Engtiklai pawha kan mamawh Doctor leh Nurse te an ni a, hmanni deuh mai a kan damloh vang khan Damdawiin leh a chhehvel ah hun kan hmang tam a, eng eng emaw te ka hmu bawk a, rilru a cham thenkhat han sawi ka chak a. Kan damlohna chungchang ka post kha hetah hian a chhiar theih.
Keimahni case ah kha chuan lungawilohna emaw, duhkhawplohna ka nei lemlo a, kan vanduai ah ka ngai mai a, Doctor te min tih ang in vanduai vannei kha kan ni a. Khatia karkhat zet damdawiin a hun kan han hman takah khan thil tamtak ka hmu a, thenkhat kan share ve ang che u.
1. Thingtlang lam atangin tlangval pumna an rawn hruai a, a chau hle mai a, Doctor te chuan x-ray, ultrasound, etc an tihtir a, tichuan emergency in zai a ngai an ti a, an zai zo kha a tha lova, ICU ah an dahlut a, a chhungte chu lungngai takin an indawm a, enge an chanchin ka zawt a, a enge na an hrelova, an zai chhan chiah an hrelo a, ICU a an dah chhan, enge a dinhmun an hrelo fai vek. Engmah chiangkuang hre lovin rilru hrehawm takin pawnah an thu tlawk tlawk mai.
Ka ngaihtuah chhunzawm ta a, engatinge a zaitu or a concerned Doctor kha an fapa chanchin an zawh loh? Thingtlang mi an ni a, chinchang an hrelo a nachang pawh an hrelo aniang. Heihi Doctor te mawhphurhna niin ka hria. An damlo enkawlte dinhmun diktak hi damlo hnena hrilh a remlo anih pawhin damlo chhungte hnena hrilh hi an tihtur ani. Doctor thenkhat chu han dilchhut deuh hian an lawm vak thinlo tih a takin ka hria.
2. Ward a Nurse duty pakhat kha damlo awmpuitu khan a au a, a auhna chhan chu damlo drip khai kha a zo tawh tih hrilh a tum a, a hming a hrelo a, ‘Nurse’ tiin a ko a, kha ward a Sister duty khan ‘Engatinge Nurse ti a i koh? Ka pi tiin ko ta che. Office a LDC te pawh ‘LDC’ tiin kan ko ngai em ni?’ a ti let ta zek mai a, damlo awmpuitu kha ka lo khawngaih khawp mai a, tihtheih ka nei bawk silo. Nurse kha naupang te a ni a, ‘Ka pi’ tih ai chuan ‘Nurse’ ti a koh kha a inhmeh zawk em em in ka lo hria a.
3. Mi pakhat, a pum zaina hnai a la a, amah Hepatitis ‘C’ ani bawk si, a chau viau a, a hnai te an siakchhuak a, a pumna a reh theihloh vangin zinga Doctor rawn round khan Ultrasound ti turin a chawh a, Ultrasound ti tura an kalchhuak pawh kha a chau hle a, an ti zo ward a an rawn kir leh chu an khumah khan damlo dang a lo mu a, Nurse duty te lah chuan ‘Kan discharge tawh che u’ an lo ti ta mai a. Damlo chau bawk, engmah an hrilhlawk lova, Doctor pawhin Investigation ti turin a tirchhuak mek ni bawk si an lo discharge mai kha a mak ka tia, Nurse lah chuan ‘Tinge ultrasound ti tura in chhuah hma a in in lakchhuak fel loh?’ te a ti zawk za mah a, an chhuah tur thu a hma in engmah an hrilh silo. Thil felfai lo chu a awm ani. Tihngaihna awm heklo le, chau tak chung chuan an haw ta ringawt bawk. Kan chunga thleng nilo mahse hrehawm hi ka lo tia, tihtheih ka nei silo.
4. Damdawiin, Office leh dawr pawh nise, a tlangpuia lakin hmeichhe ho hi biak kan har tih hi thudik ani. Civil Hospital atangin Medical Bill ka la buaipui ngai lova, hmeichhe pakhat lo thu kha ka zawt a, en pawh min en lo khan ‘Khitah, a chungah’ ti ngawt in min chhang a, ka han chho a, roomah mipa 2 leh hmeichhia 3 an lo thu a, mipa pakhat zawk kha a awl a, ka va pan chat a, min lo buaipui felfai thlap mai. Hmeichhia te i harhthar teh ang u.
