Tun ṭum chu ‘Pathian remruat’ tih hi i lo ngaihtuahho dawn teh ang. Hei hi sapṭawng lamah chuan ‘Thy will be done’ tih a ni a, ‘Thy will’ tih tak hi Pathian remruat tia kan dah lai chu a ni.
He thu hi a harin, kei pawhin ka ngaihtuah nasa ṭhin a, eng ber hi nge Pathian duh dan ni ang aw tiin ka ngaihtuah ṭhin. In rilrua zawhna in lo inzawh ve thin tho anih ka ring bawk a, a nih loh vek leh in la in zawh ve tho tur a nih hmel khawp mai. Eng ber hi nge Pathian remruat chu ni ang ti zawngin han ngaihtuahho dawn ta ila.
He zawhna ka rilru a lo awm fo na chhan pakhat sawi ta ila. Hmanah ka Naga thiannu pakhat hian a chhungte pawmpui loh ngaihzawng a nei a, chutihlai vek chuan a chhungten an duh pui em em Doctor pakhat hian a hel ve mek bawk a. Chu a bialpa nen chuan inneihte an sawi dun a, a chhungten rem an tithei bawk si lo.
Ka bulah chuan, ‘He Doctor pa hi ka nei lo vang, ka bialpa ka hmangaih dan em em hi Pathian remruat a ni ang,’ tiin min hrilh ṭhin a. An chunga eng eng emaw thleng kha Pathian remruat vek a nih hi tiin a sawi ṭhin a.
Tichuan, Mizoram lamah kei ka haw a, a hnu kum li vel hnua Kolkata-a kan inhmuh leh chuan a duh loh zawk Doctor pa nen in neiin fa an lo nei dun tawh a. Mak ka tih em avang chuan, ‘Engati nge, Doctor pa kha i duh loh viau si a, i neih leh tak si,’ ka tih chuan ani chuan,‘Pathian remruat a ni ang, hei kan in nei alawm” tiin min chhang a.
Kei lah pek chuan hmana Pathian remruat a ni ang tih min hrilh kha engnge ni ta ang leh ka ti kher a, min chhan ngaihna chu a hre bik lo.Mihringte hian kan duhzawng leh rilrem zawnga kan ngaih hi Pathian remruatah kan puh mai em ni ang? Anih loh leh, dan zawh rual lohva kan chunga thil thlengte hi Pathian remruatah kan puh mai thin em ni zawk?
Kan unaute leh kan thian kan hmangaihtak takten an thil tih ṭha lo tuar lova min boralsan ṭumte pawh hian Pathian remruatah kan rin luh chang a tam khawp mai. Hei hi a dik ber ang em? Khang an duh zawng tak kha ti ta lo se an nunna te pawhseiin a awm ve tho ang em?
Nunnathu-ah hi chuan Bible-a min hrilh ang hi Pathian remruat chu a nih a rinawm .‘Naupangte u, Lalpaah chuan in nu leh pate thu zawm rawh u, chu chu thil dik ani si a, I nu leh pa chawimawi rawh. Chutichuan i tan a tha ang a, leiah hian i dam rei bawk ang’ tih hi Pathian thu a ni.
Nu leh pa thu awih loh avanga ṭhalai nunchan ta an tam khawp mai. Pathian remruat danah chuan nu leh pa thuawiha, dam rei tur kan nih laiin, awih loh avanga kan dam rei loh pawh hi Pathian remruat a ni tho ang em le? Kan nuna thil thleng engkim hi Pathian remruat a ni ang em le? Kan tihsual vanga kan tuarnate leh kan duhreng vanga kan tihsualte pawh hi Pathian remruat a ni kan ti thei zel mai hian ka hria a.
Heng zawng zawng hi Ama remruat vek a nih tak tak si chuan mihring hian tih theih kan va nei tlem awm em! Pathian infiamna hmanrua ang lekah kan chhuak mai lawng maw. Engkim hi ama remruat vek a nih si chuan mihring hian tih ve tur a va neih tam hmel loh em? Ngun deuhin i ngaihtuah tlang ang u.
