Bawp lehlam an chhar leh tawh

October 15th, 2011 10:05 am by aduhi

Nimin (14 October 2011) tlai khan Edenthar tlangval Zonunmawia, Laltlanchhuaha leh Lalchhanhima te thirchhe zawga ramvak te chuan Edenthar veng mual thlang Maumual mawng, Bawngkawn lui leh Rangvamual lui infinna chhak, Kurung lui hnar tawntirh kawrkamah mihring bawp lehlam tawih filh vek tawh an hmu niin an sawia, he thil enfiah tur hian Bawngkawn Police, Forensic lam leh Edenthar khawtlang hruaituten a hmutu te hruaiin a hmun an pan mek.

An bawp chhar hi a rim a chhe tawh hle a, hnai takah an kalchilh hreh deuh bakah a chhiat tawh em avangin bawp dinglam nge veilam tih an hriat mai theih loh thu a hmutu te hian an sawi.

Maumual mawng luikam bawp an hmuhna leh Sairang Kurung luichhuah hmanni-a hmeichhe bawp an chharna hmun inkar hlat lam hi luidungah KM 17 vel zet a nih arin thu sawiin Pu Vanchunglura Sairang VCP chuan tui len lai chuan Sairang thlenga a rawn lenthlak theih tho a rin thu a sawi.

A hmuna zuk enchiangtu te zing ami Pu JH Vanlalhuma Edenthar veng YMA Vice President in tunah khan phone in min rawn bia a, “A luruh te leh a ruh dang pawh a awm nuala MIHRING BAWP niin a lang lo. Ngho sei tak a nei a, UI lian tak a ni thei angem te kan ti deuh a ni a ti. Nimin tlaia hmutu te hian hnai takah an en loh avangin mobile phone-a thla an lak a ruh lang atang khan mihring bawp chu a ang ve thei mai a, mahse hei kan han belchianga MIHRING BAWP a nilo ve” a ti a nih chu.

Source: Pu Vana at Facebook