Rabies hi mizote chuan ‘ui a hri/ ui a seh vanga natna’ kan ti mai thin a, natna hlauhawm tak ani a, hriat theih chinah tun thleng hian a vei zingah mi 3 chauhin an la damchhuah pui ani. Chutih laiin mi thenkhat chuan ‘pem/pan ui liah tirin a dam duh’ ti te kan la awm bawk a, a tih chi loh lutuk ringawt; alo hlauawm em mai!
Kum tinin mi 35,000-40,000 vel in South East Asia Region-ah an thihpui thin a, a bik takin India leh Bangladesh ah a tam ber. India ramah chuan Lakshadweep leh Andaman & Nicobar thliarkar tih lovah chuan a awm vek ani. Natna tihbaiawm tak ni mahse kawng tam takin a inven theih ani tih hriat a tha. Tunah chuan kan sawi vek seng lo anga, kan hriattur atana pawimawh tlem azawng tar lang ila.
Natna thlentu:
He natna thlentu hi virus- Lyssavirus type 1 (Rhabdoviridae family) ani a, ran/ ransa in mihring/ ransa dang a seh in a chil (saliva) atanga inkaichhawn ani tlangpui. Ui a (rabies natna nei) za-zela-50 (50%) velah he natna hi a ‘symptom’ a langchhuak a, a bak 50%-te chu langchhuak lem lovin kum tamtak chhung a awm thei bawk a, inkaichhawn a awlsamin a hlauawm hle ani.
Khawi atangin nge kan kaichhawn theih ang?
Thisen lum chi; ui, zawhte, sihal, chinghnia, hyena, bak, zawng, sakawr, beram, kel, etc. atangte in a kai theih ani. Ram hnufual deuhah chuan ui a seh atanga rabies natna vei vanga thi hi 90% vel anni.
Tute nge kai awlsam bik?
Ran vulhtu leh enkawltute, ram vak mite leh rabies virus ‘test’-na laboratory a hnathawktute tan kai theihna ‘chance’ a tam em em a, tin, tu tan pawh kai theihna ‘chance’ a awm vek ani tih hriat reng tur ani. Rabies natna vei ransate hi an kawlh in va chheih/ khawih buai kher lo pawh ni ila mi seh an chak tlat thin.
Rabies natna kai theih dan te:
1. Ui/ ransa in mihring/ransa dang a seh atangin:
India ramah chuan ui a seh atanga kai ani tlangpui a, mahse ransa dang atang pawhin a kai theih tho tih hriat reng tur ani.
2. Ui/ransa liahna (licks) atangin:
Ui leh ransa in pem/hliam/pan a liahna atangin kai a awlsam em em ani. Ui hian thil liah mai mai a hrat/ching em em a, saruh leh thil hriam deuh ui liah tawh hnu a intihpem/inhliam palhin a kai theih tho bawk ani.
3. Boruak atangin:
A bik takin puk (cave) chhunga bak ten rabies natna an neihin boruak atangin a kai theih bawk (puk chhunga kan luh in). Amaherawhchu, bak atanga rabies natna inkaichhawn hi Central Latin America leh USA-ahte chauh hriat ani thung.
4. Mihring zingah (person-person):
Mi pakhat atanga midanga inkaichhawn erawh a awm ve zeuh thei a, naute rabies natna neiin a nu/pa a sehna atanga inkaichhawn pawh hriat ani bawk. ‘Corneal & organ transplant’ atang pawhin a awm zeuh thei. Mahse hengte hi chu thil awm zen zen lo leh vang tak, hriat ve hrim hrim atan atha.
A enkawl dan (Treatment):
A enkawlna (treatmet) tha ber chu doctor pan vat ani mai. Vaccine tul atih angin a pe in a pelo thei che ani. Vaccine chuan natnahrik (virus) kha ati bahlah ‘neutralize’ thei a, I damna ‘chance’ a tamin a veng thei dawn che ani tih hriat reng tur ani. I ngaihthah a rabies natna i vei palh hlauh anih chuan aw; damchhuahpui an vang teh mai ania!
Amaherawhchu hriat ve atana tha chu rabies virus hi inkaichhawn a awlsam em em a, chil, luak, mittui, zun leh taksa atanga tui chhuakahte a awm vek ani. Damlo enkawltu chuan hmaikawr (face mask), kutkawr (gloves), google, apron, etc. te nena inthuam te angai a, taksa pem/hliam anei tur ani lo. Fimkhur hle angai tihna anih chu. Tin, damlo enkawltu tan invennan ‘pre-exposure prophylaxis’ atan HDC (2-3 doses) vaccine lak atha bawk.
