Similar Posts:
- Goodbye Zo Awi Lelte
- Naktuk hi ka tan awm ta lo se
- I kawngzawh lai kha chhut ngun rawh..
- Rawngbawlna hlen
- Ka Di Ka Parmawite
Eng an nge..
September 30th, 2011 5:34 pm by zofanaia
Ngaih mittui tlaa kan in kuangkuah lai khan
Damchhung inthen tura’n ka ruat lo asin
Lungdum tea nang nen kan in fawh lai khan
Melsang tam dana lengtura’n ka ngai lo asin
Mahse Khuarel dan rual ani silo.
Hmangaih tiamthu di kan suih lai khan
Lengdang ta tura’n ka ruat lo che asin
Run hmuna leng dun tura kan ruah lai khan
Tangdang bel lawitura’n ka ring lo che asin
Mahse kohkir rual ani silo.
Lungchim tea kan len dun lai khan
Dawnlung thawng tura’n ka ring lo che asin
Rem tea kan awm tlan lai khan
Do ral chang tura’n ka ruat lo che aisn
Mahse dan rual ani silo.
Ngaithu tin hrila kan len dun lai khan
Lunglai min her sana’n ka ring lo che asin
Rualtin kara nang nen kan inzui lai khan
Lung tingur tura’n ka ruat lo che asin
Mahse Khuarel dan rual ani silo.
Kan tawn thu chhuia dawn kir hian
Ngaih lungna a zual zel asin
Eng an nge tuanhmun a dan
Tah khua a sei zel asin
Khuanu ruat kan nih lo vangin.
Tun Kar chhung chu rawngbawlna ka neih dawn avangin thu chhawpchhuah tur ka nei lova, mahse a phur leh thiamten an lo bihngun atan ka rawn tarchhuak ani e….
Salin Myo, Magwe Division, Myanmar ah Missionary Training & Calvary Church Salin Mission Tin Jubilee lawmnaa tel tur ka nih avaning tawngtainaah minlo hre hlawm dawn ania,….. MISUAL.com U leh Nau ten……
17 Responses to “Eng an nge..”
Leave a Reply
You must be logged in to post a comment.
September 30th, 2011 at 6:00 pm
Report this comment
September 30th, 2011 at 6:08 pm
^————first
Report this comment
September 30th, 2011 at 6:08 pm
Tlar hmasa ber khi a dik lo. Kan inkuah lai khan… tih mai tur.
Report this comment
September 30th, 2011 at 6:32 pm
Zofanai..a hla thupui hi “Engan nge” tih awm zawk tak “Eng” leh “an” hi dah hran hian a awmzia a dang zawk em aw??
Report this comment
September 30th, 2011 at 6:33 pm
‘Eng an nge’ tih aiin , ” Enga’n nge ” a ni zawklo a mi ? , ka va chiang biklo ve…
Report this comment
September 30th, 2011 at 7:15 pm
Report this comment
September 30th, 2011 at 7:20 pm
‘Lo’ tih khi a hranga ziak tur a ni lo em ni?te ka tia:)
Report this comment
September 30th, 2011 at 7:21 pm
Ziak ve ta ila, i ziak ‘style’a ang i ti ve viau mai thei a ni…hehehe…
Report this comment
September 30th, 2011 at 7:44 pm
tunah general deuhvin kan lo sawisel tan ang. Ka peih leh technical deuhvin kan ti leh ang.
1. Eng an.. Enga’n tih tur.
2. Kuangkuah.. A awmzia i man chiah lo, A dik lo.
3. ..di kan suih.. Tiam/hlan/hrilh..adt.
4. .. Ruah.. Awmzia ka hre lo.
5. ..tingur.. A awmzia ka hre lo.
6. .. Tuanhmun.. tuanna hmun ti la a ngaihdam theih deuh.
Report this comment
September 30th, 2011 at 7:58 pm
Post lungkuai tak a nih hi.
I huat thu suh ah heti hian tidanglam ta la, a tha zawk ang em ? ( A thupui leh chang 1na chauh phawt )
A thupui : Enga’n nge ?
