Tun laiin Zoram leh Zofa Kristiante zingah harhna nia mi tam berin an puh ţhin chu a thleng ţhinin a thleng mek zel bawk a. Heng ang harhna hi a thlen lai hi chuan a thlen loh lai ai chuan ţawngţaia Pathian biak pawh hi mi tam tak chuan an taihmak phah ţhin bawk.
‘Ţawngţai” han tih hian Mizo Kristiante lam aţanga hriat dan chu maimitchhing chunga, “Aw Lalpa…” Pathian auhna hi a ni ber awm e. Amaherawhchu, a ţobul tak aţangin chhui ta ila. Mizo zingah Kristian an la awm hma khan kan pipute chuan ramhuai tam tak awma an rin avangin leh chûng chu mihring tina ţhintute nia an ngaih avangin natna neite an lo dam theihna turin an be ţhin a. A chângin an tlawn a, a châng leh an vau a; chutiang na neite an lo damna tur atana ramhuai emaw, huai emaw, khawhring emaw hnena inthawina nena thiam hla chhama be ţhintu bik chu an awm a; chutiang chu Puithiam chi khat “BAWLPU” an tih chu a ni. Chu Bawlpu chuan dam lo a thawi lai chuan thuchham nei a, a chhampual a, a phun mawlh mawlh ţhin a; chutiang chu, “ŢAI,” an ti a ni. Chutianga dam lote Bawlpuin a thawia, a “ŢAI” vel lai chu Missionary Sap lo kalte khan an hmu a. Mizo zinga Kristiana inpe hmasate hnena Pathian be tura an ziritr lai khan, “Aw Lalpa,” tia dilna an thlen ţhin ang kha, “Ţawngţai,” tiin an lo vuah ta a ni. Chuta ţang chuan Mizo Kristiante chu maimitchhinga Pathian au zelin an lo ţawngţai ţhin ta a ni.
Engpawh ni sela, Ţawngţai tih ţawngkam hi Mizo Kristiante aţanga lo chhuak a nih tlat avangin Kristiante thurin bulpui ber Bible hian eng angin nge a zirtir tih i lo chhui hmasa teh ang. Bible chuan, “Bang loin ţawngţai ula,” (I Thes. 5:17) a ti a. Mahse hnathawh a lo ngai a, chaw ei a lo ngai a, mut a lo ngai a; bang loin a lo ţawngţai theih hauh lo mai.Kan han maimitchhing a, “Aw Lalpa ….”Kan han tih lah chuan, “…. Vawi tam tak in ţawngţai pawhin ka ngaithla lo ang,”(Isaia 1:15) a lo ti tlat a. Vawi tam tak ţawngţaiin kan sawi ngaite hikan sawi nawn zing hle ţhin. “In ţawngţaiin, Jentail angin sawi nawn mai mai suh u; an ţawng tam avangin hriain an ring a ni. Chutichuan anmahni angin awm suh u; amah in dil hmain in pa chuan engte nge in mamawh tih a hre reng si a,”(Matt. 6:7&8) a ti. Eng engemaw hi kan dil duah mai ţhin a nih kha. Tunah pawh i la dil hnem ţhin hle lo maw? — in dil a, in dil dik loh avangin in hmu lo, in nawmsak nan hman in tum si a,”(Jakoba 4:3) a ti bawk a. Chuvangin maimitchhinga, “Aw Lalpa ….,” tia kan chham vel hi zawng a lo pawm hauh lo mai; mi vervekte ţawngţaina mai mai a pawm lo a ni. “ ‘Lalpa, Lalpa,’ mi ti nazawng chu vanramah an lut lo vang…,”(Matt. 7:21) a ti tlat si. Isua khawvela a len lai khan a zirtirna thu zawm duh si lote chuan an be ţha luam ţhin a. Chungho rilru chu a hre reng a, “… Nangni’n eng atan nge ka thu zawm si loin, ‘Lalpa,Lalpa,’ mi tih ţhin,”(Luka 6:46) a ti mai a ni. Bible thu hi a tam ber chuan engnge a sawi tum a, an chham zuah zuah ţhin. “Dil rawh u,” a ti ngei mai; mahse engnge dil tur nia engtia diltur nge an chhut tawh lo. Isuan engtinnge a tih le?
