“Tho la ding ta che” ti a kan koh mawlh mawlh a tho kang thei lo kha tunah hian a lo tho ta ur ur mai. Hma ni lawk a “Kumpinu a hrang e kan tawnah” ti a lunghnur taka kan sawi India Cricket team te chuan thla hmasa lawka ‘mawng sawh dawm dawm’ ti an mikhual te lo sawp (ji) tu, Kumpinu vaivawm khel mite chu kan ram khawpui berah kan vei lam in kan tuai vir ve teh reng a nih chu mawle.
Keimah Last Minute Man :
Ka pa hian thil reng reng hi a last minute hian ti ziah tawh suh tiin a fapa duhlai hi min zilh fova. Ka nu hmaisen vawi tam tak ka tuar phah tawh bawk chung hian sim a har ka ti tlat.
India ram khawpui bera vaivawm khel mual hi kum 2009 khan a pitch (ball an vawmna lai te hi) a that loh avangin khawvel vaivawm khelmual zinga thinhrik zingah a tel vet lat mai a.
Tun kum Ual kap (ICC Cricket World Cup ) pawh khan game pawimawh pawh an khel tir duh mang miah loh a nih kha. Tin, India ram khawpui dang aia lian zawk e ti lo hian sumdawnna hmun pui lo ta fam chu tun hnaia T 20 Champion League pawh kha game khat mah a thleng ve hauh lo nia.
Khelmual thinhrik a nih tak vang hian tun hnaia Kumpinu vaivawm khel thiam te lo zin pawh hian an hman ka lo ring lo ngawt pek a. ODI hmasa zawkah khan Kumpinu an han tuai vir hnu pawh kha a dawt khel lehna tur kha ngaisak teh vak lovin ka lo awm ve mai mai a.
Kan khua a an khel hma ni 2 chiah a la awm tih in kan khawpui ngeiah an khel dawn tih kan hre hnuhnawh mai chu buaithlak ve tak a ni. Ka pa chuan hria se la chu “ kha maw last minute ah che suh ka tih ka tih kha”a ti leh ngei ngei ang le.
A nungchunga enna hmasa lam.
Vaivawm hi lawm viau e ti lo hian ka khel thiam hlei lova. Tute savun ham puar pet lawm anga seprawtui chiam pawh ka ti ngai vak lo. A khel en leh an chanchin chhiar hian ka lo in awitlei ve em em ringawt a. Chu chu vaivawm rau ka chan dan a ni miau hek le. Tin, a nungchung (live) hian ka la en mang lo bawk.
Kum 2002 khan kan u pakhatin complimentary ticket min pek hmangin en ve kan va tum a. Kan kal ni lah khan khua a chhia atalangin an lo chawl rih a. Ka kal pui thian te khan an nghak peih lo khanglanga kan haw ngawt a. Mahse, ka thin a dam thei ngang lova, a tukah ka va kal leh a, ticket pakhat man tlawmte in ka lei a, Zimbabwe leh India test khel kha ka va en chak ve ngei tawh a.
Ual kap kha ka thianpa pakhatin ticket min chah kep a, mahse, nuclear weapon lam zir hona (workshop) vel buaipuiin khualbuk arsi panga (five star hotel) ah kan in kulh ve rup avangin ka en ta lo ngawt pek a, ka ui hle mai. IPL lah hi ka pawisa neih loh lai nen a in nang thei lutuk a, tin, tun kum khan ka team tan ve deuh te khan Delhi ah an rawn khel lo tlat a, kan en lo leh ngawt a. Tun tum chu a nungchunga ka en ve theihna hun remchanga nih hi maw tiin Kumpuinu vaivawm thiam te rawn invawrh san lai ( India mawng sawh dawp a an hneh hnu) a nih vang hian en ve ngei ka tum ta a.
Mi lian game maw ? :
India ah hi chuan vaivawm hi mi lian game, hausa sa leh mi hausa ten an khelh leh an buaipui an ti thin. A entute pawh hi hausa turah an ngai nge ni an dim lo khawp mai. Ticket man te chu cheng 4000 pawh a awm hial a ni awm e. Field chhungah chuan dawr ak (a sap tawng chuan ‘Ambush Marketing’ tiin ticket-ah an ziak) tih vel an phal loh avangin tui sik, soft drink, ice cream te leh ei tur thil dang te an lo zuar ve nial a.
Thil man lah chu an duh zat zat an chhiar emaw tih turin a to fang zel mai a. Thingpui no khat pawh cheng 10 an ti a, tui sik te hi no khat (300ml) te chu cheng 10 in kan lei a, Pepsi te chu no khat cheng 30 a nih vah mai.