Similar Posts:
- Enge I ngaih ve dan??
- Doctor hmeichhia aiin doctor mipa
- Lunglei Civil Hospital-a thil thleng
- ENGE
- Civil Hospital, Aizawl a ka thil tawn
(Y)
November 12th, 2011 at 12:01 pm
Aw le..
November 12th, 2011 at 12:10 pm
Mi pakhat, a pum zaina hnai a la a, amah Hepatitis ‘C’ ani bawk si, achau viau a, a hnai te an siakchhuak a, a pumna a reh theihloh vangin zinga Doctor rawn round khan Ultrasound ti turin a chawh a, Ultrasound ti tura an kalchhuak pawh kha a chau hle a, an ti zo warda an rawn kir leh chu an khumah khan damlo dang a lo mu a, Nurse duty te lah chuan ‘Kan discharge tawh che u’ an lo ti ta mai a.
A mak ka ti mang e a. A va han na dawn ve, a chhungte tan chuan…
November 12th, 2011 at 12:15 pm
Kan awmna lamah dan (law) a lal zia te, ram an hmangaih zia te, damlo tan a hahdam thlak thin zia te ka ngaihtuah hian Mizorama kan tih theih vek kan tih siloh te hian ka rualawh an ni ta zual thin.
Youtube leh Facebook a kan comment pek dan atang ngawt pawh hian kan la mawl zia a chiang hle thin. Computer hmanga thu kan ziak anih vang hian a dawngsawng tute mihring nilo ang maiin inzahpahna kan nei miahlo mai te thleng hian rilru a na vawng vawng thin. Hmaichhhana kan sawi ngam loh tur a dawngsawngtu mihring ve ve nisi chu hawihhawm dan angai reng turah ka ngai.
OT lutuk ta… tihian kan sawi ve mai mai ang e:
1. Damlote doctor hnenah kan inentir in, CNA (Certified Nurse assistant) atangin, Nurse, doctor thleng hian min enkawl dan tur atangin an damdawi min pek te awmzia leh enge a thawhdan tur thleng maiin chiang takin hlim hmel pu sarh maiin min hrilhfiah sak a. Kan hriatthiam loh pawhin hawihhawm takin kan chian hma chu min hrilh mai thin. Zawh hmasak an ngai velo.
Chutiang karah chuan duh tawkin zawhna kan neihte zaidawh takin min ngaihthlak sak a, tha takin min chhang leh thin.
2. Avan zaklo ve a, “A pi” a ni em ni reng reng? ggrrrrr
3. Court kan la thlen pui thinlo fo hi mak ka ti!
4. Zahna chhete mah an nei chuang nange mawle. Chanchinbuah chhuah teh u. (N)
An hna a zahawm tehreng nen, an mahni an van zahawm loh ve mawle. 2011 kan vai liam tep tawh hi … :-S ;-(
November 12th, 2011 at 12:16 pm
A lo mak thei ngei mai a.
November 12th, 2011 at 12:23 pm
Mizoram ah chiah he tiang hi a thleng bik ka ring lo. INDIA a chuan thil thar a nih poh ka ring lo bawk. Mahse Mizoram hi khi tiang buaina awm loh na state an ni thei ang tih ka ring . Mihring inzah tawnna hi mitin ten zir theuh ila, Problem tlem a zawng khi chu kan solve ngei ang. :-S
November 12th, 2011 at 12:28 pm
hiho, Ni e, inzahtawnna kan neilo lutuk te, kan chapo lutuk leh kan thu duh lutuk adt. hi kan bansan a tul tak meuh.
