Ka han mu chu mut a tui duh nge mai. Mumangah chuan chawlhna tuikam bul phul mawi leh nuam em em hmunah chuan hlim takin ka lasi note-i nen chuan kan lo lengduna. Kan han thuduna, ka han kuaha, hmana ka hrilh tum amah avanga ka lunglen theihziate ka han hrilh a. Ani pawh chuan min lo hmuhleh chakziate min hrilh a. Hlim taka kan titi lai chuan tumaw hian min rawn sawi a, ka han harh chuan a lo tlai fe tawh a. Ka inphih fai a, ka lasi note-i te hostel kan thlir thuaka, tumah an awmloh avangin lehkhazir turin ka chho ta a. Mumang ngaihtuahzui a nuam khawp mai.
Tukthuan ei hun a lo nia, puar taka ka ei hnuah sikul kal turin ka insiam zuia. Ka insiam zawh hnu chuan a la hma bawka ka lasi note-i a lo dah mial takin ka tia. Ka han en a, a thiannu a lo dak a. Min hmuh chuan a lut nghala, reiloteah ka lasi note-i nen chuan an lo chhuaka. A thiannu chuan min lo bye bye a, ka han bye bye let a. Min lo nuih sak a. Min lo duh ve anianga?
Kan han inen a, khawdang kan hawisan a, kan inen leh thin. Kha kan inkawm zawk chhung khan a rilru ka hneh hman a nih ka ring ta a. Chutiang ni lo se khatiang mitmei kha ka hmu dawn em ni?
Rilru nuamtakin ka awm thei ta. Ka lo ralkhat ngaihzawn ve em emin mitmei min hmuh ta tlat. Khatih hunlaia ka hlimzia kha ka chanchin hre tute chuan inhre thiam ngei ang. Tunah chuan ka huaisennaah a innghat ta. Kan la inhmuh khamloh em em lai chuan class tan a lo hun dawn ta mai a. Kan in bye bye a, kan kalsan ta a.
Kha ni kha nidang aiin khua a hnîm zual a. Engtikah nge ruah a lo sur ang tih chu kan ngaihchan a ni. Mahse ka rilruah chuan hlimna vawrtawp a awm avangin khawdur khan min tibuai ve lo. Lasi note-i mitmei ka hmu tlat.
Kha ni atang kha chuan hman hun apiangin ka inhmu thin a. Biak erawh kan inbe thei lo. Sawikher ngai lovin thuk takin kan induh tawn zia kan inhre telh telh a. Hmaichhana hmuh hunah hrilh pawh ni ila ‘ka chetzia atang khan ka duhzia che i hre mai lo mi?’ min ti ngei ang.
Inrinni a ni a. Thil tihtur ka neih avangin ka chhuaka. Ka tihzawh chuan hostela haw nghal lovin ka lengkuala. Thingpui dawrah thil ei turin ka lut a. Ka han hawi kuala thutna awl awmah chuan keimahin ka thua. A hnu deuhah chuan hmeichhe pahnih an rawn lut a. Ka bulah an lo thu a. Ka lo ngaihsak vaklo ni tur a ni chu mite chu ka lasi note-i te an ni tih ka hre lawk lo a.
A thiannu chuan ka thiltih min zawta, ka chhanga. Ka lasi note-i erawh a lai tlat. Ka hman tawh leh tawhloh min zawta, ka hman tawh thuin ka chhanga. A thiannu chuan an ina kal ve turin min sawma. Kan chhuak ho ta a.
A thiannu te in kan va thlen chuan an in chua a lo nawm hmel kher mai. A chhung pawh a ropui bawk a. Luh pawh a zahthlak lek lek hial a. A thiannu chuan a room min kalpuia. A room pawh a lo nuam kher mai. Sofa set a lo awm a, kan han thu a. Thiam takin chance min han pe a. Tunah chuan ka rilru a ka lo pai chu hrilh theihin a awm ta..
Similar Posts:
- Ka ngai che- lasi note V
- Ka ngai che- Lasi note III
- Ka ngai che- Lasi note II
- Ka ngai che – Lasi note!
- HMEICHHIATE HI….
September 7th, 2010 at 1:04 pm
First phawts… good post
September 7th, 2010 at 1:06 pm
Ngaihnawm tluang zel e..Han ti zel teh khai
September 7th, 2010 at 1:07 pm
a va kaihpereng ve le
September 7th, 2010 at 1:12 pm
Part 3 ka la chhiar lo va a ho zo vek..
#5 _CFL_ aka makpazangkang, nia ti raw, an thiam thin ngawt mai. Ziah ve ka tum a, ka ti hleithei der lo
September 7th, 2010 at 1:12 pm
Thawnthu ziah hi in va thiam bik thin tak em!!!