“Chutichuan, ‘engnge kan ei ang?’ emaw, ‘Engnge kan in ang?’ emaw, ‘Eng sinin nge kan awm ang?’ emaw tih, lungkham suh u… chung zawng zawng chu in mamawh tih in pa vana min a hre reng a ni,”(Matt. 6:31,32) a ti. Heti khawpa min hre chiangtu Pa Pathian hi mawl leh bengngawng, thil hre lo lutuk ang maia kan cheibawl vel hi Isua ngei pawh hian a ngaithei lo a ni e.
Lalpa Pathian chu a awm ngei a ni tih leh, amah aţangin nun neiin, chatuan taksa neiin kan ding reng tawh a ni tih inpuangin min hriattir a. Chutah chuan engkim neitu niin khawvel pum hi kan ta a nih kan hre ta a. Dil ngai tawh loin ‘A ram leh a felna,’ kan hmu tawh a. Nunna Lalramah dingin engkim neitu kan nih kan hre ta a ni. Chu chu Isua leh a zuitute pawh khan an lo hre chiang em em tawh zawk a ni. Amahah kan awm a, amah Pa pawh keimahniah a awm ta bawk. Amah Pathian taka chu “Krista, thlarau Thianghlim,” tia an sawi chu a ni e, Isua ni lovin. Chu ngei chu Mizote chuan, “Chung Khuanu,”kan ti a ni.
Mihring hian thlarau kan nei lo a, Chung Khuanu (Pa Pathian) ngei chu tisa mita hmuh theih loh chatuan taksain a ding a; chu chu Kristianten, “Thlarau Thianghlim,” an tih chu a ni a. chuta ţanga chhuak ngei mai, tisa mita hmuh theih loh chatuan taksaa ding chu kan nei a, chu chu kan thlarau chu a ni. Chu chu pekin an awm a, “…In pa vana mi chuan diltute chu Thlarau Thianghlim a va pe dawn em!” a tih ang khan. Amahah nun a awm a, chu chu min pe a, ‘Thlarau’ a ni. Chu chu pekin kan awm ta. “Krista thlarau nei lo chu amaha mi a ni lo” tih a ni. Chutichuan chu mi thlaraun neitu chu bang lovin a ţawngţai thei ta a ni. Tisaa awmte chuan Pathian an tihlawm theih loh avangin, tisaa ţawngţaia, “Lalpa” tih pawh chu Pathian lawm zawng a ni lo. Thlaraua Amah pawlna chiah hi a lawm zawng a nih avangin Thlarau chauha ţawngţai tur a lo ni zawk a ni. Thlarau erawh chuan bang lovin kan ţawngţai thei ta. Pa chu thlarau a nih angin Pa a mi thlarau chukannei a, chu thlarau min pek chu chatuan taksaa dingin min lo ţawngţaisaktu a ni. Chu Lalpaah chuan kan awm a, ani pawh keimahniah a awm bawk a. chu mi keimahnia awm thlarau chuan kan ţawngţai ta a ni. “Chutichuan, amaha Pathian hnena lo kalte chu a tawp khawk thlengin a chhandam thei a ni, anmahni ţawngţaisak turin chatuana a nun reng avangin,’ tiin ziak a ni e. chu chu Isua zuitu Paula teho hian an hriat chian em avangin, ‘Ţawngţaina leh dilna tinrengin eng hun pawha Thlaraua ţawngţaiin…” an lo ti anih zawk hi.
