Naupanlai Infiamna

November 19th, 2011 10:00 am by PKfanai

NAUPANLAI INFIAMNA.
Lr.hlawnchhing-a Christmas Card khan ka lunglen a kaitho a, kan naupan lai ka ngaihtuah ta veng veng mai a, Kan naupan laia zawhna har (Riddle) kan in zawh thinte ka ngaihtuah kual ta a, chhan han tum ve teh u. A nuam ve mai mai a lawm maw le.
1. Nehru-a hi eng Lal nge?
2. Saiha hi khawiah nge a awm?
3. Pathian hminga vuak tuar nasa ber I hria em?
4. He Khawvel tawpah tute nge ‘E’?
5. Bawngpu Putar lam tawh hian a Bawng note hi zing tin, pelh miah lovin minute 5 chhung a pawm kang ziah thin a. Chu Bawng chu Bawng chal lian tak a lo nih thlengin a ngai ang rengin a pawm kang reng thei ang em?
6. Chatuan Rammawiah enge ‘Par?
7. Universe hian tawp chin a nei ang em? Lo nei ta se, chumi piahah chuan enge la awm zel ang?
8. A hnuai Tuipui, a chung meipui enge?
9. Arpui nge upa Artui?
10. ‘Tanrual hi Chakna’, an ti si a,Tahan leh Mandalay inkar hi ni 7 kal a ni a, Pa 7 tangrual ta se nikhatah an ban thei ang em?
Thenkhat khi mak in ti deuh maithei a, mahse, Naupang Pawl Inkhawmpui a, Fellowship(intihhlimna) a an zawhna tlanglawn tak annih hlawm khi.

Bonus: Kan veng a nufa te hi an loah an riak a. Chhun a Hlo an thlawh lai chuan, Kawlhawk an rawn thlawk ri ta hup hup mai a. A fanu nula chuan, “Ka nu chu Halicopter a mi?” a ti phawk hra mai a. A nu lah chuan, intifing tawkin, “I a mai mai e a. Hmanni a I Pa Thilthek hnuh rik a nih chu” tiin a zilh hlak hlak a.

82 Responses to “Naupanlai Infiamna”

Pages: « 1 [2] Show All

51
PKfanai Says:
November 19th, 2011 at 4:42 pm
Sammoo, kan veng hmeichhe naupang ho chuan, “Uisa meri, uilu keshar, uilu keshar tudei, trenchhawn, uan tru chhawn” an ti thin a, an hlim ve thei raap mai. Kan tibuai thin a, nuam an la ti zawk mah. Mi in play ve dan te.

Report this comment
52
Mama_B Says:
November 19th, 2011 at 8:10 pm
Kan naupan laia hmeichhe naupang pawnto sak thap thap thin, tun thleng pawha a dik ka la hriat chhuah loh hi a awm a.
”aparapara andanseisawn
aparapara andanseisawn
aparapara andanseisawn
a ziza mastar”
A thluk pawh ka bengah a la cham reng. Eng hla nge ni ang aw? Lunglenthlak reuh khawp mai, pan
lai nun dawnin…

Report this comment
53
Mama_B Says:
November 19th, 2011 at 8:13 pm
Kan naupan lai khan homeguard ho kha kan lo hmusit viau thin ni tur a ni. Kawngpuia an kal kan hmuh te hian
”Chini nge thlum ang le
Homeguard boot?
Homeguard boot homeguard boot
Tari boot, tari boot”
tih kha kan lo sak khum vak thin!

Report this comment
54
stan marsh Says:
November 19th, 2011 at 8:59 pm
A hnuai Tuipui, a chung meipui enge? haha

Report this comment
55
Rumtea Says:
November 19th, 2011 at 11:49 pm
1. I kut kha i chalah a khamphe zawngin han dah teh- a bialnu a thlir.
2. I bialnu ka hria, tu han ti teh
3. Japan gawli chu robot..
Lung a leng lutuk.