Ka game hmuh duh leh ka en chak ber, kum hei leh chen ka lo vahvaih pui tawh, mi tam tak te min hmuhsitna pawh ka lo tuar tawhna a ni bawk a, ka in ren si se peih lova, thingpui no 2, Ice cream, Pepsi no khat, Burger leh Chhole bature te kan ei ve tak kha. In ren lo ve tak ka ni…. Milian game an ti ve a, nei vak lo mah ila milian chetin ka ve che a ve a ni mai a. A bul lawk Ambedkar Stadium-a International football match cheng 60 vela lo en thin te chuan mawl min ti leh mai mai ang chu ……
Mahni aia nikhua lo an lo awm ve zel maw le:
Nikhua lo viau emaw intih pawh hian mahni aia nikhua lo zawk an la awm ve zel a. Vaivawm a nungchunga ka en naah hian mi pahnih an lo thu ve a, pakhat chuan vaivawm hi hrethiam miah lo ni ngei tur a ni a. A bul tangin run siam dan leh out dan thleng in a bula a thianpa chuan hrilh ve melh melh a.
An han score that deuh te khan mipui din rual chuan a ding ve ang uk uk a. A hmel en chuan vai a ang viau a, mahse sap tawng hlir an hman vang khan vai nilo ramdang mi emaw ni aw te ka ti mai mai. Kha pa tan kha chuan ban pahnih inkara paltling thankin intlan thelh mai mai hmanga ei zawng te kha hmunnawm ti ve tak maw le…..
Mi tam tak in sum leh tha senga a nungchuang kan ve en lai hian TV lam en tu te tan chuan awhawm na chen kan awm mai thei. Mahse, he ti te hian a ti mai mai a. A nungchung en chu comment pawh awm lova, replay a awm ve bawk silo. Tin, Vai khan sang tak tak te an han din suah tawh chuan an out dan pawh mumal in kan hmu ve hlei thei lova, in rin loh laiin an out phei chuan bengnawng nuih an sawi angin kan out risk ve vak mai a ngai a ni.
Man to ve deuh ennaah pawh hian vai mawl tak tak an lo tel ve zel hi ninawm ka ti. An hmel en a nawi ve hmel deuh leh thing ve deuh te, polite lem lo, kan ngaihsan lo aimaha min hmusit tu te thleng hian an lo tel ve zel hi ninawm lek lek thin. Kan hostel kawta big screen a, tawt tawk a Ual Kap match en kha a nuam ta zawk em aw ka ti ta mai mai a…..
Mahse, sikul kan kal lai a kan zirtirtu pa pakhat in a thusawi, Cricket te hi a hmuna en tu te hi thing ve tak tak emaw kan ti a, mahse a hmuna en tur chuan cheng tam tak a ngai a, TV a en ai hian hlu zawk ti zawnga a thusawi kha ka hre reng a. Mi chuan TV ah fiah zawkin lo en thei mahse, a hmuna fiah lo zawka en hi a lo ropui zawka nih chuan in chhirawmah ka ngai lem lo. Ropui fo erawh a hautakin a buaithlak em mai…
Thil chak dang ka la nei :
He vaivawm khelhna atang hian ‘about turn’ thut ila. A sirah chuan inthlahrung leh thawm dim takin savun hampuar petna, Ambedkar stadium a lo awm ve bam ang. A bula vaivawm khelhna nen hian a inlenhleih dan te, mihringa len hnem leh an inching tlun hleih zia hi India ram savun hampuar pet leh vaivawm market inthlauh zia entirna tha ber a ni awm.
He stadium ngawichawi takah hian nikum khan Delhi Mizo te hnen a thleng ngai lo thil ropui tak thlengin, Mizo te hlim leh lawm avangin kan han sahawk teh reng a nih kha. Tamchon Football tournament-ah( North East pual tournament) Delhi Mizo Zirlai Pawl aiawh ten Champion no mawi an lak khan Bible in “Kan ka chu nuih in a khat” a tih ang deuh kha kan chang a ni.
Tun kum pawh hian an khel leh ngei dawn a, mahse, vaivawm khelh nen a inrual lo tlat mai hi a pawi ber mai chu a ni. Duhthu lungmawl te te kan sam vek a, kei pawh kan sam ve mai mai teh ang. DMZP hotu ten Tamchon no mawi an chawi leh chak tluk zet hian chak ka nei ve tlat.