“Thlarau chuan kan chak lohna te a pui ţhin a,” a tih hian,kan chak lohnate chu chak deuh hret turin em ni a puih le? tiin inzawt ta ila, tisa ţawngţaina leh thlaraua ţawngţaina danglam zia kan hre thei tawh ang. Thlarau chuan kan chak lohna chu tlema chak hret turin emaw, chak thutturinemaw a pui hauh lo mai, ‘engtia ţawngţai tur nge tih pawh hre thei lo hial khawpin’ a pui chak lo ta zawk a nih hi. Chuveleh chuan Thlarau chuan rum sawi hleih theih lohin min lo ţawngţaisak reng a ni tih kan hria a; Nunna Lalhnamte hian tisa maimitchhinga ţawngţai hi kan bansan ta a nih hi. Chuvangin alawm, “Chutiang bawkin, Thlarau chuan kan chaklohnate a pui ţhin a; engtia ţawngţai tur nge tihkanhre si lo a, nimahsela, Thlarau chuan rum sawi hlei theih lohin min ţawngţaisak ţhin,” tia an lo ziak ni.Chuthalrau avang chuan ‘Abba! (ka pa)” tiin kan au ta a nih hi. Chuvang chuan Pathian hnenah engmah kan dil ngai ta lo, ţawngţaia dil engmah a ngai lo. “Engkim hi in ta a ni vek si…” a tih angina a neitu nihnaah kan lut ta. Khawvel te, thihna te, nunna te, thil awm sa te, thil lo la awm tur te, a za vaiinkanta a ni. Chuvangin neitu nihna changtute chuan,
“Thuthlunna Isua hringnun mite chuan,
He khawvel hi an ram a ni si lo,
Khawvel hmangaih suh se, a chhung thil nen,
Nunna Lal faten khawvel kan hmangaih,
Khawvel hi kan ta, a chhung thil nen,”
Tiin kan sa thei ta a ni. Van leh lei kan rochung tawh si a. Kan Lalpa Pathian, Chung Khuanu nen chuan Nunna Thlarauin kan inbe reng tawh zawk a ni e.
Similar Posts:
- Tawngtai
- Kristian Chi 2 Te {Sunday Pual}
- Thil chiang em em chu!
- Tunlai ka mutmawh hnarmawh.
- Thlarau Râlthuam {Sunday Pual}
November 18th, 2011 at 11:32 pm
1 tawngtaipui ang u.
tren tren
Report this comment
November 18th, 2011 at 11:36 pm
chhiar a man hla leh dawn khawp e
2nd chhiar ang lem
Report this comment
November 18th, 2011 at 11:38 pm
Lawmthu hril tel zelin in duhna te chu PATHIAN hnenah hriattirin awm zawk rawh se.
tren tren.
Report this comment
November 18th, 2011 at 11:39 pm
Chhiar thuak2 a hhiar nawn leh phawt ang
Report this comment
November 18th, 2011 at 11:40 pm
Report this comment
November 18th, 2011 at 11:40 pm
Hnam Sakhua Post hi ka hrethiam ve thin lo!!
Ka mawl fal bik a ni ngei ngei ang! 
Report this comment
November 18th, 2011 at 11:48 pm
A chanve ka chhiar
Pathian hnenah tih tak meuh meuh a tawngtaina hi ka nei khat khawp mai! Tling tawk lo a ka inhriat vang ani ber!
Posttupa..I huai reuh hle mai a. Bible chuan ‘Thlarau Thianghlim sawichhe tu chu ngaihdam an ni lo ang’ a ti ani. Ṭawngtai hi Thlarau Thianghlim nena inpawlna kawng ber ani asin.
Report this comment
November 18th, 2011 at 11:49 pm
Hnam Sakhuain Kristianna a beih dan Strategy hi a sâng riau; Bible hmang ngatin a nia a beih ṭhin ni. Sawi zui dawna buathlak deuh hian ama duh dan hian a rawn chhawp mai bawk si a…
Ka chhiar thuak a, ka peih leh naktukah ka chhiar ṭha leh ang. Tuna ka sawi theih tawk chu Kristian pangngai chuan ṭawngṭai bansan lovin, mimal leh huhovin nitin kan ṭawngṭai ṭhin..