Report this comment
56
aduhi Says:
November 19th, 2011 at 11:55 pm
#52 Mama_B sawi khi kan sa ve thin ngei mai.. London Station tih lam a ni lo maw? Upper London Station tih ni ta se, Station Master tih te pawh a tel duh hmel.
L-O-N-D-O-N London tih te pawh kan tih thin kha le.

Report this comment
57
century child Says:
November 20th, 2011 at 12:08 am
#56 phakar deuh chu L-O ah an lo hawilet zuk zel

Report this comment
58
PKfanai Says:
November 20th, 2011 at 12:11 am
52.mama sawi khi keipawh ka hre thin. “London bridge is falling down, falling down” tih a ni mai thei. Mak duh awm reuh.

Report this comment
59
aduhi Says:
November 20th, 2011 at 12:14 am
57 kha game kha chu a tlanchhe chak chak a ni mai tiraw.
58 pk london bridge hla chu a nilo, a thluk a inang lo.

Report this comment
60
PKfanai Says:
November 20th, 2011 at 12:16 am
4. Chhanna: “He khawvel tawpah TLANTE e e” tih hla a awm kha Tlante tih a ‘te’ lai khi an ‘Slur’ kual vak avang khan, ‘ E e’ tih ang chiahin a ri ta thin a. Hehe. A ho.

Report this comment
61
Asteric Says:
November 20th, 2011 at 12:24 am
Naupan lai in lo sawi elaw…..kan naupan lai infiamnaa nuam ka tih ber Top 3 chu

(1) Hawngbi
(2) In bihruksiak
(3) Sakeibu ka luah ka luah/in ban deh chan

(Idol ang deuhin Top 3 ah 4 an awm a nih hi)

Report this comment
62
aduhi Says:
November 20th, 2011 at 12:29 am
inkawibah
in rubber zuan
in sikret kawr vawm chhuah

Report this comment
63
aduhi Says:
November 20th, 2011 at 12:30 am
60 PK i hla sawi khi ka va hre lo eeee a hlathu dang?

Report this comment
64
PKfanai Says:
November 20th, 2011 at 12:37 am
61. Kei ve thung. 1. in sa pel. 2. Hawng bi 3. In chheu. Bonus:Sakuh ui lut, ui lut e. & ka chhak a thing tu boh boh kha tunge ni? Keimah Sanghalhriama pa. Insualah nge inbuanah?. Insualah pawh, inbuanah pawh. E, “Pang aw inzial e, Pangpui pangsang aw inzial e” tih pawh…

Report this comment
65
century child Says:
November 20th, 2011 at 12:39 am
inkawibah-ah khan mahni tawkah phakar kan chhuah theuh zel a malpui ah khan t-shirt kan pawtfan thla thin a bikhur chu kan hnaih thei
lunglenthlak mai2 mang e a.

Report this comment
66
aduhi Says:
November 20th, 2011 at 12:42 am
inkawibah ah khan kan tam deuh chuan kan lir ru thin. “lirh hmuh thawh” kha kan ti ngei bawk

Report this comment
67
muantea Says:
November 20th, 2011 at 12:45 am
Kan naupan lai khan ‘london bridge’ tih vel hi a rim a ra pawh kan la hre ve lo. Kan nursery rhymes-te kha ‘Thangsira pa’n mai a lum e, huiah!’ tih vel kha a nia

Nuam ka tih thin chu
1. inkawi hnawk
2. inchheu bah
3. marble thap
4. Sava veh
5. tui chen
6. Kan mual tha lai kan suk sualah
7. Bingte sai sai
8. Kel insi bai tlanah
9. zawnga leilawn dim dim
10. pang aw inzial inzial, pangpui par aw pang par aw…
11. hmeichhe inkawibah tihbuai

Report this comment
68
muantea Says:
November 20th, 2011 at 12:47 am
Pawntona leh infiamnaah hian dan kan va han siam chawp nasa thei tak! A tawng chak chak sawi kha dan a ni mai thin a

Report this comment
69
aduhi Says:
November 20th, 2011 at 12:49 am
inball vawm! tile rem chi leh remloh chi.

Report this comment
70
superpinqponq Says:
November 20th, 2011 at 12:54 am
Sephung insualtir
Mihring ek ami ngat kha a huai thei rap!

