“Lalpa’n zankhuain Khawchhak thli na takin a rawn tlehtir a, tuipui chu a nem kirtir a, tin, tuipui chu lei charah a chantir a, tin, tuite chu a lo inthen ta a.” (Exodus 14:21)
Lalpan a mite Aigupta sala an tanna lak atang a Mosia hmanga a hruaichhuah lai khan, Hlim takin an chhuak fel deuh chauh tihin, thui an la thlen hmain, thil mangan thlak tak an tawk ta tlat mai a. An hmalamah chuan Tuipui sen daikai ngaihna reng reng awm lo a lo awm cham po mai a.
An dinglam sir lam lah chu Thlaler zau lutuk nunauva han kalchhuah mai ngaihna awm lo ni a lang a lo ni si. An vei lam Tuifinriat kam lah chu Philistia Ralhrat ho awmna alo ni bawk si. Tlanchhiatna tur lam reng a awm lo ve. An hnung lamah lah chuan Pharoa Sipai chhuan vawr hovin Tawlailir nen an rawn um khu rum rum mai bawk si. Mang ava han ang dawn tak em. Chutah mang ti ang zual turin khuain a rawn thim hnan tan chu a ni mai bawk si.
Mahse Lalpa Hnathawh ropui taka lo lang ta. Aigupta Sipaite nena an inkarah Chhum alo zing phui ta tlat mai a. Chu chuan zan thim a tizual a, in kal pawh leh in hmuh theih rual a ni ta lo. Mosian a ban a han phar ta a; Pathian lehkha thua kan hmuh ang hian, Pathianin Israel fate Tuipui Sen an kai theihna tura an tana thil a tih sakna tak tak chu an men lai leh an hmuh theihah a ni lo va, “Chumi zan, zankhuain” a ni zawk.
Lalpa chuan zankhuain khawchhak thli na takin a rawn tlehtir a, tuipui chu a nem kirtir a, tuite chu a lo inthen ta a, tuipui chu lei charah a chantir ta a a ni.
Chutiang tak bawk chuan I nun a thil engkim thim veka a lan lai leh I hmuh theih loh lai hian Pathianin thil ropui tak chu a thawk thin a ni. Chu mi zan, zankhuaa a thawk ang bawkin a hnulam zawng zawngah pawh chuan a thawk zel dawn a ni. A tuk khawvar chuan a zana Pathian hnathawh chu a rawn tilang chauh a ni.
Chutiang hmun thim leh beidawn thlak hmuna awm chu in awm ve em? Pathian hnathawh mak chu hmuh in inring a ni thei e, in hmu kher lo vang. In nunah ni tin tluang taka Pathian nena inpawlna leh hnehna chu a awm reng kher lo vang, engkim hi thim vekin a lang zawk hial mai thei a ni.
Mahse thu lawmawm tak hi hrereng ang che- “Lalpan zankhuain thli na takin tuipui nem kir turin a tlehtir” tih hi. Khua a var hma loh chuan zankhuain Pathianin hna a thawk a ni tih I hre kher lo vang. Amaherawhchu, Pathian I rin phawt chuan I nunna “zan’-khuain Aman a thawk ang a, engah chuan malsawmna chu I dawng mai ang. Kan hmuh loh leh hriat lovah Pathian chuan a thawk thin. Chungnung berin a thiltih mak, a rukin a zo vek tih angin, a rukin min thawh sak vek thin. Rinna mit chauhvin a hmu thei thin.
Pathianin keimahni nunah thil harsate min thawh sak nan “zan” hun hi min pe thin a ni. Kan nuna “Zan” hun harsa-damlohna, hlawhchhamna, retheihna, inthenna, Lungngaihna leh Lusun khawharna leh thil tam tak lo thleng hi Pathianin kan tana hna ropui tak a thawhna hun remchang a ni thin tih I hre reng ang u.
Kan hrisel that a, sum leh pai lamah harsatna kan neih lohva, ngaihzawng lam leh zirna lama kan tluan viau lai hi chuan, Pathian hriat reng leh a tanpuina tih tak meuha dilte hi a har thin. Zu leh sa kan chen laite pawhin; thil a kal tluan viau a, hlimhlawp engemaw te kan la chen ve a kan inhriat laite hian, ‘Pathian hi a awm tak tak meuh pawh kan ring thin awm lo ve.
Amaherawhchu, kan nunah hlawhchhamna te, bawrhsawmna te, inthenna te, retheihna te, Lusunna te, leh mualphona te a lo thlen a, Khawvelah hlimna kan hmuh loh tak tak hunah hian, Lalpa lam kan hawi thei thin a, A hmel duhawm a lo lang chiang thin a, Zan thim lungngaih thlak ni a kan hriat hun laiah ngei khan Lalpa chuan hna a lo thawk thin a, a tuk khua a lo varin a hnathawh chu kan hmu thiam chauh thin a lo ni.
