Thenzawl GMI chungchang bawk a nia ka rawn ziah dawn ni. Mahse, a dan dang deuh thung a.
Nidangah tho hma ngai hlei lo kha zing dar 5 aṭanga harhin muthmunah ka’n insawizawi hmasa phawt a, dar 7 velah ka tho ta vúk mai a, zingkar boruak nawm lai a ni bawk a, ka tho hma chu ka inchhir lo hle!
A hma lawka ‘Haihawt’ thu lo post tawh ka nih avang khan ka theihnghilh theih tur âwm zawng zawng ka ngaihtuah hmasa vek a, nidanga ka ken ṭhin leh ka ken ngai loh nen ka bag te reuh të-ah ka khung ta vek a. Tennis Court lam ka pan ta a. Awm an lo awm nual tawh a, kan innghahkhawm hnuin ka sana-a zing dar 7 leh minute 1 leh second 17-ah kan chhuak ta a. Kan tlân ta vúk vûk mai a ni.
Tluang takin kan thleng dawn emaw tih laiin, Sialsuk khaw hnuaiah kan motor chuanna a nuar ta tlat mai le. Mi post-a râk mai mai leh doctor ṭhenkhatte runluih leh zeuh bak hrât ta lo chuan thiam dang ka’n nei lo laileng khawp a. A neitupa berin a chhin a’n hawng ngawt a, a petrol chu, a oil chu..an han tih ri-ah ringawt pawh ka lo bo nghal em em ringawt mai a.
Kan nula pakhat lahin ka hritlàn vangah a lo puh thla rawk a! Pakhat lahin ka chuan ve vangah a lo ngai hmiah a! A dang lahin ‘in inkhawihchhia a nih kha’ a lo ti chhen bawk a! A tihngaihna ka’n hre lo laileng khawp a. Motor thla ka’n la a, thlalak aṭangin a chhe lai ka’n zawng a, hmuh lah a’n har mai mai khawp a.
Chawnghilh leh midangin min lo umpha a, a rawn zen bawrh bawrh a. Chutia zen nun ngawt theih lah ni hek suh. A motor plate te, a thil intar zawng zawngte kan en vek hnu pawhin fel lo kan hmu si lo. Zunkhum te kan han rawt tituai a, a ni thei ngangin ka hre bawk si lo. Kan infiam a, Mate Ainawn-in a hmun thleng tawh As_Khiangte a bia a, “Kan kir leh vek mai ang,” a’n ti chiah chu a mangang mai mai asin aw..!
Tichuan, Sialsuk lama mechanic zawng turin Chawnghilh leh a ṭhiante chu an kal ta a. Chutah chuan aia thiam an awm chuang lo bawk a tiin ka’n inluling tak tak mai chuh! A pipe awm ang angte ka’n hrufai a, a neitupa Chhawnbura lah chuan tihngaihna hre lo zetin a steering a va herh leh ringawt ṭhin a. Lalpeace-a a rawn phei, a kalna lam a ni lo tih hriat takin, awmzia a awm dah law maw tiin pawnchhiain abattery a’n hrufai leh ringawt a! Motor siamṭhat tum khan motor faiah a chhuah ta der mai a. A thawk lo kher teh asin.
Kan hmaphelte lam lah chuan ṭawngṭai rual an lo rawt chhên tawh mai a, a ṭhenin “Nawra kal chi a ni lo maw..” an lo ti thul. “A pang a sa a ni lo maw..” te ka’n ti leh ringawt a. Kan thiam leh theihna awm ang ang chu kan ui lo, ui tur kan nei tlem a ni. Chutah le, intithiam uang titihin a battery chhin vel ka’n herh nghet a, a neitupain a’n start chiah mai chu a nung ta a!
Motor chhia ka siam ta der mai! Workshop hawn lampang chu ka rilru-ah a rawn lang nghal uai uai a. Intihria leh intithei fahran hian, “A chhiat hi siamṭhat harsa tak angin a lang a, a chhe lai chu a ho a nih hi,” ka’n ti vel a. Fiamthu kan thawh a, kan motor chhia chuan min tihlim zaw phian a.
Tichuan, Chawngilh te kan hrilh hnuin kan tlan ta vang vang a. A hmun kan thlena ka pan hmasak ber chu lr hlonchhing a ni. Ani avangin kal ka inchhir loh phah hle a, a thuziak thiam bak a chanchinte ka’n hre leh phei chu ka ngaihsan a zual a. A entawntlak khawp mai. Chhun lamah te, tlai lamah leh zan lama hun hlimawm tak kan hman hnuin haw turin kan intintuah ta a.
