Bible-a Genesis ziaktuin a ziah, Setana(Rulpui) thlemna do zo lova, Evi leh Adama ten chhia leh tha hriatna thing rah an ei hi mihring zawng zawngin kan chhawm ‘Sual bul’ nia zoram Kohhran heti zozai ten kan inzirtir chhawm zel hi kan chhui hmasa ber ang.
Nunna thu aia min chiah buaitu a ni tlat, kal zelna leh puitlinna lamah pawh min pentir thei lotu a ni, paih leh tih danglam ngaihna kan hre tawh si lo. He kan thu nghahchhana hmanga kan thu inzirtir kawng hrang hrangte i han thlir ho teh ang u.
Engkim siamtu leh dintu kan Nunna Pathian lak ata kan lo hran takna sual bul nia Genesis ziaktuin a tarlan, Evi leh Adama ten chhia leh tha hriatna thingrah ei a, chhia leh tha an lo hriat chu sual bul ni anga i pawm chuan, mihring hi chhia leh tha hre thei lo tur leh hmang lo turin Pathianin a siam i tihna a ni maw?
Ngaihtuah rawh le, chhia leh tha hriatna chu ‘SUAL’ tiin i hmang lo ngam em? Rannungte tak ngial pawh hian, an mahni tana chhia leh tha chu an hria a sin. Chu chu kan Nunna Pathianin a siam dan a ni tlat. I hmuh ngai miah loh rannung bualah kal hnai teh, a nungchang en rawh le! I tihnat hlauin a in saseng Chawn chawn mai ang. Chutiang a nih si chuan, thilsiam zinga chungnung ber mihring hi chhia leh tha hre hrang thei lo tuirn Pathian chuan min siam ang maw? A chhia leh tha hriatna hman tanna kha Pathian ngaihah sual a ni thei ang maw?
Khai aw, ngaihtuah chiang teh le. Chhia leh tha hriatna hmang lovin i awm thei em? I awm ngam chiah em? A chhia leh a tha i hriat theihna hmang ngei khan tualthat lo turin i insum ta a, chu chu i sualnaah puh i phal em? I chhia leh tha hriatna hmang ngeia i thil tih a ni si a. Chutiang zelin, rukruk pawh hi a tha lo tih i hria a, ru lo turin i chhia leh tha hriatna hmangin i inthunun ta a, i sualna a ni em? I siamtu kan Pathian hi biain a thu te hi kan zir thei ngut na maw chu! Tin, chhia leh tha pawh hrehrang lo mihring chu thilsiam zawng zawng enkawltu leh an chunga thuneituah kan Pathian hian a rawn dah duh ang em? Felna Pathian, finna Pathian thil tihah chuan a awm lo deuh ang!
Bible Pathian tlatna leh bawihna hnuai atangin “Chhia leh tha hriatna” an lo neih a an hmanna ringawt kha a ni hlei nem. “Ti suh tih thupek an bawhchhia kha alawm” i la ti fo pek em? Ei suh tih an ei hi an bawhchhiatna a nih ngat chuan, chhia leh tha reng reng hre suh u tihna a ni tho tho.
Genesis ziaktu hian Pathian siam mihring hi a nun dan tur a phak tawk loh dan sawifiah nan a hriat phak loh thil sawi lamah a thahnemngai deuh a ni mai thei. Genesia 3:24-ah chuan ‘ti suh u,’ tih Evi leh Adama ten an tih talhna lai hi hetiang hian a rawn ziak leh si a, “Tin, Lalpa, Pathian chuan ngai teh u, mihring chu a chhia leh a tha hriain keimahni ang an lo ni ta’ tih a inziak daih mai thung. Mihringin a chhia leh a tha kan hriat chu kan Nunna Pathian chuan Amah kan annaah min puansak zawk a nih chu. “Aw Lal Isua ang turin” tih hla tui em em a sa thin te tan chuan Amah Pathian kan anna lai chu tuipui em em awm tak kan nih vei nen. Pathian lak ata kan hranna, sual bul kan tih hlauh zawk si. A inkalh thin ngawt mai. A ziaktu hian a ziak fiah lo deuh em ni dawn le?
Paih leh harsa, thudik lo lo hriat hmasak hi a pawi thui thei khawp mai.Isua khan a rawngbawl laia a thusawi reng rengah khan, Genesis ziaktuin a sawi setana, Rulpuia chang a mihringte thlem a, chhia leh tha an lo hriat takna kha ‘Sual bul’ a ni tih lam reng reng vawi te khat mah zu han sawi miah lova! Engatinge Pathian laka kan hranna sual bul ber mai ni si chu a sawi loh theih; pathianin mihring nuna sual a tih niah a ngai lo a ni ang.
