Vawiin chawhnu dar 1:10pm khan Serchhip leh Keitum inkar Paihtetui (Chuanhnuai) zawnah kawngkawia Maxi Cab(Sumo) inpel tur pahnih zinga pakhat chu kawng thlangah tlanliamin metres 220 chuang zet a lum a, vanneihthlak takin thi an awm lova, hliam tuar erawh an awm thung a,an zinga 2- Suikimmawii leh Rohmingsangi Sangau te chu he thu ziahlai thleng hian biak theih an la ni lova, an dinhmun a ngaihtuahawm deuh a ni.
He Sumo chesual hi Sangau khaw Maxi Cab (TMS) MZ-03-2505 niin, Pu Rothanga Sangau ta a ni a. Sangau leh Aizawl inkarah tlan thin niin, Aizawl lam pana an tlan lai a ni a, vawiin chawhnu dar 1:30 vel khan Serchhip leh Keitum inkarah hian Noth Vanlaiphai khaw Sumo MZ-06 0999 nen kawng kawia an inpel zo chu Sangau Sumo zawk hi kawngthlangah a tlanliam zui nghal ta ringawt mai a ni.
He motor-ah hian Sangau khaw mi vek chuangin, Driver hi Lalrinfela a ni a, Passenger te hi hmeichhe naupang 1 telin hmeichhia 7 leh driver telin mipa 5 an ni a, Driver leh midang 2 chuan hliam na lutuk an tuar lova, an vai hian Serchhip Hospital panpui nghal an ni.
Driver Lalrinfela sawi danin, a motor Bol-join a tliah thut avanga thunun thei lo chu a tlan liam ta mai niin a sawi a. Hetihlai hian an mahni peltu N.Vanlaiphai Sumo-a chuangte chuan motor chesual ta chu chak nanem lova tlan an nih thu an sawi ve bawk.
Accident-na hmunah hian Serchhip leh Keitum atanga mi tlawmngaite rang takin an tlankhawm nghal a, Sumo Accident-na hmun hi a awih em avang leh a thui em avangin hruizen hmangin an inpawtchhuak hial a ni.
https://lamkaldaily.blogspot.com
————-
also from covenanter:
Nimin chawhnu dar 2:50pm khan hliam te hi lakchhuah fel an ni.
Sangau Sumo a chuang te chu hengmite hi an ni.
1) K.Chungduhthawnga, Sangau
2) B.Laltlanchhungi Sangau
3) Lalramluahpuii, Sangau
4) Lalthafamkima, Sangau
5) Suikimmawii, Sangau
6) Rohmingsangi, Sangau
7) Elcy Lalropeki, Sangau, unah Synod HSS a Cl-XII Sc kal lai
9) Ngunzopari, Pang khua leh a fanu Lalrinkimi(kum-4)
10) Lalduhawma, Pang khua
11) Lalthana, Zemabawk
12) Lalrinfela, Driver, Sangau
Hliam zingah hian Suikimmawii leh Rohmingsangi te hi an na zual hle a, he thu ziahlai(Sept. ni 26, tlai dar 4:13pm) thleng hi chuan biak theih an la ni lova, Serchhip Hospital Trauma Centre ah Doctor leh Nurse rual ten an la buaipui mek a, hliam na zual 3 te pawh X-Ray tura buaipui mek an ni.
Source: Serchhip Times.
Similar Posts:
- Aizawl-Lunglei Sumo Accident ah 2 thi
- Sumo chesual-ah mi 3 thi
- Kawnpui-a Gypsy Chesual-ah 2 hliam,thi awmlo
- Breaking News: Aizawl – Vaitin MST Bus accident
- Pa ber nawrluihna avangin fapa in a nuhrawn khawih!
September 26th, 2011 at 10:18 pm
a tlan1iam ringawt!!:D
Report this comment
September 26th, 2011 at 10:27 pm
A va pawi ve aw
Ralkiaua Kham te min ti hre chhuak 
Report this comment
September 26th, 2011 at 10:31 pm
he news hi site dang dangah including vanglaini ahte pawh tlailam darkar 7 vel kalta ah khan ka chhiar daih tawh. Ngatinge misual hi kan va lag em em ve, kan news a hlui thei tlat. Post a chhuak tlai nge an submit tlai.
Report this comment
September 26th, 2011 at 10:33 pm
A zia hian a daih loh chin hi a awm ve thin si a, ‘zia lo’ kan ti leh phawt mai aniang chu. Pathian zarah hliam te pawh tha te in an damchhuak leh thuai ang chu maw.
Report this comment
September 26th, 2011 at 10:38 pm
news rawn post tu te in fakawm e, tunlai serchhip a network a chhiat zia hrechiangtu te tan chuan in rawn thawn hma thei zawk a a lawmawm ngawt mai…hemi rawn post tur ringawt pawh hian vawi duai lo in try ka ring hlel lo e…kzp..:)
Report this comment
September 26th, 2011 at 10:44 pm
um. Okay thra tho mai. Ni e, site dang en miahlo te poh hian nilengin a misual theih lutyk ania. vanglaini hian dar 3:30 vel khan an lo post hman peka.
