Harsa taka lehkha ka zir khan tawrhchhelna min pe a. Tunah erawh kha tawrhchhelna khan engmah a thawk theilo.
Theihtawpa lehkha ka zir laia rinawm taka min lo nghak tang tang tu khan tunah chuan ka bul khumah a mu a, ka kiang velah chuan chhungkhat laina hnai in an kil bial taih a.. an hmelah chuan hlim hmel hmuhtur a vang a, lungngaihnain chu inchhungah chuan thla a zar a ni tih a hriat theih a. Ni e, ka bul khuma mu, ka hmangaih em em chuan kumkhuain min mutthilh san tawh dawn a ni.
Ka tap thei lo a, rilru mumal ka pu thei hek lo. Pachang taka tuar ka tum a, pangchang taka tah hawm hawm a awlsam zawk si. Min hnem tura lo kalkhawm ka thlir a, kan thil tawn chu a namai loh zia ka hrechiang telh telh thung. Mittui tla zawih zawihin a hmel ka thlir a.. kan nunhlui ka han chhuikir a..
20/03/1996
College chawlh lai a ni a, kan khawlama ka haw chu ka thiante ina ka leng chu an chhungte hmundang ami awmpui an lo nei a. A tir lamah chuan engvakah ka ngai lem lo a, mahse kan han inkawm fo tak hnuah kha chuan kan innel ta em em a. A hnu deuhah phei chuan thian satliah ang mai chuan kan inen tawh lo, kan inkarah chuan midang hriat ve loh thil inthup chu a awm tan ta.
Vau thla chawhnu lam a ni a, ni a kang thain khua pawh a lum kher mai. Kan thianho chu luiah tuichenga, intihlim pah turin kan kal a. Ka lo ngaihzawn ruk ve deuh pawh chu a lo kal ve a.
Lui kan thleng chu a lo nuam kher mai. A duhin tui an cheng a, a then chu tiau phoah kan lo infiam bawk a. Chutia hlim taka kan inkawm karah chuan mitmei ka hmuh zauh zauh avangin ka thut hnaih a, kan kalsan ta daih a.
Chutia kan kalsan chu midang chuan engvakah min ngailo a, keini erawh chuan kan rilru chhungril inhrilhtawn tur kan ni tih kan chiang thung. Hla vak loah chuan kan thudun a, engemaw te sawiin kan titi vei luam a. Chutah kan thutak telh telh a, kan rilru chhungril ber thlengin kan phawrh fai ta vek a. Chumi ni atang chuan thian mai kan ni tawh lo..thian aia thuk zawk inzawmna chuan nghet taka suihzawm kan ni tawh.
Hlimlai nite chuan..
Ani chu a felin a hmeltha bawk a, mi pawh a ngaihsak thiam em em a. Ka tan chuan sawiselbovi a ni ber mai. Ka thatna tur leh ka lawmna tur a nih dawn phawt chuan engpawh tuar turin a inpeih reng thin.
Zirna ka chhunzawm a lo hun leh pawhin tha takin min fuih a, tha taka a lo awmtur thu leh nupui fanau chawm thei ka nih huna hlim taka chhungkaw din thei tura rinawm taka a awmtur thute min hrilh a.
Ka zirna ka zo a, hna te ka han zawng ve a. Vanneihthlak takin ka hmu ve ta hlauh mai a. Khami ka hna hmuh thu a hriata a min lawmpui thiamzia te kha mitthlaah a lo lang thar leh a. Lung a va leng em!
Thihna kawr ruamah chuan..
Kan chanchin leh kan inkar thute chu ka thiante chhung chuan an lo hre ve vek tawh a. Chutianga hna ka neih tak hnuah chuan chhungkaw din tura ka inpeih tawh avangin palai tirh te ka tum ta a.
Ani chu an khaw lamah a haw anga, chutah chuan palainena umzui turin kan intiam ta a. Chumi a haw tur ka thlahte pawh chu a hlim kher mai. Kan inkai phei a, kawngbula kumtluang par lo awm chu thliakin min pe a. Motorah min lawn san ta a.
