Kumin kum laihawl vel khan ka Pa chu a kachhung, a dang chunglam ah hian bawk (tumour) lian zet a rawn awma, ani lah chuan a dam ve leh mai ang tiin a sawichhuak lawk lova, thlahnih hnu vel ah a bawk chu sunhlu pum lian tawk tiat vel ani tawh ang tih ah hian “ka dang chunglam a bawk, chaw ka ei theilo” a ti hlawl mai a. Kan hre ve ta chauh a ni.
Tichuan Lawngtlai a Civil leh Private Hospital Doctor te kan rawn hnu ah Aizawl ah min refer ta a. Cancer te a ni thei tiin biopsy te an la a, amaherawhchu vanneih thlak takin Pathian zarah chuti em chu alo ni lova. Mahse, Doctor ten zai nghal a ngai, nghah chi a ni lo tiin zai hmasak turah min dah a; chumi hma in eng eng emaw test turin min ti bawk a. Chung zingah chuan blood-sugar test pawh Bazar Bungkawn-a an test na hmunah khian kan ti a, a test result ah chuan ka Pa chu zunthlum a lo vei ta reng ni a nia. result pawh 150 daih a ni a, a ka chhung bawk lah chu a lian nasa tawh mai si a. Doctor te chuan a result a tha lo em mai, kan zai ngam lo, a zunthlum enkawl dam vek phawt loh chuan zai ngam a ni lo tiin min lo chhang a, kan va han beidawng chiang em.
Mahse keini chuan ka Pa hi pa hrisel tak a ni a,zunthlum a vei kan ringlo, Tin, kan chhungkua ah zunthlum vei pawh kan la awm lo tia kan tan ve tlat avang leh kan beidawn duh miah loh avangin Civil Hospital Lab ah chuan a bul atangin an test tha leh a, result chu 90 (Normal) alo ni reng si a. “Crosschecking neih a ngai nih hi, a hmaa miten 150 an ti a, keini khawl ah 90 a ni leh bawk si. New Life ah test leh phawt loh chuan a dik zawk a hriat theih tawh loh, an ti a. New Life ah kan test leh a, result pawh 90 bawk alo ni leh a. Tichuan, an zai ta a, hlawhtling takin an zai a, Aizawl ah a thla a thla kan in enkawl ta a, thlatin rawn in checkup leh turin min ti a, tunah phei chuan a dam tawh lutuk check pawh a ngai tawh lo tluk a ni. Aizawl Civil Hospital Doctor te chungah kan lawm takzet a ni.
Hetah ka han sawi duh chu kan tih hmasakna te khan engtia result kha 150 ti thei tlat nge an nih? An va fimkhur awm lo ve? Keimahni chhung kha tang tlat lo ila chuan Doctorte khan an zai ngam lo ang a, a zunthlum enkawl dam kan tum chhung khan zai ngam tawh loh khawpin a bawk kha alian anga, nunna hial pawh kan chan lovang tih tunge sawi thei? Hetiang chuan kan kalna hmasa Bazar Bungkawna mite kha an rintlak dawn em ni? An hnenah Test dang kan ti leh ngam ang em? ZUNTHLUM miahlo kha Zunthlum treatment pe ta char char se, a nunna in a tuar phah thei asin tihte hi kan inzawt fo ta mai.
Kan chanchin lo hria te pawhin “Engatinge in khin loh?, an fimkhur loh avangin harsatna namem lo in tawk tep a, khin tur che u alawm” tiin zawhna min zawt fo mai a. Ni e, keini pawh damlo mangang kan ni ve bawka, tihtur an tih apiang tiin kan tlan kawi nawk nawk a, khatiang lam kha kan lo ngaihtuah ve hmanlo bawk a, mahse tun hnu ah chuan hetiang hi thleng tawh lo se, mipui te pawhin damlohna avanga test eng eng emaw an neih dawn hunah, a ‘rintlak’ te leh fimkhur taka ti thin te chauh pan turin ka hrilh hre ve duh ani e.
Similar Posts:
- Naupai zai chhuahsak, khawtlang lungawilo
- Mizoram Doctor – An rintlak em?
- Doctor-in Nau Vei Hnawtchhuak
- Upa K. Saibela kan chan ta (Zualko)
- Doctor hmeichhia aiin doctor mipa
November 12th, 2011 at 11:11 pm
Khai aw!! A natna an hriat fuh tawh chuan a dam ve zel ang chu maw.
Nia, tutan pawh eng case ah pawh hian fimkhur tluk hi a awmlo a ni. Lo dam zel turin ka duhsak a che u.