Report this comment
November 18th, 2011 at 11:52 pm
Chhiar hma in! Tah hian Hnam sakhua hi an lo ngai hman viau asin!
https://www.facebook.com/groups.....p_activity
Report this comment
November 18th, 2011 at 11:55 pm
ava han ril thin tak em, chhiar chhuak dap e
Report this comment
November 19th, 2011 at 12:05 am
“Chuvang chuan Pathian hnenah engmah kan dil ngai ta lo, ţawngţaia dil engmah a ngai lo”. Helai thu chu Ka thleng pha ve hauh lo mai
Kei chu ngaihdam dil in leh lawmthu te sawiin nitin ka tawngtai thung…
Report this comment
November 19th, 2011 at 12:15 am
Ka chhiarsak lo mai.
Report this comment
November 19th, 2011 at 12:16 am
aw haw le, hnam sakhua alo lang e, chhiar teh ang.
Report this comment
November 19th, 2011 at 12:17 am
Hnam Sakhua Dear, Rebecca Zahau tana online petition kha lo sign ve rah au..
Report this comment
November 19th, 2011 at 12:23 am
Mut chhuah tawh lam ah chuan chhiar chi loh…zing a tan khek ang
Report this comment
November 19th, 2011 at 12:27 am
OT,sex video post ka sawiselna lampang ka ziak a,submit 4 review ka click a..your post have been publish a rawn intia, ka en a.a bo daih pending,schedule,trash,mine ah pawh a awmlo.enge awmzia
Report this comment
November 19th, 2011 at 12:34 am
i thu ziah chu ka tawmpui loh zawng a awm nual mai, a bak chu sawilo mai ang….
Report this comment
November 19th, 2011 at 12:40 am
a chhiarchhuak dap a, tlem azawng sawifiah ngideuh awmin ka hria a, ka han sawi ve a e:-
1. Matthaia 7:21 thu hi, Tawngtai hrim hrim a sawichhiatna ani lo va,A duhzawng tih tum mang si lo, a duhloh zawng anga nung tlat chung si chuan, “Lalpa, Lalpa” tiin au teh thin mah ila, Vanram mn thlen lovang, tih a sawina a ni.
2.Matthaia 6:31-32 ah hin Thi dil hrim hrim a hnawl lam a ni lo. Mamawh tak tak ni lo, mahni nawmsakna tur thil ringawt ngaihtuah a, rilru leh hun leh tha zawng zawng hmang zova, Amah Lal Isua leh Vanram lampang reng reng ngaihtuah leh si loh kha a dem a ni.
3.A ram leh a Felna hi, i hmu ngawt lo; Lal Isuan a ngaipawi mawh em em a ‘Zawng’ hmasa turin min duh a, nang pawh a duh che a ni.
4.Lal Isua Pathianna leh Kawng awmchhun a nihna hi i hnawl chhung chuan, A Ram leh a Felna chu i hmu hauh lo vang.
5.Thlarau kannei love a? I va bo chhah mep mep ve aw.
6 Thlarauva Tawngtai hrihfiahan han, Lal Isuan Matthaia 7:7-11 a a sawi, Dil rawh u”, “Zawng rawh u”, “Kik rawh u”, a tih hi i paihthla chiang hle mai. ei h i Zirtirna Hlauhawmna li taktpawh a ni. Lal Iua i kalh a mai leh, aPathianna i hnawl tlat hi (Amah Pathian taka chu “Krista, thlarau Thianghlim,” tia an sawi chu a ni e, Isua ni lovin- i tih hi). Setana(Diabola) atanga chhuak ava ni chiang ta em.
I thuziak pumpui hian Lal Isu lehTawngtaina a hnawl chiang hle a, chu tak chu Nangmah awm Diabla(Bumtua) thil tum br pwha ni reng a ni.
Mangtha phawt le. I duh leh lo chhang la,Naktuk lamah ka lo en leh dawn nia.
Report this comment
November 19th, 2011 at 12:43 am
18 chu; Typing mistake ava tam teh nuai ve aw! ka check ngun viau khan ka hre si a.
Report this comment
November 19th, 2011 at 12:46 am
I mimal ngaihdan tanpui turin Bible thu i thur chhuak nghauh nghauh a, i Pathian thu kalpui dan hi hnial hleih theih loh, rau riai mai chi, mahse dik zik tluak si lo, Rotekawla sepa ze dik tak a ni.
