A hmasain mi thenkhat tan chuan a kha leh hlak hlak khawp dawn tih ka sawi lawk hmasa duh a ni.
Zoram Kristian ramah hian hlemhletna Karapsawn hian hmun a luah nasa lutuk, kan ram pawh hei vang hian a tlu chhe mek, tih thusawi leh auhla te chuan kan Zoram dung leh vang a fanchhuak a tih theih awm e. Hetih lai hian, eng chin hi nge corruption ah kan chhiar tih pawh hi ngaihtuah a tithui thei hle awm e. Kan tih phak chin theuh te hi kan ngaidam a, kan tih ve phak loh chin hi kan tlangaupui theuh a ang hi ka ti thin asin.
Zirtirtu i ni a, sikul i kal tlai thin em em a, eiru niin i in ngai em? Kum khat chhung atana i zirtir zawh tura i lak atanga beisei i zirtir zawh hman loh hian eiru niin i inngai em? I thawhna hmuna thawk lovin i ai kal midang i ruai emaw, midang nen in awmthleng hian eiru niin i inngai em? I class lak tur minute 5/10 vela i kal tlai hian eiru niin i inngai em?
Mizoram State Quota in Doctor i zir a, i rawn zirchhuak ta che’ng a, sawrkar damdawi ina i hnathawh duhtawk lova i private clinic a hun tam zawk i hman hian eiru niin i inngai em? OPD a damlo rethei bakberh kan rawn kal changa i clinic lama kal tura min rawn hian eiru niin i inngai em? I fimkhur loh luat avanga nunna chan te, ramtuileilo an lo awm chang te hian Pathian hminga ngaihdam i dil hian i eiruk chu thai bo anih i ring em? Doctor-te chu tihsual nei tur alawm i tih hian, State qouta i hmuh avanga India rama zirna tha i chan hi eiru niin i inngai em?
Tualphiat i ni a, i tualphiah tur phiat tha peih lova i hnawl liam mai mai emaw, i huatzawngte kawtkai vel i phiah that peih loh hian eiru niin i inngai em?
Driver i ni a, side income melh ran chunga a neitute i bum thin hian eiru niin i inngai em? Chhuna i taxi khalh atanga i hmuh i thehluh kimloh hian eiru niin i inngai em? Motor spare parts i thlak a, a man zat aia tam i bill hian eiru niin i inngai em? Khualzin phur i nih a, nangma hlawkna tur atana i muangchan viau hian passenger-te hun i eiru niin i inngai em?
Ration card a hming chuangliam i dah emaw, kum dik lo i ziah hian eiru niin i inngai em? I ration card midang i hmantir emaw, midang ta i hman emaw hian eiru niin i inngai em? Ration i lak dawn emaw, thil sem leh lei dawna mipui intlar laia i duh duhnaa i lo tel ve khan eiru niin i inngai em? Electric meter kaltlang lova Heater, Geyser, adt i hman hian eiru niin i inngai em?
I in kawt vela sawrkarin hna a rawn thawh changin hanthawkte i lo pawt peng thin em, i kawtlai te alkatra te i lo luantir khan eiru niin i inngai em? Kawngpui hnaih lutuka i pal i hung emaw lung i rem emaw hian eiru niin i inngai em?
Office kai thin i ni a, office i kal tlai ngai em? Office atangin paper, eng ilo i hawn thin em? Tlaiah ban hun hmain i lo haw thin em? Office hun chhung leh office property hmangin i mimal hlawkna tur thil i ti ngai em? Chungah chuan eiru niin i inngai angem?
Thingtlang atanga office rawn dawrte an rawn kala, an hriatloh lutuk avanga diklo taka pawisa tlem thamte i lo chawi tir thin hian eiru niin i inngai em? An chantur dik tak chang tura nangmah rawn hmu tura vawi 3/4 an rawn kal hian eiru niin i ngai em? An sum dawn tur Bank-a i lo dahpun avanga an hmuh hun diktaka an hmuh theihloh thin hi i eiruk vang a ni angem?
Sawi tur a va tam em!!!! Zawngin a ngum khak a hmu lo a tih zawng zawng kan nei zo anih tawh hi maw.. In bihchiang ila, eirukna hi ho te atangin a intan tih hi hrereng fo ang u. Sawi tur tam tak a la awm a, comment lamah kan sawi belh mai dawn nia.