Delhi-ah kum 2004 khan min zai (surgery)asin. An fel ka ti hlawm khawp mai. Damdawiin thawkte, biak tul ho ka dawrte kha biak nuamlo pakhatmah ka hmuh ka hrelo. Delhi Mizo te lah chu inhre kumkhua ang maiin min duat a. Damloh a zawngah a nuam hle. Delhi Mizo te (Y)
November 12th, 2011 at 12:32 pm
Mizo mipui tamzawk zia a nih khi, Hospital ah chauh pawh a nilo. Mahni aia hnuaihnung te hmusit taka tih hrehloh, mahni aia chunga awm te an nihna bak baka chawimawia tlawn huam huam ching kan la tammm mai….misual ah pawh hian chutiang rilru pu chu kan awm nual bawk….. 😉 hairehai
November 12th, 2011 at 12:34 pm
Damdawiinah hian Doctor leh Nurse te aiin DAMLO hi VIP an ni tih hi engtikah tak hrethiam ang imaw??? Ka ngaihdan ka han sawi ve mai mai:
1. Doctor ten mi an zai dawn reng rengin damlo REMTIHNA(Consent) an lak a ngai a, chumi pah chuan an zaina chhan tur leh a natna awmzia chiang takin an hrilh hmasa te te ang a, damloin rem a tih chuan an zai thei chauh. Damlo leh a chhungten a awmzia an hriat loh chuan ngun tak leh dawhthei taka hrilhfiah hi DOCTOR te mawhphurhna a ni.
2. ‘Kapi’ tih aia Nurse tia koh hi a pawina a awm lo mai bakah, Nurse naupang te te lo ni se “Ka pi” tih chu a inhmeh lo mai thei. Bakah, i sawi ang khian mi tam takin Damdawi ina thawkte hi koh dan tur tak an hre kher lo va, ngaihhnathiam ve mai tur. Khitianga hauh zui kher phei khi chu a tul lo hul hual. Chapo vang mai mai!
3. Khita damlo Ultrasound ti tura kal an lo discharge daih tih pawh hre lo khi a enkawltu Doctor te leh Nurse te fel loh vang liau liahah ka ngai. Court-a khin tham an ni.
4. Office-a thawk hmeichhe ho dawr hrehawmzia hi chu sawi nawn ngai lova tlang hriat a ni.(Fel tak tak erawh an awm tho). En pawh min en lova duhdah lutuka min han chhang liam puat mai ang chite phei hi chu AN MAWLZIA an lantir mai bakah a thinurthlak duh khawp mai.
November 12th, 2011 at 12:36 pm
@Pu HV State pawna kan tih thei chuan mahni state chhung ah poh ti thei awm tak a nia.
Aizawl ah poh private Hospital thawk ho chu an fel an tih thu hi hriat tur a awm ve reng toh. 🙂
November 12th, 2011 at 12:45 pm
Kan hnathawhna theuhah hian kan kristianna hi lang thei thin se a va tha em. A chunga i han sawi thenkhatte khi chuan vanram an kai lovang tih mai a va awl dawn ve( naupan lai thu e 🙂 ).
tren tren.
November 12th, 2011 at 12:47 pm
Damdawi ina thawk te hi an fel em em tawh laiin a fello tlem azawng hi an la awm a, insiamtha thei zel ila a tha ngawt mai.
November 12th, 2011 at 1:02 pm
A first tur diktakin a first e!
Civil Hospital-a thawkte hian Durtlang Synod Hospital-a thawkte an tluk thlawt lo a ni e.
November 12th, 2011 at 1:03 pm
Post hnial zawngin kan ti vei tang tang ange.
1. Doctor ten an hrilh pawh kha hriat chian loh ve theih chu a ni deuh tho mai lo maw
2. Hei hi chu hnial ngaihna ka hre lo.
3. Hei hi chu tih sual palh liau liau a nih ka ring. An fel hlawm viau khi maw
4. I zawh laia a thil khawih kha a pawimawh ovarlai a niang. Hei pawh hi han hnial vak ngaihna ka hre lo.
November 12th, 2011 at 1:05 pm
mahse #13 i zawhna chhanna chu #3 ah leh #8 ah khian hairehai 😉
November 12th, 2011 at 1:12 pm
thil chinchang hre deuh leh huaisen deuh, khitiang ho hmaichhana khak fak fak tur lo awm thin se ka ti ngawt mai. Kan file hi paper ni lovin mihring nunna nei an ni tih hre reng teh se. Lawer in a tihsual chuan chunglam ft. 6 ah an khai a, doc. In a tihsual chuan under 6 ft.