Kha a pangpar min pek kha a thil min pek hnuhnun ber tur a ni ang tih ka ngaihtuah ngai lo. Ka haw a, ka dawhkanah ka dah a. Room vel ka tihfai lai chuan ka phone a lo ri a. Chuta ka han chhang chu ka thil hriat duhloh ber mai ka hre ta. Ka nupui hual nimai tur chu motor insu avangin a boral a maw??? Aw, i pangpar min pek pawh a la viau lo a sin..
Phone ka dah a, engtik laiin nge an chetsualna hmun pawh ka thlen ka hre lo. Ka hmangaih em em chu thisenin a bual nuaih mai ka hmu chu thlir a va hrehawm tehlul em!
An khawlam pana kan kal kha ka va hre tam lo tehlul em! An in kan thlen a a chhungten min tahkhum atang khan ka harh zawk a ka tap theilo, a na a ni!
Chungkaw din kan tumna chu vawm bo a ni ta a, kan hlimna pawh chu thlan khurin min lak sak ta. Naktuka ka hmangaih an phumna tur thlanmual lei chu kumkhuain ka tan chuan lei satliah a ni tawh lo ang.. ka hmangaih taksa a tel ve tawh avangin!
Aw, ZAN LUNGNGAIHTHLAK tak a va ni em!
(THUBELH: HE KA THUZIAH HI HE WEBSITE A KA THUZIAH 100-NA A LO NI VE TA RENG MAI. He thawnthu hmang hian ka thuziah vawi 100 lawmna thu-ruai chu i han theh ho teh ang u..)
Similar Posts:
- Kan thawnthu-II
- Midum Kawp Chungchang
- Chhanlet loh hmangaihna
- Hmangaihna Par – Lalrintluanga Varte
- Ka ngai che- Lasi note IV
October 3rd, 2011 at 5:10 pm
Chh1ar hmasa phawt ang aw!!!
Report this comment
October 3rd, 2011 at 5:16 pm
chhiar ang! re2 thu ah i reh vang2 a rawn lang leh thut zel hi2
Report this comment
October 3rd, 2011 at 5:33 pm
I thuziak a ngaihnawm thin khawp mai…
Report this comment
October 3rd, 2011 at 5:48 pm
A chiang lai ber chu a chiang lo hi ni..tih i thu ziakah an tel love khiah chu le..ziak zel turin duhsakna ka hlan a che..
Report this comment
October 3rd, 2011 at 5:50 pm
thingtlangpa..khawnge i awm tak? mizoram nge kolkata?
Report this comment
October 3rd, 2011 at 6:01 pm
Engatinge i khum ah a mut daih a!A ruang i hlawm em ni? Dil chhut satliah
a lawmnan hei 
A nice century..congrats
Report this comment
October 3rd, 2011 at 6:06 pm
atir in ikhumah a mu a.. chuan an khawlam kan pan lai ka hretamlo iti leh bawksia..tha tho e
Report this comment
October 3rd, 2011 at 6:07 pm
Sorry Keimah Thingtlangpa..ka chhiar sual palh!
Report this comment
October 3rd, 2011 at 6:16 pm
#8: kei pawh ka chhiar sual ve tho
Report this comment
October 3rd, 2011 at 6:18 pm
kei chu en loin ka chhiar a..haha
Report this comment
October 3rd, 2011 at 6:19 pm
Congrats Century man. Mahse rilru a ti hnìm ruih mai a.
Report this comment
October 3rd, 2011 at 6:26 pm
tha lutuk, hnuk iti ulh…ka article submit ka tum a, mahse ain ang deuh sia ka dah hrih lo mai…mahse,he hla hi ka rawn dah tawp, ka hnuk tiulh thintu ania…
Last kiss, pearl jam
Oh, where oh where can my baby be?
The Lord took her away from me
She’s gone to heaven, so I got to be good
So I can see my baby when I leave this world.
