reng i han chhui ve dawn ngial teh ang.Vai Bawng chu le : Leilung pian tirh  atanga Vai bawng tur hrim hrim a siam chu a awm kher lo ang. A neitu vai a nih vang mai a ‘Vai Bawng’ ni ve mai a ni a. A lo pian atanga a thih ni thlengin he vai bawng hi chuan a pu rawng a bawl thin. A lo pian thlak atanga rei vak lo ah hian he bawng hi chuan hruihrual a awrh a. A dam chhunga a awrh tur a ni tih reng a hre lo. He hruihrual in-valh chhungah hian a pu Ideology chu a inphum tih pawh a hre lova. Hria nise hei chen kum a liam tawh a, tlanchhuahna remchang a nei tawh tur a ni. A pu ‘Idea’ anga a awm zel theih nan he ‘hruihrual’ hi a awrh ta reng a ni. Chhia leh tha a thliar thiam lo ang tih a pu hian hre mahse he hruihrual hi a awrh tir tlat a. A duhna hmun apiangah a kal loh nan amah chu thlun beh a ni a. Tha za rual lek a nih lai pawhin a pu hian lim kual zek zek a chak tih hre reng chungin a thlung lui a ni. A khawngaih ve tho chutianga awm tir chu. Mahse chu bawng tana tha leh tul a nih avangin he hruihrual hi a awrh tir a ni. A duh hun hunah a pui hnute a hne thei lova, a duhna hmun hmunah a kal thei hek lo. A nuam tih angin a lim thei lova, zuan san a tum poh leh a tla na mai thin. A chaw duh zawng pawh duh ang zah zah a ei thei lo. Leilet leh huanah tlat tir mah se la a thlen tur chin bi tuk sak a ni a. A thlen theih chin chu a hrui awrh sei leh tawi-ah a innghat daih a ni. Chutiang reng reng chuan a nun bul a tan a. Chu chu he khawvel a rawn hmuh ve avanga an lo ‘welcome’ na ni mai awm a ni. Amaherawh chu a pu hruihrual hian a nunah thu nasa tak a sawi a. A theihna leh chakna chu mi dang tan a nih avangin enkawlna tha a mamawh a ni. A tette atanga thununna hruihrual awrh a nih avangin, thununna eng pawh hma chhawn se a tuar a chhel a, a tan thil thar a ni lo. A nunah chuan thuawihna tuh ngheh tlat a nih avangin hruihrual a awrh loh chang pawhin hla taka kal a tum chuang lova. Vuak tham loh leh Hruihrual awrh tir tham loh a nih atangin a ni hi chuan heng zawng zawng hi thil nih dan turah a ngai hmak a.Vai bawng tam zawk chu hetiang anga enkawl  hi an ni.  Chutiang a nih avang chuan a pu tan leh mi dang tan malsawmna a lo ni thei a ni.
Zo Bawng ve thung chu :- He bawng hi Vai bawngte nen khan pi leh pu-ah chuan thlah khat an ni a. A chenna leh seilenna hmun avangte, a neitu, a pu chu Mizo a nih vangte a ni ang; Zo Bawng an ti a ni. A pianzia leh fuke invuah danah danglamna em em a nei lova. Hnimhnah leh hnahchhawl dang ei mi ve tho a ni. A tih than loh em avangin Buhpawl erawh chu ei har a ti ngang mai. A lo pian tirh reng atangin a pu te hi a tihlim a. An chul heuh heuh a, an kuah awl lo a, an duat em em a ni. Chi liak rual a nih hma-in chi an liah a, thing phek leh engemaw chunga liah lovin an kutah an liah kher thin. Duat a ni tih pawh a in hre rang hle mai a. An duat em avang hian hruihrual pawh a awrh mumal lova. A thluna thlun beh ngat phei chu a ngai thei der lo. Chutiang a nih avang chuan a pu pawhin a chhuah leh mai thin a. A duhna lai laiah a tei hawi a. Dai loh tur a dai a, ei lo tur a ei a. Chung vang chuan a kua a tha lo pur pur thin. Chutiang a han tawh meuh chuan  a pu chu a buai a, a phi chuk thin. A thlah zalen lutuk vang a ni tih reng a hre chang tawh lo. Hruihrual pawh awrh mumal lova lim zek zek thin a nih avangin, zalen taka awm chu nuam a ti a, ngai-ah a nei a. A puitlin hnu thlengin thununna a ngai thei lo. A chang phei chuan mi huan chhungah te a lim lut thin a. Huan neitute thinrimin an vua a. a chang phei chuan hliam a tuar thin. Chutiang hun an tawn meuh chuan a pu chu namen lovin a thinur tawh thin. Tet-te atanga hruihrual awrh lo ta fam chu, awrh tira thlun beh an nih meuh chuan a thinrim a. Tal chhuah dan ngawt a ngaihtuah a. A nun dan pangngai aia chep deuh reng reng chu a ngai thei lo. Pu ngai reng hrawn a rem loh chang a lo awm a, chutiang hunah chuan vuak leh hlap a tuar leh nge nge thin. Heng zawng zawng a tawrhna chhan chu a pu-in a duat em avangte, hruihrual awrh tir mumal lova a awm tir thin avang leh nun bul zalen taka a hman thin vang a ni. Zo bawng tam tak chu hetiang ang hi an ni.
Dan naranin Zo bawng pangngai chu Vai bawng aiin a ngeng deuh ngalh thin a. Chhawr pawh a harsa-in hel a ching thin .Vai fakna lam a ni lova, kan bawng enkawl dan in-an loh thu mai a ni. Heng hi erawh hria ila “Thunun that mi hnenah erawh chuan finna a awm” tihte, “Thununna ngaina mi chuan hriatna a ngaina thin a, Zilhhauna haw mi erawh chu ramsa ang mai a ni” tihte leh “ Naupang thlahthlam chuan a nu zahna a thlen thin” tihte hi

Similar Posts:

• Bawng Thin (Liver) A Tenawm?
• Bawng hriau zawk a lawm le !
• Bawng Vulh Maw!?
• Krismass bawng ser ru
• Bawng Kaia Sumdawng

Recent Posts:

• Sehrep thenfai dan awlsam
• American flag thui hmasaber tu chu tunge?
• mi(sual).com hi!
• KA MITTUI A TLA!
• ȚAHNA NUNHLUI

This entry was posted on Sunday, November 10th, 2013 at 9:00 am and is filed under Mizo Society & Culture. You can follow any responses to this entry through the RSS 2.0 feed. You can leave a response, or trackback from your own site.