November 12th, 2011 at 1:32 pm
#13 chu “Post hnial zawngin kan ti vei tang tang a nge” ti bawk sia…. 😀
November 12th, 2011 at 1:34 pm
Doctor ho chu “Doctor” tia koh hian an lungawi mai a, nurse ho chuan “Nurse” tih an duh thak lo! An hming hriat loh pawn “Sister” tih tur an ni e, mi zawng zawng hriat atan, nurse tih chuan inhmuhsitnaah an ngai deuh ni berin a lang.. 😉
Post-tunu… i ang thiam hle mai, i lungawilohna pawh hi a awm ka tihpui lutuk che.. mai mai sala engatinge chutiang a an lo chet vel ni!
Mahse ti leh lawk teh ang, doctor leh nurse te tlin tawk lohna kan helh leh puangzar thin ang bawk hian Department danga thawk ho dawr har tak tak ho hi i pholang ve ang u, doctor leh nurse te chauh an ni bik lo.
Mihriang zia a ni e, thuneih duhna leh chaponaa khat kan nih avang hian, kan pawimawhna lai ah chuan a te ber thlengin kan induh ve ran zel a nia, Lal Isuan kan thinlung A thlak a ngai a ni e..
November 12th, 2011 at 1:37 pm
Mahse@13, i hnialna khi ka hrethiam khawp mai. Thil tha pawh kan tawng a, thil thalo pawh kan tawng a. Diktak chuan doctor tamzawk hi chuan dilchhut an dawl vaklo ania.
Office a thil ka zawh nu khi ka va biak lai khan kuhva eitur a siam mek a, min en hmanlo aniang..hehe
November 12th, 2011 at 1:44 pm
Point no.4. Ava hahthlak em! Mihring hi kan level pui leh kan superior te bulah kan induh ngai lo. Kan aia hnuai/min mamawh tute bulah tak hian ani kan mizia leh nihna dik a lan thin. ‘Pu ten min tiduhdah,min hnuaichhiah lutuk de dei dei dei..’ kan tia…kan haw kawngah kawng laia chawhmeh zuar kan vin veleh tuar2 sia…eng kan ni bik miahlo. Inzir nan i hmang ang u. Rinawmna pawh chutiang tho…tawk teh se.
November 12th, 2011 at 1:47 pm
Hei doctor song hi ngaithla mai rawh u 😛
http://www.youtube.com/watch?v=EUOgokyz6-Y
November 12th, 2011 at 1:51 pm
Hmeichhia leh Pal chhia… 😛 😀 😛
November 12th, 2011 at 1:54 pm
#19 Lamji (Y) Chu chu kan mize dik tak vek a ni. Angkhat veka mahni mihring puite duhsakna leh sawiselna pe thei mihring hi an vang teh a sin….mi 10 ah 1 pawh an awm lovang.
November 12th, 2011 at 2:04 pm
laimizo@17, ka link dah (hetah) tih khi min chhiar sak teh. Ka rilru chu i hrethiam ang. Ang thiam min tih tluk zet in lawm thiam min ti maithei.
November 12th, 2011 at 2:07 pm
Post hi tha kati
Moral Science hi kan mamoh tlats 🙂
November 12th, 2011 at 2:12 pm
Post tha tak a ni. Post tunu hi a huaisen khawp mai. Ang piap piap rawh khai. (Y)
November 12th, 2011 at 2:19 pm
Nia, âng piap piap rawh.
November 12th, 2011 at 3:06 pm
Docte: Helamah hian I huan THLAI an PET eeeeeeeeee…. Lo veng vat rawh. 😛 😛
Sawiselna ang zawnga insiamthat tum hi ka principle a ni vak lo nangin Sheldie post a ni bawka ka lo la en ang. 🙂
November 12th, 2011 at 3:07 pm
ka sawitur zawng2 min lo sawi khalh vek anih khi 🙂
post hi ka (Y) e.