Chang 1na:
Ngaih mittui tlaa kan inpawm(inkuah) lai kha chuan
Dam chhunga ka then tura’n ka ruat lo che ‘sin
Lungchimtea kan infawh mawlh mawlh lai khan
Mel sang tam dana leng tura’n ka ngai lo che
Mahse,Khuarel(khua-rel) dan rual a ni si lo !
Report this comment
September 30th, 2011 at 8:08 pm
1. Eng an/ Enga’n = Engannge tih lam tawi atan Eng a’n tih an hmang thin.
2. Kuangkuah tih tawngkam hi a dik. Mahse khi verse atan khi chuan “Ngaih mittui tlaa kan in kuah lai khan” tiin a hla thu khi a mam zawk…
3. “Hmangaih tiamthu di kan suih lai khan” = “Hmangaih tiamthu di kan hlan dun lai khan”… tih ni ta se
4. ruah = ruat ni zawk turah ka ngai (typo…) ‘dawn’ tih te pawh ni se, a nem mam deuh ang em le???
5. ‘tingur’ = ‘tizur’ niin ka ngai (typo…)
6. ‘Tuanhmun’ = ‘Tuantlang’ ni ta zawk se.
@saint sammoo #9, ka hnial lo che a nia. I sawina eng atangin i point hmang a ka rawn sawi chhawn mai ka ni e.
Report this comment
September 30th, 2011 at 8:21 pm
‘tingur’ tih khi zu hre ngai bik miahlo ia…
‘Lung ti hnur’ tih nise a zia deuh lo’ng maw??
Report this comment
September 30th, 2011 at 8:30 pm
Ka hul
Report this comment
September 30th, 2011 at 8:32 pm
Selna anka iva tawng nasa ve…..
Tawngtaina-ah hian in hriat chi ani ami [?] ka ti thin… Intawngtaipui chi[ka sawitur hrelo phuhchhuah ve phawng]…..
Report this comment
September 30th, 2011 at 8:44 pm
‘Melsang tam dan’ tih leh ‘Mel sang tam dan’ tih hi a awmzia a inanglo.
I poetry ah khi chuan ‘mel sang tam dan’ tih hi a inhmeh zawk hmel. ‘mualzapui kar dan’ tih pawh hmang la a inhmeh phian zawk ang.
Report this comment
September 30th, 2011 at 10:07 pm
end rhyme/eye rhyme a mawi phian. mahse tlar tawp ber hi ‘o’ a tawp tur. Sylable maintain han tum leh teh. 7 leh 11 inkarah i then a, 10 10 8 10 8 etc. -a rem Han tum chhin teh. Chuan.. I Metre (ri hniam, sang, sang, hniam, phei…) thlap theih chuan ka lawm viau ang. Tonal langu. ah chuan stress leh stress lo ngaipawimawh duh hauh suh. A dik tak2 thei lo.
Report this comment
October 1st, 2011 at 12:23 am
“Melsang tam dana lengtura’n ka ngai lo asin” lengtura’n tih ang chiah khian ‘Enga’n tih kha a dik berin ka ring…ka ring ka tih hian ka confi ru riau bawk.
“Run hmuna leng dun tura kan ruah lai khan” ruah hi i hmang hrim hrim a nih chuan ka la hriat ngai loh thil a ni. Min hrilhfiah hial teh aa..’ruat’ ‘tuah’ ni se ka dam thlap ang.
“Tangdang bel lawitura’n ka ring lo che asin” Syllable tihkim tum hrim hrim a ang lek lek mai. bel leh lawi hi i hman tumna a inang deuh reng bawk si a.
“Ngaithu tin hrila kan len dun lai khan” ‘ngaih’ ni zawk se aw ka lo ti vang vang, mahse le…i thu thu.
“Lung tingur tura’n ka ruat lo che asin” tingur hi a danglam deuh a-hlarua chher kan tum hian ni thei lem lo pawha chher mai hi awl tak a ni a. Hla phuahtute zalenna kan tisam et leh mai thin a. Ngur tih hi lal sawina a ni a, ngur chuai erawh chu zawiawi/tuanfum lam sawina a ni thung. Tingur tih hi i hman tumna a dik em aw?
I tuinaah hian fak i phu- thiam pawh i thiam…rilrempui vek lem lo che mahila…aaaa rawng chu hlawk takin han bawl phawt mai teh le.
Report this comment