Report this comment
November 12th, 2011 at 11:20 pm
‘blood-sugar test pawh Bazar Bungkawn-a an test na hmunah’
hei hi bei chiam rawh!
Report this comment
November 12th, 2011 at 11:23 pm
Report this comment
November 12th, 2011 at 11:24 pm
Blood sugar in test tirna chu tu kawh hmuh che u nge? chuan an clinichming rawn tilang teh a, chuan pan loh hram kan lo tum ange… engpawh nise a hun takah in harhchhuak a, a lawmawm e. Blood sugar in testna clinic hming chu rawn sawi teh, midang te tan pawh warning tha tak ani thei..
Report this comment
November 12th, 2011 at 11:25 pm
A va lawmawm em. Kan private lab te’n fimkhur lehzual nan hmang se a duhawm e. Mis-diagnose pawizia chu kan hrevek a. Pathian in a veng che u ani e.
Report this comment
November 12th, 2011 at 11:35 pm
Blood sugar (Zun thlum) te hi test zeuh zeuh a tha, FBS leh PPBS check tur a nia, thil ei avang te leh tension avang te a sang vak thei, enkawl that a vanga boundary level a dah theih a nih rual rual in, a hun a thil ei loh avanga hniam thut thei a ni bawk awm e.
Chuvangin Diabetic ho hi chu a khat tawk a, in check-up deuh zeuh reng a tha. A checkna khawl pawh hi, hna thawk tha tawklo a awm ve thei.
Report this comment
November 12th, 2011 at 11:38 pm
Hmm..eng lo a nia, kan business kan mind tawk lo thin a ni berin ka hre ta te han ti vei luam ila.
Report this comment
November 12th, 2011 at 11:38 pm
BP check na Digital ang chi tal te hi neih ve hrim hrim a tha.
Report this comment
November 12th, 2011 at 11:40 pm
Lo dam chho zel turin ka duhsak a che u. Blood sugar hi a test hunlai azirin a danglam hma a, 150 hi zunthlum ani ngawt chuang lo.
Report this comment
November 13th, 2011 at 12:00 am
a va tha lo ve o . .result dik pahnih nen i va kal leh lo ami . an en man va dil leh tur a lawm . tu nge a en tu tih te pawh va chian leh ngat tur a lawm . a lehpek ah an fimkhur nan
Report this comment
November 13th, 2011 at 12:06 am
Tinge in khin loh aw….. An in siamthat nan leh midang kan fimkhur pawh a tha hrim hrim asin mawle
Report this comment
November 13th, 2011 at 12:15 am
Digital a thil check na hi chu a rintlak vak loh thin,digital BP checkna phei chu rin loh a tha ber,manual hi a tha ber mai.An lab.ah chuan kal la,hau hrep rawh.
Report this comment
November 13th, 2011 at 12:46 am
@van damme, nia, digital bp check na te hi a rintlak mang hlek loh nia. Manual operated hi a lo rintlak ber mai.
Blood sugar level 150 chu a sang viau emawn le, kan thawhpui pakhat chu 250 te ani fo, mahse ani chu diabetic ani tawh reng bawk a. Level 150 chauh khi chu diabetic pawh a nih loh hmel, ei leh in engemaw vang leh lab a an tihsual hrim hrim vang pawh a ni thei a (chianglo)
Report this comment
November 13th, 2011 at 12:54 am
Aizawla private lab. thenkhat (zawng2 ni lo in) ah hian result inang lo a awm leh zauh thin…a pawi khawp mai…fimkhur ava tha em.
Report this comment
November 13th, 2011 at 1:01 am
Doctor ho vek hian lab reliable deuh chu an hre khawp. Chutah chuan kal rawh min ti chat zel.
Keipawh ka Hb test kha 8 lek ania, ka doctor in ka hmel a en a, a ringlo a, lab dangah kan tia 12.5 a lo ni. Finmkhur a tul.
Report this comment
November 13th, 2011 at 1:01 am
Civil Hospital-a an laboratory ngei pawh hian mi pakhat cancer vei miah lo a cancer an tih ka hre tawh. Midang biopsy nen an lo chawhpawlh/thlakthleng palh a ni awm e. Han hriatchhuah leh hnu chuan cancer lo nih leh loh a lawmawm rualin engemaw chen rilru hrehawm leh manganga mi an siam kha chu huatthlala tak a ni.
Report this comment
November 13th, 2011 at 1:10 am
khing ru te ka tia
Report this comment
November 13th, 2011 at 1:23 am
Insual r’u.
