Tu ten nge zui tlakah ngai a, tunge an zui?
Paula:
Gamaliela ke bula seilian, ‘Duh phei ni i la, keipawh tisa chunga rinna ngaht thei ka ni asin. Midang reng rengin… ngahchhan neia an inruat chuan kei ka inruat leh zual’(Phil3:4) ti ngam khawpa (duh se chuan) a hunlai khawvela chuan tur nei a ni. Kohhran tihduhna kawnga thahnem a ngaih luat vanga ringtu hmasa ten a ruka an tih, Anania’n Pathian tirhna hnial rap rap khawpa hmuh a huphurh kha; Damaska experience atangin a nun a lo danglam ta.”Kei atan zawng nun hi Krista a ni. Thih pawh hlawkna”(Phil 1:21) tihial khawpa ‘a tihduhdah Krista’ tana inpe pumhlum, an Juda sakhaw dan leh dun zawng zawng aia pawh a a dah chungnun, Krista avanga a lu tan tak Tirhkoh Paula hian ‘Lal Isua’ hi a nun pumpui danglampui khawpa zui tlakah a ngai chiang a ni.
Constantin-a:
Rome sawrhkarin Kristianna- hnawksak, Judata emaw ramdang sakhua, sawrhkar phiarru-tu etc tia kum 246 taltawp (Nero, 64–68 AD hun atanga Maximian,286-305AD) Rome lalna huang chhung ata leh khawvel ata nuai bo tuma a beih mek laiin Constantin-a chu 27th February 272 khan Flavious Constantius-a leh Halena-te fapa ni turin Naissus khawpui-ah a lo piang a. Rome sipai hotu lu zinga rothap, governor- Britain, Gaul, and Spain awptu atana emperor-in a hman, a hnu zeal rorelna chang tlak khawpa Rome sawrkhar hnuaia invawr sang thei chu; ‘The Battle of Malvian Bridge’ tia an sawi takah chuan Maxentius-a, a aia a leta tam sipai ngah nen an inhmachhawn dawn ta.
He indona thlen hma hian thilmak Constantina chungah a lo thleng tat lat mai. Eusabius-a ziah dan chuan, ‘Chhun pachangah vana ni eng thlar atang chuan cross lo langin- “In Hoc Signo Vinces”(he mi chhinchhiahna nen hian i hneh ang) tih inziak chu Constantina chuan a hmu a, zan amang lamah lah chuan ahma a chhinchhiahna ngai bawk kengin Isua hmuin, sipai chhinchhiahna (labarum)-a hmang turin a hrilh” tih thu a sawi a ni. Tichuan “Chi-Rho” an tih chu a sipai zawng zawng chhinchhiahna ah a siamtir ta a. A chunga chhinchhiahna danglam tak lo thleng chu namen lovaa amah leh a sipai rualte chakna petu, Rome lal ram leh lal thutthleng ropui taka thut tirtu hmanrua a lo ni ta reng mai {Isua hming hi Greek tawng chuan Xpistos a ni a, hawrawp hmasa pahnih X leh P hi Greek hawrawp lam dan chuan “Chi’(khai or K) leh ‘Ro’(R) tia lam tur a ni}.
He ni atang hian Rome sawrhkarin ‘kristianna’ a hmuh dan pawh a lo inlumlet tan ta a. Kum kha lehchen dodalna namenlo a paltlang hnuin ‘Kohhran/kristianna’ chu a lo ding chang leh ta a ni. He tianga (a hun lai) ram ropui leh thiltithei berin khawvel ata nuai bo a tum – kohhran/kristianna a lo dinchan leh theih nana Pathianin hmaruaa a hman, Constantin-a nun thlakthleng a, mahni thlahtute sakhaw biak leh chin dan zawng zawng pawh hnuaichhiah duh khawpa, lal ropui tak awm tirtu leh Constantina’n zui tlaka a ngaih, Pathian thiltihmak tarlana a lo awm dan chanchin hi, chhan tha tak awm lovin khawvel history-ah hian a awm thei ngai lovang.