Thil awm dan leh lan danin a zir chauhvin emaw, engmah thil beiseiawm awm a lan loh lai emaw chauhva Lalpa hi ring lovin, thil awmdan leh lan dan reng rengin a nih theih loh dan tur emaw, a hlawhtlin theih loh dan tur emaw, lam hlir a kawh hunah pawh Lalpa chu kan ring tlat tur a ni. Chutiang hun “zan thimah” chuan Lalpan hna a thawk si thin. Chu chu Rinna tak tak chu a ni. Lalpan a thu malsawm rawh se. Amen.
Similar Posts:
- Thawk tha peih lo chuan hna tha thawk ve suh se!
- Pathiana mihringte dinhmun;
- Ka Tan a Tha Pathian Hnaih Chu, Sam 73:28
- Pathian, Hun leh Chatuan (Part 2 of 3)
- Ke hniak
Nia, Like tur dik tak hi Like a ngai a...
October 23rd, 2011 at 11:40 am
1st phot..
Report this comment
October 23rd, 2011 at 11:43 am
ka chhiar hma in pathian ti loin Pathian ti ta zawk la o
Report this comment
October 23rd, 2011 at 11:49 am
chhiar ta!! Good Post
Report this comment
October 23rd, 2011 at 12:29 pm
Unaupa, awh tihpalh ka pate, a taka thu i sawi lai ngei mai ka ngaithla chak khawp mai. A ngaihnawm dap dap e.
Report this comment
October 23rd, 2011 at 12:38 pm
A va tha thei em, nia, harsatnain min hlat lai hian Pathian hnaih hi a har thin a, harsatna leh buaina kan tih hi A hmelmawi min hmuhtirtu a lo ni fo reng a ni.
Report this comment
October 23rd, 2011 at 12:49 pm
A dikin a va pawmawm em ve aw. A tir lam ka chhiar lai khi chuan ka tui lutuk vak lova, ka chhiar thla zel a, ka tui thla tawlh tawlh a, ka duh aiin a tawi ta hial zawk a ni.
Chawlni a hetiang chhiar tur awm thin hi chu a va tha tak em. Misual.com hi a ti hlu lehzual thin.
Report this comment
October 23rd, 2011 at 1:11 pm
Admin duty in awm chuan a Heading a pathian tih khi Pathian tiin min thlak sak thei em aw? A chhiartute rilru a la peng thei palh ang e. Pliz.
Report this comment
October 23rd, 2011 at 1:21 pm
Khawngaihin a post-tuin min lo hrethiam se.
ZUALKO:
Tuithiang Branch YMA President, Pu Robert Ramsangliana chu thluaka thisen zâm chat avangin New Life Hospital-ah a boral. Hemi avang hian YMA Conference lo awm tura Tuithiang Branch YMA-in drama an chan tur pawh an chang thei dawn lo a ni.
Report this comment
October 23rd, 2011 at 1:29 pm
A va tha ve, Pu PK a nge nge. Ka lo ngaihtuah ve lai tak ani a. He hla hi lo en ve teh u, a thu a tha ania.
https://www.youtube.com/watch?v=RIIwO53wsfw
Report this comment
October 23rd, 2011 at 1:51 pm
A va kher ve aw. Sunday pual sermon ngaihnawm tak tak awm thin hi chu a nihlawhthlak thin teh e.
Report this comment
October 23rd, 2011 at 2:03 pm
a va ropui ve le, post tha leh ropui tak a ni..
Report this comment
October 23rd, 2011 at 3:23 pm
A ngaihnawm hle mai, ka chhiar awm tak pawh niin ka hria
Report this comment
October 23rd, 2011 at 4:20 pm
A tha hle mai. Mahse ka lo ngaihtuah lai tak chu Pathianin a hmanrua atana mihringte min hmang ve duh thin hi a ni. Pathian khan khawchhak thli hmangin Tuipui sen kha nem kir mahse Mosia’n tuipui chunga ban a phar lai tak hi i sawi tel lova, a pawimawh ka lo ti ve viau asin.
Sermon tawi tha tak a ni, ka mamawh lai tak a ni nghe nghe
Report this comment
October 23rd, 2011 at 5:41 pm
lr hlonchhing, kum lamah inthlau viau mah ila, inhmu chiah ilang chuan, kei aiin i puitling zawk mah maithei a ni?. @Jesuslovesme, i hla dah khi a tha kher mai. thank U. @ Chhuaklinga & Chhingdailova, Sunday pual lo hlut der tu in awm hian, a dang post leh zel pawh ka inthlahrun loh phah a nia.(mi inthlahrung hma deuh mai ka nia). @ muantea, Mosia ban phar thu kha sentence 1 lek chuan ka thai lan ve khi. Mahse ka rilru kha Pathianin zan thim hnuai a hna a thawh lamah ka lo sawrbing lutuk a lawm maw le. I sawi khi a pawimawh ka ti khawp mai.
