Khuahkhirh leh rahbehna awmlova mahnia ro inrel theihna hi zalenna chu a ni. Mahni duhdan, ngaihdan, beiseina leh chanvo te, dik lo taka kan chunga theihna leh lalna hmanga roreltu an awmchuan sal dinhmuna ding kan ni. Mihring kan nihin keimahni-ah Khuanu ruat Khuarel zalenna kan nei theuhva. Chu kan khuarel chanvo kim dawnglova kan awm erawh chuan, zalenna neilo hnehchhiah dinhmuna awm kan ni.
Zabi 21na hmatir ah hian, Khawvel hmuntin ah zalenna au thawm a ring zual sauhva. Ram leh hnam, mimal tin ten an chan khuarel zalenna neih tumin beihpui an thlak thu kan hriain kan hmu a. Kan nihna theuh kan en pawhin zalen kan nih leh nihlo kan hrethei. Mahni mimal nun kan thlirin kan chhuahna Ram rorel dan, inawpdan, nunphung te leh ngaihhlut thil a zirin zalen dinhmuna ding nge kan nih khuahkhirha awm kan in hre thei. Zalen niin nge kan inhriat, Hnehchhiah a awm? Kan chhutngun a hun hle.
Zalenna kan neih nan chuan mahni theihna theuhva thawho a tul a. Kan tuar phurrit chhawk zangkhaia a awm theih nan, kan tlangau a tul. Kan tawn leh hriat, kan hmuh diklohna, hmusitna, hleihluatnate hi en liam mailovin kan hmuhtawnhriat rahbehna zawng zawng, huaitaka kan au chhuaha diknain lalna a chan theihnan kan puangzar ngam tur a ni. Khuarel awmsa dikna, theihna, lalna tin mihringin kan neihhi, ngaihlua kan tan tlat chuan zalen dinhmuna ding kan ni thei ang. Kan nuna kan tawnhmunhriat khuahkhirhna te hi, ngawi bopui mailova huaitaka kan chanvo kan tihlala kan dinchhuah chauhvin zalenna kan hmu thei. Zalenna tak kan neih theihnan chheltaka awma, kan beisei zalenna hmuh tumin huaitakin au chhuahpuila, khawvel hriata kan puanzar bawk chuan, eng lalna, khuahkhirna, phuarna emaw rahbehna mahin a dang zo lo. Zalenna chu kan duhthlanna ah a innghat. Zalenna mamawh kan nih leh nih loh kan inhriat hmasak a tula, chu kan inhriatna atang chuan a taka kan nihna thailangin beipui kan thlak chuan zalenna kan chang dawn a ni.
Similar Posts:
- Eiruk – Nangmah vang em ni le?
- Thlirtu Au Aw
- India in Zalenna a sual
- Enge kan chanvo?
- Human Rights, Aizawl Press Release
September 25th, 2011 at 11:03 am
Chhiar ang
Report this comment
September 25th, 2011 at 11:13 am
Tha khawp mai, mahse punctuation uluk deuh la chhiar a nuam lehzual ang maw le.
Report this comment
September 25th, 2011 at 11:35 am
Zalenin i inhre vak lo em ni?:D
Report this comment
September 25th, 2011 at 11:43 am
Myanmar khua leh tui ka nia, ram rorelna a that loh vang leh zalenna tak a awm loh avangin he thu hi thailang ka ni…
Mizoram (Greater Mizo State) hmathlir chunga ziak ka ni bawk! Vai, Kawl leh Hnamhlo ho kara khawsa Mizo fate lungruala Ram rorelna pakhat hnuaia kan awm theih nan tan kan lak dan tur kawngpeng khat ani e…..
Report this comment
September 25th, 2011 at 12:05 pm
Mihring hi mak khawp mai, kan zalen hian thil tha lo pui pui hi tih awl zawk tlat mai. Khuahkhirh na hnuaiah lah kan lungawi chuang bawk silo.
I ngaihtuah thui khawp mai, post tha tak anih piah lamah practical a nunpui theih a chakawm hle mai.
Report this comment
September 25th, 2011 at 12:13 pm
#4
Report this comment
September 25th, 2011 at 1:14 pm
@zofanaia. Vai, Kawl leh Hnamhlo, tute nge Hnamhlo chu le..?
Chin state ah khan Tonzang, Tidim, Falam, Hakha, Thantlang, Matupi,Mindat, Kanpalet, Paletwa te an awm a. Khang laia cheng te kha duhlian tawngin an biak theih vek em? US, Australia tih vel a kal ho khuan duhlian tawng hi an thiam viau zel, facebook atanga ka lo hmuh danin. Thalai te rilru puthmang enge tun dinhmunah le..?
Mizoram ah rawn tla thla heng thingzai, sumdawng, zan hnih khat jail tan pawi tilo te hi khawi lam area mi te nge ni hlawm? Duhlian tawng hi chu an hmelhriat fur tawh ka lo ring ringawt?
Zonet Senhri in an film lehlin pawh hi Burma ah kan thawn chho thin an tia. In lo en ve ngai em?
Report this comment
September 25th, 2011 at 5:44 pm
@ Kite
Hnamhlo ka tih chu ‘hnam bo: Lungrual taka hnam hlawmkhata insiam duhlo, mihnawksakho’ tihna a ni.