He thu hian hringnun a nghawng thui em em mai a, sawi thui deuh pawh a ngai ang. Zoram kohhran tam ber hian he thu hi nghahchhanah an hman tlat avangin, ringtu intite pawhin hma an sawn thei lo. Pathian thu zirna hmun leh Camping kan buatsaihnaah pawh sual thu leh a ngaihdam theih dan tur kan buaipui nasa ber fo. Hetianga kan kal zel chuan kum 100 dang pawh kalliam leh thin mahse ringtute hian A Aw B bak kan pel thei chuang lovang.
A chhia leh a tha hre hrang a, a chhia dah bova, a tha kan hman pawh Pathian thu tling lo nia kan inzirtir zelna chuan kan nun a nghawng chhe chho zel a. Chanchinbu pakhata thuchhuah hi i han tarlang teh ang, ‘Aizawl veng pakhatah pa kum 50 mi chuan sikul naupang kum 7 mi a pawngsual a, naupang natuar tap bang thei lo chu an han zawt fiah a, a thil tih avang hian police kutah hlan a ni. He pa hi misual a ni lova, zing tawngtai inkhawm pawh pelh ngai lo a ni. He thil a tih dawn zan pawh hian kohhranah a inkhawm. Amahah hian engemaw thawktu a awm nia thu dawn ani,’
Thudik lo hriat hmasak kha a pawi kan ti thei tawh em? Kan chanchinbu chhiarah khan ‘Amahah engemaw thawktu’ – Hei chiah hi Genesis ziaktuin mihring kawchhunga thil awm lo, setana, pawn lam atanga mihringte bei thin leh thlem thin anga a ziah thu dik anga kan lo pawm tlat tawh khan rah tha lo a rawn chhuah ta ngei a nih hi.
He naupang pawngsualtu han Pathianin a pek chhia leh tha hriatna fim tak kha hmang sela, a chhia dah bovin a tha nia a hriat ngei kha hmang sela chuan he naupang kum tling lo tana pawi tur thil hi a thlengin ka ring lo. Pathianin a pek chhia leh tha hriatna kha hmanna chang a hriat loh leh a hman duh lohna tak kha sual a va ni chiang em! A damchhung hun atana hman tur Pathianin a pek ‘Chhia leh tha hriatna ngei chu a hun kal leh zel tur atan tal chuan lo hmang thin tawh rawh se.
Mi dangin an lo teh vena kha enge ni kha? A mihring puite chungah engpawh tise, kum tling lo naupang na tuartirin pawngsual mahse – tawngtai inkhawm leh kohhran inkhawm a pelh loh chuan- em ni kha. A va pawi em! A pawi mang e! Hetiang hian em ni kan kal zel dawn le.
He kan mihringa bettlat tura kan Nunna Pathianin min pek, a chhia leh tha hriatna hmang duh lo lui tlat hian kan awm zel ang nge? Chu chhia leh tha hriatna fim tak hmang chuan chhungkua, khawtlang, kohhran leh kan ram hi kan enkawl ve tawh zawk dawn?
Aw le, chhia leh tha hriatna Evi leh Adama ten an lo hman tak leh kei ni ngei pawhin kan hman loh theih loh hi ‘Sual bul’ ni lovin, chhia leh tha hrethei tura Pathian siamte kan ni tih kan lo hre thei tawh ang. Kan nunna Pathian min neihtir chhia leh tha hriatna fim tak chuan Lalpa malsawm leilung leh a chhunga cheng thil tinreng te enkawl turin i inbuatsaih ang ule.
Similar Posts:
- Nunna thing vs a chhia leh a tha hriatna thing
- Eden natna
- Pathian Chungchang
- Pathian, Hun leh Chatuan (Part 2 of 3)
- Awmze neiin i nung em?
July 20th, 2012 at 10:11 pm
Haha…Doc, a beat a diklo tlat
July 20th, 2012 at 10:11 pm
HS-a te ho hian kan khawvel hi an tinuam danglam ve a nia
July 20th, 2012 at 10:13 pm
@ 52 Tunlai phei chu a ti nuam zual. Sheldie leh mamboihi, hot tawk in aw…
July 20th, 2012 at 10:14 pm
Khawnge Saint hi?.. rawn zai ve leh rawh se Lolzzzzz..
July 20th, 2012 at 10:23 pm
Hnam Sakhua pawhin a post a laiking fa neih tawp ta bik lo
Eng hla nge sak tur chu?