Motor pakhatah a hmanhmawh zual an haw hmasa a. A hnuah keini’n kan zui a. Chaw a ei puar peng pawng bawk a ni ang, kan tlan dawn chauh tihah a khalhtu berin motor a rui ta tlat mai. Kan ding a, kan han inbun leh rih a. Chutiang chuan kala dinga kala din kan fawm a. A hnu lawkah phei chuan kal lama kan motor chhia khan min lo umpha ve ta khanglang a!
Kan kal leh dawn chiah tihah chuan motor min umphatu chu a nuar leh ta tlat mai! Tumah kan nui tawh lo, fiamthu kan thawh ngam tawh lo va, kan uang ngam tawh hek lo. Zan dar 9 velah rampalailengah motor chhia nen, motor ṭha nen, motor rui leh rui lo nen kan ṭhu ta ṭhap a. Motor chhungah a la tawmhul theih a, kan vannei phian!
Phone signal a awm si lo. phone battery a low tawh si, tumah biak theih bawk si lo. Khua a thim bawk si, motor lo kal awmchhunte lah chu truck lian pui pui an ni hlawm a, lunglen leh harsatna an han chhawk lo em em mai khawp a. Sunhlu kan ei a, hnai set sawtah kan inen ṭháw hlawm ringawt mai a.
Motor chhia chu kan han hawng a. A battery kha mawlh kha ka rilru-ah a lo awm a, ‘herh ngheh loh a awm a ni lo maw..’ ka ti rilru a. Mahse, a lo ngheh sa vek avangin nghet leh chuang tur a awm tawh lo, ka thiam a tawp ta der mai a. Kan han nghak vang vang a, a lum a ti lutuk hi a lo nia. A daih deuh hnu chuan a nung ve leh mai a. Kan hnunga mite’n min umpha a, Hmuifang thlen dawnah driver-te kan han inthlak a, kan tlan haw ta vang vang a.
Similar Posts:
- Traffic police an thu ber?
- Ka zin ve a…
- Zinkawng ninawm leh hlimawm
- Mizoram Kawng
- Ka huamhauh a nia!
October 28th, 2011 at 10:30 pm
.
Report this comment
October 28th, 2011 at 10:38 pm
hahaha… thil ho tê te hi i’n chhuah ngaihnawm thiam khawp a(h)! dawt a ni hauh si lo…
Report this comment
October 28th, 2011 at 10:40 pm
#1st khi a va ril em! Ka hnuk a tiulh!
Report this comment
October 28th, 2011 at 10:41 pm
Ziah lamah chuan i haihawt lo e
Report this comment
October 28th, 2011 at 10:45 pm
TSA’n report a han pek meuh chuan ka kal ve ta lo kha ka inchhir rum rum mai a lawm le………
OT: comment ka type laia YMA tlangau ka hriat, “Upa Zalawma kum 88 section VI, republic biakin mual a mi chu zanin dar 10:10 khan an mahni chenna inah a boral a, amah hi Presbyterian kohhran mi a ni a, naktuk chhun dar khatah vui liam a ni ang” a rawn ti lauh lauh a. Tin, mut zai ka rel ve ta a.
Report this comment
October 28th, 2011 at 10:50 pm
Haha.. K’u Kawlpui, ka lawm thin e.
lrp & Ruat, ka lawm khawp mai..
Nia, comment pakhatna khian comment tawi ber record a siam ngun ber hial lo maw..! Comment pakhatah record pahnih.
Report this comment
October 28th, 2011 at 10:55 pm
Hmaphel tih tawngkam khi a tha tlat.. Hehe
1st comment khian ka rilru a hneh em em bawk..
Report this comment
October 28th, 2011 at 10:57 pm
ava ngaihnawm vele, kan thu thiam pa2 ten an han report chu a chiang in a ngaihnawm hle mai, TSA leh lra hi chu aw….anva ropui tak em
Report this comment
October 28th, 2011 at 11:00 pm
Motor chhia report chu Sialsuk ah mechanic an awm loh thuin a rawn zui leh thuai, rilru a buai map map hle. Motor 2 tirh kan rel lai mekin kan inbe pawp leh thei hlauh, a tha tawh e kan rawn kal leh tawh tih han hriat kha a va nuam sawng sawng tak
Report this comment
October 28th, 2011 at 11:00 pm
@filliz: Phel miau hek tiraw…hehe. Mi tawngkam ka rawn hawh a nih kha.
@Marvinic: Ka lawm e.