Similar Posts:
- Kraws
- Lal Isua Zui Tan Tawrh Tur A Awm!
- Kristian ka ni em?
- Hun hnuhnung;
- KOHHRAN PAWL HRANG HRANG LEH AN DINHMUN TLANGPUI
November 18th, 2012 at 9:34 pm
Caribou’an Misual min kawhhmuhna kha kum hnih liamta mai kha emaw ka ti a. Mahse kum li a lo tling tep a lo ni. Vawi hnih khat ka comment ve zauh tawh tih loh chu (chu pawh tun hnaiah lehnghal)hei hi Misual.com-ah ka sulhnu hnutchhiah hmasak ber a ni e.Ka block-ah chuan he thu ka ziahnaah hian’to be contenued’ ka ti ve ngei a,chhunzawm thei tak ang maw? Misual zawng zawng tan hian mi thar ka la nih miau avangin a bul tanna atanga thui tak post ngawt lovin ‘dang hnawn khawp’ emaw lekin bul ka han tan a.Rin loh takin a lo chhuak phut a,ka vil mai hman dawn lo (maithei) lehnghal. A va inthlahrunawm tan em.
November 18th, 2012 at 9:54 pm
Jaira Pa, i post vawikhatna ah pawh i rawn thehchhuak tha hle mai. Rawn chhunzawm zel rawh. Good post
November 18th, 2012 at 10:16 pm
Post tha e. Abrahama te Mosia te khan zui tlakah an va ngai thak thak em. Daniala leh a thiante, Polycarp-a te, Stephen-a Paula leh Lal Isua zirtirte khan zui tlakah an ngai chiang kuang bawk. Keini hian zui tlakah kan ngai ve em?
November 18th, 2012 at 11:26 pm
Mi tute emaw chuan hei hi setana hmanrua an ti leh pek a, an kohhran chu ka sawi lem lo ang a. A mak thei khawp ma…..
November 19th, 2012 at 11:20 am
Sheldon,PKFanai& VL Hminga; in tam lo bawk a, ka hre reng dawn che u a nih hi. A posttu pa hming ‘Jaira(Yehweh enlightened) Pa’ a chal hmel bak-ah a la vil lo zui chung pawh a in lo comment sak hram hram avangin…Thak you nawn leh e.
November 19th, 2012 at 1:17 pm
A tha tak hle mai a
November 19th, 2012 at 5:12 pm
I rawn ziak zawm zel kan beisei e.
November 19th, 2012 at 10:05 pm
Jaira pa chu sunday pual a
thu rawn post tur in, ka hual che ni’a.
November 19th, 2012 at 11:18 pm
A hei, hnuai lam apan viau tawh nain- ‘chhiar ve niawma lang’ chu in lo la awm fo a nih hi.Awmtea khiangte (kei pawh khiangte), Caribou (hrangeka) leh Sihtea.. in vai achungah ka lawm e.
Hrangek, ka hman lo ka tichung chung hi min nawr min nawr a, vawi 1 -na chu eng tin tin emaw a lo chhuak ve ta phawt mai.Phur thut dan a zir ni teh se. Sihtea, ka hre lo na chein, i tilawmawm dangdai ve hrim hrim e. Tunah hian eng tiin nge ka awm tih min hritpui lang chuan ‘ngawi vang vang’ tawh pawh ni i la min thiam thoin ka ring.
November 20th, 2012 at 7:03 am
Tukchhuah nuam vek u le
November 20th, 2012 at 4:22 pm
Thra hle mai…
Mahse thil thra tak a lang a tawp chhe tak te a awm thei a. Chungte chu thutak kaihpen tirna chi te an lo nih thrin a vang in.
Pathian zirtirna, Bible nen a in hmeh famkim em tih hi Kristian te zawh tur leh chhui zel tur chu ani, thil an hriat ah te emaw hriat thar ah te.
November 20th, 2012 at 7:33 pm
Post ngaihnawm tak a ni e. Han chhunzawm zel teh le.
November 21st, 2012 at 8:49 pm