Ka duai bik em ni?

November 25th, 2011 11:32 am by upsilon

Ka rilruah a cham reng a. Thil dang ka tihnaah pawh mi thlahthlam ngai lovin mi chenchilh reng. Mutnaah ka ngaihtuah a, chaw ei lai pawn rilruah thil dang a leng lo. Mahse, khua reiin min hnem thin an tih ang deuhin thla khat a liam meuh chuan ka beidawngin “A dik lo; tih sual palh a niang”, tiin ka inhnem ta vel mai mai a……..a hun a lo thlen chuan a dikzia ka hre mai chauh pawh ni lovin ka nep lulaizia ka inhre tel bawk….hm..thinrim viau ta hlei lo chuan a tihdan ka hriat thar avangin ka lawm nui ver vur leh ta lawi si……

Rs 100 dawn lam a ni lo, non tribal aiin tribal tlangval kephah hlai thluak hi a dere bik lo a ni tih thla hnih chhung chuan lantir ka tum ve ran a. Solomona’n nu pahnih buaina a chin fel dan hretu ka ni zawk a ni lawm ni tia ka beih tauh tauh laia thla khat a liam meuh chuan ka beidawng let ta zawk der mai.

Awle, thil dang engmah ziah lan ka tum lo. Lehkha ka zir ve laia, kan zirtirtupain a thiamte tan Rs 100 pek inhuama kan class zawhna min zawh thla hnih chhung hun min pek hi ka’n thai lang ve mai mai ang nge. A hre tawhte pawh kan awm nual ang. Mahse, a la hre lo leh tui chilha ngaihtuah peih kan awm takin………..

“Ball 12 zinga 11 rih zawng chu a in ang vek a, 1 rihna chu a dang bik a ni. A zang zawk emaw a rit zawk emaw pawh a ni thei. Buk thleng (patla/balance beam) vawi 3 chiah hmangin chu ball danglam bik chu eng tin nge I zawn chhuah theih ang?”

Thubelh: Thla hnih hnu chuan Rs 100 ka dawng lo a, vainu leh vaipa pawn an dawng bik ta lo e. A chhanna i hresa lo emaw a source nei lova i ngaihtuah chhuah theih chuan aaa….. i bawn hle a ni ta ve ang.

172 Responses to “Ka duai bik em ni?”

1
littlerascal Says:
November 25th, 2011 at 11:34 am
Duai bik lo
2
lushai_er Says:
November 25th, 2011 at 11:38 am
Duai bik lo ve le 🙂
3
H.Vangchhia Says:
November 25th, 2011 at 11:42 am
Duai bik love a hairehai 🙂
4
century child Says:
November 25th, 2011 at 11:50 am
Patla lehlam lehlamah ball 6 ve2 kan dah anga rik zawk a awm dawn a ni. A rit zawk lama ball 6 chu 3 ve2 in kan then hrang anga kan buk leh anga rit zawk a awm leh ang. A rit zawk lam 3 zinga 2 kan buk tawn ang, rit zawk a awm chuan chu a rit zawk chu BALL DANGLAM a ni mai a,an inbuk tawk chuan buk ve loh kha BALL DANGLAM a ni leh mai.

Ka hre sa lo, minute 1 chhungin ka ngaihtuah chhuak. Hehe :insawi thei nasaa : 😀
5
roseparvul Says:
November 25th, 2011 at 11:51 am
😮
6
badboy Says:
November 25th, 2011 at 11:52 am
vai han sawi lan tak ah chuan, tun ah hian non-tribal father leh tribal mother, neite hi tribal ang a ngaihtheih annilo a, income tax an pekve angaitawh an duai deuh a nimai, nangpawh iduailo a keipawh ka duailo hlauhe keke 😀
7
dama2019 Says:
November 25th, 2011 at 12:00 pm
Century child

ball 6 zinga a zang zawkah khan ball zang bik lo awm ta se…
Ball 6 ve ve i tehnaa a rit zawk i lak ringawt a, 3 ve ve i buk hunah a inbuk tawn dawn chiah chiah asin.
8
dama2019 Says:
November 25th, 2011 at 12:01 pm
A tir atangin ball danglam hi a rit bik nge a zang bik tih hriat a ni lo
9
stan marsh Says:
November 25th, 2011 at 12:08 pm
Jeje Lalpekhlua leh a India team mate Sunil Chhetri chu Glasgow Rangers ( scottish premier league champion lai) ah trial nei tur in an chuak ta e. I tawngtai pui ang u.
10
lrpa Says:
November 25th, 2011 at 12:12 pm
ka sawi chuan comment a tawp mai dawn sia.. 😉
11
century child Says:
November 25th, 2011 at 12:14 pm
# 7 Dama : nia ka chhiar chiang leh a ka submit hman sia, phone atangin ka edit thei si lo a, ka inthlahrung raps :sen trawn:
12
biakthuama Says:
November 25th, 2011 at 12:21 pm
in duai lo tlang khop mai 🙂
13
Lamji Says:
November 25th, 2011 at 12:21 pm
(A aia ring in.. ) I duai bik em ni? (a chhanna hriatloh chu a zawhna anga kan ziah leh tawp thin kha maw.. 🙂 )
14
PKfanai Says:
November 25th, 2011 at 12:23 pm
lrpa leh Ignatia ten an hre hrim hrim ang. Hetiang lamah hi chuan ka chhuang teh mai a nia.
15
lushai_er Says:
November 25th, 2011 at 12:30 pm
Kawrdumbela thawnthu em ni kha….Bawng a lu leh mawng hriat miah loh hi a awm a, engtin nge kan hriat ang an tih khan; a vaw vak a, a tlan ta daih em ni kha 😀
16
lr hlonchhing Says:
November 25th, 2011 at 12:33 pm
A har vak a mi.

1. Ball 12 kha 6 ve veah i then ang a. I buk ang.
A zang emaw rit fal bik a awm avangin, a inbuk lo ngei ang a. A rit emaw zang zawk lam kha, 3 ve veah then i then leh ang.
2. Pathum ve vea i then chu i buk leh ang a, a rit emaw a zang zawk lam a awm leh ngei dawn chiang a. Chu lam chu, i la hrang leh ang a.
3. Pathum zinga pakhat ve ve i buk ang a. Pakhat ve ve i buk kha a lo inang a nih chuan, a chuang ber a kha a rit emaw a zang fal bik chu a ni ang. Pakhat ve ve i buk kha, a lo inrih hleih emaw a lo inzan hleih emaw a nih phei chuan, a dikna a chhuak nghal e.

Ka solve hmasa ber. 😀
17
lr hlonchhing Says:
November 25th, 2011 at 12:35 pm
Pu Pk, ka solve tawh khi. Mark 100 ah za ka hmu.
18
PKfanai Says:
November 25th, 2011 at 12:46 pm
C.C. & lra, in thluak a tha khawp mai. Mahse, step 1 khi a tul miah lo. Thil chuangtlai a ni. 6 ve ve a then phawk a, a khawi lam emaw zawk zawk kha 3 ve ve a then a, buk tur. A in buk tawk chiah chuan, unique ball chu group lehlamah a awm tihna. A in rihhleìh erawh chuan, chumi group ah chuan a awm tihna. Step 1 na phawt.
19
lr hlonchhing Says:
November 25th, 2011 at 12:48 pm
Thla hnih hnu chuan Rs 100 ka dawng lo a, vainu leh vaipa pawnan dawng bik ta lo e. A chhanna i hresa lo emaw a source nei lova i ngaihtuah chhuah theih chuan aaa….. i bawn hle a ni ta ve ang.