Similar Posts:
- Kum engzat kan nihin nge mihring ten upa tana kan inngaih?!
- Mahni ngumkhak hmulo-ah PRISM puh
- Kaw-rap-son tih tlemnan an ti maw?
- GMI@Thenzawl – II
- Niuh neuh!
December 1st, 2011 at 8:39 pm
Lrpa @40, I han sawi takah chuan nizan DDK Aizawlin silk pangang khawitute an kawmnaah khan pakhat khan ‘kan thar that chuan kum khatah cheng sing thum,sing li te kan la lut thei a,’ a tih khan ka rilru a khawih khawp mai. Khawpui mi hausa ho hian sing hnih sing thum chu an fanute vawikhat thawmhnaw leina man vel bak a ni awm si lo a
Report this comment
December 1st, 2011 at 8:44 pm
@chemte, kan sawi ang zawng zawng abikin lrpa@40 te khi i ideology a ni thin, i comment/post ah ka hmu fo. Tunah pawh hian vei inang, a thulaimu thuhmun tho a ni. Ram leh hnam, kan society that duhna hlir i post thin. Tunah pawh i thahnemngaih luat vangin i hrut te ta deuh ni maiin kei chu ka hria.
Eirukna
Report this comment
December 1st, 2011 at 8:45 pm
Vawih pawh hi a uih leh uih loh, a rin leh rin loh lamah a vawih nihna a awm lo a, chuvangin heng ka sawi te, te tham te nia kan ngaih te pawh hi corruption anihna a bo lo. Keimahni direct taka min nghawng lem loh avangin kan ngaizam mai a ni.
I sawrkar lehkha pawimawh lutuk print chhuah tur kha hnathawk-in lehkha a lo hawn then avang khan print chhuak thei ta lo la, i ngaihdan chu a dang deuh ngei ang..Chutiangzelin a dang zel pawh.
Report this comment
December 1st, 2011 at 8:46 pm
Kha ta mi pawh eiru duh(eiru thei dinhmuna din chuan)hee tilam a mi pawn duh,khuuu ta mi pawn duh,sawww ta mi pawn duh..! sawi mai maii!invaiin eiru duh vek ni maw le.
Report this comment
December 1st, 2011 at 9:06 pm
Mizo nawlpui hi chu eiru thei dinhmuna kan din hi chuan eiru duh mai kan ni tlangpui. Mizo chhangphut zuarin vaibuh a pawlh a, aieng zuarin maida a pawlh a…. chu aia tilian thei deuh contractor-in bill a lak hnu lawka chim leh mai thei tur khawpa chhia in retaining wall a siama, luah ngam mang loh khawpa chhiain in a sa a, a endiktute lam lahin an lo pawmpui ve mai thei zel bawka.
Sum an neiha an hausaka, kohhrana thawhlawm leh Pathianram an pek that chuan dinhmun sang tak an chang thuai thuai mai bawk si a. YMA hnatlan nikhua a motor an thawh theih chuan kan lawm em em a, khawlaia inhmuh nikhua a min nuih ringawt pawhin kan lawm a ni lawm ni.
Hetianga dik lo taka titute kan endawng ngama, khawtlangah pawh nuam lo ti rawih khawpa eiruk kan huat hunah, tlem chuan corruption do chungchangah hi chuan hma kan sawn deuhin ka ring. Chu mi dawtah PHO RO
Report this comment
December 1st, 2011 at 9:18 pm
Eiruk loh hi zira zir chuan alo eiruk loh theih khawp mai, hman ah pawl 10 kan nih laiin refreshment ami tur sweet kan pack bang ka hawn ve duh lova mahse ka nau in alo hawn tho kan ei tlang leh dial2
.
Report this comment
December 1st, 2011 at 9:19 pm
@trawta, Kan Office chaw eikhawm pawh a fel zual deuh ten Corruption min tih sak!
Report this comment
December 1st, 2011 at 9:39 pm
Uluk takin ka chhiar chhuak ta chiah lo na a, ka hrut chhuak thuak a, a thu kalphung chu ka hriain ka hria. Comment pawh ka hrut thuak chauh rih ang.
Corruption kan hrilhfiah duh dan emaw, a huam china kan ngaih emaw hian kawngro a su ber lo maithei a, amaherawhchu kan ram leh hnam dinchhuahna tur dal thei khawpa hnawksak hlemhletna erawh hi chu kan do tlan chu a tul khawp mai.