Report this comment
November 19th, 2011 at 1:00 am
Ka hrethiam pha ve meuh lo e a, kan tawngtai dan pangngai hi ka la duh zawk e. Isua pawh khan tawngtai dan tur chu ringtute min zirtir chian viau kha.
Report this comment
November 19th, 2011 at 1:08 am
18. Tih dik na: *Ka chhiar chhuak dap a* 6. *Hei hi i zirtirna hlauhawmna lai tak pawh a ni. Lal Isua i kalh tlat mai leh,* I thuziak pum pui hian Lal Isua leh Tawngtaina a hnawl chiang hle a, chu tak chu, nangmaha awm Diabola (Bumtua) thil tum ber pawh a ni reng a ni!* Tih tur a ni.
Report this comment
November 19th, 2011 at 1:11 am
a chang leh i post dangah Isua ring lo hul hual ang maiin i lang a,tunah eroh i rin leh hmel fu si…”Isuan engtin nge a tih le?” tih zawh atang khi chuan i post hi ka hnol,a enga poh chu lo ring ni la,i chiang lo vel vek in ka hria
Report this comment
November 19th, 2011 at 1:22 am
post tupa hi aw..i luhlul mang e aw…i zaktheilo ka ti zawk dawn nge..Helai hi chu thlep nalh khawp mai- Amah Pathian taka chu “Krista, thlarau Thianghlim,” tia an sawi chu a ni e, Isua ni lovin. Chu ngei chu Mizote chuan, “Chung Khuanu,”kan ti ani….haha..i chiang chiahlo chu ani e
Report this comment
November 19th, 2011 at 2:28 am
18
Hnam sakhuana hi a addict a, a that loh zia a hre kur bawk sia..a thil rin defend tur pawh hian a dawihzep khawp. haha
A online ngam chuang lo kan hnam sakhua-a hi, chhe zek zuk deuh mai ania
Report this comment
November 19th, 2011 at 2:32 am
Tlema comment Postive deuh ho email a la khawm ang a, a rukin a contact ang a, A LANGA TAWNGTAI NGAI TAWH LO PAWL a din dawn niang..hehehe
Report this comment
November 19th, 2011 at 2:33 am
Report this comment
November 19th, 2011 at 2:35 am
Friday zan hi a hot lo thei ngawt mai! hnapkhir che hrut hrut khawp in a an mu ri suk suk hlawm tawh emawni dawn
Report this comment
November 19th, 2011 at 3:01 am
miva bum chiang
vele..Chhunah ka hmu
a,coment lah page one ka tir
ka en a,buai bok
nen..enchianglo in zanah en
pawh tumlo in coment page
tawp lam ka en zuaia,
chemtatrawta coment lai ka en
fu nen..ka hrethiam miah
lo,post ka lo ziak hman..en tum
talo chuan coment ka en thla
xel a,ka hre chiah SaNDMAN
CHU..ka zak lutuk.mai2
Report this comment
November 19th, 2011 at 3:17 am
La-me-a 25
….keipawh minute20 vel ka nghak a ka enchiang ve chauh lawm, midang pawn an tihsual teuh tho kha, mi chu a bum hnem ve pangngai khawp mai.
Report this comment
November 19th, 2011 at 3:34 am
en pawh ka tumlo hrim hrim.ka thil vei zawng ania..chhuna ka hmuh khan ka SA phat a,zanah ka hman hnu ah post ka ziak nghal a,submit ve thlap..a hnu ah coment ka en chiang a..hei, ka nui ka nui mai
Report this comment
November 19th, 2011 at 3:49 am
Report this comment
November 19th, 2011 at 6:07 am
Kei meuh pawhin i thuziak hi ka awih lo, ka nuih i ti za zawk. Ka sawi tam lo mai ang, sawi duah pawh ni ila; ka hmin chuang lovang che.
Pathian a awm pawh i rin ka ring nek love…
I mamawh nia ka hriat chu born again chauh a ni e.