Ka’n solve ang e.
Thlakhatna chu = x nise.
Thlahnihna chu = 2x nise.
x+2x = 3x = 100
Therefore, 3x = 100
Now, x= 100/3= 33.3
i.e x = 33. 3
and 2x = 33.3×2 = 66. 6

Nangpawn 100 i dawng lova, vainu leh vaipa i.e x and 2x pawn an dawng hek lovang.
20
kawlhawk Says:
November 25th, 2011 at 12:51 pm
lr @ 16,
6 ve vein i buk a, ball danglam bik kha a rit nge zang tih i la hre miah lo. I thlan loh zawk 6 ah khan i zawn ball kha a awm daih thei. Ngaihtuah tha leh teh. Kei chu ka hria a(h)..!
21
lr hlonchhing Says:
November 25th, 2011 at 12:52 pm
Pu Pk@18, a zang bik emaw a rit bik kan thlan chhuah nalh a ngai si a. Questionin vawi 3 buk min phalsak a, step 3 a ngai. Eng step mah khi hmaih theih a ni lo. Step te tea in man chho vek a ni tlat a.
22
Guillermo endara Says:
November 25th, 2011 at 12:54 pm
Lr holmes a chet pawn a dik thei chuanglo maw?
23
lr hlonchhing Says:
November 25th, 2011 at 12:54 pm
Pu kawlhawk, chhiar chiang leh teh. I hrethiam lo maw? Nguntakin han chhiar leh la, i man mai ang. Mathematics tak pawhin ka ziak lang thei ang, i la man lo a nih chuan.
24
sai_pui Says:
November 25th, 2011 at 12:57 pm
@lr ala dik tawk lo…i lak loh lam zawk kha ball danglam awmna zawk ani tih ala hriat chuang loh…a tir in keipon i tih ang hian kan ti ve zeta mase a dik thei lo tih ka hria a ka submit leh ta lo mai nih kha.
25
Ruata Pachuau Says:
November 25th, 2011 at 12:57 pm
“1 rihna chu a dang bik a ni. A zang zawk emaw a rit zawk emaw pawh a ni thei.” ———–> @lr, thil pahnih compare ngawt chuan a hriat theih loh. A tirah pathumah then tur. ….. thiam hmel deuh in ngawih san daih teh ang 🙂
26
kawlhawk Says:
November 25th, 2011 at 1:04 pm
lr, ka hrethiam lutuk! A dik thei lo ka tih chuuu… ngaihtuah tha leh zawk teh. 6 ve vea i buk khan ball a rit lam nge a zang i thlan dawn? Ball danglam bik kha a rit bik nge a zang bik tih zawhnaah a lang si lo a? 😮
27
Guillermo endara Says:
November 25th, 2011 at 1:05 pm
A van ho mai2 ve ka hre t…. thleng thum kher hman ngailo a zang ber emaw a rit ber hriatnan chuan ka kuta ka khawih hian ka hrehrang thei mai alawm. Dik chiang khawp mai. a mal2 in keng kual vek la, a zang leh rit chu i hrehrang mai ang chu
(H)
28
lr hlonchhing Says:
November 25th, 2011 at 1:05 pm
@Sai_pui, mathematics takin kan ziak ang e.

Ball 12 i nei.
Veilam6 = 6Dinglam. Veilam emaw dinglam emawa rit emaw a zang zawk a. A rit emaw a zang zawk lam tak khi i la hrang ang.
Ball 6 chiah i nei ta.
Veilam3 = 3Dinglam ah then leh rawh. Hetah pawh hian, a rit emaw zang zawk a awm leh dawn. A rit emaw zang zawk lam kha i la hrang leh ang a.
Pathum zinga pakhat ve ve i buk ang a. Chutah chuan, a lo in ang a nih chuan, a chuang kha a dikna tihna.
29
lr hlonchhing Says:
November 25th, 2011 at 1:07 pm
26, at kawlhawk.
A question khian a rit bik a awm a ti mai si lova. Ti ta angah ngai la, paruk ve ve leh pathum ve vea i then khan, a rit lam apiang i la dawn tihna. I man em?
30
PKfanai Says:
November 25th, 2011 at 1:07 pm
Step khat naa i thil buk chu a inbuk tawk chiah chuan, Group leh lamah a awm tihna ani a, Mahse, group lehlam ami kha 3 ve ve a i buk leh chuan step 1 i hloh leh ringawt ang. chuvangin i buk tawhsa ami 3 leh group lehlam a mi 3 kha i buk leh ang. A inbuk tawk chiah chuan Unique ball chu group lehlama ala bang 3 zingah khan a awm tihna. a in rihhleih chuan, group lehlama ball 3 buk hmasakah khan a awm nghal tihna.
Tin, a tira(step 1 naa ball 3 ve ve i buk kha a inrihhleih anih pawhin, i risk ngawt thiang chuang lo. group lehlam kha a diksa vek anni tihna ani mai a, chuvangin Step 1 a i buk group pakhat zawk(ball3) leh group lehlam ami ball 3 kha buk tho tho a ngai. A inbuk tawk chiah chuan, Step 1 a i buk lung 3 group lehlam ami nena i buk loh zawk ah khan awm tihna. A inrihhleih erawh chuan, i ball 3 buk mekah khan a awm nghal tihna.Step-2 chu.
Step 3 na chu a awl tawh lutuk.
Mathematics hi ka thiam hauh lova, mahs Rilru hisapah chuan NGAN tak ka ni ringawt. Mensuration, Angle teh tihvel te hi a formula thiam uk silo hian a answer hi ka hrenghal thuai zel.Hei pawh hi a formula ang zawng chuan ka thiam miah lo.hehe
31
Ruata Pachuau Says:
November 25th, 2011 at 1:08 pm
@lr: i second step-ah khian i assumption siam khi a dik lo thei, a tirah pathumah then la chuan i duh duh pahnih buk rawh. if A=B…..chhut zawm rawh lem. :zirtirtu ang deuh in a awl chin chiah chawk teh ang 🙂 :
32
lrpa Says:
November 25th, 2011 at 1:11 pm
Group 3 ah chhep chhin ula..
Group hnih chu an rih zawng a in ang ngei ngei angai, a bak chu ka sawi dawn lo 😉
33
upsilon Says:
November 25th, 2011 at 1:13 pm
lr hlonching chu Rs. 100 dawng lo pawlah i la tel hrih phawt. Ball danglam bik kha a zang zawk emaw rit zawk emaw a ni thei tih a ni tlats..hairehai
34
kawlhawk Says:
November 25th, 2011 at 1:14 pm
lr chu aw… 1 rihna chu a dang bik a ni. A zang bik emaw a rit bik emaw a ni thei. a tih kuau khi. A rit bik angah i ngai tlat alawm. I man em?
35
Mr. Cheiri Says:
November 25th, 2011 at 1:17 pm
@ 16 lr hlonchhing ziah khi ka’n lo modify lawk. 😀
A zang zawk emaw a rit zawk emaw kan la hrang phawt ang. A zang zawkah a awm chuan kan zawng hmu nghal. A rit lam kha kan la dahtha anga. A awm loh chuan kan procedure kan cancel anga, i.e. no move. A rit lam kha kan buk leh ang. Tichuan a lo chhuak mai dawn alawm…. (a ho) 🙂 😀
36
lr hlonchhing Says:
November 25th, 2011 at 1:18 pm
@Ruata pachuau, A question khian rit bik a awm a ti angah ngai ta ila. Chu chu kan zawng chhuak ang.

1. Ball 12 kha 6 ve ve ah then la. Buk rawh. A rit zawk lamah khan, ball rit bik a awm tawh.

2. A rit bik lam ball 6 kha 3 ve veah then leh la. Buk leh ta che. Ball 3 ve vea i then ah khan a rit lam zawk bawkah khan ball rit bik a awm.