Tamchon tournamentah hian DMZP hi semifinal thleng chho sela,chu mi game awm ni chuan Ferozshah Kotla-ah ngei hian ODI match awm bawk sela. DMZP inkhel zawk chu en ngei mai ila, sawi tam a ngai lo, a nawm dan tur hi ka ngaituah thiam lo. Ka thiante vaivawm sawt a, hmusit tu te bulah chep deuh inhnawh tawlh tawlh ila, nek talh talh pah hian han melh ila, nuih suk ila an thin a rim em em dawn tih chu hriat sa a ni mai. Min hmusit tu te, min sawt tu te hmai uang lo tak mai kar a, lo nui deuh karh karh chu DMZP hruaituten Tamchon Trophy lak an chak tluk zet in ka chak……
Hei mah mah kan veilam leh nghal :
Tun tum kumpinu Vaivawm khel thiam te lo zin hi India hian a vei lam (second string team ti mai ang) nen a lo in tum tir ve tlat mai le. Captain Dhoni tih loh hi chu senior player kan tih ang chi kha an awm bar lo. A tam zawk hi chu naupang te te, hman ni lawk a rawn khel lar ve an ni.
Mahse, India hian a khawtual ah na na na hi chuan ‘keite huai’ an sawi ang a nih avang hian thla hmasa lawk a lo sawi sa hrep a “ mawng sawh dawm dawm” lo ti tu Kumpinu hi a vei lam in a lo chai a, hei inkhel vawi hnih ah chuan a la chak zui leh nghal a.
Vaivawm hi Kumpinu in a ram awp te zingah a theh lar zela vang hian colonial game’ ti in an sawi thin a ni awm a. Chu chu han sawi chhunzawm ta lawk ila. Kum tam tak an lo awp beh te, a lo rawk dak tawh te hian tun ang khawvelah tharum nen hian kumpinu beih let a rem”tawh lo.
Chuvang chuan inkhelhna hmangin kumpinu hnenah hian phuba an la thin a. India kum tam tak min awp bet a, zalenna min hup beh sak a, min rawk tu tia kan chhal te lakah kan ram khawpui ber khelmual hring nghilh nghelhah kan phuba kan han la ta siah a nih kha.
Mipui sang tam tak hmaah khan kan ram aiawh tur an thlan mi 11, an hmel en reng pawh a chhuanawm loh ve tak tak te khan Sap ruakhau tha tak tah te kha an tlawm der mai a, an hnehna hla do lo chham in keinin kan lo tawiawm ve a. A va nuam dangdai tak em. Hei mah mah kan veilam lehnghal mawle……..
Similar Posts:
- Ka SALE vek mai dawn e.
- In Kan Nei ( Vaivawm lawmtu ten)
- Zin kawng thui: Kum 40 chhung zalenna sualna zin kawng chu
- Vaivawm President’s Cup ka en ve a….
- Game of Love
October 19th, 2011 at 6:33 am
..of the east ah ka tho hma ber em o?
Report this comment
October 19th, 2011 at 6:39 am
Ka dawt em aw?
Report this comment
October 19th, 2011 at 6:39 am
A va thui ve, helai atang chuan “khitah.” Hman deuh hunah la chhiar tur nih hi.
Report this comment
October 19th, 2011 at 6:44 am
Va saqwi ngaihnawm thiam ve..kha mah mah i vei lam leh nghal!!
Report this comment
October 19th, 2011 at 6:48 am
A hmuna inkhel en ka chak lem loh pawl tak a ni, vaivawm i tih kher hi chu. TV ah chuan ka en fo.
Report this comment
October 19th, 2011 at 7:00 am
Thu i thiam hle mai, ka tuina pawh ni vak lem lo chanchin, sei angreng tak si nimahse min chhiar chhuah tir vek alawm le.
Report this comment
October 19th, 2011 at 7:12 am
Vaivawm i ti a, Mizo pawhin an khel nasa tawh sia a dik dawn em ni ? Hockey pawh Bawl vuak kan tih kher loh hi ! Cricket hi chu a en chiah ka peih.
Report this comment
October 19th, 2011 at 7:21 am
Cricket i tui hle a ni maw? Keipawh ka tui tak tak lai chuan, hostel top roof-a tlak hlau reng reng lova invaw ngam ve ka ni. Kan Warden ten min hauh phah zek nia.
Mahse, tunah chuan ka peih ta mang lo. Thu i thiam e…
Report this comment
October 19th, 2011 at 7:26 am
Cricket lam hi chu ka en khat hle mai
Report this comment
October 19th, 2011 at 7:48 am
A nungchung chuan the Ashes 2011 kha ka en ve thlap, nuam ve mai mai tak a ni
Report this comment
October 19th, 2011 at 7:51 am
Cricket ka en ve thuak hnuhnung ber nia ka hriat chu March, 1993 khan Nehru Stadium, Guwahati-ah Zimbabwe leh India inkhelh kha a ni awm e. kapil Dev te pawh an telin ka hria.