We were out on a date in my daddy’s car
We hadn’t driven very far
There in the road, up straight ahead
A car was stalled, the engine was dead
I couldn’t stop, so I swerved to the right
I’ll never forget the sound that night
The screamin’ tires, the bustin’ glass
The painful scream that I heard last.
Oh, where oh where can my baby be?
The Lord took her away from me
She’s gone to heaven, so I got to be good
So I can see my baby when I leave this world.
When I woke up, the rain was pourin’ down
There were people standing all around
Something warm rollin’ through my eyes
But somehow I found my baby that night
I lifted her head, she looked at me and said
“Hold me darling just a little while.”
I held her close, I kissed her our last kiss
I found the love that I knew I would miss
But now she’s gone, even though I hold her tight
I lost my love, my life that night.
Oh, where oh where can my baby be?
The Lord took her away from me
She’s gone to heaven, so I got to be good
So I can see my baby when I leave this world.
Oooh~ ooooh~
Report this comment
October 3rd, 2011 at 6:35 pm
pawi vawng2 ve! LAST KISS min va ti hre chhuak ve lyrics an lo dah bawk nen hi2
Report this comment
October 3rd, 2011 at 6:39 pm
I ziak thiam kher mai.
Naktuka ka hmangaih an phumna tur thlanmual lei chu kumkhuain ka tan chuan lei satliah a ni tawh lo ang.. ka hmangaih taksa a tel ve tawh avangin!
A mawi dang dai tlat.
Congratulations.
Report this comment
October 3rd, 2011 at 6:49 pm
Mimi Lalzamliani leh Kyusho Waza te hla behchhan a ang lek lekin ka hria. A hla tak ka hre ta chiah lo.
A ngaihnawm e…Ziak zel teh.
Report this comment
October 3rd, 2011 at 7:01 pm
‘Zion pindan chhungah…’ tih lam i hawi dawn emaw ka ti a
Report this comment
October 3rd, 2011 at 7:59 pm
tha phian mai. KZP
Report this comment
October 3rd, 2011 at 8:08 pm
Tlanga, (Kan ko duat ang e) chu kum 1996 khan college i kal daih tawh a maw……..i va un triah triah tawh dawn ve le aw. Hmangaihna lamah lah hian a bai dai baw harh tak hian i harh ve ni ngei tur chu a nia……haha
Report this comment
October 3rd, 2011 at 8:43 pm
I thu ziakah i va han in thlahrung deuh ve… Free halh in, shortcut tel luttuk lo in ziak ta la… mahse, i ziak dan khi a tha reng tho mai… style-ah…
Report this comment
October 3rd, 2011 at 8:43 pm
A ngaihnawm e.. Post 100 ithawh tawh ah chuan engzat tak dawt phuahchawp, tak tak ang ve viau si, awm ang maw aw?
Report this comment
October 3rd, 2011 at 9:08 pm
a ngaihnawm hle mai.Hmangaihna hi a hlu em em a.minti nui a.min vel leh a.minti lungngai bawk thin chu chu ka experience!
Report this comment
October 3rd, 2011 at 9:26 pm
han innei phawt se chuan upat lamah thih tir chauh tur alawm, hetiang te chuan i ti khawngaihthlak luttuk. Keimah ah ka inchan a…..hnuk ati ulh..
Report this comment
October 3rd, 2011 at 9:38 pm
#5 Thenzawlah ka awm e..
Report this comment
October 4th, 2011 at 12:53 am
Hmangaihnaa luangliam Vallunglenga! Keimah Vallunglenga inti zawk rawh..hehe. A ngaihnawm khawp mai a. Mahse, ‘thihna kawr ruamah chuan..’ tih paragraph ka chhiar hnu, an khaw lamah an haw tur thu ka chhiar thlen khan motor accident-a i thihtir ka ring a, ka ring sual lo! Ziak zel rawh. Ka lawmpui em a che.
Report this comment
October 4th, 2011 at 7:43 am
Engaged tawh tan dawn tithui ava ni em.Post tupa tan
Report this comment