3. A rit lam ball 3 chu, 1 ve ve in i buk leh ang. A inang a nih chuan, a chuang kha a dikna. A inthlau a nih ngat phei chuan, a rit lam zawk zawk kha, ball rit ber chu a ni.
37
sai_pui Says:
November 25th, 2011 at 1:19 pm
@lr i mathematics pawn ala dik chuang lo…eng tin nge a rit lo lamah khan ball danglam bik a chu a awm emaw, awm lo emaw ni tih i hriat ang. A rit zawk la ringot la, i ball zawna a awm si loh chuan a tawpah a in balance vek dawn sin..hrethiams…
38
lr hlonchhing Says:
November 25th, 2011 at 1:22 pm
35, sawi khi a dik. Ka sawi in man thiam lo a ni. A rit fal bik a awm angah ka ngai a ni lo. Lehlamah a dikna a awm ah in ngai tlat a nih kha. A awlsam nan, a rit bik zawng chhuak tur angin ka ti mai a ni.
Post tuper chuan, a sawi duh lo mai mai a la nìh hi. A sawi chuan kawmen a tawp dawn si a.
39
lr hlonchhing Says:
November 25th, 2011 at 1:24 pm
Saipui, a dik.
I man har khawp mai. 35, sawi atang khian, i man thei ang. 35 khian ka sawi chu a man.
40
Ruata Pachuau Says:
November 25th, 2011 at 1:24 pm
@lr: a zang bik pawh a ni thei tho.
@lrp: Gr A leh B a intluk chuan C ah ball a awm tihna, A inan chuan C kan sortout thei tal ang chu. :la ngaihtuah nuap nuap: 😀
41
badboy Says:
November 25th, 2011 at 1:25 pm
inva chai buai peih tak e aw… ka hreker mai sia sawidawn lau rengsss 😉
42
sai_pui Says:
November 25th, 2011 at 1:26 pm
35….mase a zawhna khian step 3 chiah ani a hman phal ni….
43
upsilon Says:
November 25th, 2011 at 1:29 pm
@lr, la sawi dawn lo re rengs…thla khat chhung ka ngaihtuah chhuah theih loh a nia..(hm ka nep hmel e)
Comment atang khi chuan hria chu an awm hmel…hairehai
44
lr hlonchhing Says:
November 25th, 2011 at 1:29 pm
40, a zang bik pawh nise. Ka chhanna che khi a zang zawk zawng tur pawhin, a zang zawk tíin, a rit tia ka dah khi dah mai rawh. A awlsam nan a rit bik ka zawng ta a ni.
Zawhna khian, a rit emaw a zang zawk emaw a ti kher a, i buai a ni.
45
Guillermo endara Says:
November 25th, 2011 at 1:30 pm
Lr tang fan2 rawh
46
lr hlonchhing Says:
November 25th, 2011 at 1:32 pm
43, i sawi mai te chuan, a tha lovang. Kawmen a tawp tìhna. Ka sawi dik tih hi, a tawpa i sawi tur a ni tlat a.
47
Ruata Pachuau Says:
November 25th, 2011 at 1:36 pm
@lr second step khi inbuk tawk ta chiah si se….chumi awmzia chu i thlan loh lamah (i.e 6 balls) khan ball chu a awm tihna a nia, mahse vawihnih bukna i hmang tawh. Vawi khat chauh i buk thei tawh ball 6 atanga thlang chhuak turin….. 😛
48
sai_pui Says:
November 25th, 2011 at 1:38 pm
“Buk thleng (patla/balance beam)
vawi 3 chiah hmangin chu ball danglam
bik chu eng tin nge I zawn chhuah theih
ang?”. Vawi 3 chiah a zawhna hian ati tlat…vawi 3 aia tam chuan a har lo khawp ang.
49
kawlhawk Says:
November 25th, 2011 at 1:39 pm
Hmmmm…
50
lr hlonchhing Says:
November 25th, 2011 at 1:42 pm
47, secönd stepah engtin nge a in buk tawk ang le aw. A inbuk tawk te chuan, a rit bik emaw a zang bik emaw a awm dawn lo asin. A zawhna khian, a rit bik emaw zang bik emaw a awm a tih khi. A inbuk tawk a nih te chuan, zawnchhuah tur a awm nang, ball zawng zawnga inang vek tihna a ni dawn a. A zawhna khian, a rit emaw a zang bik a awm a ti si a. A inbuk tawk thei lo hrim hrim.

51
Ruata Pachuau Says:
November 25th, 2011 at 1:48 pm
#50: Buk tawk thei e, step 1-ah A leh B ah i then hrang a, engemaw zawk zawk ila a(rit zawk emaw zang zawk emaw, heta buk hian awmzia a nei lo), B rit zawk ta se, B1 leh B2 ah i then chhawng leh a, chuchu 2nd stepah i buk leh a, dik em? chumite chu an inbuk tawk mai lo mai thei, buk tawk mai thei bawk, an inbuk tawk chuan BALL chu group A ah a awm tihna nih chu, mahse vawi hnih buk i hmang tawh….. tunah chuan chance vawikhat chauh i nei tawh :-O
52
sai_pui Says:
November 25th, 2011 at 1:50 pm
u ruat a dik chiah…vawi 3 aia tam a hman theih miau loh avangin kan lakna lamah khan lo awm ta lo se…kan lak lohna lam ami zawk kha kan va buk thei tawh lo…a zawhna in a phal tawh lo… 😀
53
lr hlonchhing Says:
November 25th, 2011 at 1:52 pm
@ruata, ka sawi tawh lo mai ang. Nakinah i la man mai ang, Ignatia ten chiang zawkin an hrilh thei ang che.
A rit zawk emaw, a zang zawk emaw a awm chhung chuan, eng step ah mah a inbuk tawk ngai lovang.
54
TuaiSialA Says:
November 25th, 2011 at 1:52 pm
Good Post (Y)
55
Ruata Pachuau Says:
November 25th, 2011 at 1:55 pm
Rit zawk emaw zang zawk emaw ti lo hian random weight tiin a fiah zawk em aw??????? @Ignatia (33-115 AD) hi tunah hian a online reng sia alo nui char char elo :-O ……….. @lr ka tih tur hre lovin ka hnial ve mai mai che nih khi, ka hre bik der lo a nia 😛
56
Mr. Cheiri Says:
November 25th, 2011 at 1:57 pm
42
sai_pui: Vawi3 ciah a hman theih sia, kan procedure kan cancel anga, kan buk loh lam kan dahthat/chhinchiah keuh a kha kan hmang mai dawn lawm… otherwise, a khirh ve khawp ang le. 🙂 Lr tang fan fan
57
sai_pui Says:
November 25th, 2011 at 2:01 pm
56…ni thei lutuk e…mahse a zawhna in a duh dan a in chhan si loh chuan Rs 100 i hlawh thei nang… 😉
58
Mr. Cheiri Says:
November 25th, 2011 at 2:09 pm
57… zawhna khirh tak a ni. Ti lo khi chuan solve ngaihna ka hre ve der lo mai 😉
Kan duai bik dawn m ni misual ho hi…? Nge a zawhna khian min bum zawk le…?
59
kawlhawk Says:
November 25th, 2011 at 2:09 pm
lr, a tira 6 ve vea i buk khan X ball awmna (a rit lamah nge a zang lamah) tih a hriat si loa tul lovah vawi 1 buk i hloh nghal pang. Chu ai chuan 6 ve vein buk lovin then phawk la, X ball awmna nia i rin lam kha buk 1naah 3 ve vein buk la a la awm ang thei zawk mah.
60
upsilon Says:
November 25th, 2011 at 2:12 pm
59.. nia (Y) 😀
61
lr hlonchhing Says:
November 25th, 2011 at 2:13 pm
Pu kawlhawk, vawi thum chiah ka buk a. A dikna zuk chhuak a. A dikna post tuper in ala thup mai mai. A dikna a la sawi ring i la, ka sawi thlawn lem lovang 🙂
62
kiddo Says:
November 25th, 2011 at 2:13 pm
Eng nge a chhanna ni ta? 😛
63
kawlhawk Says:
November 25th, 2011 at 2:14 pm
lr-a hi a chhut chiang nge thil dangah a buai aw? A tanna hi a dik thei lo hulhual tih a rawn chhut chhuak em ang chu maw? :p
64
kawlhawk Says:
November 25th, 2011 at 2:15 pm
lr, i chhut dan ka man lo zawk a nia nge. :0
65
upsilon Says:
November 25th, 2011 at 2:17 pm
@lr,… Rs 100 dawng lo pawlah kan la awm tlang… :-$