I sawi zawng zawng hi insiam thatna tura kan hmabak a ni zawk mah kan ti thei ang. A chhan chu i ngaihmawh aia ngaimawh hmasak tur kan ngah em vang zawk a ni. Chu chuan i ngaimawh hi a dik lo, a te tham lutuk tihna lam a kawk lo a, tun dinhmunah chuan, a nawlpui hi chuan kan la pha ngang lo a ni.
1984 ni tain ka hria, ka hriatsual palh chuan ngaihthiam ka dil nghal a, Mizoram Presbyterian Kohhran bik chuan ‘Corruption Do Kum’ kan lo puang tawh a. Kan han chip nawi ta tak tak a hehe!!! Tuna i rawn sawi ai mah hian kan chip nawi zo ta a. Tichuan nuai tam tak eiru leh office kal tlaite chu angkhat rengin kan chhuah fai ta vek mai a hehe!!! Ih maw, za lo deuhin kan nui kan nui ta mai a. Corruption chu a zualzapui vailenhlo tih ang maiin, a hluar zual ta sauh a ni zawk hial awm asin.
Heti hi a nih avangin corruption hi kan do duh takzet a nih si chuan, a neuh neuh hi chu ram leh hnamin a chhiatpui lutuk loh chin a awm bawk a, project lian pamtul ngai khawpa sum kawngbo ang chi te leh, development tithuanawp khawpa sum chheprelh ang chi te hi kan ngaimawh hmasak chu a tul phawt zawk lo’ng maw? Peon-in paper tlem azawng a lo hawn ruk leh officer lian zawk ten nuai tam tak an tihchingpen hi Pathian lakah chuan angkhat reng chu a ni maithei, mahse ram leh hnamin a tawrh dan erawh intu lo ve tak chu a ni lawi si. Kan ngaimawh ala te lutuk hlei thei lo a nih pawhin, a lian lam tal hi chu namenloa kan ngaimawh a hun khawp mai.
Report this comment
December 1st, 2011 at 9:44 pm
Corruption awmzia sawifiaha buai buai lo hian do nghal pawp pawp mai ila tha tur a nia. Hairehai.
Report this comment
December 1st, 2011 at 9:46 pm
# 58 boihapa
Report this comment
December 1st, 2011 at 9:50 pm
#58 Boihapa sawi khi ka ring mai hrih ange..
Report this comment
December 1st, 2011 at 9:52 pm
Ka mut a chhuak
Report this comment
December 1st, 2011 at 9:57 pm
CHEMTATRAWTA thawnthu ang deuh corruption ah chuan kei chu kan inpuh kual theiin ka hria.. Mipui pawh kan diklo.. Thuneitu huai kan ngai.. Kan chhungkua ina Contract tenau kan thawh ka buaipui tawh a, Driver atanga JE,SDO,EE, a dept hotu leh a changtu Minister thlengin tihlawm an ngai.. Kei ka thiam ve lo a, Sum tam ka hlauh reng ani
Report this comment
December 1st, 2011 at 10:00 pm
mirethei leh hausa eiru in in ang tlang dial dial a hremna an tawrh tur ang theuh an tawrh hunah corruption hi kan do tak tak e kan ti ngam ang. Mahni chhungte leh thenrual tha te famkim lohna sawi ngam lo a, a te nawi te te chauh kan kher chhung chuan kan do hlawhtling heklo ang. Kei leh ka chhungte chu kan fihlim e ti ngam kan awm em..kei chu ka ngam e..Nih lungin in deng dawn ila..huai takin public forum ah kan chai ta sa sa
Report this comment
December 1st, 2011 at 10:04 pm
kan duh thawh leh hlek ang e, pi leh pu atangin kan fihlim e ti ngam chin kan awm em? kei chu ka la ngam zel e
Report this comment
December 1st, 2011 at 10:10 pm
doc_lib, a dik chiah. Han ngaihtuah chiang ila chuan mi hausa leh milian, officer lian tak takte hi a khawtlang, pawl, kohhran leh a huho hi chuan kan kawk nasa luai luai tawh asin. Hetianga kan kawk ang hian tlemte eiru pawh hi kan kawk ngam turah kei chuan ka ngai. Kan ngaihthah lam hi kei chuan vei a ngai ve thovin ka lo hre deuh a.