Report this comment
November 13th, 2011 at 1:35 am
Upa lam a ni tawh si a, duat takin rilru lam pawh hlim turin in enkawl anga. Rilru a hlim hi chuan taksa pawh a hrisel an tia lawm. Hma a sawn theih zel ka beiseiin ka duhsak e.
#6 khi ka pawm mai e. Kei hi kan thlahtu lamah zunthlum kan awm avangin leh fa upa lam ka nih vangin ‘high risk’ ka nih thu min hrilh. Chumi vang chuan doctorin thla 4 danah ka thinsen atangin ka blood glucose etc. lab an lak result chu uluk takin an en a, min kawm leh thin. Ka control tha viau a, mahse fimkhur loh chuan full blown diabetic ka ni thei reng.
Heta doctor ten an en ber chu kutzungtang hmawr emaw atanga kan thisen han test zeuh ang chi ni lovin, a aia chiang zawkin an en thin a ni. A tulna chhan chu (ka sawi thiamlo) #6 sawi ang deuh khian kutzungtang hmawr vih thi a test angah hi chuan thil eizawh atanga darkar 2 chhung emaw hian a sang duh a emaw, kan glucose level diktak hriat a theih loh vangin chik lehzualin lab’ lamah an en thin zawk a ni. Ka hriatsual loh chuan glucse level kha 6 aiin a sang tur a nilo niin ka hria (dik tak maw). Chhun thi zeuh angah kha chuan glucose level 5 pawh nise, chaweikham hlim emaw leh eiloh rei avangin 70 a hniam emaw 155 ang dawrh a sang pawh a ni thei a ni.
OT:
Tumkhat chu Chawngte atangin Aizawl lam kan pan tur (Ka pa nen) ka pa khua a sik ta hluah mai a, a tlun ta tlek tlek mai anih kha! Lunglei-ah Pu LV Malsawma (MCS) Chanmari veng te inah innghatin damdawiin lam kan pan ta a. Malaria PF leh PV alo nei kawp a lo nia, kan buai hle.
Kum tam a vei hnu hnu chuan ka pa khua a sik leh ta a. Aizawl civil hospitalah a inentir a. A thisenah Malaria hrik an hmulo, vawi 3 emaw lai an en a an hmu theilo. A khawsik tlun a rehthei si lova a ngaih thlalo chuan Greenwood ah a entir leh ta a. A result alo chhuak chu, Greenwood neitupa chuan, ” Mai mai thin hian aw, i thisenah a hrik a khat vek lo chauh alawm. Engtin nge an hmuh theih lova,” ati ta mai a. Natna dang chi engemawzat, thihpui theihna thiau leh damdawi inhal fur mai alo nei nual mai lehnghal a, kan inenkawl tlai teuh ngei mai. Greenwood doctor/neitupa
Report this comment
November 13th, 2011 at 1:47 am
kan test result min en saktu tehi Ziki Diagnostic Centre, Bazar Bungkawn ami te an ni a, anni hnenah hian 150 ani a, chuan Civil Lab ah kan en leha 90 ani a, a dikzawk hriat anih loh vangin NewLIFE ah kan en leh 90 bawk ani. Chawei kham hlim leh hlim loh lam pawh ni lovin, Lawngtlai a kan test na te nen pawh 90 normal vek ani. Ziki diag hian an tisual hrim hrim niin kan hria. Midang result nen An mixup nge an khawl a chianglo, kan hre ve toh si lova.
Report this comment
November 13th, 2011 at 1:48 am
Ka ngaihtuah mai mai a, zanin post ah hian kan Doctor te an reh daih. A doctor line a kallo ho hian kan rinthu kan sawi vak vak mai a, doctor ho in sawi duh heklo le.
Report this comment
November 13th, 2011 at 1:49 am
Blood Glucose chart pangai, kutzungtang hmawr mai mai a en ni lovin! Hetiang, a hnuaia mi anga ka blood glucose an test dawn chuan darkar 8 – 10 tuisik lo chu ka lem an phallo.
https://i43.tinypic.com/206hk0k.jpg
Kutzungtang chhun thi sek anga tehna :
Normal 70 atanga 100 niin, Chaw eikham hnu darkar 2 a ral hnuah 140 aia tlem.
Early Diabetes 101 atanga 126 Chaw eikham atanga darkar 2 ralah 140 – 200
Diabetes 126 aia tam - More than 200
https://www.medindia.net/patien....._chart.asp
I pa chu tha takin dam chho zel sela ka ti mang e.