Kan inchung atang khan alang reng a, thenawm ten TV nen, entlang nen an inchhawp chhuah tak sup2ah chuan kan thlir ve zuai a. Ka enrei peih lem hlei lova.
Naupan lai atangin sikulah an uar viau kha ania. Mak tak maiin ka tui thei hlawllo a ni ber awm e. A tuite hi chu an tui thei phian lawi a, anuam an ti aniang chu!
Report this comment
October 19th, 2011 at 8:40 am
Post tupa, engtikah nge 3rd ODI an khelh leh dawn?
Report this comment
October 19th, 2011 at 8:49 am
Vaivawm hi chu ka englo then na lam a ni lo tlat.
Report this comment
October 19th, 2011 at 8:50 am
va sei tha ve…
Report this comment
October 19th, 2011 at 9:08 am
Vaivawm hi chu hmuhnawm ve tho mahse FOOTBALL nen chuan inthlau eee
Report this comment
October 19th, 2011 at 9:24 am
Test chu en peih lo,rei thei em mai. ODI leh t20 hi ka duhtawk chiah. Dinglam nita se aw….
Report this comment
October 19th, 2011 at 9:36 am
Ka en ngailoh lam tak ani, ball pet niloh chuan insual buaih buaih bak chu en peih lo. Heti lamah chuan ka zahmawh hul thak, sawitur ka hre lo
Report this comment
October 19th, 2011 at 10:12 am
Ziak tlawrh thiam ve aw.. kan U-a hi chu vaivawm i lawm ngang a ni e..
Report this comment
October 19th, 2011 at 10:21 am
A va lawmawm tliar tliar ve aw. Ka post tlawm te hi min chhiar sak duh a, Vaivawm hi chu ka lawm ve em a ni…. mahse a hmun a en chuan mahni chauh a kal chu a chi vak loh in ka hre chhuak, a boring duh em mai. A leh pekah chuan mahni chauh lova kal tawh tur a ni e. Naktuk lam hian Mohali lamah an che leh dawn a, Yuraj Singh leh Harbhajan Singh te state a ni nangin, anni pahnih hi an khel dawn lova, enge tak ang ang maw le…. lo en chhin leh phawt ang u aw.
Report this comment
October 19th, 2011 at 10:24 am
@posttupa: hei chu sports lam ani tlat.. ka chhiar zo lo mai.. sorry ltkk….!!
Report this comment
October 19th, 2011 at 10:28 am
I van lo ziak kual thiam ve…han thawh zel teh…cuan thildang….Cricket world cup a India an champion ngawt kha chu match fixing a awm angem aw..ka ti leh vang vang thin..an vannei ka ti leh lutuk a…
Report this comment
October 19th, 2011 at 10:35 am
Match fixing hi in sawi ve teh a, A leh lamah chuan he ti zawng hian kan la kual daih teh ang. Vaivawm hi chu a game hi a ropui a,sum leh pai che vel pawha tam em a. chuvangin player te pawh hian tlemna an tawk tam niin ka hria. Eng pawh nise kan chak leh in ring hleh a, kan chak loh leh min hmusit zawl dawn chuan a tha lo ang e. Chak ni leh chak lo ni e a lo awm ve a nih hi i ti tlang teh ang u….
Report this comment
October 19th, 2011 at 10:51 am
Cricket i ngaihsan vang khan Football kha va khei zauh kher lo la. Khawvel ram 20 pawh tling lo tena an khelh ve hi Football nen chuan a inthlau deuh.
Report this comment
October 19th, 2011 at 11:11 am
in vaivawm hi chu ka entha peihlo reng2 reithei si
Report this comment
October 19th, 2011 at 12:08 pm
Football ngaisang tu te tluka Cricket hmusit hi ka la hmu lova, chuvang chuan keih loh theih a ni lo. In vaivawm hi an rethei ti tu hian India cricket chanchin hi a hre tam lo a ni ang e ti ila thinrim kan awm ang em le……………hahahaha
Report this comment
October 19th, 2011 at 12:52 pm
vaivawm chu vaihoin khel se la
Report this comment
October 19th, 2011 at 1:16 pm
a hmuna en chu sawi loh tv-ah pawh hian an en chhung zawng chu lehlam hawiin ka thu peih. criket chhuah laia adver. te hi a bengchheng bik..haha..