Damdawiin/Doctor hnen thlen hmaa lo bawihsawm dan:-
Ransa/ui a seh/hampilh etc. te kan tawk palh anih chuan muangchang hauh lovin bawihsawm nghal vat tur ani. Virus/natna hrik te a sehna hmun atanga tleuh/tihfai hi kan tum ber tur chu ani. Hei hian 80% aveng thei tih hriat reng tur. A seh hlimchhawna kan bawihsawm thei anih chuan atha ber a, alo rei deuh tawh anih pawhin inthlahdah chuang loh tur ani. A bawihsawm dan tlangpuite chu heti hian han tarlang ta ila:-
a. Silfai tur (cleansing):-
Pem/hliam/pilh laiah khan tuia tleuh vak vak mai tur ani. ‘Tap’ hmangin a awlsamin a tha lehzual. Minute 15 chhung tal tuia tleuh tur ani. Sahbawn a awm chuan sahbawn hmanga silfai atha lehzual.
b. Damdawi (chemical) hmangin:
Tuia silfai zawh hnuin pem/hliam a natnahrik (virus) la chambangte tihhlum nan alcohol (400-700ml/Litre) emaw iodine/povidone iodine (0.01%) hman leh tur ani.
[Note: Savlon, Cetavlon, Carbolic acid, Nitric acid, etc. te hman loh a tha]
c. Pem/hliam thui (Suturing):
Pem/hliam doctorte remtihna tello chuan mahni duh thua hmanhmawh taka thui phui loh atha. Natnahrikte (virus) i taksa kawngkhar an luh hnuin i khar hnan ani ringawt thei ani. A tul chuan darkar 24-48 hnuah anti-rabies vacine venhimna hnuaiah thui chauh tur ani.
d. Ui/ransa (sehtu) ni 10 chhung en thlithlai tur:
A remchang vek kher lo theia, mahse a theih anih chuan a seh ni atanga ni 10 chhung chu ui kha dah hrana en thlithlai tur ani. Chumi hun chhunga ui-ah chuan rabies natna alo langchhuak (symptom) anih chuan ui chu a neitute phalnain tihhlum tur ani (humanely). Ransa anih phei chuan tihhlum nghal vat tur ani. Tichuan, ui/ransa chu a lu tana rabies natna vei anih leh nih loh hriat nan a ‘test’-na hmun bik ‘laboratory’ ah thawn tur ani.
A pawimawhna chu an ‘test’-na a rabies virus an hmuh loh chuan ui seh tuartu kha treatment pek chhunzawm a ngai lo thei ani. Tin, ui/ransa kha ni 10 chhung en thlithlai anih hnua ala hrisel that viau chuan (rabies natna a lanchhuah loh chuan) ui/ransa seh tuartu kha anti-rabies treatment pek angailo hlauh thei bawk.
Anti-rabies treatment lak tulnate:
a. Ni 10 chhung ui/ransa en thlithlai laia rabies natna ‘symptom’ ui/ran in a nei anih chuan.
b. A sehtu hriat loh/chhui theih anih loh chuan.
c. Va tihluih/chheihkawlh lova a seh che chuan.
d. Laboratory test a rabies virus ui/ran thluaka hmuh anih chuan.
e. Ransa (ram lam ami) seh zawng zawngah.
Ui chuan rabies natna a vei ani tih engtin nge kan hriat theih tak ang le?
Ui, rabies natna veite chu an natna lanchhuah (symptom) atanga kar khat tlin hmain an thi tlangpui thin ani. Uiah chuan rabies natna lanchhuah dan chu chi 2 in a awm thei a:
a. Furious rabies: ‘Mad dog syndrome’ te an ti bawk ani. A lanchhuah dan tlangpui chu (a indawt danin):
i. Ui chuan mihring a hlau tawh lovanga, a kawlh em em ringawt mai dawn ani. Va chheihkawlh kher loh pawhin a hmuh apiang seh a tum anga, hmawlh/tiang, hnim, lei, etc. te a seh a seh mai dawn ani.
ii. Ui chu a in (vulh lai anih chuan a neitute in) atangin a tlan bo anga, mihring leh ran dang a hmuh apiang a seh mai thin ani.
iii. A bauh tha theilo anga, sakawr hram ang deuh tein a hram bawk ang. Achhan chu a hrawk tisate a zen (zeng) vang ani.
iv. Ui chuan chil (saliva) a pangngai aiin a ngah leh zual anga,a kam sir/kil velahte chil-phuan hmuh tur a awm bawk ang.
v. Atawpah chuan a taksa pumin alo zeng vek anga, nikhawhrelovin a thi mai dawn ani.
b. Dumb rabies:
Hetah ve thung hi chuan a chunga kan hmuh angte khi nilovin, ui chu hmuh phak loh leh zar buai phak lovah amahin ainsaseng anga, A taksa a zeng anga, a thih thlengin a mu char char tawh mai dawn ani.