Ignatia chuan a hriat ka ring reng a.. a inlan har zek. 🙂
66
lr hlonchhing Says:
November 25th, 2011 at 2:22 pm
#65, ka awih duh ang em aw. A dikna dang i la sawi turah ngai ang. A danglam ka ring pha chuang hauh lo, fiamthu zawnga a dikna i sawi daihte a nih ngawt loh chuan.
A dikna chiah ka nghak e.
67
ceetee Says:
November 25th, 2011 at 2:24 pm
Vawi 1 bukna: Buk thleng Pakhatah Ball 6 ve ve in kan sem anga. kan buk anga,
Vawi 2na: a rit lam ball 6 chu 3 ve ve in ka buk leh anga.
Vawi 3na: A rit lam ball 3 zing atangin 2 kan buk anga, a rih zawng a in an chuan buk loh 1 kha ball danglam bik a ni anga. a buk a in an loh chuan a rit zawk kha danglam bik a ni ang.A DIK EM???? 😀 😀
68
Pakak Says:
November 25th, 2011 at 2:25 pm
😉

Rs 100 ka la save :p
69
upsilon Says:
November 25th, 2011 at 2:26 pm
@lr,, i sawi ang mai khian a awlsam lo deuh…a question khian ball danglam bik kha a rit bik a ti kher lo a..chutih rualin a zang zawk pawh a ti bik kher lo.. ball danglam bik a ni a ti tawp a..
A chhanna pawh a sei deuh ang..lo la ngaihtuah fan fan rawh.
Ignatia pawh a lo lang mai ang.. hairehai (Y)
70
lrpa Says:
November 25th, 2011 at 2:28 pm
32 na khi hint ka pek che u khi!! 🙂
71
Pakak Says:
November 25th, 2011 at 2:29 pm
@lr i la chhut thelh deuh a ni :p
72
upsilon Says:
November 25th, 2011 at 2:30 pm
@67,,

69-naah khian i chhanna chu a la dik lo deuh tih i hre thei ang..

Ball danglam bik kha a rit bik tih a question-in a sawi lo.
🙂
73
lr hlonchhing Says:
November 25th, 2011 at 2:31 pm
69, a awlsam zawngin, ball danglam bik kha, a rit angin ka zawng mai a ni. A rit ka ti lem lo, a rit emaw a zang emaw i tih lai tak khi, ka law awlsam mai a ni.
Epsilon oh tihpalh upsilon, hetiang problem hi ka la post ve ang a, i la chai ve dawn nia. :-p
74
zualbonez Says:
November 25th, 2011 at 2:34 pm
Hehe chawthing kan, sangha ro 1 rawh hmin, purun pum chave, benakg ro leh hmarhcapui 2, artui 1 kan, druk onion and garlic pickle… a man cheng 10, a taste=priceless..

ka lunch ei ka lo sawi ve lawk anih chu..AWKE back to topic
75
upsilon Says:
November 25th, 2011 at 2:35 pm
@lr, tehreng mai..

😀

he problem pawh hi la bei deuh la..
thlakhat chhunga ka ngaihtuah chhuah theih loh…

hm..logical reasoning question chhan ka tum tawhah chuan hun ka hman rei ber leh ka chhan theih chuang loh a nih hi.. (@)
76
sai_pui Says:
November 25th, 2011 at 2:36 pm
he post chu han sawi ho vel an nawm zek hi le…lr rawn ti ve rawh ilo risk leh luai2 teh ang u…@ceetee comment hmasa ho khi chhiar rawh, a dik famkim lo.
77
lr hlonchhing Says:
November 25th, 2011 at 2:40 pm
Ball pawh a awm lo, a rih dan leh a zan dan pawh a in ang. Adidas, Nike ball lem ka buk ten tun. A dikna ka ngaichang mai ang e. Han tih dan vak ka hre lem tawh love. Ka pâwt kual mai mai tawh dawn. 😛
78
Ruata Pachuau Says:
November 25th, 2011 at 2:41 pm
#75 fair love, dikna nei sa in emaw i zawk ka tia….. 😉

@lrpa: relation 2 tal nei lovin engtin nge random weight i compare ang?
79
upsilon Says:
November 25th, 2011 at 2:44 pm
@78 Ruata, tunah chuann neisa ren rawn e!! Se, ka la hmanhmawh lo…tin, comment atang hria chu an awm chiang. (C)
80
lr hlonchhing Says:
November 25th, 2011 at 2:46 pm
Ball i sawi khi Basket ball nge Table Tennis 😛
81
lrpa Says:
November 25th, 2011 at 2:47 pm
78, hint, ball 4 theuh in group 3 (A, B, C) ah siam la, A leh B buk rawh. A in tluk hlauh chuan (probability a sang viau), C ah odd ball a awm tihna ani. ball 4 a odd one chu vawihnih bukna hmangin i hre thei ang..
A and B kha a in buk tawk loh chuan, C kha chu i paih thei..chhut rawh lem hehe
82
upsilon Says:
November 25th, 2011 at 2:47 pm
@lr,, i patla neih len a thu a niang chu… 😀
83
lr hlonchhing Says:
November 25th, 2011 at 2:55 pm
81, a dik hmel khawp mai. He zawhna bikah hi chuan, a chhanna pakhat aia tam awm theih hmel e. A post tu chhanna pawh hetiang vel tho a ni ang. Trigonometric relation prove tur a awm a, a chhanna pakhat aia tam a awm ang deuhvin. An tum chu a inang tho tho si a. I problem solve dan chuan, probability a sang khawp mai.
84
PKfanai Says:
November 25th, 2011 at 2:55 pm
81.lrp, a theih lohna chance a tam lutuk. Ka theory khi a dik thei a, mahse diklo thei lo erawhchu a ni bik chuang lo.
85
lushai_er Says:
November 25th, 2011 at 2:56 pm
Ar talh dan chi khat chauh a awm hlei nem, bukna tel lo pawn awlsam lutukin kan zawng chhuak thei.

Ball lenna bucketah tui dah la…..ball chu a mal te te in chiah la, ball-in tui a nek chhuah (Bucket-a tui chim chin)zat atangin ball zang leh zang lo chu i hre thei ang.
Archimedes Principle kha ka rawn apply ve anih chu.
86
Ruata Pachuau Says:
November 25th, 2011 at 2:57 pm
lrpa@81: Okhay, #31 ka comment khi #32 khian i rawn hnial emaw ka tih vang zawk a nia. 😛 ……………. mahse ka thiam zawm chuang lo ……….hihi…..last step ah ball pakhat chauh thlan chhuah tur nge either hman theih?
87
lrpa Says:
November 25th, 2011 at 2:58 pm
84. Pu PK, 6 ve ve atang chuan a theih loh 😀 , elimination angai a lawm.. (K)
88
bbney Says:
November 25th, 2011 at 3:00 pm
Ka rin aiin in ngaihtuah rei phian
89
Alejendro Says:
November 25th, 2011 at 3:03 pm
Hemi lo pawh hi PROBLEMS ka ngah e mai. Ka buaipui ve hmanlo.
90
lr hlonchhing Says:
November 25th, 2011 at 3:04 pm
Lushai, tih dan chuan a dik lo tlat mai. A question hian buk a phut tlat mai.
Engpawh nise, Archimedes principle i rawn apply daih mai hi, suangtuahna tha tak a ni. Ka lo suangtuah pha hauh lova. Mi ril tak tak an tam e, misualah hian.
91
dolly dollz Says:
November 25th, 2011 at 3:11 pm
He post chu a va tha ve. Kawlhawk hian thil buk thang tih takah hetiang lam hi chu a hnehsawh viau ka lo ring ringawt a. Mahse alo nilo tawp nih hi…ani pawn a chhang thei lo tlat, anni thil buk dan hi chu a ‘fet’ deuh aniang! 😉
92
zualbonez Says:
November 25th, 2011 at 3:12 pm
har lo emai…ka google miah lo ania.. (I ball sawi khi a rit zawk nge a zang zawk tih sawi angai)