Report this comment
November 19th, 2011 at 7:07 am
1 Thessolonika 5:17 a “Bang lovin Tawngtai rawh u (Pray without ceasing) a tih awmzia hi, thildang ti hman lek lova chhum lo, chat lova tawngtai reng lam ni lovin, tawngtai thlahthlam lo tura infuihna, regular taka tawngtaina hun nei reng tura infuihna lam a ni e. # Isaia 1:15 thuah hian, tawngtai hrim hrim chhan a tumlo nilovin, a fanau a chawm seilente a chunga an lo hel let leh ta si a huat zia a sawina a ni. An sim loh chuan, au auvin, inthawi teh thin mahsela, ngaihthlak a tum loh zia thu a sawina a ni e. # Matthaia 6:7-8 leh Jakoba 4:3 ah hian, “Aw Lalpa” tia chham hrim hrim a pawmlo lam ni lovin, Pathianin kan mamawh dik tak a hriat reng lai a, mahni hmasial tak a, kan mamawh bak kan nawmsakna tura dil a, min pek duh loh pawh a, a ngai chham nawn tlut tlut a sawiselna a nih hi. Tawngtai hrim hrim a sawisel lo. Diabola hi a fin phakar em avangin, “Inring rengin Tawngtai rawh u” tiin min fuih zawk a ni. Lal Isua hian Tawngtai dan dik lo hi a vei hle a, tawngtai hrim hrim erawh chu, a zirtirte kha a zitirin a fuih thin zawk a ni.
Report this comment
November 19th, 2011 at 8:47 am
Tawngtaina chungchangah chuan Hnam Sakhua rawn sawi hi ngaihtuah zui ngai deuh mai a ni…
duah lutuk a tawngtai rualna karah an han haleluiah amen vak vak hi kei chuan ka ti ve ngai lo a….mi zinga tawngtai thiam leh tha thei nih tumna te pawh a ang thei…
kei chuan tawngtaina ah chuan ka biak Lal Isua thusawi ngei – Mathaia Bung 6 chang 5-7 ami hi ka pawm hmiah…chang 6 thu phei hi chu…’Tlaivara biakin a tawngtai ho’..’Lammual a tawngtai rual’ tih vel nen hian a inkalh deuh in ka hre thin…
Hnam sakhua hi Nunna Lalchhungkua ami a lo ni reng a ni maw….a tanna ah a ding nghet a, ngaihsanawmna tak a nei ka ti..
Report this comment
November 19th, 2011 at 10:16 am
Tita.
Report this comment
November 19th, 2011 at 11:09 am
18 & 34 @PKfanai
Hnamsakhua hian Kristiannaah kan chiang tawk em tih min fiah vel mai mai niin ka hria? Min bawl a ni ber ang. A mah pawh hi Kristian a nih ngei ka ring tlat. Isua thusawi a sawi chhawn dan han en hian amah pawh hian Isua hi a ring/awih ve ngei tih a hmuh theih tlat a ni. Ka chhang duah rih lo mai teh ang. PK-a chhanna khi a fiahin a tha tawk ka ti e.
Report this comment
November 19th, 2011 at 11:48 am
Hsk online petition mawlh chu i lo theihnghilh ange au
Report this comment
November 19th, 2011 at 12:53 pm
Tawngtai tih tawngkam hi i sawi tawh ang khan kan missionaryte min phuah sak a ni a,tawngtai laia maimit chhin kher tur an ti na chhan cu keini mizo mipuite hi mi hawkdak/mit vir tak kn ni avangin mit chhin kher tur min lo tih a ni. Kan Holy Bible chuan ‘In fa in sangha dil che sela tuin nge rul pe ang che u chhang dil che u sela tuin nge lung pe ag che u nangni pwhin chutiang pek na chang in hriat chuan in Pa van ami chuan engvangin nge in chhiatna turin ro a rel sak ang che u mn ti a chuan Mathaia ziah tho ‘Kik rawh u hawn in ni ang dil rawh u pek in ni ang’ min ti tu kan Pathian chu rilru leh tih tak zet a i dil chuan a pe em2 ang che……..