Report this comment
October 19th, 2011 at 1:18 pm
Vai ban sei vawm chu athui hle mai..
Report this comment
October 19th, 2011 at 1:30 pm
Kha maw…. a dik tak chuan vaivawm hmusit deih deuh in tam si, mi dang han khei ve lah hian in vui dawr dawr si. Adver te a bengchheng bik…..a bik bik a tam khawp mai. Anyway….. Vaivawm sap ho hmuhchhuah hi a ropui zel dawn niin a lang
Report this comment
October 19th, 2011 at 1:31 pm
kan nau pakhat hi vairama sikul kal a ni bawka friday chawhnu hian criket an khel thin a ni awm e.. An hotu te bulah khelh ve loh a dil a, An khelh chhung zawng sikul leh a vela bawlhhlawha lo chhar thin. Ngaisang lo ve tak a ni. Pa siar, pa siar.
Report this comment
October 19th, 2011 at 1:37 pm
@30, Hmmm chu pa ngei chuan test cricket rau han chang teh reng sela…..ka va ti em ve le aw.
Report this comment
October 19th, 2011 at 1:44 pm
khi pa vek khian a lawm, world cup te an ti ve a, kei ni N.E. tribal inkawibah thin ram tlemte hian inkawibah world cup ti ve i la a inang reng te a ti vel..haha..
Report this comment
October 19th, 2011 at 1:57 pm
Kei pawh hmuhnawm ka ti thei der lo, Cricket en peih lo Association te din mai ka duh
Report this comment
October 19th, 2011 at 1:58 pm
kan naua pawh hi ka zilh ve thin: india rama kan awm chhung chuan india rama game ngaihsan ber leh sum tamna ber hi a lar tulh2 dawn..lo nin viau hi ‘biakin a jeans hak lo helh viau ang vel hi a ni..kan la ha tho2 dawn khawp mai.. te ka’n ti vei ngawt thin.
Report this comment
October 19th, 2011 at 3:02 pm
aizawl eiru fa, chawmhlawm lehnghal, a rau tak2 pawh si lova intih enge maw nan leh changkanna emaw tia bat hum vu vu ho hian min ti tui lo leh zual.
Report this comment
October 19th, 2011 at 4:15 pm
Chhinga hi tunlai i happening reng reng
Report this comment
October 19th, 2011 at 6:05 pm
Chhingdaia hi “Laal Salaam” kan pe e..
Report this comment
October 19th, 2011 at 6:48 pm
I ziak ngaihnawm thiam hle mai. Football chanchin ziakah i duhawm.
Football fan-te min er tan tan hle in ka hre bawk.
Report this comment
October 19th, 2011 at 6:52 pm
@Saint sammoo, he ti hian i rawn ti i rawn ti a, ka duh loh loh thil ka sawi ang tih ka hlau a nia. Basketball te hlei hlei hi a nia milian fa te game chu, dress chang an ti nalh a, sap deuh nelh nual hian pheikhawm man tlawm chi in an khel duh miah lova. Tun a kan khua phei hi chuan e mi thenkhat chuan basketball khel thiam ho hi Mizo tlawmngaih lan chhuah tir hunah hian an lang tha duh lo te an ti. CHuvangin an hlima tur lo siam sak fo hi kan tui lo ti te an awm a sin………..kha ka sawi teuh mai a.Mi i rawn cho i rawn cho vel a nih kha….Kei chu Vaivawm a nung chunga ka va en hian ka pheikhawk chhuan vawr cheng 300 ka lei, keima lei ve liau liau ka bun a, basketball khel ho chu nise an bun duh teuh lo ang chu….hahahaha
Report this comment
October 19th, 2011 at 9:52 pm
I ziak thiam hle mai…. ziak zel rawh
Cricket hi hmuhnawm ka ti thin khawp mai, football pawh chuti tho chu …
Mahse cricket hi chu vawi khat vuak hi chhiar zel a nia, football hi chu vawi khat pet theuh theuh hi a inhlut hleih bik ka ti thin.
Report this comment
October 19th, 2011 at 10:09 pm
Post tupa ka tan che…..football fan tho ka nia mahse cricket hi test pawh ka en ve peih vek tho….tui kawp hi a tha…World Cup kha chu Chennai ah chuan ticket chan ngaihna a awmlo keini ang tan chuan…ni 2 chhungin a zo vek
Report this comment
October 19th, 2011 at 10:57 pm
A va han lawmawm tak em. Vaivawm tui pui tu te in awm tih hriat hian a lawmawm tak zet zet a ni. Rawn ziah vel ka lo tum ang a, inchophurna tha tak a ni e.
Report this comment