November 12th, 2011 at 3:24 pm
Ignatia@26, Keipawh ka ni tho. Sawiselna ang zawnga insiamthat tum hi ka principle a ni lo. Ka chunga tla chinah chuan ‘lawmthu’ ka zawng a, mi chunga tla ka hmuhah ania ka vui. Keimah hi chu hmanni a ka post ang khan ka la lawm zel e.
Han en teh, i comment hriat a chakawm.
November 12th, 2011 at 4:06 pm
@Hv, ka sawi awmzia chu post kan han nei ve a, kan vai deuhthaw hian anonymous kan nih vang hian comment thenkhat chu a sharp thei angreng a, hetiang i tawn a i calm dan hi ka lo hmu thin. Han engemaw ve mai na tur ang situation ah pawh hian i calm thei ka tihna. Tin, tu lakah pawh tawngkam tha/fakna i uilo. I entawntlak.
November 12th, 2011 at 4:14 pm
Edit
November 12th, 2011 at 4:26 pm
#29 Humbled :-S mahse ka lawm e 🙂
November 12th, 2011 at 5:05 pm
ka lo haw lai khan naute damloh avangin civil hospital aizawl casualty ah kan kal a, khata nurse senior deuhin min tih dan kha tun thleng hian ka rilru a la na thin. engngatinge chu nurse chuan ka pi tih a duhzawk aw ka ti. mahni aia upa tupawh nise in “ka pi” min tih hi chuan ka lai vek zel mawle 🙂 keichuan nurse tia min koh ka la duh zawk fo. inzahna ang deuha hnain a hming a kentel chu ni tho mahse
1 khi a mak ka ti
3 khi engvangin nge court-ah an kal loh tih ka ngaihtuah
November 12th, 2011 at 5:09 pm
Kan mizo doctor leh nurse ho chu engati ziah nge maw ni le aw.. Hawh u mipui tang tlang ila, sawisel ngai lo, vai doctor i rawn hum hum ang u. An in zir chhuak ve mai ang. Misual.com a phun phun ringawt hian awm zia a nei lo. Hei tunah phei chuan a tam zawk chuan ngai ah an nei tawh a, comment pawh an pe peih tawh lo. Century vuak chhuah har khawpin topic a hot thei tawh lo 😛
November 12th, 2011 at 5:18 pm
@doc_lib, Vai doctor rawn phalo kan tam em hi. Post hot lam ni lovin tuemaw talin insiamthatnan a kan hman takin tihlam ani e.
@roseparvul, a thawk ngei pawhin rilru natna i tawng anih chuan mi thenkhat thil tawn khi chu awm viau ania. Kei tak hi chu ka vannei a, mifel tak tak hlir Doctor leh Nurse te hi ka tawng a, mahse, hmuhphakah eng eng emaw chu a thleng ve leh zauh thin.
November 12th, 2011 at 5:21 pm
#33, doc sual dovin thisen chhuak khawpin kan tang dawn. Kan phun zel ang. 😛
November 12th, 2011 at 5:32 pm
Century vuak chhuah nan tha ka thawh peih tawh bik lo. Midang khan han thawh ve teh u. Mizoram doctor ho hi an sual si a,i rawn duh miah lo ang u. Tih tak tak ah te chuan za a za kristian ram kan in tia lawm le, lammualah mizoram ah natna reng reng a awm tawh loh nan chawngheiin han tawngtai leh ila, kan doctor ho chu an hawi lawl lawl mai ang maw le..An ninawm zozai emai 😛
November 12th, 2011 at 5:37 pm
@doc_lib, lammualah kher kher chuan 😛
Doctor ho hi rawn tawh lovang u kan ti lo. An vaiin kan khei hek lo, a diklo te kan faksel zawk a ni e.
November 12th, 2011 at 5:44 pm
Ka vannei nge ni ka pi,ka nu leh ka pa te buaipuiin damdawiin chi hrang hrangah hian tlangnelna khawp zan hi chu kan teihawi ve mai tawh bawk a, nurse leh doc fuhlo hi ka la tawnglo ve tlat.. Ka dilchhut a, ka thin a chhia a, doc leh nurse te hauh ka hlau tehchiam lo bawk a, ka rin ai tak hian min dawhthei phian zel! Mahse tunlaia ka ngaimawh thar ve chu an pvt.clinic a inentirman Rs.200 la ho hi..an zirchhuahna te pawh a rei ve tawh tho sia,an thiam belh thut nge maw ni dawn ni,nge thil man sang zelah an thiam tawhsa man kha a pung ve zel tur tihna ?