Chuan ka version ah hian ball chu a zang zawk

ball 12 chu pahniha divide la chuan 6 on each side in teh rawh…first step

a side zang zawk lama ball 6 chu consider leh la chuan 6 balls chu 3 to a side in divide leh la chuan patla nen chuan teh leh rawh @ 3 on each side…second step

A zang zawk side lama ball 3 chu consider la chuan 2 random in teh rawh…pakhat zang zawk a awm chuan that is the ball, pahnih i teh te a in equial chuan i 3rd ball teh loh kha kan ball duh chu animai….third step

a rit zawng dawn chuan side rit zawk lama balls hlir consider tur…
93
lr hlonchhing Says:
November 25th, 2011 at 3:16 pm
92, ka chhan dan nen a inang a. Post tuper hian, a la zep tlat si a. A answer ka hmuh hun chuan awww, ha3 😛
94
Pakak Says:
November 25th, 2011 at 3:17 pm
@91 (Y) 😛
95
zualbonez Says:
November 25th, 2011 at 3:19 pm
Eureka ka hre ta e…hihihi…numbering phawt angai a chuan ..heheheh sawi leh lo mai ang…keichu ka hre bik a 😛 (Y)
96
kawlhawk Says:
November 25th, 2011 at 3:22 pm
Ball ni lovin, a Awke ang zawng chu nise ka chhut chhuak daih tawh ang :p

#91 dolly mai2 chuh! (K)
97
Alejendro Says:
November 25th, 2011 at 3:24 pm
Balls pawh chu in va lawm ve.

Hemi nen hian a in ang em in Balls sawi chu??

http://d3uwin5q170wpc.cloudfront.net/photo/108003_700b.jpg
98
zualbonez Says:
November 25th, 2011 at 3:29 pm
AWKE Ka sawi chhuak mai ange ..ninawm e mai

ball numbering pe rawh i.e. 1, 2, 3, 4, 5, 6 , 7 , 8 ,9, 10, 11, 12

plate pakhatah say 1, 2, 3, 4 dah la chuan plate dangah 5, 6, 7, 8

An in balance chuan 9, 10, 11, 12 ah kan ball duh a tel tihna . ….first step

ball 6, 7, 8 leh ball 9, 10, 11 buk leh rawh..An in balance chuan ball no 12 hi kan ball duh chu tihna…ball 12 hi ball dang nen balance leh rawh, a rit nge a zang zawk hriat nan

Side 9, 10, 11 side 6, 7,8 qia a rih zawk chuan 9,10,11 ah hian kan ball duh chu a awm tih na ..ball 9 leh ball 10 teh leh rawh. an in balance chuan ball 11 hi kan ball duh tihna, anih loh chuan ball 9 leh 10 a rit zawk zawk hi kan ball duh chu tih na…

hetia kal tur hi ….style dang hre te pawh a awm…clue ka pe tawh che u, solve ve tawh ru..hnathawh angai 😛
99
sheldon Says:
November 25th, 2011 at 3:32 pm
Kei zawng ka thluak a chawl tawh. Ka ngaihtuahna in a pha lo 🙂

Good post ti thruai ang
100
Prof. Snake Says:
November 25th, 2011 at 3:35 pm
Helai chu ava hot angreng ve a, comment ka chhiar a, lr_hlawnchhing hian a chhang diklo hmasa ber a, ala confi em em zui 😛
101
Alejendro Says:
November 25th, 2011 at 3:36 pm
@funny, an Balls sawi khi hetiang hi a nia.. lo chhut ve chhin teh.. 😀

http://d3uwin5q170wpc.cloudfront.net/photo/108003_700b.jpg
102
kawlhawk Says:
November 25th, 2011 at 3:37 pm
A B C in hmun 3 ah then tur. Rit bik a awm chuan X ball chu a rit bik tih a chiang ta… Chutiang bawkin a zang bik a awm chuan X ball chu a zang bik tih a chiang ta… Hemi hre tur hian vawi 2 buk kual a ngai.

Vawi 1 buk i la nei. X ball awmna chu ball 2 ve vein i buk leh ang. A rit or zang bik tih i hriat tawh avangin X ball awmna lam chu i hre ta.. Chuan 1 ve vein i buk leh ang (vawi 4 buk chuan har lo mawle :p)
103
ceetee Says:
November 25th, 2011 at 3:39 pm
72, a zang pawh ani thei a rit zawk pawh ni thei.. a tia,, a rit zawk lam hi a lo in an vek chuan…. Rs. 100/- kan dawng dawn lo a ni anga. A zang lam zawk kan buk leh zaih mai dawn a lawm… Rs. 100 hlawh thei em???? lolzzzzzz 😉
104
Prof. Snake Says:
November 25th, 2011 at 3:42 pm
suala#101: hahaha. ka ngaihtuah hman rihlo, ka rilru ah chuan group 3 ah pali theuhin then hmasak a rawn lang nghal.
105
lr hlonchhing Says:
November 25th, 2011 at 3:44 pm
Funny, ka la kawnfi reng. A ho em mai. Ka hun ka seng vak lehnghal. Intihfai ka ngai, nula rim naah ball rit a awm a, a zang a awm bawk a; tih vel sawi a ngai lo.
Apply na avang em mai. Rs 100 te lek lek a ho, um khat man pawh daih lo han ti mai ila, kan pháwk hru ang le 😛
106
badboy Says:
November 25th, 2011 at 3:47 pm
#99@sheldon: chutia i thluak a chawlh tawh si chuan… 🙁 (I) tun ah hian ithlarau in ami rawn comment zuah2 hi 😀
107
Asteric™ Says:
November 25th, 2011 at 3:49 pm
Solve: Separate 3+3+3+3
Case 1
[a] Buk 1na: 3 vs 3 in buk la a in rih hleih chuan chutah chuan a awm tihna. (A in rihhleih loh chuan a awm lo)
[b] Buk 2na: 3 vs 3 a khawi zawk hi nge tih hre turin 6 (3=3)zinga 3 nen buk la i hre nghal ang.
[c] Buk 3na: 3 chu 1 vs 1 in buk leh la i hre thei tawh ang.

😉
108
Prof. Snake Says:
November 25th, 2011 at 3:56 pm
hahaha lr#105 I chhanna khi chu a diklo chiang bal. 😛

comment ka en thla zela zualbonez a chhanna khi a buai deuh nuai na in dik ah ka pawm. The non profit prize goes to zualbonez. hahaha
109
upsilon Says:
November 25th, 2011 at 3:57 pm
@ Arsenic, good try… (Y) mahse, Buk 3-naah khian engtin nge i conclude theih ang.. 1 vs 1 a i compare te chu lo intluk lo se khawi zawk nge i lak ang…. a rit zawk or a zang zawk?