Myanmar ah Mizoram State a chengte lehlin English, India, Korea leh Mizo zai, Pathian thu te kan leiin kan kawl deuh fur hlawm…
Chin State a hmunthen khat Paletwa, Kanpalet, Mindat leh Rakhine State vela cheng Mizo hnahthlak a tam zawkin Mizo tawng an thiam lo. Mahse Presbyterian leh Methodist Kohhran’a lawi te erawh chuan an thiam thung. Tahan, Falam leh Halkha’a Pathianthu zir ho leh Kalay University’a Lekhazirho erawh chuan an hriain an thiam a, mahse an hmang tha duh lo…
Myanmar atanga Western lam pan ho, mipui nawlpui, Mindat leh Asho Chin (Plain Chin) ho erawh chuan Mizo tawng an thiam meuh lo, chuan Falam lam hoin Mizo tawng thiamin hre mahse an intithiam duhlo lui tlat! Halkha (Lai) ho erawh chuan an thiam ang ang in an hmang mai, Mizo tawng chu an hriain an thiam thawkhat….
Mizoram State (India) a rawn kal inhlawhfa Falam, Paletwa, Matupi, Mindat lam ho chuan Mizo tawng an rawn thiam haw a, mahse Mizoram State-a Sundawnga rawn kal Falam (Laizo) ho erawh chuan Mizoram State pawn an thlenin Mizo tawng an intithiamlo chawp thin…….
Report this comment
September 25th, 2011 at 7:01 pm
@zofanaia
Kha lam economy enge a dinhmun?
Aizawl chu heti hi kan ni ve khup tawh a, inchhawng sang tak tak lah a tam, hausa fe fe, cheng nuai 100 a buai lo hi an kat nuk tawh a nia.
Mizoram state nen a khaikhin in a in thlau lu hrat em ni le..?
Mizo hnam nilo eng hnam hnam te nge awm? Kawl ho an tam viau em? Keini lam ang deuh hian enge maw buai deuhva inkalpawhna dan chah, in hrek vel hi a awm ve thin em? Kawl ho(sipai nilo) an inluling viau em ni?
Engtin nge kha lamah kha leh chen in lo khawsak kan inhre tawn silova. Tun hnai chho hian communication leh internet lamah nasa taka khawvel alo than tak a zarah tunhma ngawt ai chuan kan in unau deuh tawh chuan a hriat ve lo maw..
Report this comment
September 25th, 2011 at 7:54 pm
@Kite
He lam economy chu a tha.
Sorkar Thuneitu + Sumdawng = Hausak
Sumdawng tan thuneitute tlawn lungawia, thamna pek phawt, chuan zalen takin Sum kan dawng thei anga, Hausak kan hmabak ani mai.
Mizoram ve thung chu:
Loan + Thuneitu tlawn = Hausak
Mahni thawh hah tul lovin India Sorkar kaltlanga loan lak chuan, thuneitute duhsakna zarzo tumin tlawn lungawi leh, chumi rah chhuah Hausak ani mai.
Myanmar mipui nawlpui chu ‘Ei tura nung’ kan ni. Nitin ei dap mirethei kan tam. Sorkar hruaitu vuangvate leh an sawngawizawnpuite erawh duh leh Mizoram State tiat hmun pawh Pawisa hmanga leithei khawpa hausa an ni thung!
Myanmar Mizo fate hi a tam zawk chu “Rethei” dinhmuna ding kan ni. Nitin thlaktur nei tawk tawk, dam ngawr ngawr kan ni. Mahse Kalay Phaikuam phei ami te erawh Chin State ami te ai chuan kan dinhmun a zia awm.
Chin State ah Kawl an tlem a, Kalay-Kabaw Valley ah erawh hmun changkang duehah Mizo fate kan thahnem. A berhchep leh fianrial deuh ah erawh Kawl an tha hnem.
Mizo vs Vai buaina ang a awm ve lo. Mahse, Chin vs Miz – Falam vs Lushai – Tidim vs Falam + Mizo – Falam vs Halkha tih vel ethnic politic tun kum 10 chhung hian a awm zeuh zeuh.
Silchar kawng khar emaw kalkawng dang chat tihvel a awm lo, Rangoon, Mandalay, Taungkyi, Muse, leh adt.. khawi hmuna thil pawh sum neih chuan kan chahthleng thei vek….
” Mizoram State a total prohibition dan ang a awm lo, mahse Zu emaw Drugs ngawlvei sawitur tham kan awm lo”
Report this comment
September 25th, 2011 at 8:31 pm
@zofanaia
Aizawl lamah hian hmingchhiat pawi tilo tak tak, zu leh ruihhlo vanga hmingchhia hi an tam si a.. Kha lamah education enge a an? Retheih luat vanga zirna dawng lo, eizawnnana thiamna hmu phak lo an tam tihna em ni?
Mizo te khua ah eng khua nge pui deuh ber? Tahan kha Chin state a ni silova, eng state nge? Myanmar mizo population 2.5 million vel a niin ka lo hria a a dik em? India mizo population aiin in tam daih hmel..
I theih chuan mizo te chanchin rawn post ve teh, in khawsak phung hriat a chakawm a lawm le..?
Report this comment
September 25th, 2011 at 8:41 pm
https://www.zoin.info ah hian chhaklam unau te cc chu a hriat tam theih khawp mai, chuan https://www.globalchin.org https://www.zogam.org https://www.chinlandtoday.com https://www.chro.ca https://www.chinland.org zalenna an sualna a Burma sorkar an dona vel cc a hriat theih. https://www.chinlandguardian.com English daily news an tih chhuahna etc ah tam khawp mai
Report this comment