Report this comment
November 13th, 2011 at 1:50 am
net thatloh avangin ka Post ka vil theilo a, in ngaihdam ka dil hmasa e, hetiang thilthleng hi sawitur a awm zeuh zeuh tlat. Hman deuh khan chanchinbu ah mi pakhat chu TB enkawl in an enkawl vaka, damdawi sang tak takte an pe a, alo TB si lova …. tihte kan chhiar nuaih kha le, taka.
Report this comment
November 13th, 2011 at 1:57 am
X_MAN_19 #23 ka putea fanu an enkawl dan tho a ni i sawi hi. An enkawl hlum tep a, a thih hmain Velore lam an panpui. A kawchhung nasa takin alo chhe hman ani awm e. Kar a hla a ka zawt zui ta lemlo, ala dam chu a ni ngei ang.
Report this comment
November 13th, 2011 at 1:59 am
Ka hriat danin, TB damdawi hi a chak khawp mai a, TB veilo in an ei chuan mihringah a thawk pawi thei khawp, invalid nih phah pawh ka hretawh. Fimkhum fimkhur.
Report this comment
November 13th, 2011 at 2:03 am
@ 23 i sawi ngei khi ka chhiar chu nih hmel khawp mai. @ 25 TB damdawi hi TB nilo tan chuan hlauhawm lutuk ringot, an chhiat phah nghal rawk rawka, reilote ah thihna thlen.
Report this comment
November 13th, 2011 at 2:11 am
ka hmelhriat 1 kum 28 mi cu Azl pvt lab 1 ah chhul cancer an tia-an zai zoh hnu ah civil a post-op test ah cuan cancer an hmu thak lo.pre &post-opt test result ka hmu cu ka lainat khp mai.
Report this comment
November 13th, 2011 at 2:14 am
”i Pa hi zunthlum a neia, asang bawk si a” an han ti chiah phei chu ka lum pup pup hian ka hria. Kei leh ka Pa chiah hi kan khawsa tawha. Midang chu nupui-pasal neiin in hrang lo hrang an chang vek tawh si a, engtin nge ka enkawl anga, etc etc tih lam thlengin ka rilru ah a rawn lang hmana, damlo tlak pawh hi kan ni velo asin mawle, damlo tur pawh hian kan tlinlo chu ani a. Treatment laksual ngat phei chu kan afford lo hrim hrim.
Report this comment
November 13th, 2011 at 2:22 am
kum hnih thum vel lek kalta ah khan Lawngtlai Civil Hospital a Doctor hmeichhe pakhat pawhin ‘zu rim nam/rui’ chungin Lawngtlai College Veng a hmeichhe pakhat chhul a ziahsak a, chu nu chuan ”ana em mai ka tuar theilo ka thi dawn” atih pawhin a ziat a, ka hriat danin a ril vel te khawih tel anti in ka hria.
An sawi zel dan phei chuan Doctor hian a tisual tih ahria a, amah zawk a mangang leh si a, rickshaw a kohsak a, Lawngtlai a private hospital Christian Hospital Lawngtlai ah a tlantir a, mahse anni chuan an lo chhan hman lova, a thi ta nih kha. He Doctor hi Saiha Civil ah an transfer nghal niin ka hria.
Report this comment
November 13th, 2011 at 2:27 am
Bairabi-ah pawh ka ke Rultuha in a chuk vangin doctor ka pan a. Kan nu chuan kei a ke vung bur, tur tluk tluk mai chu dimdawi takin a thiam ang angin min buaipui sak a.
Tichuan le, doctor a rawn kal ta, an casualty (nita in ka hria) bang kha a rawn zut phei ta zet zet mai hairehai. Chutiang chuan ka ke rawn zai a tum a nih chu. A teuhlo mai mai.
Report this comment
November 13th, 2011 at 2:34 am
mi chanchin kan va sawi nilo se, rui emaw rim nam chunga mahni hna thawh kan tum thrin hi chu a pawiin a zahthlak ani.
Report this comment
November 13th, 2011 at 5:29 am
an insiamtha tawh em ang chu maw te kalo ti mai2 a.
Report this comment
November 13th, 2011 at 7:52 am
Han damloh va, han nat tak tak hi chuan Doctor te ah hian kan nunna a innghat thui thin khawp mai. Doctor thiam tak hi chu an tangkaiin an hlu takzet ani. Fimkhur tawk lohna tlemte vangin kan nuna in a tuar thei tih hi anmahni pawhin an hrechiang hle. Fimkhur teh se, fimkhur mawlh teh se.