July 20th, 2012 at 10:31 pm
Doc, HS a hla phuah nen khian hla in chhang ang chuan em ni sak tur? Zanin chu zai leh hep hep ila ni mai lawm
July 20th, 2012 at 10:32 pm
Saint chu Stethoscope awrhlo chuan a zai ve thiam lo a
July 20th, 2012 at 10:33 pm
Evi leh Adama te saruakin an awma, an zak lemlohna tak hian mihring hmasaber annih zia hi a tichiang hian ka hria a. Tumah zah tur awm hek lo. Mahse Rulpuitar Diabola alo lan hnua Setana rilru chhe lutuk, thil thalo, Pathian dodalna leh itsikna lam ringawt ngaìhtuahna pe theitu, chhia leh tha hriatna thei an han ei tak khan, Pathian nena an inzawmna thianghlim alo chat ta a, innocent taka awm thin kha, sual lamah an mit alo var ta tlat a, an rilru ngaihtuahma te kha Pathian mithmuha tenawm ani tihte an lo hrethiam ta a, an zahmawhte pawh midang hmuhtir an lo zak ta a ni.
July 20th, 2012 at 10:34 pm
mihringpuite chunga chhia leh tha hriatna hmandan tura a coat out chu a tha viau mai a ; a dang erawh hi chu a beat a pelhin ka hre viau mai . ngaihtuahpeihte tan a ngaihtuah chhunzawm atan atha viau mai.
July 20th, 2012 at 10:52 pm
@55 bk, comment tir lama Doc hlaphuah mawle.. Good, bass tur kan neih belh.. Pui tak leh uar takin kan zai ang e! Lolzzzz
July 21st, 2012 at 6:28 am
Tawi te, In thlahtute pian hun awm miin an chhui theih chuan a la rei vak lo tih hre mai teh u.
July 21st, 2012 at 8:33 am
Adama thlah hoin min sel maw,
Keini zawng chunga pathian atanga chhuak kan ni e;
Kan ram Kristian saphun te’n,
An sel e, i ram leh hnam din chu;
Thingbul, lungbul bia tiin.
Sapho dawi bura an tan vang a ni.
Ngaidam rawh
An vanram hi a nep lua e,
Isua rina kai theih mai a ni;
Mizo sakhua, a taka thil tihah chuan,
An awm peih lawng,
An vanram hi a awlsam lua a ni.
Kan sakhaw thurin awmna ‘Nangmah” hi an hre thei si lo.
Ngaidam rawh.
Mawlan hian mawl luat a awm ngai e,
Mahni hna sawichhe duh tawkin;
Sapho dawi burah an tang za e.
Mahni ram aia ram dang Pathian in;
I ram min pek a mi tho an ring leh si.
Mahni hnam thil a chhiatna lai chauh hmu tawk,
Kristian an lo ni e.
July 21st, 2012 at 9:21 am
Pu Hnam Sakhua mihring suala a tluk thu hi Kristiante chauh ni lo sakhaw dang paw’n an zirtir deuh vek a nia. Mahse an zirtir dan erawh a danglam ve viau thung.
Genesis 3:6 avang khan thil hrin chhuah a awm ta a:
1) Mihring chu misual an lo ni a, an Thlarau nun a thi.
2)AN mit a vara, saruak an ni tih an inhria.
3) An chhia leh tha hriatna thar avang chuan Pathian an hlau a, an bihruk san ta a ni.
July 21st, 2012 at 10:24 am
Uai! Hla phuah pawh cgu in lo va thiam hlawm ve maw le
July 20th, 2012 at 12:54 pm
First ava khat 😀
July 20th, 2012 at 1:14 pm
Finga inngaia lo â tate zingah khan i tel ve ang tih ka va hlau deuh em Ṭhianpa Hnam sakhua!
Pathianin mihring a siam hmasak berte kha a chhia leh a á¹ha, Pathian duh zâwng leh duh loh zâwng hre sâa siam an ni e. Kha thei rah ei loh tur a tih, “a chhia leh a á¹ha hriatna” kha chu anmahni duhthlanna ngeiin Pathian thu an zawm theihna tûra anmahni fiah nana Pathianin a dah mai a ni zawkah kei chuan ka ngai.
July 20th, 2012 at 1:48 pm
Hnam sakhuaa chuan hnam tininmahni hnam bil pathian kan nei theuh i ti emaw ka tia, engatinge genesis te i rawh sawikai leh tak mai? Nge ni a mizo hnam pathian khuanu khan eden huanah sulhnu alo zuk nei zawk?
July 20th, 2012 at 1:52 pm
#2 (Y) ..ni e..chhia leh tha hriatna thei kha ei lo turin a chhia leh a tha hriatna an nei reng tawh niin a lang,a chhan chu thei an ei lai a Pathianin Adama a koh a,Adama’n a chhan dan atang khan a chiang mai lo maw te ka tia…
July 20th, 2012 at 2:56 pm
Engmah hi ABSOLUTE a awm thei lova RELATIVE vek a ni. Chuvangin i ngaihdan hi ka tan chuan SUBJECTIVE lutuk a ni thei emaw vice versa. Thil hi chu pawm tawp mai ila a him ber mai.