Kan Bible chang tarlanah khian Pathianin mihringte tana rem a ruat chu langsar takin a rawn tarlang a, chu chu ‘I duhzawng vana an tih ang in leia mi’n tirawh se’ tih a ni tawp mai. ‘I duh zawngchu tih ni rawh se’ tiin emaw ‘I remruat na chu ka chungah thleng rawh se’ tiin emaw a sawi theih bawk awm e.
Chutichuan Pathian remruat chu Pathian duhzawng tih hi a ni kan ti thei ang. Pathian hian ka tan eng rem nge a ruat tih lam ngaihtuah buai lovin, Pathianin ka tana rem a ruatchu a duhzawng tih hi a ni tih hi zir chhuak ṭheuh zawk ang u.
Kan nitin hnathawh leh kan thiltih lai mek hi Pathian remruata ni em tih lama in zawt lovin, ‘Pathian duhzawng a ni em?’ tiin in zawt thin ila; tichuan Pathian duhzawnga nun leh thiltihchu nitin kan hlen chhuak theiin a rinawm.
Similar Posts:
- Ka Nu Tana Lal Remruat!
- Civil Hospital, Aizawl a ka thil tawn
- Kamal Saleem
- ENGE
- Mizoram Doctor – An rintlak em?
November 4th, 2011 at 3:10 pm
Pathian remruat a nih leh nihloh hi hriatthiam a har reng thin a ni.
Report this comment
November 4th, 2011 at 3:32 pm
Lal Tawngtaina hi sawi liam puat chi niin ka hrelo hrim hrim. ‘Thy Will Be Done’ i duh ang zelin thil tih ni rawhse… a ropui rem rem teh asin. Mi naran, rinna neilo sawi mai mai chi niin ka hrelo.
‘Give Us Our Daily Bread’… nitin eitur kan neih thin te hlim taka lawmthu sawina kan nei thin nge, nitin chu sawi loh, kan neih sa duhtawk lovin midang chanai pawh chhuh zel duhna rilru kan nei zawk?
Tin, ‘And Forgive Us our Sins As We Forgive Those Who Sin Against Us’… midang ngaihdamna tak2 rilru pu theilo tan phei chuan a sawi a sawi chi nilo tawpin ka hria.
Tawngtaina hlauhawm, mahni thiam loh inchantir theihna hial niin ka hria. Thinlung chhung tak tak atanga rinna leh tih takzetna nei lova sawi chi niin ka hrelo. Lei leh van Lalber kan biakna, A Fapa ngeiin min zirtir ala ni zui.
http://thelordsprayer.net/
Report this comment
November 4th, 2011 at 3:57 pm
I Naga nu sawi ang deuh khi Chawngte kan awmlai khan ka hre ve asin.
Chawngte a Mizo nula hmeltha ber an tih thin, Chakma nula hmeltha Suruti nen an tehkhin fo chu supply dept’ a thawk 1 hian a hêl reng thin a. Chu nula chuan hmelchhia a tih zia leh a damchhunga a neih dawn loh zia a sawi chamchi thin. Ka hriatlai ngei pawhin a sawi bawng bawng ngam a ni.
Chutah le, supply a thawk chuan,” Ka nei awm chiang em mai, min la hmangaih dawn hrim hrim,” a ti mauh mai. Nula chhungte chu buhfai tha chi a bag bag in a pe thin a, an mamawhah a jeep a thawh char2 ta mai a. Tul apiangah chuan an makpa ang maiin a buai phili tawh mai thin. A hnu rei pawh ni lovah chu nula, hmelchhia ti em em tu, chhia meuh chham a diriamtu chuan duh takin pasalah ama thu ngeiin a nei a. A hnu chuan in hmangaih takin fanau neiin an khawsa ta zel a ni.
I sawi ang deuh khian mihring te hian thil tam tak chu “Pathian remruat” tiin inhnemnan kan hmang mai thin nite hian ka hre thin.
Post tha tak niin ka hria
Report this comment
November 4th, 2011 at 4:00 pm
ka hul.
Report this comment
November 4th, 2011 at 4:02 pm
Misual kal tlanga hmelhriat tam tak ka neih te hi Pathian remruat a ni angem le?
Report this comment
November 4th, 2011 at 4:26 pm
“Nula chhungte chu buhfai tha chi a bag bag in a pe thin a, an mamawhah a jeep a thawh char2 ta mai a”
Ama ta ni lo, sorkar ta hmanga a tlawn chuan Pathian a ‘involve’ duh kher ka ring lo.