la theih loh phawt..
110
Prof. Snake Says:
November 25th, 2011 at 4:03 pm
Asteric#107 a rit zawk nge a zang zawk tih hre turin a awmlohna group nen buk leh phawt angai alawm. I approach ang pawh hian a tih theih dawn hi. 😛
111
lr hlonchhing Says:
November 25th, 2011 at 4:05 pm
Funny, a chhanna pakhat aia tam a awm tih ka chiang he problemah hi chuan. Zualbonez pawh khan, ka solve ang hian a solve ve bawk kha. Chuan, lrpa leh zualbonez bawk hian, tray 3 a pali zela dah a, han buk kual… an ti bawk a.
He answer hi chu, trigonometric identities prove ang deuh a ni ang. A dikna pakhat chauh a awm thei lo. A answer kan ngaichang mek a ni, relate kuala dik thei vek an ni ang.
112
zualbonez Says:
November 25th, 2011 at 4:13 pm
A solution a simpel lutuk…numbering atang tan u la, chuan serial weighing ani mai ..type 1 leh type 2 error limit in…hihiihii..common sense hmang ru…a hmasa zawka ka solution khi chu either heavy or lighter sawi phawt angai…ka saolution hnuhnung zawk khi refer ru…hehe
113
saint sammoo Says:
November 25th, 2011 at 4:14 pm
hmmm..! Har lo e.. Naupang kum 6 mi pawn an chhang thei

kher lovang..haha..
114
vanlalrailova Says:
November 25th, 2011 at 4:19 pm
Nu ber awm loh laiin, ka rawn lut zuai. Ka chhiar mai bakah, comment ka chhiar vek a, a ho ka ti.
A zawhna pawh dawt vek, a chhanna pawh dawt vek 😛
115
Asteric™ Says:
November 25th, 2011 at 4:19 pm
@Zualte, either heavy or lighter chuan ka solve #107 pawh khi a valid nghal alawm. 😉
116
buh-duha Says:
November 25th, 2011 at 4:25 pm
In buk peih mai mai e a…Inclined planeah a rualin lum ula, a chak fal emaw, a muang fal ber kha ni mai alawm.. 😛
117
dama2019 Says:
November 25th, 2011 at 4:28 pm
@98

Zualbonez

1234 leh 5678 hi in balance lo ta se….
Engtinnge i tih ang??
118
Asteric™ Says:
November 25th, 2011 at 4:28 pm
nie, buh-duha chuan moment of inertia hmangin vawikhat ah ti keuh mai ang 😀

1 vs 1 khi lo intluk keuh se ka dik a nimai. 😀 Nakin ah thingpui in zawh ah rawn chhan leh ka tum ang….ka peih chuan 🙂
119
zualbonez Says:
November 25th, 2011 at 4:32 pm
@ dama….i kitli thlak rawh :fiamthu: ka sawi tawh khi…before 100 comments ah ..a combi leh permu a tam lutuk..matirx system angai…one prossibility mai mai anih khi ka sawi mahse khitianga approach tur khi
120
zualbonez Says:
November 25th, 2011 at 4:33 pm
116..buh duha..hahaha (Y) (Y) (Y) (Y) (L)

kitli hmang kher a vai thirchhe zawng e mai,..lol
121
lr hlonchhing Says:
November 25th, 2011 at 4:38 pm
@buh-duha, (Y) (Y)
Ka va nui nasa em!!
122
dama2019 Says:
November 25th, 2011 at 4:39 pm
@116

Acceleration does not depend on mass of object.
—
Newton law of gravity

g=GM/R^2 😛
123
Asteric™ Says:
November 25th, 2011 at 4:42 pm
#122 chu Acceleration does not depend on mass of object a rawn tia g=GM/R^2 a rawn ti leh tho bawk sia 😀 NOI
124
buh-duha Says:
November 25th, 2011 at 4:42 pm
Dama2019@122…Asteric@118 sawifiahed.. 😛
125
Asteric™ Says:
November 25th, 2011 at 4:45 pm
@buh-duha: eng chumaw??
126
buh-duha Says:
November 25th, 2011 at 4:49 pm
#125 Nangman Min sawifiahsak vek tawh thu ka rawn sawina
sawifiah(explain)+ed(sak vek tawh)..lol( 😀 )
127
Asteric™ Says:
November 25th, 2011 at 4:53 pm
#126, I see the moon….sawifiahteh i ti maw ka tia 😉

OT lohnan…problem khi set theorem chuan a theih hrim hrim anga mahse Mizo á¹awnga explain chuan a buai deuh mai thei ni, Zualte tih tawh ang deuh khan. 🙂
128
lr hlonchhing Says:
November 25th, 2011 at 4:56 pm
122, MASS ah acceleration a innghat si lova, g=GM/R^2 ti leh si. “M” khi eng tìhna nge ni ta ngai.? Misual.com tìhna?
129
Prof. Snake Says:
November 25th, 2011 at 4:56 pm
hahaha. dama2019 khi explain han tum leh teh u, an in buktawkloh pawhin solve dan ala awm tho ania, Asteric-a approach aiin a tricky zawk.
130
lr hlonchhing Says:
November 25th, 2011 at 4:57 pm
122, acceleration a Mass ah innghat si lova, g=GM/R^2 ti leh si. “M” khi eng tìhna nge ni ta ngai.? Misual.com tìhna?
Edit
131
buh-duha Says:
November 25th, 2011 at 4:59 pm
Number theory hman a ngai tlat mai!(A ni tak tak ang em aw?!)
132
lr hlonchhing Says:
November 25th, 2011 at 5:00 pm
Funny, integration la leh lawk teh a. I integrate chhuak thei mai thei a nia. 😛
A answer ka hre chak tawh e, sawi tawh rawh u.
133
Prof. Snake Says:
November 25th, 2011 at 5:02 pm
1234 leh 5678 an in buk tawkloh khian a interesting lehzual na chu, 1 out of 8 hi vawi 2 chiah a buk atanga thlan chhuah nalh thiam angai a. 😛

Hint kalo pe lawk ang che u, permutation hmanga exchange kual vel angai. 😉
134
Asteric™ Says:
November 25th, 2011 at 5:22 pm
OT…mi in thil an tihsual pawhin deu kher loh tur, Mizo hian kan ching leh tlat á¹hin comment #123 khi deu na a nilo nia, equation a rawn represent ah ka sawi chhawng mai2 nih khi.
135
Ignatia (33-115 AD) Says:
November 25th, 2011 at 5:23 pm
Misual postah chuan heng hian hun a la heh thin khawp mai. Tih tur ngah tan phei chuan misual hi hna insiam belhna a ni ringawt zel dawn a lawm…. 😛 Post tullo tak a ni… 😀

Ka lo en thuak thuak a ‘Acceleration does not depend on mass of object i.e., g=GM/R^2 tih hi hre thelh deuh kan awmin ka hriaa lo sawifiah ka’n tum chhin: Helaia ‘g’ hi acceleration, lei hipna avanga awm kha a ni. He value hi amah rihna(object mass/density of moving/ free falling body) ah a in nghat lo MAHSE khilaia M(capital) khi chu a hiptu(for this mass of Earth) rihna zawk a ni. Tin, Buhduha thil sawi tumnaa acceleration a tih ni awm anga counterna – g hi a in ang lo a ni.
136
malsta27 Says:
November 25th, 2011 at 5:27 pm
A question khian ball Pakhat rih/zanna a pe tel tur a nih hmel,a nihloh chuan voi thum ah a theih a rinawm loh lo ti ve ngot teh ang…………..riskkkkkkkkkk 😀 .

assumption= 1 ball = 1kg
therefore 12 balls=12 kg

kg 12 lung ai a a ball zong2 hi a rih chuan ball pakhat chu a dang ai in a rit tihna…….a aia a zan chuan ball pakhat chu ball dang zong ai in a zang tihna………chuta tang chuan a theih vek toh ang a solve na ho zong2 khi……..
137
lr hlonchhing Says:
November 25th, 2011 at 5:31 pm
Engpawhnise, a answer sawi tawh teh post tuper. A ninawm. A enga pawh chu lo dik pawh nise, a pawi vak em ni? I chungah pawh post 2 a awm tawh khi.
138
Asteric™ Says:
November 25th, 2011 at 5:34 pm
delete leh

A chhanna dik ka nei tawha mahse a source ka ni siloa ka lo post lo maiang 😀 induh chuan link ka show thei, post tu in a phal chuan…hehe
139
CFL Says:
November 25th, 2011 at 6:18 pm
A har. 😀
140
upsilon Says:
November 25th, 2011 at 7:04 pm
chhan tuma thluak sawizawi kan awm liam liam a..a lawmawm e. A bik takin lr hlonching.. hairehai. 😛

lrpa hian a comment a tangin a hriat hmel a, a sawi si lo a, ka’n sawi tawh ang nge..chutiang bawkin funny pawn. (Y)