Report this comment
October 23rd, 2011 at 6:28 pm
Rawn ti zel rawh, keini ang mithatchhe tak mai a hranpa a Pathian thuchah ngaihthla leh chhiar tura tha pawh thawh tha peih mang lo tan hi chuan hlu tak a ni ringawt mai.
Report this comment
October 23rd, 2011 at 6:32 pm
Pu Pk,,Ka tlakchham te hi I hria emaw tih mai tur hian sunday tin ami hi ka mamawh tak2 te an lo ni zel nia. Hei pawh ka mamawh tak ani,nang kan nei che hi vannei ka va inti em! Lalpa’n hmang zel che rawh se.
Report this comment
October 23rd, 2011 at 6:47 pm
A tha hle mai.
Ka tawn ve tawh thil ani. A hun lai chuan a na, “ngatinge ka chhungah kher a thlentir bik” tiin Pathian pawh ka dem hial a, pawisak ka neilo a, ka tal khawloh phah hle bawk.
Mahse Pathian chuan amah ka neih theihna turin khangte kha ka chungah a thlentir alo ni reng si. Lungngaihna, beidawnna, rilru natna te kha ka chungah thleng ta lo se, Pathian hnaihna chang ka hre dawn lo alo ni reng si a.
Report this comment
October 23rd, 2011 at 8:38 pm
@PKfanai, i thuziak hi tha ka ti takzet. Tlai chhung inkhawmah pawh Pathian thu dang chhiar lovin i thuziak hi ka chhiar nghe nghe asin
Report this comment
October 23rd, 2011 at 10:19 pm
Zepnak emaw he thu hi vawiin nilengin ka hel ka hel a, hei zan muthmunah ka chhiar a, ka rilru a hneh hle mai. Kan thlen chin atang hian hmasawn zel tur kan ni.
Report this comment
October 24th, 2011 at 12:12 pm
Nimin lamah ka chhiar hman ta ngang lo a, PK-a, Pathian Thu i tuipui satliah a ni lo a, a takin i chet chhuahpui avangin Lalpan, “Ngai teh, ka lo kal thuai dawn e; mi tin an thiltih ang zela pek turin ka lawmman ka hnenah a awm…” (Thupuan 22: 12). tih kha i tan chuan a ngahhlelhawm hle ang tih a rinawm laiin, Paulan, “Kei atan zawng nun hi Krista a ni si a, thih pawh hlawkna a ni. Nimahsela tisaa nun hi ka chan ni sela- chu chu ka hnathawh rah ni ang sela, chuti chuan a engnge ka thlan zawk dawn zawng ka hre lo. A lai laklawhah hian a ngaihna hre lovin ka awm mai a ni, kal chhuaha Krista hnena awm chakna ka neih avangin, chu chu a tha zawk em em si a. Nimahsela nangmahni avangin tisaa awm reng hi a tul zawk a ni” (Phiippi 1: 21-23) a lo tih te pawh hi a hriat thiampui ber zingah i tel ve ngei chu a rinawm e.
Kan chunga thil lo thleng zawng zawng hi Pathian remruat a nih dan hmu thiam hlawm theuh ila chuan, chantawkah kan lungawi dial dial a ni mai tur. Mahse duh dan nei ve tlat mihring kha kan ni ve miau mai si a. Chutah tak mai chuan Pathianin a thiltih theih zia te, min siamtu a nih zia te leh kan chunga thu a neih zia te kan hriat theih nan, mihringin thil tha lo leh vanduaithlak nia kan hriatte pawh hi kan chungah hian a thlentir fo thin a ni zawk. Hei hi Pathian hmangaihna tho a nih avangin hrethiama thuawih hmsa apiang an vannei a ni mai.
Post ngainawm tak a nihna piah lamah hian a taka hman thiam atan ava duhawm em!
Report this comment
October 25th, 2011 at 10:21 am
Pu PK, tihpalh lutuk, a tlai tawh hle na a, i comment #7 ka rawn hmu ve chiah, a headline chu ka thlak nghal e. Hetiang thilah hi chuan maw, contact form atangin admin rawn hrilh tawp mai rawh.
Report this comment
October 25th, 2011 at 10:28 am
Pu Sandman.Thanks, “better late than never” tih a nih kha.
Report this comment