Report this comment
November 4th, 2011 at 4:26 pm
He tawngtaina hi chu ropui tak chu ni…………soi mai2 ngam chi poh ni lovin ka hria.
Pathian remruat tih rik ngot thin mai hi chu a insawifiahna/inhnem chawp na mai a ang thin ……………
Tha khop mai……………
Report this comment
November 4th, 2011 at 4:36 pm
Vanduaina leh harsatna a lo thlen a, Pathian remruat intihsak mai hi chu a ho khawp mai.
Joba tawrhna zawng zawng kha Pathian remruat leh Pathian hnathawh anga sawi chu a har ka ti deuh. Mahse Pathian hriatpui leh remtihna a ni vek mai. Setana hnathawh meuh pawh nise a tawpah Pathianin malsawmnaah a chantir leh vek tho bawk. Engpawh tawk ila, Pathian remtihna leh hriatpuiin kan chungah a lo thleng tih pawm ila, a malsawmna kan chan theih nan Amah bel tlat ila a tha ber ang.
Post tha leh ngaihtuahna tithar tak a ni e
Report this comment
November 4th, 2011 at 4:37 pm
Report this comment
November 4th, 2011 at 5:08 pm
Amen..
Report this comment
November 4th, 2011 at 5:09 pm
A remruata innghat ringtute nun zawngah chuan vuina tur reng hi a lo awm love, tih hla kha ka rilruah a lo lang a. A remruata innghah hi Pathian thu awihte tih tur dik tak niin ka hria. Innghat tlat thei turin a hnenah pawh ka dil thin.
tren tren.
Report this comment
November 4th, 2011 at 5:11 pm
Kan Pathian hi ngawi renga tuartu(silent suferer) ania, engkim mai hi aduh dan leh a remruat danin a kal kher lovang, hrehaw tih changte hi angah ngawt ang tih hi ka ngaihdan chu ani.
Report this comment
November 4th, 2011 at 5:24 pm
Ava tha em he post chu.Chham tur hriat loh vanga Lal biakna chham tawp mai pawina ka hrelo,keichuan ka hmang tangkai a,a zahawm em em a ni.
Report this comment
November 4th, 2011 at 5:25 pm
He thu chu keipawhin ka lo buaipui ve hrep tawh a ni nghe nghe. Pathian thu hi a inziak veka mahse hrilhfiah leh man thiam a ngai thung si a ni. Kan nun zawng zawng hi a ziak ang chiah chiah in a awm lova mahse min kawhhmuh thei chu a ni reng bawk a ni.
“Dam chhung mi hmuak apiang i tirh nise lawm takin ka pawm ang” tih thupui ah neiin kum ka lo hmang liam ve a. Thil duhawm loh tak tak, harsatna leh manganna karah thil tha lo ni a ka hriat ngawih ngawih pawhin ka chung ah thu neih alo tum ve ta a. He thupui nghet taka vawn ka tumna ah hian Pathian chu a thu zawm hmanga fiah tlak a nih ring pahfawmin lawm takin ka pawm luia. Thalo hle mahse Pathian tirh a nih chuan thil tha ah a her rem leh thei mai ang tih rinna nghet tak ka pu lui ve a ni. Chu thil thalo chuan ka nun ah min rawn zem a, dawhtheih ka zir lui zela, ka pawm lui tlat a. Pathian tirh ni tura ka dilna hmasa chu thlah ka tum lova, thil chhe ber ah pawh zir tur ka zawng lui hram hram a. Mahse a tawp ah chuan ka tlin ta ngang lova Pathian pawh lo che ta reng reng lovin ka ngaia, Pathian a awm lo anih rinna hial te min neih tir rum rum a ni.