He problem hi a lar viau a ni ta ve ang.. GOOGLE-ah khan “12 Balls Problem” ti-a zawnin a solution chu a hmuh theih mai a. A hnuaiah pawh hian a link thenkhat chu ka dah e.

http://www.primepuzzle.com/leeslatest/12_ball_solution.html

http://www.newton.dep.anl.gov/newton/askasci/1995/math/MATH007.HTM

Mizotawngin a chhanna ka ziak bawk a, (logic chu a in ang reng link a mi nen khian)mahse, a complicated deuh avang leh tawngkam ka tlakchham avangin hriatthiam a harsa deuh maithei; la sawifiah chhunzawm zel theih ang, felhlel lai a awm pawhin correct thei chuan correct bawk se… 😛
141
upsilon Says:
November 25th, 2011 at 7:07 pm
CHHANNA:
I buk hmain tiang hian group 3-ah then phawt rawh.
A1 A2 A3 A4 B1 B2 B3 B4 C1 C2 C3 C4

BUK 1-NA: Group A leh Group B buk rawh.
Result 3 a awm thei a.
Case 1: An intluk chiahin
Case 2: Group A arih zawkin
Case 3: Group B a rih zawkin

Case1: An intluk chiah chuan X(ball danglam bik) awmna chu Group C-ah tih kan hre mai ang.
BUK 2-NA: A1 A2 leh C1 C2 buk leh rawh.(Note: A leh B hi X a ni thei tawh lo tih kan hresa tawh)

Case 1.1: A1 A2 leh C1 C2 an intluk chiahin: X chu C3 or C4 tihna ni mai.
BUK 3-NA: A1 leh C3 buk rawh.. an inan chuan X chu C4 a ni ta, in an loh chuan X chu C3 a ni mai.

Case 1.2: A1 A2 leh C1 C2 an intluk lohvin: X chu C1 or C2 a ni tihna.
BUK 3-NA: A1 leh C1 buk rawh. An in an chuan X=C2 or an in an loh chuan X=C1.

Case 2: Group A a rih zawkin….(hei takin a harsa deuh)
Buk 2na siam hmain ti hian I han rem danglam phawt ang: (Note: C hi X a ni thei lo tih kan hria ang chu)

(A1 B2 C1) (A3 B1 B2)

A4 B3 B4

Buk 1-na-ah khan Group A lam khi an rih zawk chuan
X kha Group A mi a nih chuan X chu a rit bik ang..or Group B mi a nih chuan X chu a zang bik ang.

BUK 2-NA: a chunga bracket 2 te khi buk rawh le.
Result atang chuan Case 3 a awm thei..
Case 2.1: A3 B1 B2 khi a lo rih zawk chuan A3 rih bik vang OR B2 zan bik vang kan ti thei ang..
BUK 3-NA: C1 vs A3 buk rawh..an intluk chuan X=B2 or an intluk loh chuan X=A3 a ni mai.

Case 2.2: Bracket a mite 2 an in buk tawk chiahin: X awmna chu A4 B3 B4 zinga mi khi a ni ang.
BUK 3-NA: B3 leh B4 buk rawh. An intluk chuan X= A4. An intluk loh chuan a zang zawk chu X a ni mai, a chhan chu BUK 1-NA ah khian Group A lam a rik zawk a..tih case a nih hi. X(B3 or B4) a zan bik avangin Group B pum pui kha a lo zang ta zawk a ni.

Case 2.3: A1 B2 C1 a rih zawkin…..a rih zawk theihna chhan A1 a rih bik vang emaw, B1 or B2 a zan bik vang amaw a ni thei…. chuan A1 B1 B2 atang chuan X chu kan zawng chhuak thei dawn ta a ni.
BUK 3-NA: B1 leh B2 buk rawh…a zang zawk zawk X a ni mai. An intluk chuan X=A1.

Case 3: BUK 1-NA-ah khian Group B lo rit ta zawk se..Awlsam takin Case 2 Procedure pangngaiin X chu kan zawng hmu thei mai ang.. Case 2 atang khian A aiah B, B aiah A hmangin chhiar la I hrethiam mai ang.

KA LAWM E! (Y) 😛
142
Prof. Snake Says:
November 25th, 2011 at 7:21 pm
aha zualbonez khian a google aniang a. Chuti anih chuan Asteric-aa approach khi amah a dikloh danah a creative zawk anih khi. 😛

zualbonez a approach ah khian step 2&3 khian 1 out of 8 a single out theia, Asteric approach khian 1 out of 6 single out angai a step 2&3 ah. A awlsam zawk niin a lang a, Asteris khian permutation tih nachang a hrelo a. A dik theih leh theihloh permutation han ti kual teh u. 😉
143
lr hlonchhing Says:
November 25th, 2011 at 7:25 pm
Post tuper, hei chauh hi a chhanna dik a ni thei ah ka ngai lo. Chhanna tam tak a awm thei ngei ang. Ka chhan dan te 😛
144
upsilon Says:
November 25th, 2011 at 7:27 pm
Arsenic approach kha dik theihna chance chu a tam viau 99% vel niang chu..
A last step-ah chiah khan a buai deuhin ka hria… 1 vs 1 BUK 3na a hman khan lo intluk lo ta se, a zang zawk nge a rik zawk kha X chu ni ta ang tih chiah kha a buaina ka hriat chhun chu… (Y) anyway good approach! 😛
145
Prof. Snake Says:
November 25th, 2011 at 7:31 pm
next weekend ah google vel atanga zawn hmuh theihloh tur problem ngaihtuah kalo tum ang, nuam in tih zawng anih dawn chuan. 🙂
146
upsilon Says:
November 25th, 2011 at 7:33 pm
@lr, nia approach chu chi hrang a awm thei ang..link ka dahah pawh khian 2 approaches chu a awm ngei a lawm.

Mahse, i approach kha chu funny(comment#100) sawi ang khian a felhlel deuh… 😛 (U)
147
Jacka Pi Says:
November 25th, 2011 at 7:41 pm
Ball 6 ve vein bukna lehlam lehlamah i dah ang, a rit zawk emaw a zang zawk 6 chu 3 ve vein i buk leh ang. Chuta rit zawk emaw zang zawk emaw 3 atang chuan 1 ve ve i buk leh ang. Kan ball duh chu a hriat tawh mai. Ball dang aiin a zang zawk nge a rit zawk tih chu i buk hmasak vawi 2 ah khan a hriat daih tawh.
E.g ball te chu 6 ve ve in Group A leh Group B ah i then a, i buk tawn ta a. Kan ball duh chu ball dang aia rit zawkah lo ngai ta ila, group B ah lo awm ta se,group B chu a rit zawk ta.
Chuan Group B a ball 6 te chu 3 ve vein group C leh D lo ni leh ta se, i buk tawn leh a, kan ball chu group D ah lo awm ta se,Group D a rit zawk. Tichuan group D a ball 3 zinga 2 chu 1 ve vein I buk leh a, rit zawk a awm chuan chu chu kan ball duh chu a ni mai a, an rih zawng a inan chiah chuan i buk ve tak loh ball 1 la chuang kha kan ball zawn chu a ni mai. Kan ball zawn hi ball dang aia zang zawk a nih chuan a zang zawk lampang zel kha a ni leh mai.
Post tupa tu tih mah ka entawn lo ania. Zawhna ka chhiar rualin ka rilruah lo lang nghal tawp. A plus B whole thing square equals pawh hre tawhlo hian!
148
Prof. Snake Says:
November 25th, 2011 at 7:46 pm
Diklo. Heheh 😛

Group A leh B a rit zawk leh zang zawk a awm avang khian khawi zawkah nge a awm tih a chiang miahlo. 😛
149
Jacka Pi Says:
November 25th, 2011 at 7:53 pm
Post tupa, ka net muan luatah a solution i dah khi ka hmu ve chiah, mahse ulukly a ka ngaihtuah nawn leh vang vang pawn ka answer khian dikloh theihna lai a neiin ka hre lau! (H)
150
upsilon Says:
November 25th, 2011 at 8:03 pm
Ka (Jacka) Pi, i approach chu Comment 148 sawi ang khian a dik lo deuh..