Report this comment
71
lrpa Says:
November 20th, 2011 at 12:56 am
Tereuhte kan nihlaiin aizawlah kan zin a,
‘Tri la li la la dung dung’ tih kha ka hre haw ve..
Kan thianpa pakhat pawn Duran Duran hi ka ti chhuah, duarang duarang ka tih hrat a tangin a ti teh tlat thin..

Report this comment
72
PKfanai Says:
November 20th, 2011 at 12:58 am
63. Ka hre mai bik lo. In bah (Hmeichhe game), In chheu (Mipa game) a ni em aw? Tin, “In näp” hi in hre ve ngai hlawm em? Nuam ka ti thin khawp mai. Pu muantea chu, “kan mual tha lai kan suk sualah” tih kha i lo hre ve teh tlat a ni maw?

Report this comment
73
century child Says:
November 20th, 2011 at 1:02 am
tile rem zawh dawn tawha a awn riai2 a a tluk leh hian ava uiawm thei e aw

Report this comment
74
PKfanai Says:
November 20th, 2011 at 1:03 am
70. Sephung insiktir hi a hlim awm ve thlawt in ka hria.

Report this comment
75
VaiVa Says:
November 20th, 2011 at 1:34 am
Sephung in sawi takah chuan sakawr ek leh mihring ek ami kha an huai duh bik a. Thlanmualah kan han e diat diat a, kan thianpa kha a e hnem thei bawk a, kan in hauh siak thin a A lo va hlimawm ngai em!

Report this comment
76
Lamji Says:
November 20th, 2011 at 1:40 am
Sairawkherh rubber cheh tet a,phelhsep-in ‘X’ shape nge mai a tawnbeh a,vawihuihhrui hrawl tha nelh nawlh ah ruih a indo a inperh pawp2 kha lawm le nuam tiah2 chu…kan vual haw tut zel.

Report this comment
77
Asteric Says:
November 20th, 2011 at 1:47 am
Hockey kan khela kan ṭhianpa ṭawngfiah vak lo hi kan tih Goal dan ah a lungawilo a. Kan thah leh chiah vawi 3 stick kan khawng kerh kerh a, a thinrim chuan theihpatawpa zak kauin ball chu hlap a tum a keiin ka lo thai kawi zauh, a vai tlanga ka mit ko ah an hlap siah mai chu….tun thleng hian ala ser.

Ui hi infiampui ka chinga, ka chhang ei laiin ka hmui a pet thler hlawk…Ka vanneia hmel ti chhe lo zawngin ser ka nei hlauha

Ka mit ah tak mai hian inpir lungin min hlap per tawh bawka, hemi ṭum hi chuan ka ṭap nasa… a nat vang aimahin a del hlen dawn amaw ka tih vangin

Report this comment
78
Lamji Says:
November 20th, 2011 at 1:58 am
#77,, Vaiva, sakawr ek sawi takah chuan(ti ve leh chhawng teh ang. ) ka pa u chiah hi a ‘in’ ve chi hi ania,Khatla ah sipai tlangah ka pu in sakawr ek lei turin a tir ani awm e,pawisa a pe a. A kar leh ah rui pawr chhap hian a rawn haw a,ka pu nen varanda ah an intawk hlawl…ka pu chuan..’Khawnge I sakawr ek lei chu?’
teng tawkin a aia ringin…. ‘KHAWNGEEee??’

Report this comment
79
bucko Says:
November 20th, 2011 at 9:26 am

Report this comment
80
Chhuaklinga Says:
November 20th, 2011 at 4:12 pm
46@ku pk-a, @20 ah khian ka chhang dikin ka hria.

chuan sunday pual a va awm lo ve.

tren tren.

Report this comment
81
PKfanai Says:
November 20th, 2011 at 10:13 pm
80. Chhuaklinga, a lo nih tak khi. (ngaidam). Mizo thil hlui hriat lamah chuan, no-1 i ni e.

Report this comment
82
Chhuaklinga Says:
November 21st, 2011 at 7:13 am
Thinlung takin, ka lawm e.

tren tren.

Report this comment