Khi laia mihring leh ramsate i khaikhin dan khi a thelh deuh a nia aw. Mihring chhia leh tha hriat dan chu dang tak a ni. Thun nun tur leh zirtir tur sa renga piang kan ni. Chhia leh tha hriatna fim kan hman loh hian ramsa kan ang mai thin a ni zawk.
I ngaihtuah ngai em? Sava anmahni bu chheh thiam tak – Vasuih, Daikat, Vakul, ldt. hi. An no neihna tur bu an siam thiam dan skill hi turu tak a ni. Khawi engineering skill nge an thiam le? Chutiang bawkin Maimawm ril zam dante hi…
Mak tak maiin Sava, ramsa leh rannungte hian note (offspring) nei ta sela. An note-te chu zirtir ngai miah lovin an nu leh pate angin an bu chu an chhep thiam ve zel mai. He thil hi AUTOMATIC lutuk a ni. Hei hian mihring thluak thazia (developed) a ti lang a ni. I fate khan i thiam ang an thiam dawn lo a nia. Sakhaw lampang hre miah lo pawh fa i nei reng thei a ni. Emaw nangmah aia turu zawkin Hnam Sakhua lam hriat chianna hi a nei thei ang, sakhaw dang hawlh phel vek khawpin tan a la thei mai thei a sin. CHumi awmzia chu ramsate angin mihring hi kan awm lo deuh tihna a nih chu.
I thuziak hi a ril thin khawp mai. A zahawm thin bawk.
July 20th, 2012 at 3:12 pm
Nangni in chhiarchhuak tak tak em?? 🙁
July 20th, 2012 at 3:13 pm
Hnam sakhua chu i peih angreng; hebraiho tùanthü mai mai i rawn chhuizau peih a.
I fakawm á¹hin e.
(Y)
Mizote vai chhiahhlawh mai mai, Indiaram hnamchawm tlaberh bakberh mai maia kan chang ta hi vei a va han ngai tehlul êm. Vaiho hian Mizoram hi mizote ramah ngai lovin, anmahni vaiho rama hnamchawm lo khawsa ve mai maiah min la ngai zui a…
Kan inla-kristian kur dup a, kan mäwl hawihkim telh telh zawng a nih hi. Vanramah kan la nuam ang, tia chauh thuba rawh tlawrh dup hi kan hnam finna thlen phâk tâwk a la ni miau va, tih ngaihna tak a awm lo a ni e.
Finrilna leh chianchik lama kan sàn hunah chauh inlâksakhawmi aia hnam hmangaih sawngsawhlawt zâwk zia kan la man pha ve ang.
Chumi kawl lo eng tur chu mittui tla chungin ;-( ka thlir reng á¹hin: (Y)
July 20th, 2012 at 3:42 pm
I rawn khawrh ril thei ngar ngar khawp mai. I fakawmna em em pawh Kristian ni si lovin Kristian tam takte aiin Bible i chinglet peih hi a ni. Mahse hriathiam loh i ngah hle tih a lang thung a.
Genesis bu-in A CHHIA LEH A THA a tih hi, Pathian atanga chhuak chhia leh tha hriatna thiang tak (pure conscience) hi a ni lo tih lo hre hmasa ta phawt la. A awmzia tak chu Pathianin a chhia leh a tha a thliar hrang angin mihring chuan AMAHIN tha tih zawng leh Chhia tih zawng a lo nei hrang ve ta tihna a ni e. Pathianin tha a tih kha tha a tihpui ve ta lova, chhia a tih pawh chhia a tihpui ve ta lo a ni. A chhia leh a tha tihzawng chu Pathian nen an lo mihran tak avang khan a lo hrang ve ta a. Chuvang anih kha mihring zawng zawng an lo suahsual lupawn tak vek a, tih boral vek an tulna chhan (Nova leh a chhungte tih loh).
Entirnan, Kaina khan a nau a Abela chu thah a THA in a hria a, a that ta mai a ni. Chutiangin fundamental Muslim ho chuan ring lo mi (infidel) te chu thah hmiah hmiah mai hi tha an ti a, an thihchilh pap pap mai reng a ni. Pathian erawh chuan tha a ti ve hauh lo. Muslim leh Judate chuan Isua hi Pathian fapa a ni tia pawm chu tha an ti hauh lova, ‘chhia’)an ti em em zawk (evil an ti a, Pathian sawichhiatnaah an ngai hial. Pathian erawh chuan THA a ti em em thung. I man thiam tawh em? A CHHIA Leh A THA Evi leh Adama ten an lo neih tak kha Pathian atanga chhuak ni lo SUAL Setana atanga an chhawm a chhia leh a tha hriatna chidang a nih chu. Pathian angin anmahni khan a chhia (evil)leh a tha (good) tihzawng hran an lo nei ta ni.