Hei hi chu report pawh a ni chiah lo zawk a, report (official!) chu nang emaw, k’u Kawlhawk emaw kutah ka dah deuh. Facebook-a i report kha a tawi kimchang a, post daih rawh…hehe.
Mate Ainawn-in a sawia Pu As_K mangan zia kha aw..! ‘Pu Shailendra ni leh phei sela chuan’ kan tia, motor chhia e ti lo chuan kan nui dar dar! Ziah tur a la tam a, a sei luat ka’n hlau deuh a.
Report this comment
October 28th, 2011 at 11:00 pm
Ngaihnawm hle mai a..kal i ti chak awm hle mai
Report this comment
October 28th, 2011 at 11:16 pm
TUAI ah chuan i SIAL ber mai :-)(fth)
mi ‘pakhat’ chu i ni ve thlawt a ni.
Report this comment
October 28th, 2011 at 11:23 pm
Chhiatna lam ni deuh mah sela, a hlimawm hle mai. Ngaihnawm ka ti e.
Report this comment
October 28th, 2011 at 11:24 pm
Ka kal ve chak asin le,. A tak a in hmelhriat ngai loh, lo inhnial pui vak vak tawh te ho kha a takin ka hmu chak,hehe..
Report this comment
October 28th, 2011 at 11:32 pm
Tv. Tuaisiala-Hugo, hi chuan engpawh a ziak ngaihnawm thiam alawm. Kawlhawk paw’n!
Report this comment
October 28th, 2011 at 11:59 pm
Ngaihnawm hle mai, motor han chhe hlauh chu keini kan vannei ti mai teh ang
Report this comment
October 29th, 2011 at 12:13 am
Ts i kaihtawi mah mah a nih hi maw le.
Post hmasaah khan Picture ka thlek ka thleka comment nachang reng reng ka hrelo.
Report this comment
October 29th, 2011 at 12:26 am
Tawi mah mah ani, Thenzawl a in hun hman dan vel han ziak leh teh, ngaihnawm leh dawn em mai
Report this comment
October 29th, 2011 at 12:48 am
Nia. Hei hi chu report pawh a ni chiah lova, kalkawng leh haw kawnga kan hun hman dan chauh a nia. Thenzawla kan hun hman dan kha chu post a awm tawh e.
Report this comment
October 29th, 2011 at 2:32 am
Hahaha, apa ts-a zet hi a nih hi thu lo thiam ber mai chu.! Keini ang duang chuan sawi ve ila, ‘kan motor vawi hnih a nuar’ kan ti ang nga a zo der.
Ngaihnawm kher mai.
tren tren.
Report this comment
October 29th, 2011 at 6:33 am
Ka sitar tawp che Ts. Thuziakte chu kei aiin i thiamin, i ril fe zawk. Keini ang pathlawi hian, eng kan ziak ve thiam lo.
I tan chauh,
Lr
Report this comment
October 29th, 2011 at 8:25 am
A va ngaihnawm ve. Hmanlai min tihrechhuak e a. Khaw karkawnga motor chhia hi a manganthlak thin asin aw. Kawi tin deuh thawa motor nawr a ngaih thin lai te kha…..
Report this comment
October 29th, 2011 at 8:41 am
in lo va che na ve…
dar 7 pelh awrh a in tin ta diak kha chu a zawngchhang tlak loh hle ttihna a ni e…lolzzzzz
Report this comment
October 29th, 2011 at 9:08 am
Ts, nuih tur nge nuih loh tur? nuih loh phawta, chumi hnua nuih leh tur anih hmel… hehe!
Report this comment
October 29th, 2011 at 9:17 am
Hahaha.. Maisek, mahnia a thawh dan a zira awm zel tur.
Report this comment
October 29th, 2011 at 10:05 am
Kan MI ve chuh… Mz leh Shailendra Laptop-ah ka Pendrive ka vit a, file awm ho a corrupt vek…a nuam e
Report this comment
October 29th, 2011 at 10:53 am
Ka tello chuan in heti tlat zel.:-D
Report this comment
October 29th, 2011 at 10:56 am
Ts-a nge nge…ziak ngaihnawm khawp mai
Report this comment
October 29th, 2011 at 12:01 pm
Kei chu Tsa an a khawih theih zawng zawng a khawih kim a..a Acid a liak dawn a maw kan tih hman vek laiin, Lalpeace in Chhawnbura dar a beng chung a,” zia-awm teh” a tih kha Motor khan a hlau a, a rawn nung ta mai niin ka lo hria a
As_Khiangte ka tihder kha chu-“In vai khan maw inkir leh ang” a rawn ti a. Awihawm fahranin,”Hetiang hmunah in kalsan chi a ni hleinem” ka ti si…
Report this comment
October 29th, 2011 at 12:28 pm
A zirtir:Kan hun tawn harsate hi a ngaihnawm duh zawk phian thin.