Report this comment
November 19th, 2011 at 1:13 pm
ropui hle mai a mahse ka hrethiam lo trep2 thrin
Report this comment
November 19th, 2011 at 2:17 pm
Oye! Hnam Sakhua lo lang leh ta, oink!oink! Ka chhiar sak tawhlo mai ang che.. Vancharloa chu kawlhawk khan Hnam Sakhua ah a puh thlu deuh che khan ka hria sin maw le
Report this comment
November 19th, 2011 at 3:53 pm
Report this comment
November 19th, 2011 at 8:52 pm
PC a chhe tlat mai a, a that leh hunah kan la comment leh dawn nia. Phone atang chuan a buaithlak em mai.
Report this comment
November 19th, 2011 at 9:04 pm
lolz!
I PC a chhe ve thei a ni maw?
Report this comment
November 20th, 2011 at 12:20 am
A sawi dik thui…. chumi avang erawh chuan a sawitu hi a dik tihna erawh chu a ni chuanglo.
Rul pawh khan a sawi dik tho a nia,chu avang chuan rul kha a dik tihna a ni chuanglo.
Hei pui, mizo tawng hian ka sawitum hi a fiah leh ta peklo.
Right leh Truth a nia ‘dik’ ka ti 2 te khi.
Joba hnemtu a thian pathum te khan dik deuh deuh in midang sawi dik tawkloh chu an sawi thei vek alawm, a tawp ah chuan tu ate mah kha an lo dik bik derlo.
Kan tawngtai dan tamzawk hi chu an thlawn ve thin khawp ngei ang le. Atheist ho in theist ho min beihna lian ber ber te pawh hi an dik thin a sin, kan tihdik tawk thinloh vanga rinna atanga an lo tlukphah te phei hi chu ‘tihloh sual’ case hi kan awrh nawlh nawlh mai thei a ni. Tawngtai lovin Pathian hi a biak in i ‘be’ tawh zawk ang u.
Report this comment
November 22nd, 2011 at 8:07 am
Khawvel chhunga awm zawng zawng hi Pathian siam a ni kan ti; a hriat loh engmah reng a awm lo.Entirna Pakhat- Khawi imawa kan zin dawn te hian khaw dai velah kan tawngtai kur duah zel a nih hi, kan tawngtai dan ngaihtuah hi chuan accident lo awm hial kan ni.Mahse, a tawngtai pawh , a tawngtai lo pawh, kan accident zel zawng a nih hi. Chutah tak chuan keini chuan kan hmalam hun pakhat te mah kan hriat loh avangin kan nun hi Khuanu kutah kan dah tawp mai a, thlamuang takin kan chuang ta diai diai zel mai a ni.Tawngtaina tak takah hi chuan nun hi a thlamuang thin a ni.
Report this comment
November 22nd, 2011 at 8:44 am
46. Bible thu tanchhanah i hmang ta sa sa; Hebrai 9:27 ah chuan “MIHRING TAN VAWIKHAT THIH RUAT A NI, CHU MI HNUAH CHUAN RORELNA A AWM ANG” tih ziak a ni a.Thuhriltu 7:2 ahchuan, “LUSUN INA KAL A THA E, RUAITHEH INA KAL AI CHUAN;CHU CHU MI ZAWNG ZAWNG TAWPNA A NI SI” tih kan hmu bawk. A pawimawh ta ber chu, He taksa THIHNA hi tuman kan pumpelh dawn lo. Chumi hnua RORELNA lo la awm turah hian Lal Isua Felna leh a THISEN hmanga SILFAINA tello chuan tumah an tling zo dawn lo.Chu Chandamna leh Pa Pathian Rorelna hmaa kan tlin ve theihna LalIsuan Kraws a athihna leh Thihna hneha a Thawhlehna hmanga min lo buatsaih sak diam tawh hi, i pawmin i tawmpui ve thei tawh reng em? tih hi Zawhna pawimawh ber, He khawvela tisaa kan awm chhung ngeia chhan fel ngai chu a ni. I LA THI NGEI NGI DAWN A, I THIH HNUAH KHAWNGE I CHATUAN RUN I REM DAWN?”
Report this comment