Report this comment
December 1st, 2011 at 10:16 pm
Trawtte corruption i rawn sawi vei a, ka teu hlar dawn ania. Lo ah thlai dip takin thing pakhat buk tawk a awm tlat mai a. hei lai zar chuan he buh kung hnih khat hi a dip anih hi tiin a zar thlak ngawt mah la, a kung bulpui i kih loh chuan a rawn zar chhuak leh tho ang..chu vangin a kung pui kha kih a ngai a lawm..A kungpui i kih fai hunah chuan a zar ho kha chu an thi ve mai ang..I rawn sawi kha a dik lo e ka ti lo, action kan la ngam a nih chuan lak hmasakna tur a awm e kan rawn tihna a ni zawk
Report this comment
December 1st, 2011 at 10:17 pm
Ka sawi ve tur zong2 min sawi khalh vek
Report this comment
December 1st, 2011 at 10:19 pm
58 & 67
Report this comment
December 1st, 2011 at 10:21 pm
doc_lib..a dik vek alawm..kan duhthawh dan a inchen lo chauh mai zawk a ni e. Keichuan, thingkung lian taka rah bawr lian tha leng lawng, nitina kan hmuh leh kan sawi fo te hi corruption tenau hmuhthamloh leh kan hmuh kan fo te avang hian a par a chhuang ka ti ve tho ania. Pu ber pawhin a zah deuh riau khawpa peon leh ahnuaia thawk mi rinawm hi kan tam angem, nge mahni phak tawk kan bei theuh mai??
Report this comment
December 1st, 2011 at 10:26 pm
@ TRawtte Mizoram ah hian pu ber hnuai a thawk ho rinawm loh vang a pu ber ei ru ta nge, pu ber rinawm loh vanga, a hnuai ami ten an phak tawk ti ve ta mai tam zawka i rin? PU ber hnuaia rinawm tak a thawk an pet leng lawng lawngna Mizoram ah hian hna i la thawk ve lo emaw ni le aw tiin i ngaih theih rum rum. Chuvangin action kan la dawn a nih chuan a bulpui hi thuai chhum ila, a ler a lo par ho chu an ral mai ang
Report this comment
December 1st, 2011 at 10:30 pm
Mahni thil tih dik lo(ho te ni a lang pawh) hmuh kan a ‘AN’ kan tih chhung chuan hma chu kan sawn mawh khawp ang le. A ler atanga dik a that rual in,a hnuaia mi te dik zia hriat vanga a chunglam insiamthat phah pawh thil awm thei tho ania.
Anyway…Good post.
Report this comment
December 1st, 2011 at 10:31 pm
post tha tak a ni
@58 ,59 ,64 ,65 ka 
e . . .
Report this comment
December 1st, 2011 at 10:33 pm
doc_lib, ngawiteh… a par lam hi chu kan chip ngun tawh malh malh bawk alawm le.. Kohhran, pawl, vengchhung ang te hian kan kawkzui a, kan hmusit a ni lawm ni. An chhungkuaa chhiatna an tawh pawhin an eiruk kan mawhpuh ngam sak sak tawh zawk a ni lawm ni. Kei ngei phei hi chu a kawk zum zumah ka tang ngei ang. Amaherawhchu, kan la hmuh kan tlat lam te pawh hi i bih ve teh ang u tih nana kan nghawng dak tlat hi hmundang hawitir tuma kawihherna mai a ni e.
Report this comment
December 1st, 2011 at 10:50 pm
Thil practical lo deuh hi chu awm thin a ni that duh lutuk na lam ah hian. Enge i dinhmun ka hre lova, khitiang i chhui don nih chuan, midangin khitiang an ti lai, working hours a I thluak a i ngaihtuah chhung poh kha chhut tel ta law2 la ti nia, i hna a ni si lova. Corrupt tho
Report this comment
December 1st, 2011 at 10:50 pm
doc an khing intih khi khawiah nge a chipchiar deuh a chhiar tur a awm min han hrilh ve teh un
Report this comment
December 1st, 2011 at 10:52 pm
malsta..thlirna tlang dang kan sawi mai kha a ni e. Zirtirtu class la tha peihlo pawh hi engvak a ni lem lo, mahse zirlai future tichhia tiin han ngai la.. I fapa zirtirtu ni ngei se a dang zar mai ang..