Buk 1na i hman zawh hnu “a rit zawk emaw a zang zawk 6 chu 3 ve vein i buk leh ang” tihah khian a zang zawk 6 nge a rit zawk 6 chu i buk leh ang? A rit zawk 6 chu buk leh ta rigawt la (BUK 2 hmanna) ball danglam bik kha lo zang ta bik se, BUK 1 la bang chuan engtin nge i tih leh ang?
Hairehai 😛
151
ReMpY_ScisSoR Says:
November 25th, 2011 at 8:22 pm
Soi in awm toh em o. 6-6 in kan buk ang. A rit lam zok kha 3-3 in kn buk leh ang. A rit lam zok kha i duh duh 1-1 in i buk ang. A inan chuan i buk ve loh kha a rit ber. A inan loh chuan a rit zok kha a ni leh mai. Voi thum chiah kan buk. Ka chhiar ruala ka rilru a lo lang nghal a nia, a diklohna om poh ka hrelo.
152
ReMpY_ScisSoR Says:
November 25th, 2011 at 8:27 pm
Very simple!
153
ReMpY_ScisSoR Says:
November 25th, 2011 at 8:28 pm
Lolz…a dil leh si lo ! haha
154
lrpa Says:
November 25th, 2011 at 8:28 pm
151 tlai khawhnu a rawn dik lo nasa ber
155
Chhuaklinga Says:
November 25th, 2011 at 8:32 pm
@ReMpY_ScisSoR, i chhanna leh post chiah ka chhiar, i ti dik, fate nuah i itawm e.

tren tren.
156
ReMpY_ScisSoR Says:
November 25th, 2011 at 8:33 pm
A chhanna k va hre chak e, thiante bula in show off nan riddle leh puzzle hi chu a chhangtu aiinzawttu nih a nuam zok tlangpui
157
Chhuaklinga Says:
November 25th, 2011 at 8:37 pm
Aw haw le, a rit zawk emaw tih chauhah khian ka lo concent. lutuk aaa.. Hihihi

tren tren.
158
Asteric Says:
November 25th, 2011 at 8:55 pm
Rempui #107 ka chhanna khi a dik tep a nia. Ball 3 vawikhat buka a danglam bik hriat tum a ni mai….ka ngaihtuah mek.

Keima Idea nilo chhanna chu hei, i hrethiam angemaw chu
#8
https://www.cs.rpi.edu/~magdon/.....1_sol.html
159
ReMpY_ScisSoR Says:
November 25th, 2011 at 9:04 pm
Aste, comments te ka chhiar am, a chhanna chu ka hre ta, mse complex hlom triah2.
Simpler way : assuming all the balls are of equal sizes,
metre 1 vela sang tank ah tui kan dah ang. Aquatic camera thra tak kan fit ang. A rualin 12 balls te hi kn drop ang a, a pil chak ber emo pil muang ber kan select chat ang. Chu ball leh ball dang kn duh2 kha fing hmel deuhin voi 3 kan buk non tlauh2 ang..lolz
160
Asteric Says:
November 25th, 2011 at 9:09 pm
#159…Awke, i thu ang zelin ni rawh se, a zatve chu

mahse ila ti hautak deuh #116 ah buh-duha’n Moment of Inertia hmangin vawi 1 ah solve vek
161
ReMpY_ScisSoR Says:
November 25th, 2011 at 9:19 pm
Class 9 kan nih laia kan chemistry teacher sual deuh kha a la dam agem le. Atom a subparticles te an revolve dan soifiah nan rigot khan mipa 2 kn classroom a ban (pillar) lian deuh a tlan hual tir zak2 a, an tlan muan deuh chuan faster tih pahin an hnungah a beng a 1 zok phei kha cu a star kn class ah tho khan a om ve sia
162
K^_~lhawk Says:
November 25th, 2011 at 9:29 pm
#154,
163
aduhi Says:
November 25th, 2011 at 10:01 pm
ka tel ve hman hma in in lo solve vek tawh aaa
164
ReMpY_ScisSoR Says:
November 25th, 2011 at 10:06 pm
Blog ka chhiar lai mekin an ron update vel
165
aduhi Says:
November 25th, 2011 at 10:17 pm
lol i va vannei em em
166
Saitawk Says:
November 25th, 2011 at 10:41 pm
Tinge vawithum chauh buk phal a nih?? tih hi ka chhui mek!
167
Kawnga Says:
November 25th, 2011 at 10:55 pm
Min va tihah ve le…. A chhanna a lo har em a nih khi… @lra a tang na ber, dik lo mahse Rs 100 pe ru..
168
dama2019 Says:
November 26th, 2011 at 1:45 am
Tlai khaw hnuah ka solution ka rawn post ve e
1,2,3,4 vs 5,6,7,8
1,6,9,10 vs 2,5,11,12
3,8,9,11,vs4,7,10,12

Hetihian a dikin ka hria.

Symbol pahnih > leh a zang chuan ,>,=, 1 a rit | >,,=,> 3 a rit
>,=,< 4 a rit | <,<,= 5 a rit | ,= 6 a rit
<,=,< 7 a rit | 8 a rit | =,>,> 9 a rit
=,>,< 10 a rit | =, 11 a rit| =,<,’=< ni se.
I compliment chuan ball zang zawk pawh i hmu thei chiah ang
entirnan
<,<,= 1 a zang ,= 2 a zang
etc
169
zualbonez Says:
November 26th, 2011 at 2:57 am
mut tui nan ngaithla ang,,

dragon force- through the fure and flames
https://www.youtube.com/watch?v=0jgrCKhxE1s
170
Ruata Pachuau Says:
November 26th, 2011 at 10:26 am
Google hman theih chu a fair lo…………
171
funny Says:
November 26th, 2011 at 11:59 am
Tlai khaw hnu ah ka’n sawi ve leh lawk, bawl in har emai. hehe

Chhanna dik a awm nual in ring ngawt a chutiang ngawt anilo, nuimin khan ka ngaihtuah lemlo a, mahse ka rilru a rawn lang algorithm, group thum a then kha a dik ber. first step ah group 3 a then loh chuan a ngaihna a awmlo.

group 3 a then khian 1st step ah a inbuk tawk chuan 8 a eliminate nghal 2nd&3rd step ah 1 out of 4 single out chu a har tawhlo a, a inbuk tawkloh chuan 4 chiah a eliminate a, mahse 1 out of 8 single out turin khami kan bukna khai ngai kha a tangkai zui thunga chu chu a dik theihna chance ani.

Asteric-a tihdan khi in ngaihtuah zui naturin bawl che u ka’n tum ngial a, a dikloh na chhan kan sawi tawh mai ange
1st step ah 6 a eliminate a, 1st step-a a inbuk tawkloh chuan a zawn chhuah theiha, mahse a inbuk tawk chuan a dang paruk kha buk nawn leh angai a, permutation ti turin step 1 kan lost. 1 out of 6 single out kha awlsam zawk anga a lan laiin step 1 kan lost ta anih chu, a chunga 1 out of 8 ah khian 3 envents and two possible outcome for each event (2x2x2=8=8 i.e 8 possible outcomes for permutation) kan neih laiin Asteric-a tihdan khi chuan 1st step a alo inbuk tawk chuan next step ah 2 events and 2 possible outcome (2×2=4<6 only 4 possible outcomes for permutation, that means we cannot make decision for the rest 2 balls) chiah kan neia chuvangin 1 out of 6 kha single out ngaihna a awmlo.

A answer ka ngaihtuah ve vak vak lo na in a algorithm leh a dik theih dan step chu ka hre kur mawle. :intithei:
172
Car News Area,Best Car 2012,Spy Shots Cars,Car News Release Says:
March 17th, 2012 at 11:26 pm
Car News Area,Best Car 2012,Spy Shots Cars,Car News Release…

[…]Ka duai bik em ni? | mi(sual).com[…]…