Chhia leh that hriatna dik tak chu Pa leh Fapa leh Thlarau Thianghlim zarah chauh mihringin a nei thei. Hnam sakhua emaw eng sakhua emaw mahin min pe thei lo.
July 20th, 2012 at 3:54 pm
In va chhang ril hlawm ve!
Chhia leh tha hria awmzia chu kan ‘tun’ mihring rilru hi ani..Adama leh Evi khan he rilru hi ‘theirah’ an ei hma khan an pu pha lo ti ila a dik mai awm e..! A lo dik loh tak leh..a dik lo ani mai a!
Hnam Sakhua a vet tei lah hi..thu nep te te hi anti-christ deuh hian a vawrh peih hrep lehnghal a..! vuak hrep tur ani.. 🙂
July 20th, 2012 at 4:00 pm
#6: Pu Donald (Y) (Y)
I HIT fuh khawp mai.
July 20th, 2012 at 4:02 pm
“Ka ngaihtuahte hi i ngaihtuahte a ni si lo va, i awm dante chu ka awm dan a ni hek lo, LALPAN a ti” — Isaia 55:8
Hei hian a tichiang hle awm e.
July 20th, 2012 at 4:08 pm
lol.. Ignatia pawh a thawk rim lutuka, a tar ta a niang ..
comment no pawh a hmufiah ta lo 😀
I dam a maw unaupa!?
July 20th, 2012 at 4:14 pm
HS, i hre thelh leh ta tlat mai! Evi leh Adama ten chhia leh tha an lo hriat kha sual bul kan ti hauh lo mai! Pathian thu an awih lohna…yeps, THU AWIH LOHNA ngei mai kha alawm suala an(kan) tluk chhan chu!!
Sheldie,para 5 na vel thleng ka chhiar a, mahse para 3 na atang khian a fuhlo chho tulh tulh a, ka chhiar chhuak ta rih lo
July 20th, 2012 at 4:27 pm
E khai ka lo hmusual palh a ni maw… (H)
Pu Donald ka dam tawk tawk e. I tha zawk em? I ngaihawm hle mai.
July 20th, 2012 at 4:33 pm
I rilru tibuaitu i rawn phochhuak thin a, a tha khawp mai. Donald-a ten an lo hrilhfiah zel ang che ang a, thutak ila hmuchhuak ve ruau maithei ania.
July 20th, 2012 at 4:39 pm
Kan va indaihzai sawt em! :-O
I taimain, thil i chhut thui peih khawpin ka hria. Isua Krista-ah han chhuilut tawh mai la ka va ti em. Chuti a nih loh chuan, i buai tual tual mai ang… ti ve ringawt te’ng… 😉
July 20th, 2012 at 4:44 pm
Pu Donald ka thlawp e.
July 20th, 2012 at 4:48 pm
Adama thlah ni ve lo Pu hnam sakhua, hei in hla pui ( ka phuah sak che u ) hi in va rem har ve. I hovin zai leh tawh mai ang u 😛
Zawngte thlah kan ni,
Mei sei tak kan nei;
Thingzarah kan ban kual thin,
Nitin kan hlim hle.
Van ram kan ngai lo,
Chhandam kan ngai lo;
Lei hi kan van ram ani,
Nitin kan hlim hle.
Kristian kan ngai lo,
Isua kan ngai lo;
Chhandamna kan hre phak lo,
Nitin kan hlim hle.
Adama thlah kan ngai lo,
Zawngte thlah ngei kan ni;
Kan Sakhua ah kan chiang tawk,
Nitin kan hlim hle.
July 20th, 2012 at 5:13 pm
#18 doc_lib hi hmanniah hë hla rawn dah hian a che fuh a inti deuh hlek a, a rawn zawngchhang a nih hmèl (N) (N)
Hlafiam phuah i thiam nek lo ve (N) .
July 20th, 2012 at 5:16 pm
Ignatia,
kei pawh ka tha e.. mahse i reh rei lutuka khua a har hman alawm. PKa te an awm hlauh a kan la misual tawk tawk a ni e. Ani pawh hi facebook lamah chhaihkawlh tur a zawng emaw ni a thawm a zawi deuh tlatin ka hria :-p
July 20th, 2012 at 5:20 pm
houdini, enge maw i lo lak nat vak le? Thulawi lo post post chuan hla lawilo in kan comment ve ani mai alawm maw le aw 😛
July 20th, 2012 at 7:36 pm
A chhia leh tha, a mawi leh mawi lo hre hrang nisi engati nge saruaka awm kha mawi an inti a maw ni le. Evi leh Adama thlah te ho chu inthlahtu khan A chhia leh a tha hriatna thing kha ei lo se chu kawtthler velah in kal then nulh nulh mai dawn chu a ni si a, Keini chu Evi leh Adama thlah ni ve lote chu Pathianin chhia leh a tha hriatna min pek kha hmang thiamin thawmhnaw inbelna chang kan lo hre dawn si a, in nuihzatthlak awm reuh.