Report this comment
December 1st, 2011 at 11:02 pm
kei pon thlirna tlang dang ka ron hmang ve ni mai lom
. Zirtirtu class la tha peihlo tihte hi chu a tha lom mahse a then ho khi chu a te nawi ltk deuh lom le 
I hnathohna a gossip trade chhung te leh i ngaihtuah chhung te poh kha han chhut tel ve chhin la midang poi a khoih ve tho lom lolzzzzzzzzzz
Report this comment
December 1st, 2011 at 11:03 pm
Zirtirtu sawi tak ah chuan Zirtirtu mahni school a fate kaltir duhlo/ngamlo ho hi ka khawngaih.
Report this comment
December 1st, 2011 at 11:08 pm
Malsta…a tenawi i tih ber chu rawn sawi la. Office hnathawk kal tlai lutuk leh haw hma lutuk avanga thingtlang lam mite tangkhang fo hi i hmu ve thin tawh angem aw?
Report this comment
December 1st, 2011 at 11:12 pm
@trawt: hemi paragraph hian a a thu pumpui khi a vaw chhe vek ka ti………..
Office kai thin i ni a, office i kal tlai ngai em? Office atangin paper, eng ilo i hawn thin em? Tlaiah ban hun hmain i lo haw thin em? Office hun chhung leh office property hmangin i mimal hlawkna tur thil i ti ngai em? Chungah chuan eiru niin i inngai angem?
Chhan chu i rilru a hi a kal na lutuk deuh a ni ka ti, i in theih nghilh thak a ang em a
Report this comment
December 1st, 2011 at 11:21 pm
Malsta, i document print ngai pawimawh hmanhmawhthlak lutuk awm ta se, paper lo hawn zo ta se.. I hrethiam ang ka ring.. Hetiang hi keini thingtlang lam hian kan tawng nasa ania.
Report this comment
December 1st, 2011 at 11:28 pm
Trawt: khatianga i tih don te chuan a paper awm lai khan print mai tur a lawm
. Thil engkim hi i duhdan ang thlap in i nun ah thil a thleng vek a mi? ti daih i la…….. 
Report this comment
December 1st, 2011 at 11:32 pm
Malsta, thingtlang lam atanga rawn kal hi chuan paper an hawn lai te hi hriat a har ania, chhungkua an buai deuh te hi lo zawh kher loh chuan hriat theih lah ni law.. Office dawr turin kan duh duh hunah office hun chhung te chuan kan dawr thei turah kan lo ngai ngawt mai thin asin..
Report this comment
December 1st, 2011 at 11:33 pm
Ngati nge chutianga i ngaih ngawt
. A va ho toh mai2 e hehehe
Report this comment
December 1st, 2011 at 11:38 pm
Sazu mei zuih tanna tak hriat a har ang bawkin ‘eng chin nge corruption?’ tih chhanna hi a awm thei lo.
Te nawi tak tak thlenga hrut hi corruption do tithuanawptu a ni thei zawk tlat. Hlawm lian deuh pahnih khat lek kan thlurbing a nih loh chuan engtikah mah corruption hi kan do thei tak tak chuang lo vang.
Report this comment
December 2nd, 2011 at 12:16 am
Tlai khaw hnu ah ka’n sawi ve teh ang…..
Hman ah Synod rorel khan kawrapsawn do an puanga, synod hotu sorkar hna lian tak2 thawk te khan kawrapsawn an han chip nawi tak2 mai chu, comment a in sawi paper pakhat hawn pawh kawrapsawn, kal tlai leh ban hma pawh kawrapsawn sorkar thil mahni tana lo hman pawh kawrapsawn etc etc an han ti mai chuh, hna te leh lian, MR thlengin kawrapsawn practice lo reng reng hi an lo awm thei lova, chuvangin kohhran pui meuh pawhin a do hlei thei lo a ni e an ti . Heng ka sawi lan leh sawi lan loh nawi te te te pawh tam tak a awm thei anga, chung te chu kei chuan kawrapsawn ah ka ngai tehchiam lo. Kawrapsawn a ni love tiin ka tang bur hran chuang love..
Report this comment
December 2nd, 2011 at 12:16 am
Tlemte chunga rinawm lohna hian, Tam tak chunga rinawm lohna a hring thin. Tlemte chunga rinawm tlat chu tam tak chungah pawh a Rinawm ang.
