mi(sual).com

( Facebook a thu ngaihnawm huang ah ka post tawh a, ka rawn dah leh hram ani e)

Tlai khat chu kan Pa leh ka fate an lenchhuahlai changin inchhung ka ti fel a. Kan mikhual room te pawh tifaiin kil khat thingrem hlui tawh tak, ka college kal laia ka hman chu ka hmu in ka lung a ti leng hle a.

Ka hawng a, high school leh college kan kal laia kan thil hlui te chuan lung hlui a ti leng a, ka rem fel zawh chuan Album chul tawh tak chu la in ka en a.

Kan high school leh college kal laia ka thlalak tam tak te chuan in ka ngaihtuahna mu hnu te rawn kai tho lehin, Prom night a kan pa nena kan lam dunna thlalak te,college ka kal hmasak berni a ka pi nena kan lak te, ka pasal nena kan inngaihzawn tirh a kan lendun lai thlalak, kan thiantena a ruka minlo laksak te ka hmuh te chuan ka lung a ti leng hle a, ka keu zel a kan nunhlui te maithla ah a lo cham a, chutah phek tawp lama ka thiante 3 Sandy, Mark leh Henry-a te nena kan thlalak chu ka hmuh chuan ka ngaihtuahna a kalthui tir hle a,hemi te 3 inkara hmangaihna lo pian dan te leh, chumi ina an 3 nun a hruai dan te min ngaihtuah tir ta a….

Nia, kei,Suzzane,Mark leh Henry te chu tette atanga school kal chho ho kan niin kan inkawmngeih hlawm hle a, Henry a chu fiamthu duh leh smart tak,infiamna lam pawh ti thei tak aniin,a ngaih erawh a sam a, thil hi ala zam thiam in,kawm nuam tak ani a, Mark a erawh chu tawngtlem, thluak chak lemlo,mahse thil a tih tawh atchilh bur mai thin mi aniin,Suzzane-i chu hmeichhe nu kan tih ang chi,mahse tawng siam siam chi leh ngainatawm tak ani a, mize inanglo tak ni mahse an 3 chuan mi rilru tha leh kawm nuam aniin, School kan kal chhung zawng te pawha inkawm chawt thin kan ni a. High School kan han luh te khan kan hlimin, ka lawm hle a..Hun te alo kalin, kan Pa nen kanlo inhmelhriatin, kanlo inngaizawng chho ta nen,ka thiante 3 chu ka kawm tlem ta tial tial a,mahse kan la inhnaih hle..

Kum a liam a,taksa te alo thang a,kan School ah chuan High School Senior year kum ah phei chuan, ka thiante 3 chu, a tu ate titi an tling in, hmelhriattu an tamin an lar hle a..henry an infiam alo theiin School chhuanvawr ani a,Mark a lah debate leh School magazine lamah a tuiin, Suzzane-i lah art lampang alo tithei nen, hrelo pawh an awmlo..

Field ah Henry a inkhel tiphura, lo tawiawmin inkhelh apiangin Marka leh Suzzane-i te hmel hmuh tur a awm a, School debate,Quiz vel ahMark a tawiawmin Henry a leh Suzzane-i te hmel hmuh tur an awm reng bawk a..An 3 a an inzui chu an inhmehin,an hmel atha bawk a,hmuh an nuam hle thin..Tichuan High School kan zo a,kei college hran ka zawm a,anni 3 erawh kan khua atanga hla vaklo ah college an kal tlang ta a.An chanchin ka hriatzui danin,an college thar ah pawh reilo te ah an 3 chu midangte hmelhriat leh ngaihsan anni chho thuai a..

Amaherawhchu,mipa leh hmeichhia chu thiantha anni reng theilo anlo tih hi a dik aniange..Second year atang chuan Mark a leh henry chuan kum tam tak anin kawm hnuah inremloh na an nei tlat mai le, Hmeichhe pakhat anlo hmangaih dun ta si..Tumkhat chu Henry-a chuan suzzane-I chu chhuahpuiin hmangaih biahthu a hlan a,a hmangaih a thiannu chuam midang lakah alo hlan tawh si..

