Source: Lawrkhawm.com
Archive for September, 2011
Mopa , Monu and mi(sual).com
Thursday, September 29th, 2011Hnam dang zaithiamte kan tluk ve tawh lo maw?
Thursday, September 29th, 2011He link hi lo en ve teh u, ropui rem rem tak a ni. Kan zaithiamte hi an lo nep tawh bik hauhlo, an thiamna pho lang tu Zonet Cable pawh an fakawm e.
He hla kher phei hi chu a ropui khawp a sin Mahse, Judith hi a aw hi a chhang khawp mai a, He hla a sak hi Mizo Idol top 8 intihsiakna a n a, a zai zo an kawm pawh a tawng tha hleithei lo. A zai ah hian a tir lam ah hian flat a awm zeuh zeuh a, a sak hmasak zawkna Top 20 intihsiakna lamah khan a zai tha khawp mai a, hei hi a dress nen hian a inhmeh em a kan post duh kher a ni.
Châkna!
Thursday, September 29th, 2011A tirin –
Ît lo zetin ka chuktuah a,
Nêr núng chungin ka thun a;
Tui lo zetin ka ti a.
A nawmna reng ka pawh lo!
Ka ti zing ta tial tial a,
Ka ngaina chho tual tual a;
Ka thlakhlelhna a sang thur thur a,
Ka ìtna a pung chho deuh deuh a;
Ka chet khawlohpui fo ta a.
A lo nuam em lah tak a!
Ti chuan –
Hun-awl ka neih hlek leh,
Khua a thim thet thet tawh chuan
Insum harsa khawp chakna leh,
Tawrh hreawm khawp zauthauna ten
Dan rual lohvin min bei a.
Nasa takin min túr a!
(more…)
I din thar leh ang u
Thursday, September 29th, 2011Chanchin Tha-in kan ram a rawn luh hnu-a kan changkan tak dan te, zirna lama hma kan sawn chakzia leh India ram pum-a ziak leh chhiar thiam lama pahnihna hial kan lo ni te hi Pathian malsawmna a ni tih hai rual a ni lo. Thiamna sang zawk beiseiin kan thalai tam takte`n mahni in chhung lum pawh thlahlel zo lovin, hnam dang karah, thin phu dep depin an awm a. An thawhrimna leh an tumruhna rah thlum tak chu seng ngei tura tan nasa tak an la hmuh hi chuan a thlamuanthlak em em thin a, a lawmawm bawk a ni.
Bazarah han chhuak ila, thalai rual inpel suau suau han hmuhte, an thuam mawi tak tak han hmuhte keini ang chuan “Kan ram chu kan lo va changkang tawh tak em!”, kan ti mai ang. Mahse, kan incheinate chu mawiin a mante chu to hle mah se kan mawina chuan en chet a dawl lova, hnam dangte hnuihsawh kan hlawh leh mai thin. Hei hi zawng a pawi a ni e.
Inneihni-a mawi taka Biakin pan thinte chu Mitthi lumen zan chuan simeikhu ang maiin an lang tlem a. Chhungte leh thian hnaivai chhungte in tih lovah chuan an lang ta zen zen lo. Rimawi ri dup dup kara thlit kerh kerh chu an nuam tihzawng a lo ni ta. Khawhar hla saka lusunte hnem ai chuan khawi emaw laia thian za hova lo intihkhawm tel tel chu nuam an ti a. Lirthei hmanga khawi emaw lai vela chak tak taka tlan chu an nuam tih zawng a lo ni ta. Hei hi kan Zoram dinhmun a ni a, tu thiam loh nge? In dem kual ngawt lovin nu leh pa te leh thalai te hian kan inen a tul ta. Zoram kan tih hian Aizawl chauh a huap lova, Mizoram chhung khawi lai pawh a huam vek tih kan hre theuh awm e. He hi khawpui dang, Lunglei, Champhai, Serchhip, Kolasib, etc.., te dinhmun pawh a ni vek a. Tlawmngaihna a boral ta em ni!!? Nge, kan zirna lamah kan inzir bo zawk??