A tawp berah chuan he article hi a chhiartu ten in hlawkpui a in hmang tangkai anih phawt chuan ka duhthusam ani e.
November 24th, 2011 at 9:42 pm
Awi ka hlau ka tlanchhia, phir
Report this comment
November 24th, 2011 at 9:50 pm
I taksa a pem/pilh awm kha i Ui(rabies vei) in a liah emaw, a chil a kai chuan i Vei thei..
Tin, Ui leh ramsa TB vei atangin mihring ah a kai theih.. Zoo Animal a bikin Sakhi ho, hi stres avangin TB an vei awlsam a..mihring tan kai a awl.. SAHUAN A I KALIN A BANG/KAWNGKHAR TE KHA ZUT ZUI ZUI SUH.
I tb keuh mai ag
Report this comment
November 24th, 2011 at 9:54 pm
Ui a seh vanga thi pawh tun hnai mai khan mizoramah an awm tak kha mawle, a seh hnu kum khat hnu velah a rawn lang chhuak chauh a ni awm e. Ui vulh tute hi chuan uluk takin enkawl thin sela a tha khawp mai.
Ui hi chu a sa ei atan bak ka mamawh lo khawp mai
Report this comment
November 24th, 2011 at 9:56 pm
rabis chungchar chhiar hi chuan ran vulh te hi a tuiawm loh vek zel. Ui hi vety a an chiu tir hian rabis hi an vei thei toh lo tihne em ni?
Report this comment
November 24th, 2011 at 10:01 pm
bengvar thlak hle mai…good post
Report this comment
November 24th, 2011 at 10:04 pm
A bengvarthlak hle mai. Gud post
Report this comment
November 24th, 2011 at 10:25 pm
post hlauhawm tak a ni.
Report this comment
November 24th, 2011 at 10:27 pm
hmanah kan ui a a tawh…
Report this comment
November 24th, 2011 at 10:32 pm
A bengvar thlak in mi a tri ang reng khawp mai, sazu seh te pawh hian a thlen thei anga. Remchan chuan Elephantiasis chungchang hi lo la post te a rap awm riau bawka.
Report this comment
November 24th, 2011 at 10:35 pm
A ngaihnawmin bengvarthlak hle mai! Ka chhiar chhuak dap. Good Post.
Ui hi ka ngaina lova, uisa erawh ka duh phian!!!!
Report this comment
November 24th, 2011 at 10:38 pm
Good post. Hetiang hriatna lam post hi rawn uar deuh deuh teh u khai.
Report this comment
November 24th, 2011 at 10:43 pm
A bengvarthlak hle mai.
Report this comment
November 24th, 2011 at 10:50 pm
Ui a in min seh chuan Chhass te seh ve vat tur,thla bial zan a mahni chauh a uu ruah ruah a peih awm loh..:-D
Tak tak chuan bengvar thlak khawp mai,sawidarh chi a nih hi.(Y)
Report this comment
November 24th, 2011 at 11:08 pm
#4, vety a an chiuna hi live vaccine a nia.
Mihring ina vacine kan lak dang( hepatitis, polio) ang tho in 100% chu a venglo. 95% vel ang chu a veng. Vei palh chu an awm thei tho
Report this comment
November 24th, 2011 at 11:21 pm
Save keuh teh ang. Post hlauhawm tak leh tha tak a ni.
Report this comment
November 24th, 2011 at 11:42 pm
@hp.swing, kan ui vulh lai antirabies vaccine kan pek chuan rabies natna an vei theihna chance tam takin ati tlem a, tichuan kan kai theihna chance a tlem tihna nih chu… thanks 4 da comment
Report this comment
November 24th, 2011 at 11:44 pm
@ Mach3, a remchan dan zelin lo post tum dawn nia… Thanks 4 feedback
Report this comment
November 24th, 2011 at 11:47 pm
A bengvar thlak hle mai
Kan naupan laiin ka thianpa L.B.T.A. (Lalbiaktluanga) chu kan thian tho Remruata (Terema) te uiin a seh a. Khatih lai khan Ui leh Sihal insual an awm zeuh zeuh thin. Sihal atang khan an kai thin nitein an sawi. Naupangte si ka thianpa pumah an jeksawn zak zak mai khan midang ui hi hlauhna riau ka thisenah a tuh hlen ta niin ka hria.
Report this comment
November 25th, 2011 at 12:13 am
Chheih?? ‘Chhaih’ ni awm zawk tak.