Chumi tlai Henry a hostela a rawn haw chu a hmel hmu apiangin biak chi anilo tih an hre nghal a,An room ah lutin inhnial buai leh inkhawih thawm an hre nghal a, reilo te hnu ah Henry-a chu a suitcase nen a rawn chhuak a,a kalbo ta a,chumi tlai chuan Mark-a hmai dinglam hi a dukin,a vung deuh a,tuman a chhan an zawtlo..Kum 4 a liam hnu chuan keipawh chu kan Pa nen kan innei ve ta a,chhungkaw han din takah chuan ka Thiante 3 chanchin pawh ka hre zui ta lo.

Tumkhat chu Suzzan-i chu Bazarah ka hmu hlawl mai a.Coffee kan indun a, a hmel pawh a nu deuh tawh a,ani pawh Mark a nen anlo innei tawh a, Mark a chu Construction enginer hna thawkin, ani pawh School ah Art teacher ani awm e..Hmanlai chanchin te kan sawiin,Henry a chungchang a hriat leh hriatloh ka zawt a,Ani chuan khami tlai atang khan college a kal tawhlo thu leh, a chanchin a hriatzui vak tawhloh thu min hrilh a..

Kei chuan Henry a chu Insakna ah Crane oprator hna a thawh thu ka hrilh a..Ani chuan, zawi sapin ‘ Chu, henry a chu Crane operator mai mai maw anih taka’ atih chuan kei chuan ‘Thiannu,crane operator mai mai ani hlei nem,thir tlang Kg.1000 chuang chuang khawl hmang a khai kana insakna a, hmun dik taka rem angai asin, an hlawh pawh a sang a, mibik nih a ngaiin,kan khua ah phei chuan mitlem te asin awm, ka han tih chuan ,nui chungin”nia, Henry a kha chu a dangdai in,mibik ania, Hlawh tam tak hmuh theihna hna a nei chu a lawmpuiawm khawp mai’ ati sap a.A hmel atang chuan ,ala ngaihven tih leh , thil tamdang a ngaihtuah tih ka hailo a, ka zawt zui ta lemlo..

Tichuan hun te a liamin,keini pawh fa 2 lai kanlo neiin mahni buai buai in kan buai a,ka thiante chanchin pawh ka hre zui ta lemlo..Tumkhat chu Suzzane-i phone call ka dawng nawlh mai a, kan khua ah a rawn zin thu te,anhmuh a chak thu te a rawn sawi a..Kan han inhmu chu lung hlui ati leng a,kan inhmuh tawp ber atang khan kum 10 lai a liam tawh a, anipawh a hmel ah kum tam a liam tawh tih a hriat a, a hmel erawh ala tha hle a..Tlangkam titi atang a,la thil hriat te ka han zawh chuan an chanchin min hrilh ta a,,

Kan inhmuh hnuhnun ber hnu khan Mark a chu ,Construction company ina hna thar a pekna hmunah an insawn a, In lian tak sak tur aniin,a hna pawh a hautak a,Mark a pawh hlawh tam a hmuh theihna tur aniin a phur hle a,hna thawk tu pawh thiam thil hrang hrang nei an chahkhawm nasa a, Henry a pawh crane operator turin anlo ruai ve ani awm e..Henry a nen an thawk ho dawn tih pawh kan pa chuan min hrilh lo a,mahse a hnuaia thawkte titi atangin ka hria a,tum hnih khat phei chu anlo inhau ani awm e..

Tumkhat chu, chhunah hna buai lai takin, Crane a Pipe lian rit tak inkhai vu leh la inrem fello a han hmuh chuan Mark a chu a thinrim a, khawl bula Henry a ding chu ankhumin a pan chho a, a hmanhmawh luat ah,a hmun a diakin a nal nen, Mark a chu a tawlh thla a, Pipe inkhai zawn hnuai a, a tluk lai chuan, khawl chu a ri tuar a, pipe chu a inkhaina atang chuan a tawlh thla ta mai, Mark a tan tlansawn na hman a awm tawh silo..