(more…)
Mizo Idol leh bawk
Wednesday, September 28th, 2011Heti mai leh heti lek hi kan ni a, Mizoram chu. Engpawh ti ila mi hnam tihdan entawn kan ngai lo theilo a. Zonet in tum 2 Mizo Idol thlanna a lo buatsaih tawh a, tun hi a vawi 3-na. Tichuan, Mizoram, a bikin Aizawlah engemawti lai atang khan kan Cable Network ten Reality Show an buatsaih ta sek mai a, mit leh beng a tlai hle. Mizo Idol, Mizo Icon, Comedian Search, Manhunt, leh a dang tam tak. Dik tak chuan kawng engkima kan standard en in Reality Show hi kan ngah lutuk deuh lo maw aw ka ti thin. Heng show hrang hrang atang hian Celebrity engemaw zat an lo chhuak thar ngei mai a!! Thenkhat chu chhungkaw tana phurrit mai ah te pawh an chang thei awm e.
Ka incheina leh ka hmel emaw, ka intihchangkanna te hmang hian mi ten min teh tawh lo. Eng mizia nge ka put, chhungte chawmhlawma in penparh mai nge ka nih a, mi rinawm, theihtawka hnathawk mi, ka nitin nunah ka Kristian nihna a lang em? Hengte hi kan tehfung ani tan tawh ania aw. Kan celebrity ho lah hian ‘Fans’ hi an han ngah nghal em em mai zel bawk a. Eng mi pawh ni ila, theihtawka chhungkua, khawtlang leh kohhran a rawngbawltu nih tum theuh ila. Mi thenkhat fel tak tak karah hian buaithlak deuh zawng an awm lo theilo. Mi te hmelhriat nih ve dek dek vanga in lak ‘high’ thut te pawh bansan a tul e. Mizo te hi chu Benazir Bhutto emaw Aung San Suu Kyi te maw aia Lady Diana ngaisang zawk hnam kha kan ni tlat mai a!!
(more…)
Mizo Idol leh American Idol
Wednesday, September 28th, 2011American Idol copy reng reng in, Indian Idol, Mizo Idol, khawi khawi khua emaw Aidawl an tam tawh zia kan hre theuh awm e. Heng hi ka sawisel ani lo, a tha ka ti em em, changkanna pakhat ve ah ka ngai.
Mahse a vawikhatna atan ni zan khan internet atang live in(a nung chung in) Mizoram Idol kha ka lo thlir ve a, an zaithiam, an incheina pawh a mawi, an zahpuiawm miah lo. Nimahsela, top seven an han puang a, a tawpah pakhat a tlak a tul tlat.
Tichuan le, an han puang zel a, a tawpah pakhat chu a tla ta ngei a mahse a thiante chuan an kalsan vek a, a mah in a ding tawp mai kha chu ka lo lainat reuh lutuk a, American style kan la ta sa sa, an stlye ang vekin a thian te khan han kuah vel liam liam se, a hmuhnawm zual tur tiin ka lo ngaihtuah ve mai mai a.
Ka ngaihtuah chhunzawm tak chu Mizo te hian manner hi kan va han tlachham tak em!
Whistle Blower Part-16 (Bukna diklo)
Wednesday, September 28th, 2011Ka whistle blower hmasa kha part 12 tur emaw ka ti ngawt a, admin lam ten an lo correct lem loh avang khan part 14 thleng a lo awm tawh tih ka lo hre lo a. Chuvangin, part 12 kha part 15 ah kan ngai ang a, tuna mi hi part 16 kan ti mai aniang chu.
Ka thil rawn tarlan hi chu thil tamtak zinga pakhat ve mai a ni a. Zoram hi Kristian ram kan nihzia kan tlangaupui dup dup a, kan buk lung leh kan bukna hmanrua ah hian kan Kristianna hi a lang tur a ni dawn lawm ni??