Amaherawhchu, Corruption pawisawi tham dodal a, sawi chhuah dawn apiang a hetiang lo sawi kual ve ziah hi chuan Corruption dona lamah chuan a pui lo khawp ang. Mi Corrupt ho insawi thiamna leh inphenna a ni maiin ka hra. Corruption ti huangtautu a niin ka hria.
Report this comment
December 2nd, 2011 at 12:32 am
#88.. like like
Report this comment
December 2nd, 2011 at 2:58 am
86, 87, 88 te hi a dik khawp mai..
‘Eiru thei dinhmunah ding ta ila kan eiru vek ang!’ ti a tang tlat te zuk awm thin a! self confident neih lo zia a lang thin!
Report this comment
December 2nd, 2011 at 9:22 am
Anna Hazare ten Prime minister, politician lianber atanga lower bureaucracy thlenga huam tura Lokpal Bill an putluh chhan te hriatfiah tum chu kan awm hmel lem loh hle mai maw. Sual te leh sual lian kan then hran chhung hi chuan sual te hi kan vulh lian ah ka ngai.
Report this comment
December 2nd, 2011 at 10:57 am
chemtatrawta, ka tan khawp mai che a, i ngaihdan hi keima mimal nunah chuan, Isua zirtirna nena a inmil thlap avangin vawn him tlat pawh ka lo tum ve thin reng a ni. Amaherawhchu corruption chungchang kan sawi tak tak dawn a nih chuan, mi zawng zawng huapzo kan ngaihtuah a tul tlat a; mi thenkhat chuan Pathian an tih lo a, mihring lah an hlau nahek lo. Chuti mai pawh a la ni law, Kristian ni reng reng lo officer leh MLA-te pawh kan nei a. Tin, Kristian intite lah hi kan ngaihdan leh Pathian Thu kalpui duh dan a phirsi em em mai bawk si a, chuti chu kan nih teh nuaih avangin mi corrupt tak takte tana chance awm lo zawnga ngaihtuahna fing zawk hmanga corruption hi kan do a tul tlat a ni.
I thil sawi zawng zawng hi kan mimal nunah vawng hlawm theuh thei ila chuan, hlemhletna leh eirukna hian min tibuai hauh lo ang a, do phei chu a tul hauh lo ang. Lal Isuan, “A ram leh a felna chu zawng hmasa rawh u” a lo tih kha a ni tlat alawm. I thil sawi hi mimal nun tithianghlim tura thu pawimawh tak a nih laiin, ram leh hnam huapa corruption huam chin leh, ramri khamna tur atan chuan corruption tihluartu a nih theih dan a awm tlat si a ni. Chuti a nih avang chuan i fing thiam ang u.
Report this comment
December 2nd, 2011 at 11:19 am
Boihapa sawi khi in hria maw… khi khi a ni mai, a dik chiah.
A posttupa tanna lam hi chu eiru hausate tanna lam nen a in ang reng.
Report this comment
December 2nd, 2011 at 11:52 am
Zan ka meng rei ve thei ngang si lo a,post dangin a delh teuh hnuah kan comment ve leh teh ang..
Trawt,kawrapsawn hi hmanah kohhranin a do kum deuh roh a puang tawh, chuan pulpit tlang atangin chawlhni chhun leh zan sermon ah kan ngaithla deuh fo thin a,mahse… paper pin pakhat hawn leh nuai 10 ziah bo pawh bukna ah a in balance a an khai tak chinah khan do chhunzawm ngaihna an hre ta vak lo a ni awm e,a reh ta vang vang mai
Report this comment
December 2nd, 2011 at 12:12 pm
Jacka pi, mahni nghawnga han inhlin chat chat mai kha chuan Kohhran meuh pawh a che ngam tawh lo chu a ni ber mai lo maw??
Report this comment
December 2nd, 2011 at 12:36 pm
trawt, we live in a fallen world ti tawp mai ang
Report this comment
December 2nd, 2011 at 12:42 pm
“He ram tha lovah hian min hruai zel ang che…”
Report this comment
December 2nd, 2011 at 1:18 pm
Jacka pi, thenawmte fa vei ai chuan mahni fate theuh hi vei ila kan ram chu a tlu rei lo ang ti raw? Nuai tel eiru hi chu mi tupawhin kan hmusit vek tawh, kei ngei pawh hian. Cheng tlemte eiru pawh hmusit ve tho ang u ka ti mai a ni e..
Report this comment