Pipe lah chu a chung zawn atanga ain khaina atangin a tawlh thla ta mai..A bul vela mi tute pawh khan engtik lai khan nge Henry a kha a dinna atanga awm sawn a, a tlan phei lai an hre lo..Henry-a,tlangval hrisel leh infiam thang chuan, a tleirawl laia, football an khelh a,a tha tawp a,a khingpuite a su bur ang khan,tlan phei in Pipe rawn tla thla chu zuang pheiin a hun tak ah a su phei a, Pipe lian leh rit tak chu Mark a awmna atanga meter 1 velah tlain a delhlo chiah chiah a ni awm e..

Kei chuan enge Henry a chanchin ve ti a ka zawh chuan muangchang hian thiannu chuan “Khami ni a, a pipe sut avang chuan Henry a Hnungzang ruh chu tliakin, che theilo in awm hlen a, Damdawiin ah rei tak a awm hnu ah, kan inah kan la phei a, Mark a pawhin a hna bansanin, Henry a hnaivai a kan awm theih nan Hna hniam zawk,kan In atanga hnai te ah a thawk a,kei pawh ka hna atang in ka bang a, kan theihtawp in kan enkawl a, nikum kum tawp khan rei tak kan enkawl hnu ah Henry a chuan min bopral san a, Mahse a insuarance leh savings kan fate hminga alo thlak avangin hei school tha ah kan dah theih phah asin “ ati a..

Keichuan Mark a,ilo nei kha I inchhir em ka han tih chuan “ Thiannu, Henry-a kha chu a zuanzang a, a hlimawm a, a bula awm chuan kan hlim a, kan phur a, mahse hmalam hun kha risk ani a, Mahse a rilru erawh a tha a, chuvang ania Mark –a ka duh zawk tih a hriat hnu a, min kal bosan ni!! Kan hlimna a duh vang zawk asin..Mark –a erawh, a ngawichawi a,a rilru a nem a, rintlak a,a kiangah chuan,ka thla a muang a, min humhimtu neiin ka inhria asin.

.Chu chu Henry a chungchang ah pawh a thianpa a hmangaihna hi thil tam tak chan huamin a hun takah tilang ngam a,ka chhuang a, ka la inchhir ngailo. An pahnih khan kum tam inhmu loin inbe lo mahse, an in thian thatna leh min hmangaihna kha anla vawng nungin kan that tlan nan a hun takah chauh an lantir ve ve a, ka chhuang asin, An pahnih khan ka hmangaih ve ve, mahse ka hmangaih dan erawh aiin anglo a, an pahnih ka hria a, ka nunah ka lo tawng hi chu ka lawm asin” a ti a. Tichuan, thil dang te kan sawikaiin rei tak kanin kawm hnu ah kan inthen ta a..

Thiannu kal hnu chuan, an chanchin ka ngaihtuah a, Hmangaihna an chunga a thlen dan te, ka thiante 3 ina an hmangaihna neih an lanchhuahtir theuh dan te chu a ropui ka ti in an chanchin ka ngaihtuah apiangin hmangaihna makzaia min hriatchhuah tir leh thin…

(He thu hi a tak tak aniin, Reader Digest 50th anniversary special edition,2004 atanga ka chhiar ani a, kum tam ral tawh mahse ka rilru ah a chama, ka rilru a hnehin, a bu ka tibo tawh si, net ah ka hmuzo bawk silo a, an hming leh khua ka ziak chiang ta lo ani e.)

Similar Posts:

• HSLC 2012 result Top 10
• Chemtatrawta baltin mawng a pawp
• Corruption (Tu vang maw?)
• Tih tur nei vak lo ho..!
• Misual i tawng ve tawh em?

Recent Posts:

• NANG NEN NGEI HIAN
• June 2017, Mizo(ram) diary
• MIZORAM POLITICS A PARTY TE INCHIRHTHEHNA TAWP THEI LO: KAWNG CHHIA “MNF hovin anmahni mawng an hlim”
• Dawihzep
• CALL GIRL AN TI!

This entry was posted on Tuesday, October 25th, 2011 at 10:00 am and is filed under Fiction, More than words. You can follow any responses to this entry through the RSS 2.0 feed. You can leave a response, or trackback from your own site.