September 7th, 2010 at 1:12 pm
Ka chhiar ta ngaihnawm hle mai… chhuak rih ange
September 7th, 2010 at 1:15 pm
…….Chutia chance te min han pek takah chuan kei amipa zawk ka chet loh chuan tiin kan in sang mara, tin heti hi ani a chu mi hun Inrinni chawhnu lam ah chuan kei mipa chuan ka ke zungpui chu ka lasi note hriat loh hlan chuan ka ti che ta a…
September 7th, 2010 at 1:22 pm
Ka ngai che Lasi Notebook 0.4 tia chhiar mai ka duh
September 7th, 2010 at 1:29 pm
Rilru-ah a awm reuh reuh tlat tawh he thawnthu hi. Nitin chhiar tur min hlui zel thei turin tan han la sauh sauh rawh. A phurawm telh telh mai.
September 7th, 2010 at 1:34 pm
@kawnga kan tum dawn nia
September 7th, 2010 at 1:35 pm
T(r)en t(r)en, bawhthut policy… :twisted: :lol:
September 7th, 2010 at 1:43 pm
A rilru-ah chuan i lian hle tihna ani thei.
@Lasi hian NOTE nge an neih NAUTE ? Mihring sawina atana i hman avang hian Naute ti ta la a dik zawk angem U Thingtlangpa ?
September 7th, 2010 at 1:46 pm
@senyMizo hmeltha tehkhinnan an hman thin a nia. Ka hmeichhe duh em em hmeltha bawk si ka tehkhin ve a ni e
September 7th, 2010 at 1:51 pm
@12, full support. Note hi chuan mihring lam a kawk lo. Naute erawh chuan mihring a kawk thung.
September 7th, 2010 at 1:55 pm
@Keimah Thingtlangpa, SenyMizo hian LASI ringawt ni lo in NAUTE leh NOTE inkar tawngkam hman a sawina zawk anih kan rinpui ve mai mai khawp a…
Nia LASI chu hmelthatak leh ngaizawn nuam awm takin kan ngai thin chua nia lawm…
September 7th, 2010 at 1:58 pm
I lai ve deuh ni maw i aw a khurh tlat mai,i lasi note chu hmu leh ta ni maw…….he..he…..
September 7th, 2010 at 1:59 pm
Naute ka tih chuan kan pi leh pute tawngkam hman thin ti diklo tu ka ni dawn a sin..
September 7th, 2010 at 2:01 pm
Lasi note tih hi ka hriat dan thin…
September 7th, 2010 at 2:02 pm
Engpawhnise, thuziak i thiam hrim hrim e.
September 7th, 2010 at 2:07 pm
Lasi note/Lasi naute…. A enga pawh hi kan pi pu te’n an hman thin awm ka lo hre lo reng reng. I rawn phuahchawp mai mai emaw ka lo tia lolzzz…
Lasi= ramhuai. Ramhuai note chu ka hria. Lasi note hi a dik ang.
September 7th, 2010 at 2:08 pm
¥keimah Thiltlangpa : A ni maw. Hmeltha tehkhin nan i hmang nge Mizoten kan hmang thin ? Hriatchian duh vang..
September 7th, 2010 at 2:10 pm
Nia angaihnawm khawp mai… NAUTE leh NOTE ah chuan sawi sei ve vak tur chu ka hrelo.. mahni hming pawh kan sipel thei ngawr ngawr ania keini ang chuan……
September 7th, 2010 at 2:25 pm
Ziak ngaihnawm thei khawp mai chhiar anuam…lung te pawh a ti leng deuh roh lawm le…
Kei chu naute tih ai chuan note tih hian a romantic zawk ka ti va mai2 a…
September 7th, 2010 at 3:00 pm
#21 ‘Leitlang Dingdi’ tih C. Thuamluaia ziah kha chhiar tawh em? Khatah pawh khan lasi note tih a tel a
September 7th, 2010 at 3:17 pm
Ziak ngaihnawm thin hle mai. .
September 7th, 2010 at 4:30 pm
#Keimah Thingtlangpa : A lawmawm e. Ni e, NAUTE tih ai chuan NOTE tih hi a lamrik ah pawh a nalh zawka,ka han hriat duh lai tak chu nangma irawm atanga i phuah mai a ni em tih a ni a. Lo ni ta se a diklo palh mai ang tih ka han hlauhthawnpui mai che a nia.
“Leitlang Dingdi” ka chhiar tawh chiang maia ‘marawhchu ka lo chik lemlo a. Kan Mizo tawng kalhmang pangngai vawn nun zel duhtu ka ni e.
I thuziak chhiar a manhla thin khawp mai, han ti zel rawh, a ngaihnawm dawn chauhin ka hria…
September 7th, 2010 at 5:06 pm
@26 a thawnthu hi chu ka phuah a ni a. Lasi note tih hi chu mi tawngkam ka hawh a ni e.
Ka thuziah inlo chhiar avangin ka lawm e.
September 7th, 2010 at 9:17 pm
ngaihnawm khawp mai…
December 14th, 2010 at 9:52 am
test leh lawks https://i56.tinypic.com/2dwerkk.jpg