Chutiang bawkin kan diagnostic centre leh labory te phei hi chu an fimkhur lehzual a ngai. An result pekchhuah azirin doctorin mi a enkawl dawn a ni si a. Result accurate tawk lo khawl an nei anih chuan rang takin thlak rawh se. Khawvelah hian nunna aia hlu engmah a awm lo.
Report this comment
November 13th, 2011 at 8:16 am
Court a in khin hi hreh lo tan zeuh zeuh ila … ni mai
Report this comment
November 13th, 2011 at 9:18 am
@30 H.Vangchhia, min lo hrethiam teh ka nuih a za tlat a nih chu mawle. Mi mangan/natuar laia innghahna ber Dr in bang rawn zut phei deuh da da mai chu a, hahaha. I tan chuan a nuihzatthlak loh khawp ang mawle, mahse kan mitthla thin a ka nuih a za.
Ziki Diagnostic Centre chu pan miahloh tur a nih hi.
Report this comment
November 13th, 2011 at 10:01 am
Ku hv-a@30, khi tiang chi deuh khi keini pawh kan nei, mahse a polite ber chu a ni lawi a.hahaha kan zoram khawvel ve a nih hihiii..
Post-tupa i pa chu a dam that zel ka duhsak a che.
tren tren.
Report this comment
November 13th, 2011 at 10:18 am
Kan sawifiah ve dawn chhin
Blood sugar test dawn reng² chuan random blood sugar (RBS) an la hmasa thin. Hei hi zunthlum neih leh neih loh confirm na a la ni lova. A lo san deuh chuan chaw ei hma (fasting) leh chawi ei hnu darkar 2 velah (post prandial) an la leh thin. Heta a lo la sang ta zel anih chuan zunthlum vei (diabetic) tiin a sawi theih tawh ang.
Blood sugar test dawn chuan – kan thil ei a zir te, ka ei hun a zir te in kawngro a sut em avangin a damlo leh a result en tu fimkhur tlan a ngai thin khawp mai. Tin, thisen leh thildang test hrim² hi a test na khawl leh a test tu mihring te hi 100% accurate an nih loh avangin a danglam ve hret hret thin bawk.
@XMAN: hlawhtling takin an zai a a lawmawm e
Report this comment
November 13th, 2011 at 10:48 am
luliana, i reh lutuk, i ngaihawm vawng2 hairehai
Report this comment
November 13th, 2011 at 11:06 am
@Pu HV : Ka online khat chhan chu PHE ho vang vek alawm
Kan venga an tui pipe phumin phone line an lai chat nasa lutuk a…
Report this comment
November 13th, 2011 at 11:29 am
tinge maw PHE ho pawh chu le
Report this comment
November 13th, 2011 at 12:31 pm
Second, third opinion lak hi a tha fo reng a ni. Digital equipments hrim hrim hi calibrate a ngai vek thin. Kan khawvel her kual hian kan buk lung thlengin a nghawng a, a accuracy a zirin thla 3 dan, thla 6 dan, kum 1 danah te recalibrate thin tur a ni.
Report this comment
November 13th, 2011 at 12:48 pm
Tihian post thupui khi kan chhang ve ange.
An fimkhur tawklo ani thei.
An thiamlo ani thei.
An khawl a tha tawk tawhlo ani thei.
Report this comment
November 13th, 2011 at 1:07 pm
Ziki Diagnostic Centre chu a va Hit lo ve..fimkhur mawlh tawh rawh se.
Report this comment
November 13th, 2011 at 1:10 pm
Ka pa pawh nimin tlai atangin khawsik tlun hluah a,malaria a test,an hmu bawk si lo, nizanah vawi 2 ngot tlun leh bok si, tukinah 7th Day hospitalah antigen test leh typhoid lo chck tir leh rwh,lab dang an inhawng awm si lo ka tia, a han kal chu typhoid an lo hmu a, doctor duty chuan paracetamol leh ORS a lo chawh chu maw le! Ka tek chhak, New Life ah tlan chho la, han in admit tir mai rawh ka ti ringot..
Report this comment
November 13th, 2011 at 6:12 pm
luliana online khat nachhan pawh PHE ho fimkhur tawkloh vang lo ni lekin, doctor ho fimkhur tawklo in sawi in sawia PHE ho a rawn kheng ve mai tur ania, lo fimkhur tlang tawh teh u.
Report this comment
November 13th, 2011 at 11:03 pm
150 hi RBS ni ta se a sang lem si lova, ka hrethiam teh nuaih lo ve..zai dam a ni chu ka lawmpui e.
Report this comment
November 13th, 2011 at 11:07 pm
#39 hairehai
Report this comment