Report this comment
September 26th, 2011 at 10:44 pm
Pawi thin mang e. TLANCHAK chu a nuam mahse hetiang hi a thleng keuh duh.
Report this comment
September 26th, 2011 at 10:49 pm
a va dik em. Saint Sammoo
Report this comment
September 26th, 2011 at 10:54 pm
Kei chu tlanchak hi nuam ka ti miahlo. Aizawl khawpui chhunga kan tlanchak theihdan hi ka speed duhtawk vel
Report this comment
September 26th, 2011 at 10:55 pm
Driver te an fimkhurloh vang te zu an ruih vang te emaw a an accident hian an licence cancel sak an ni ngai lo emni aw ka ti thin. Ka hmelhriat pakhat hman deuh tawh a a zuruih vanga mi suhlumtu pawh motor a khalh leh vut vut tawh.
Report this comment
September 26th, 2011 at 11:04 pm
lolz….. (previous komen)
Va pawi ve aw…..!!!
Report this comment
September 26th, 2011 at 11:16 pm
pawi hle mai..driver thiam loh anih lehpek hi..an pawngpaw khalh fur fur zel a, han khak deuh te lah hian an ti tau rawl nen..Aizawl a insawn dawn a nan hman angai tih pawh ni hlei lo, a tawk te speed hi a awm tur ani..
Report this comment
September 26th, 2011 at 11:23 pm
Hliamtuarte an tha ve leh mai em ang chu maw.. naupang akhawngaihthlak mang e [kan naute hming ang chiah lehnghal…].
Report this comment
September 26th, 2011 at 11:32 pm
Zia lo hle mai a.
Mara lama kan unaute’n lo haw lem lo sela. Duh aiin motor hi an khalh chak thin mah mah. Night Bus- MLTte hi an tlan chak thin fuau fuau khawp mai. ‘In night bus a tlan chak em mai, a hlauhawm’ han ti ila, intihtheih nan tak an hmang leh nghal a. A lawmawm vak loh teh lul nen. Nunna hlutak hi fim khur loh avanga hlauh a nih hian a pawi leh zual a ni.
Report this comment
September 26th, 2011 at 11:34 pm
A va zia lo ve aw!!! An chuang hnem mah mah a nih hi! driver nen 11 chuan theihna a ni si a.
Report this comment
September 26th, 2011 at 11:43 pm
Thi awm lo hram sela aw….
Report this comment
September 26th, 2011 at 11:50 pm
A pawi hle mai. Hliamte dam leh thuai se
Report this comment
September 26th, 2011 at 11:51 pm
A va pawi ve aw!! Tlan chak hi a him lo hle a ni. Lei a hmin tawh a, fimkhur a tul hrim hrim…tin, Bar-thla kan chuangkai tawh bawk nen.
Report this comment
September 27th, 2011 at 12:04 am
Elcy lalropeki khi ka nau ania, mahse pathian zar ah ana lo ber pawl ani.. Hliam dang te pawh an that chhoh zel theih nan pathianin awmpui mawlh rawh se.
Report this comment
September 27th, 2011 at 12:38 am
Zialo thin ve oo.
Report this comment
September 27th, 2011 at 1:05 am
Sumo hi Gwahati – Aizawl inkar chuang ngamlo an tam tawh mai, bus an duh zawk tlangpui tawh… Mahni chhungte tan pawh a thlanawm tlat, spare driver awmlo phei chuan tih chi pawh a ni vaklo ang ka ring. Fimkhur a ngai nasa niin a lang….
Report this comment
September 27th, 2011 at 4:44 am
Avan pawi thin vele aw. Keitum thlen dawn hnaiha kawngkawi ulh angreng tak, motor accident nual tawhna, mi tamtak nunna lo chan tawhna kha a ni em aw? Khatah khan kan nau Victor (Republic Lungli Tuikhur bul) pawh a truck accident puiin alo thi tawh asin.
Zin veivak ho, abik takin passenger phur chi ho hi tinge maw an tlan fua fua kher thin le. A mawl thlak.
Report this comment
September 27th, 2011 at 5:16 am
tlanchhuah hma in anti-tlanchak injection laktir zel tawh tur.
Report this comment
September 27th, 2011 at 5:49 pm
@19 Elcy i hi i nau maw ni….lo damtha zel teh se, ala naupang bawk sia, nau ang in ka lo en ve asin le.
Report this comment
September 27th, 2011 at 7:11 pm
@covenanter, Aw ni e.., ka nau, ka pianpui ani a.. Mahse ani chu a ngaihtuahawmlo pathian zar ah, kan vannei em ani..
Report this comment
September 27th, 2011 at 7:25 pm
Elcy-i kha zirlai a ni sia, a rukin midang zawng aiin ka lo ngaihtuah bik lutuk a.. Chutia dam tha taka a awm chu rilru a nuam huai huai mai ka ti.
Report this comment
September 27th, 2011 at 8:37 pm
@TuaiSialA, I ti lawmawm lutuk e
Report this comment
September 27th, 2011 at 10:25 pm
@ Lady i hming ka hre mai e..in unau thlalak ka nei nual haha…
Report this comment