November 12th, 2011 at 5:51 pm
Mizote hi kan zakzum cheihchuih leh lutuk a, chiang fek a hriat duh mi zawh te hi kan zak emawni thin ni. Sir lehlamah kan va phun leh thin a. Hriat duh neih chuan zawt pawp ila. Hreawm ang deuh te hian awm lo ila, miin chiang lo deuh a an sawi te hi hrethiam awm ang hian awm lo ila.
November 12th, 2011 at 5:53 pm
Jacka Pi engemaw hmeichhe sam tan nan ringawt pawh 800 chuang chuang an in chhiar tawh ani lawm ni. Sawisel tur a pui hi zawng zawng teh suh u. In rinna lam hi han ti chak ve ula, kei ang hian, doctor ho in mamawh teuh lo mai, keini rinna chak chuak rinna hi kan dam pui zel mai ania 😛
November 12th, 2011 at 5:55 pm
@Jacka Pi, nia, mi kan changkang tawh a, tunhma anga inzahpahloh lutukna ang te kha a bo tawh. Keipawh hi ka sual a, damdawiin kan kalna tawhah hi chuan ka dilchhut thei khawp, tin, kan serious deuh anih phei chuan attention hi ka ngiat nasa, lungawilohna ka la tawnglo, ka la lawm rih khawp mai.
I sawi inentirna man khi chu a sang khawp mai. Rs.200 hi an la vek tawh em aw? Doctor pakhat chuan Rs.300 a la asin.
November 12th, 2011 at 5:57 pm
Pisa hnathawhna lamah hi chuan kan in Pi/Pu vek thin a, kum lama upa tak2 ten min rawn dawr a, ka pi min rawn ti thin hi kei nuamlo ka lo ti zawk a.
Civil hospital hi kan sawisel fo a, dik tak chuan damlo pan tu an ngah em2 a, chetsual chang leh mittlung tawk lohna chu a awm lo theilo ah ka ngai.
A tlangpuiin hmeichhia te hi biak kan har tih khi ka thlawp khawp mai….hnathawhna hmun khawiah pawh hmeichhia va dawr ngai hi chu ka hel hram2 zel
November 12th, 2011 at 5:57 pm
@haha, doc_lib, min han counsel hlawm la 😀
November 12th, 2011 at 6:03 pm
@dolly, mipa aia hmeichhia zawk biak kan har tlat tlangpui mai hi chu a insiamthat theih ang mawle. Han tang teh u.
Civil Hospital hi englai pawhin damlo an khat tlat reng a, a thawktu pawh za tel an awm, i sawi ang khian mittlung tawklo chu an awm tehmeuh ang. Mahse, Point 3 ka tarlan te khi ka chunga thleng chu nise ka lungawilo chiang ang, hriatthiam har ka ti dawn tih ka hria.
November 12th, 2011 at 6:33 pm
Hetiang post hi chu Doctea kohchhuah nan a tha riau. Mahse a in control thei ta khawp mai.
November 12th, 2011 at 6:38 pm
#40 doc, sam tan man Rs.800 maw? A van to talh talh ve.. Chuan hmeichhia biak har pawh hi ka la tawng ve lo a niang, mipa erawh chu hei LAD ah pakhat dawr ka tum a,ka kal apiangin a lenchhuah lawk lai a la ni ziah a,min ti beidawng ang reng khop mai
November 12th, 2011 at 6:41 pm
Lumet Mizo tawng (Y) 🙂
November 12th, 2011 at 6:46 pm
#47 HV, hmeichhia chuan lu kan met ve meuh lo,sam kan tan thin hairehai (H)
November 12th, 2011 at 6:49 pm
A general a lakin mipa aiin hmeichhia biak kan har in ka hria, hmeichhia zawng zawn sawina ni lovin. Mipa zingah pawh nawi ve tak tak chu an awm tho, office tinah hian.