July 20th, 2012 at 7:46 pm
Kristian theuh theuh pawh hi in ngaihdan hi a inang lo theuh mai zawng a nih hi. Hman deuha kan khawhar in kalnaah chuan thusawitu pakhat chuan thihna te hi Evi leh Adama te bawhchhiatna avanga lo awm a ni tih thute kha a sawi a, a mak thin teh zawng a nih hi. In Evi leh Adama te kha chuan lo bawh chhe lo se chu in dam reng mai dawn chu a ni si a.
July 20th, 2012 at 8:01 pm
Ignatia i sawi dik khawp mai, Pathian hian rannung te aia chungnung turin min siam reng a ni. Chhia leh tha hriatna nei lo ila rannung te ai pawn kan ni khua lo a nga sin. Pahtian hian mihringte chu chhia leh tha hriatna min pe a, he kan chhia leh tha hriatna hi tute emaw vanga kan neih a ni reng reng lo. Pathianin atir atanga min duan dan a ni. Mihringte chu inzir fing zel tura a tir atanga Pathianin a chhia leh a tha hre hrang tur a duan te kan ni. In thlahtu Evileh Adamate hi khawvela mi hmasa ber a ni lo tihah hian chiang ula in var kuar mai ang.
July 20th, 2012 at 8:14 pm
Genesis….’Ama anpui ngeiin a ni a siam ni’. (I) Chhia leh Ṭha hria mai ni loin, engkim tithei turin(A ti kher lo in ti mai thei!!) Ama anpui ngeia a siam Mihring in nih chuan in Thiltihtheihna kha hmang chur chur rawh u le. 😀 Tin, Comment á¹henkhatte khi a thui uchuak lutuk (N) A hranpa liau liaua Post tham niin ka hria 😛
July 20th, 2012 at 8:23 pm
Ahaha…
Siamtu khan mawi a ti aniang, silhfen ha sa in a siam lem lo. Nangni chu in nau piang hlim pawn silhfen a rawn in bel sa thlap a niang maw :-p
‘chuan a rawn haksa kha in lo hlih saka, in chhia leh tha hriatna hmangin nangmahni lei/siamchawp silhfen kha in bel leh thin em ni ?
nge ama chhia leh tha hriatnain a rawn intum chawp zawk?
Midang in nuihsawh hmain mahni kha inbih chiang hmasa ula, a tha maithei a nia. Innuih tur ni ta se, in nui rei vak peih kher lo maithei a sin.
July 20th, 2012 at 8:27 pm
Vawksa ei hnam nih zak miah lo, Uisa ei nih zak tlat!, mahni Kohhran Thurin pawh sawi mumal thei lo Kristianho chuan an tuipui ang reng phian mai ka ti 😛 😉
July 20th, 2012 at 8:29 pm
Adama thlahte hlapui
Evi leh Adama thlah kan ni,
Mahse kan thlahtute aia piang hmasa an tam mai.;
Mahse kan awih duh chuang lo,
Nitin kan hlim hle.
Kan Pathian hi rilru chhe tak a ni,
A tir atangin sual sain min piantir;
Kan thih hnuah pawh,
Kan thlarau mei sa takah a la thlak duh.
Mizo hnam kan ngai lo,
Mizo sakhua kan ngai lo;
Kristian saphun nih a tawk e,
Nitin kan hlim hle.
Mizo thlah kan ni lo,
Evi leh Adama thlah kan ni;
Kan Sakhua pawh ram danga mi ni mahse,
Nitin kan hlim hle.
July 20th, 2012 at 8:35 pm
Lolz..lolzz..
Chheih chheih chheih… Het raw ZAWNG raw TE raw…. A raw Dam raw..E raw Vi raw..
Kan hlimtlan theih phian dawn hi a!
July 20th, 2012 at 8:40 pm
Donald-a, i duh leh thawmhnaw ha chuan leng vel la, chhia leh tha hriatna nei chuan i hre mai ang..
July 20th, 2012 at 8:40 pm
E khai Pu Hnam Sakhua i lo lang maw? Phettlak che kan tum dawn chhin teh ang aw…
Ka ngaihpawimawh zawk Evi leh Adama thlah kan ni ve lo tih lai tak khi lo tinzawn hmasa ta ila. Post hmasa lama i lo champion pui tawh ni awma lang Adama awm hmaa mihring awm tawh anga i sawi kha a dik chiah ang em?