A bengvarthlak hle mai.
Report this comment
November 25th, 2011 at 12:40 am
@Lamji, “Chhaih” tih zawk tur a ni e. Thanks 4 feedback
Report this comment
November 25th, 2011 at 12:47 am
a bengvar thlak khawp mai..ui hi ka ngaina a,ui leh a kaihhnawih thil reng reng hi chu ka chhiar tui thei khawp mai.lo post zel teh
Report this comment
November 25th, 2011 at 1:07 am
Kan naupan lai deuh khan an sawi nasa thei ui a seh hi. Ka hre ta mang lo tunlai chu, lawmawm lam ani ang. Ka nau pawh a seh a, ui a vak loin, mahse a dulah treatment injection kha an pe thin a, a na a ti nasa thin khawp mai..
, keini ai mah chuan damdawi lam lam a eizawng ho hriat chi anih mah zawk anih hi a.
Post tha viau mai a
Report this comment
November 25th, 2011 at 1:18 am
Post tha dup dup khawp mai, i in thup rei tawh e nih kha, lo puak keh zel teh.
Report this comment
November 25th, 2011 at 7:46 am
i sawi kim tha khawp mai, a seh hlim a enkawl dan te khi hriat reng tur a nih khi , A bengvarthlak e
Report this comment
November 25th, 2011 at 7:55 am
Kan ranvulhte kan duat leh kan ngaihsak an tul hle tih min ngaihtuah tir e.
Report this comment
November 25th, 2011 at 7:58 am
Good post.
Report this comment
November 25th, 2011 at 8:02 am
Good Post
Aizawl khawpui ah hian ui chuang ang mai a khawlai ui vak leh e mai mai an tam lutuk. Thenkhat ui vulh chuan mahni fate ang maiin an duat a, an enkawl uluk a, tuallai ah anmahni paw’n an chhuahtir ve mai mai ngailo. An bualfai a, thianghlim takin an enkawl.
Thenkhat erawh chuan an vulh ve mai mai. Kan kawt maiah hian tu ui emaw hi a khat tawkin a e ziah. Mahni ui vulh pawh bual ngailo, an inchhung han lut ila lo rimchhe nghal nghur te pawh an awm. Khang ang chi te khan min seh palh ta se…awi ka hlau
Report this comment
November 25th, 2011 at 9:47 am
Uisa ei atanga kai theih nise, uisa eiching hi uia hri vei vek se pawi ka ti vak lo, an phu khawpin ka hria kei chuan
Report this comment
November 25th, 2011 at 10:21 am
ui sawitak ah chuan zualbonez eichak in alo phi leh zek2 tawh ang a
Report this comment
November 25th, 2011 at 10:33 am
A va bengvarthlak thin ve aw.. A sa tui tui nen a seh chu hlauhawm bawk sia
Report this comment
November 25th, 2011 at 5:38 pm
Post tha khawp mai….Ui aa hri hi Ui zawng zawngin an vei vek kher loa Uiaa hian an vei duh bik. Ui hi Bak-in a seh aa hmasa phawt a chuan chu Ui aa chuan mihring a seh chin-ah he natna hi kan lo vei thrin ani. Ram changkang-ah chuan Sihal Chinghnia ten an vei thrina Thuneituten a ranglamin Vaccine an pe thrin(mihring an seh hmain.Uiin he natna a vei chinah chuan alo ngawr aa a pawisak anei tawhlo chuvang chuan mi aseh a mihringin kan thihphah ta a ni.(Sources- Preventive Social Medicine by Parikh)
Report this comment
November 25th, 2011 at 10:06 pm
Add: Ka article hi K.Park (Preventive & Social Medicine) atang leh Harrison’s Principle of Internal Medicine 17th Edition atanga lak chhawn a ni e.
Chhiartu ten min hlut sak avangin ka lawm e.
Report this comment
November 28th, 2011 at 12:14 pm
Sunday zing khan min seh
Min seh ve leh, misual.com Mahming’n a post tawh khan ka hria a, ka search a. He post hi ka hmu:) Mahminga chuan BMA AW lamah zawk a lo ziak a lo nia.
Verorab course 4 ka la hmabak.
Report this comment
November 28th, 2011 at 12:42 pm
Ni 10 hnuah a at loh chuan khawnthluk hmiah tur. Online-in a puah leh siam dan kan lo hrilh ang che u…..Chawhmeh hi inhmeh tir ve loh tur
Report this comment
November 28th, 2011 at 10:07 pm
@ 33, a va zia lo ve o! Mahse vaccine a tha a, i dampui m m eng… Lo tawngtai pui ang che…
Get well soon….
Report this comment