Kan Pathian biak hian Bible ngeiah pawh bukna diklo a tenzia leh buklung hrang hrang hman a duhlohzia a sawi thin a, Zoram Kristiante kan inenfiah a va tul ta em.!! Thil ho lam te nia kan ngaihah hian kan kianga cheng ring lo mite hian min thlir reng si a.
A thar leh thin
Wednesday, September 28th, 2011– Lalthakimi pa
Tlangval pakhat hi a lung a leng thei em em a, hna thawh zai pawh a rel thei lo. A chhun in awm tih tur hre lo chuan Thingrem a hai mai mai a. A mawng kilah a lung len chhan a ngaihzawng hluui thlalak leh hmangaih biahthu a rawn hlanna thaikawibawngte (love letter) a dah that chu a hmu fuh a.
Kawldai buk hrula pal nghenga an ding dun lai thlalak a han hmu tel phei chu a phu hial a. An pahnih chauh a thing an phurh dun ni te, Pathianni tlaia Thlanmual tlang vela an len dun lai hun leh nite a ngaihtuah chhuak a.
Thla eng hnuaia an thiannu Thangkungi te Leihkapuia insi riala an thutna hmun te pawh chu thlalak lehkhathem, kutphah pawh tiat lovah chuan a leng vek mai a.
Mizo sipaia tang hmasa te chanchin tlem.
Wednesday, September 28th, 2011Assam Rifle Commandant W.B.Shakespear-a khan a thawka phitah, “Mizo chu sipai trang tlak an ni lo, an dawihzep em mai,” a ti fo mai a. Assam Rifle a Mizo lo lut hmasate chu an tlawmngai bai bai hle a. Tichuan an huaisen nge huaisen lo tih fiah a ni dawn ta a.
Kum 1933 August thlaah Chhotelal-a shield chhuah inchuh turin sipai zinga Mizo leh Vai inkhel turin Assam Rifle hotute’n an ti a. Hei hi Mizote sipaiah tang tlak an ni em tih fiah na a ni dawn a. Mizo sipaite chu an la tam loh avang in hmun hrang hranga mi an inchah khawm a, team khat daih an in hmu hram a. An inkhelhna hmun tur chu A.R.Lammualah a ni a.
Infiamna satliah mai ni lovin, Mizo leh Vai inbeihna a nih dawn avangin entu pawh an tam hle a. Mihring din theihna tawh phawt chu awl lai awm miah lovin, sazu pawh a leng tawh lo vang tih khawp in an inhnawh muk tlat a. Mizo zinga J.C.O hmasa ber, Jemadar Bawichhunga chuan, “Kan inkhelhnaa hliam, ban leh ke ruh tliakte kan awm palh a nih chuan pawisa kan thawh khawm ang a, Shillong damdawi inah enkawl an ni ang,” a ti a.
(more…)
Lunglengte lunglenna lunglen
Wednesday, September 28th, 2011Lunglen atchilh mi ka ni hi ka indem love. Hla phuahtu leh ziakfung chawitute suangtuahna leh hmanraw tangkai chu lunglenna hi a ni. Thu leh hla tha tak tak ruhrel dinchhuaktu pawh lunglenna tho a ni.
Zing ni chhuak engmawi êm ém ti engmawi zualtu leh lunghnur taka vanrang chhumte an kal mawp mawp lai pawha, hlu chungchuang pawh lunglenna tho a ni. Hmangaihte inkawp rem lai leh hmangaih avana inthen tawhte tana hlu chuang leh mihring min ti famkimtu pawh a lo ni e.
Chhun pachang ni sat vawl vawl lai leh zankhaw tairek chena min kalsan ngai hauh lotu a ni reng fova. An sawi Berhva leh Rengchal te ti tap a, ti kiu tu pawh lunglenna bawk a ni. Thal romei zamchiai ten tlang leh mual mawia, an bawh pawt chek timawi zualtu leh ti romei tu a la ni cheu va, mual hla kar dana kan di pawmlaite hlimthla min hmuhtirtu chu lunglenna chauh hi a ni.