Engkim kan chunga thleng hi Amah ringtu te tan chuan kan thatna tur hlir alo ni tih rin te hi harsa ka ti tial tial a. Amah erawh chu thu dik chu a ni, kan thatna tur hlir chu a ni. Chutah chuan chhia leh tha kan hriatna hmanga hma chhawn turin min duh ve thung a. Chu chhia leh tha hriatna hmang chuan thil dik chu kan teh tur a ni. Chutah chuan kan hman thiam miahloh khawpa hriatthiam harsa alo thleng ve leh bawk a, chutah chuan che hmasa lova dawhtheihnaa a aw ngaihthlak a duh leh thung thin. Chumi chung pawha harsatna in min kiamsan loh chuan Pathianin tuar phawt turin min duh a, a rulh lehna min la pe dawn a ni tih pawm thiam a pawimawh hle mai.
I thu angzelin ka chung ah thleng rawh se tih hi dawngsawng tawp lovin, a bik in harsatna karah chuan tawngtaina leh Bible chhiar nen a bawhzui tur a nih hmel.
Report this comment
November 4th, 2011 at 5:31 pm
Kan duh chin ah ‘Pathian remruat’ tiin kan rek bung a, a bak kha ‘Pathian in rem a tilo’ te kan ti fo em aw? Kan chunga thil thlengte, a bikin a chhe lam thilah inhnem nan ‘Pathian remruat’ tiin kan dinhmun kha kan pawm thei mai zel niin ka hria. Helai tak hi a ropui ka tia, vanduaina te kan tawk a, Pathian dem lova A remruat anga kan ngai thei zel hi a hlu ka ti.
Report this comment
November 4th, 2011 at 8:53 pm
He khawvela ka cham chhunga thil pakhat te ka zirchhuah ve chu ka chunga thil thleng zawng zawng hi Pathian rem ruat a ni kher lo,mahse A remtihna tel lo leh A hriatpui loh hian ka chungah engmah a thleng ngailo tih te hi
Report this comment
November 4th, 2011 at 10:50 pm
Nia, kan chunga thleng thil engpawh mai hi Pathian remruat ah kan puh tawp zel mai hi a dik ber lo mai thei a ni. Hman ah Pathian remruat chungchang ka post tawh a, kan chunga thleng a chhia a tha hi Pathian remruat ah kan ngai a, kan hahdam thei a nih chuan a tha e, mahse Pathian remruat avanga thleng vek a nih ka ring lo kei chuan.
Report this comment
November 5th, 2011 at 7:04 am
A hmasa berah chuan,he tawngtaina hi tun khawngaihna huna,kohhrante sawi tur niin alang lo.
He tawngtaina hi Isua zirtirte(jews) ho Dan leh in kaihhruaina zulzuia Isuan a zirtir ani.
Heng tawngtaina malte te hi analyse/exegesis han nei ta ula,khawngaihna hnuaia awmte tan a in rem theilo.khawngaihna hun intan hma,Dan hnuaia la awmte tana Isua zirtirna ani.
A poimawh berah chuan,Lal Isuan vana a lawn dawn khan,’TUN CHIN AH chuan ka HMINGIN dil tawh rawh u ati a Johana 16.24.In the name of Jesus a diltur kan nih laiin he tawngtaina ah hian,In the name of Jesus a awmlo.
Tin,he tawngtaina hi Pentecost nia Kohhran lo ding chho te khan,an hman zui thu khawiah mah kan hmu hek lo.Apostle te pawn vawi1mah an mention kan hmu nawnta lo.Isua Krista hming vekin,Pa Pathian hnenah kan dil ta.
Amaherawh chu,miin a sawi anih chuan ka demlo a,ka dem theih pawh ani laww…mahse,vawiin nia Lal tawngtaina kan sawi ang hi chu Pathian pawisawina liantak ani.A chhan chu,Pathianin a thu belhchhah leh paih then a phal lo.Vawiin nia kan sawi dan hi chu modified,Bible ami ang anilo.KAN SAWI ANIH PAWN BIBLE AMI ANG HIAN,BELH DANGLAM LO IN I SAWI ANG U HMIANG.Pathian pawi kan sawi lutuk palh ang e.
Report this comment
November 5th, 2011 at 8:01 am
hmmm, ngun tak a inchhiar chuan Lal tawngtai na ngawr2 ka rawn sawi lo tih in hmuthei ang, Pathian remruat nih leh nih loh thu a ni ka sawi ber ni
Report this comment
November 6th, 2011 at 9:28 am
18# Pathian thu lak dan hi a va in anglo thin ve aw….sawi dawt mai ila, I Bo ve hle mai,
Report this comment