Kha thil kha ka hriat sualloh chuan kum zabi 19-na lama Scientist te’n Carbon Dating an thiam hnua an hmuhchhuah a ni. Ngaihtuah chian ngai deuh mai chu Bible-a kum zawng zawng hi Radio Carbon Dating hmaa ziak vek a ni. Chuvangin carbon Dating hmanga kum chhut leh Bible kum ziakte hian COMMON STANDARD nei lovin a inkalthelh thei a ni.
Tin, kan Lehkhabu duh em em – Bible lamz mi Genesis bung 5 leh bung 10 inkara Adama thlahte ziak chhuah loh tlemte a awm bawk nia rin an ni (Gen 10:22, Lk. 3:36). Thlahtu chhuina Bible changte hian thlahtu bul ber hming chauh ziakin an thlah dangte hming an ziak lo thei, abikin Hebrai hovin an ching em em. Thlahtu ber hming aiaa Pu hming ziak daih chang pawh a awm bawk (I Kro. 7:13). Chuvangin i sawi, Adama hmaa laih chhuah tih ho khi Christian defender tamtakin Adama hnua awm angin mithiam pui pui an lo thal nasa tawh a ni awm e.
Tin, Scofield Bible Reference book(?) ah chuan Pathianin khawvel a siam hun lai kha BC 4004 angin a zaik na a mahse a nihna takah chuan Bible siam hun lai vela Leilung chanchin zir thin Bishop thenkhatte thil hmuhchhuah atanga ziak a nia chuvang chuan a bula ka sawi ang khian dik hlel a awm ve dawn tihna a nih chu.
Bible zirtirna angah chuan ‘Bul hmun khat vekin hnamtin min siam a’ (Tirh. 17 : 16) tiin a inziak kuau mai. Adama chu mi bawhchhiatna atanga mihring pumpui suala tlu angin a ziak bawk (Rom 5: 12-19. Scientist ten Adama aia mihring hmasa awm anga an sawi chu Adama thlahte a ni chiang hle tih a lantir a ni. Kristiante tan buaina tur a awm EIH LO!
Chuvangin nangpawh Pu Adama thlah i ni tih kha lo inpawm phawt ta la. Chuan Chhia leh tha hriatna chungchang chu a hnuai lamah ka lo chhang leh ang che.
July 20th, 2012 at 8:41 pm
Emaw?
July 20th, 2012 at 8:44 pm
hot rawh pip 😀 😛
July 20th, 2012 at 8:45 pm
HS hi!!!! Hla pawh a lo phuah thiam a nih hi!!
July 20th, 2012 at 8:45 pm
“Adama aia piang hmasa mihring 10 hming ziak rawh”. Tih zawhna hi UPSC zawhnaah rawn kal ta se, mark score a har awm e. Hnansakhua hian a hriat hmel riau mai han ziak chhuak teh se
July 20th, 2012 at 8:49 pm
‘Kristian theuh theuh pawh in ngaihdan a inang lo’ i tih khian ka tha thona i paih deuh tlat mai. Mahse Dinner eizawhah ka lo kal leh ang. Kristian theuh theuh thurin danglamzia pawh hre lo khawpa Hnam Sakhua din i nih vaih chuan INTELLETCUAL CIRCLE lamah i tla na thei lo ang. Thil hi hriat teuh tur mahse zial fel dan tawk zir thiam a tha. Taulchher deuha thupawm tur lakkhawm leh ngawtte hi a HO thin riau a nia.
July 20th, 2012 at 8:50 pm
HS hla leh Doc hla hi hla in chhang atan a that hi 😉
July 20th, 2012 at 8:56 pm
#31 Ignatia (33-115 AD) ka thiam ang tâwkin ka han chhang ve ang che.
Bible hi a ziahphung a mumal loh avangin eng thusatla naran nen pawh a sawirem dan kawng hi a awm ve zël tak a, chu chu Siamringmiho (creationist-ho) hnialfung á¹ha ber pawh a ni. Thlahtute chanchin an ziah a, pa tih pawh hi thlahtu tihna ang a ni thei tihvêl te a ni tlangpui an thukhel khàn chu.
A engapawh chu lo ni ta se, mihringte hi thlahtu hmun khat vek nei kan ni tih hi inherchhuahna thuvawr (evolution theory) pawhin a thlawp lek lek. Engtizawngin nge? tih chuan: Mihring zawng zawng hi Afrika khawmual aá¹anga pém chhuaka lo á¹âi darh ta kan ni, tih rinna avang hian.