Report this comment
October 29th, 2011 at 12:32 pm
hei chu ka hmuh loh laia anlo pho chhuah chu le,,, Ka nui huk, chuan Lra leh Tsa hi an namailo ani tih ka hre thar leh a, ka tlukloh zia ka ngaihtuah a, ka nui leh hek hek … Hmel ah chuan ka tluk tih ka in hria a, ka lawm a, ka nui leh vur vur..
OT:: Sawihmaih i nei,ka sawi lo ang. Chaw eikham in han zimar hunlai leh Haw dawn in mangtha na kha ka hmuhloh i ring em ni? kei Varanda a thu mal raih pa khan..lolz
Report this comment
October 29th, 2011 at 1:00 pm
Ngaihnawm thei hle mai…dawt han ti dawn i la..thil thleng vek chu a ni si a…:D
Report this comment
October 29th, 2011 at 1:00 pm
Ngaihnawm thei hle mai…..thil thleng vek chu a ni si a…:D
Report this comment
October 29th, 2011 at 2:40 pm
In hmaphel ho in tawngtai rual an rawt a, tichuan in zawm lem hlei lo va. In va sual.
In vanduaina pawh tlem chu in rawn phawrh a, ka kal ve lo ka inchhir phah tawlh tawlh. VANDUAINA MISUAL HO NEN A HMACHHAWN CHU A THLAMUANTHLAK DAWN E.
Report this comment
October 29th, 2011 at 2:43 pm
motor chhia mai mai pawh chu iva ziak ngaihnawm thiam ve male
Report this comment
October 29th, 2011 at 4:46 pm
A hmuna awm ve reng nimahila ngaihnawm ti zetin ka chhiar tho!!
Motor chhia ah chuan ka la hlimpui ber ani hial ang…….lunglenthlak!
Report this comment
October 29th, 2011 at 7:30 pm
Kan haw hmasa ber a, mahse thiante sawi atan khek mai teh ang.
Report this comment
October 29th, 2011 at 9:18 pm
A chhiat dan chu ka thiam zawng tak a ni asin mawle. Motor tawng tawh lam khalh thang, kei leh HV tan chuan a buaithlak loh khawp ang le
Report this comment
October 29th, 2011 at 9:42 pm
Carburettor kha a ro hiam mai a, a khu ang chel chel a. Hawng thawin, ka kutin a hak kherh kherh hlau miah lovin gasoline ka’n fah ngial. Ka ka chhung chu Oil khur rim a nam a, biang tawn tawn a treh ham ham a. A sawt ikhaw si lo!
Sialsuk kutthemthiam Hunthara kan han zawng, New Eden vengah ngei, a chenna in kan la tlan pel zui! Amah kan han hmu zet chu, a lo pha nawi, “Diesel lam chauh ka khawih,” a lo ti! Kan hawi hil thei mai mai asin!
Chhungkhatin lung an lo phun, hmuihmer a awm paw’n a rinawm. Chumi chhim tur chuan an kutthemthiamhovin an Sunday Best an lo inthuam thlip thlep vek tawh si! Rilru chu a buai. Thenzawla intawhkhawm hun kha chawhma dar 11:00 kan ti ngawt si, kan sana lah chuan Sialsuk daiah dar 11:00 a kawk vih tawh bawk si!
Report this comment
October 29th, 2011 at 10:30 pm
Current line, petrol line, fuse, distributor, neutral phase ilo check a, carbon deposit a awm leh awm loh ka check ang a, chuta a fel veka a la nun theih loh chuan ka thiam a tawp a ni mai
Report this comment
October 29th, 2011 at 10:52 pm
Pu Muantea hi a kal ve lo an ti a ni awm a, a chhan han sawifiah se ka va ti em, organiser kipui berah ka lo ngai a.
Report this comment
October 30th, 2011 at 12:13 am
@TS, i va lo bawn reuh leh zual e! Ka motor hi a la chhe chhinlo hrim hrim kei chu! nei miau heklo i!
Report this comment
October 30th, 2011 at 12:53 am
Hahaha.. Comment ka chhiar a, keimahin ka nui vur vur mai. matea_tmj comment-in ka nuih a tiza hle bawk.
Report this comment
October 30th, 2011 at 6:03 pm
Va ziak ngaihnawm thiam dap dap tak.. Motor chhiat lai boruak te khi a nawm hmel top!!!
Report this comment