Mahsé tunlai thiamna hmanga an chhût nawn leh hian, Chainamiho rin dàn zulzui lek lekin, thlahtu hmun khat (zawngchîah pawh chipéng hrang deuh. Zawngchî ka ti hian keini mihringho leh kan unau hnaivai zawngho ka sawina a ni.) thlahte ni lovin … (ka buai tlat, hman hunah ka rawn chhunzawm ang 😀 ) 😀
July 20th, 2012 at 8:56 pm
Ignatia sawi ang khian carbon 14 dating hi 100% in a accurate lo tih scientist te chuan an pawm. Tin lo accurate pawh hi tehreng se, archealogical evidence hian mihring niawm tak ruhro an lai chhuah te hi mihring ngei an ni tih a la prove thei huah lo. An laichhuah lucy an tih te pawh kha mihring chu ang viau mahse mihring ruhrel nen danglamna a tam mai.
Carbon dating hi lo dik ta pawh niin, chutiang species chu Adama hmaa lo awm pawh nise, mihring ang ve tak an ni ringawt. Mihring an ni tihna a ni lo e. Chung thlah chu nia in inhriat tlat chuan ni mai teh un :-p
July 20th, 2012 at 8:59 pm
Zawngte thlah hovin min sel maw
Kei zawng Adama thlah ngei ka ni e
Lungbul thingbul be mai turan
Zofate kan phal thei nem le.
In van ram hi a nep lua kan ti
Bible in sel, in tan chhan tho si
In sakhaw thurin awmna chu
Phawrhin belh chian a dawl ve em le
Mawl an mawl luat a awm ngai e
Lokir leh leh mai ru a tlai hmain
Chutin chhandamtu Krista zarah
Hlim ten van nuam kan chang za ang.
July 20th, 2012 at 9:01 pm
Jacka pi hei doc hoin kan han zai leh dawn mi haha… Mi thupui hlapui sawi lai hian lo zai mai loh chu sawi ve tur ka hre si lo a!! 😛
July 20th, 2012 at 9:14 pm
Mamboihi, zanin chu suprano i sak angai ang..zawngte thlah kan ni.. han ti leh hum hum mai ang u, hnam sakhua lawmah 😛
July 20th, 2012 at 9:30 pm
Doc aih! contralto bak ka sa duh lo!! ka bei ring leh mai mai ang chu!
July 20th, 2012 at 9:41 pm
Mamboihi chu aw. nih contralto sa leh mai rawh. Jack-a pi in suprano sa mai rawh se. Han zai leh hum hum ila
July 20th, 2012 at 9:46 pm
Nia, lo zai leh mai loh chuan 😀
July 20th, 2012 at 9:47 pm
Pu houdini i nick ka hmuh apiang hian the Hreat Houdini kha min tihrechhuak thin. Pawl 5-ah a ni tain ka hria a hand Cuff a phelh thei dan vel kha kan zir a. A ngaihawm thin khawp mai, kan zirtirtu khan a sawithiam bawk a.
Chuan minlo hnialkhan khi han sawikual vak tur awm pawn ka hre hran lova. Ka sawi tak tak chuan LIBERAL lutuk angah min ngai ang tih ka hlau a a him lo deuh bawk nen. A nihna takah chuan Metaphysics lam hi Thlarau Thianghlim pawlna dawng reng lo tan chuan zir emaw chhut ve vak vak loh a fin thlak ber ang. Tin, Bible hi hnualsuat theih a ni ngai lo.
Pu Hnam Sakhua, Pu Donald-a chhanna khian a funkim viau e. han chhiarnawn leh teh. Pathianin mihring hmasa ber a siam khan duhthlan theihna, ngaihtuah theihna, chhia leh tha hriatna, chakna te neiin a siam a ni. Genesis-ah khan Adama nupate khan anmahni duhthlanna ngeiin theirah eiloh tur kha an ei taa chumi avang chuan an mit tihvar a lo ni ta a. Anmahniin pualin chhia leh tha hriatna nei hrangin an lo hmang thei ve ta tihna a ni. I man em? Theirah ei hma leh ei hnua chhia leh tha hriatna i khaikhawm vek hian a tibuai che a ni thei mai em?
July 20th, 2012 at 9:53 pm
Patlingin thutak hlatak kan sawi laiin Docte-a te leh Mamboite-i te ho in lo NOI leh thin a…. ha ha ha
July 20th, 2012 at 9:57 pm
@Ignatia, i va bo rei em em!!
Mamboih, ka lo tel ve leh 😀
July 20th, 2012 at 9:59 pm
Hot tawkin aw Doc…i vai dik lo ange hehe… 😀
July 20th, 2012 at 10:02 pm
Yesh! Sheldie lo thleng ta!! Contralto chu a nalh leh mai mai ang chu!!
@Ignatia nia!, sawi ve vak ngaihna kan hre si lo a in comment chhiar chungin kan lo nawi mai!! 😀