mi(sual).com

To,
Ka Hmangaih,
A hmasa ber in hmangaih biahthu ka hlan che, minlo chhan avangin i hnenah lawmthu ka sawi e.. Hmangaihna leh inngaihzawnna kalkawng hi a ropui tluk zetin a rapthlak a, mi tamtak chaklo ten chak phahna an neihna a nih lain tam tak tan erawh khawloh hlen na leh kawngsual min zawh tir tu awlsam ber, nunna hial pawh chantir theitu ani si. Phulo che ni a ka inhriat avanga zak chung chunga “Ka hmangaih che” ti a biahthu ka hlan che, min lo chhanlet zan tluk zeta hlim hi ka nun kawng bumboh taka hian ka nei tlem khawp ang le!! Nang ang nula sawisel bo leh sakruang ah pawh tluktu awmlo ni a ka hriat ina i thinlung min pe ve hi ka lawm in Pathian hnen ah pawh lawmthu ka sawi fo thin.. Mahse, mihring mai ka nih avang in min hmangaihna hi eng chen nge ka hre silo, ka rin loh vang che ni miahlo in ka thil sawisuh tlem ka sawi hi ka sawi anga, minlo ngaihthlak sakin huaisen taka min chhan ngei ka beisei..

I hriat angin heti ve mai hi ka niin, ka Nu leh Pa te thlazar hnuaiah leh chunglam malsawmna azarh hringnun ka hmang chho ve ani a. Mite aia thiam nilo mah ila, mi zir ang te zir in, hmalm hunah kei leh ka chhung te pawhin beisei an nei ve a.. Mi ei ang ei a, mi in ang in leh mi inbel ang thuam chi hrang hrang inbela mahni a lirthei nei hrang ve ngat ka niin, ka neih ang chhun chhun te pawh I tan ka ui lemlo.. Mahse kan ti teh ang, ka hma ah hian enge ka tawh dawn ka hrelo in, harsatna ka lo tawkin zankhat thil thu a nu leh pa neilo pawh ka ni thei, fahrah nita ila ka laka I rilru put ang kha puin minla hmangaih angem. Mithuam ang inbel phalo in, rualpui ten branded thawhnaw Adidas, Nike, Benetton tih vel an inbel lain, second hand thuam nen inbel nita ila min zahpui dawn nge ka nihna anga pawmin minla hmangaih zui zel dawn. Lalpian hun, hunpuia kan neih te pawh a rawn thleng dawnin, mi zawng zawng in silhfen thar buai a an buai lain, ka lehkha zir na atan tiin mi bankhur laiin inhlawh ta ila, ka chunga i rilru hi ila pu angem.

Anih loh pawhin tun a ka dinhmun ang hi pu reng niin, inhmangaih takin awm dun ila kan hlim viau ang.. Mahse, hmasawnna duhin Phai hmun hla takah lehkha zir ta ila, rinawmna thu kan tiam zawng zawng te hi harsatna tam tak karah kan vawng nung reng dawn nge, Karhla (long distance) chu a buaithlak emai tiin reilo te ah thenna biahthu min hlan mai dawn.. Hmeichhia te hi chu chaklo leh no zawk in nih angin puih in ngai foin, chutiang ah chuan in thian mipa te an pawimawh in thil tam taka tanpui tu che u anni fo thin. Mipa leh hmeichhia erawh thiantha nih a har an tih fo angin, Karhla a inngaizawng tam tak te buai fo thin angin, I hmangaih hmun hla taka awm lakah I thinlung i pe chhunzawm dawn nge, I buaina apianga puih inhuam thin tu leh nangma ngaizawng tu i thian tha tak lakah khan i hmangaihna i sawn mai dawn.. Ka ngen a che, tunlai tleirawl tena in atchilh Twilight film angin Edward a leh Jacob a nei lul suh ang che. Min hmangaih leh duhna a lo tiak ta a nih emaw kei aia hlimna pe thei tutur hmu nia i ngaih i tawng anih chuan chuan chupa bula pan thei tur khawpin huaisenna nei la, i nunah Edward a chauh nei ang che, i Jacob ah chuan min tantir lul suh..

Chunglam malsawmna azar ah Nu leh Pa hnathawk ka neiin mi vantlang ang kan ni, Mahse fahrah niin, Hmeithai fa nita ila i nu leh pa bulah engtin nge min sawi ang, nge min thup boin emaw officer fa angin min sawi mai dawn.. I thiante bulah chhuang takin hei hi ka bialpa ani tiin ka tlinlohna min zahpui dawnlo nge, i thiantena min hmuh hlau in ka ruala khawlai chhuah i zak dawn, ka hre duh asin. I thian tena perfume rimtu tak tak an hman laia sahbawn sen nam rum rum a i bula ka awm hian min zahpui dawn nge , hmangaihna avangin ka nihna angin in pawm dawn.. Kei nena hlim deuh a Khuangchawi i huam lai hian kei nen tho Bahra khur laih i huam angem. Tunlai tleirawl tam tak chuan Hmangaih te nena Bahra khur laih tih te chu fiamthu thawh nan an hmang mai mai tawh si a.

Duhtak, ka hmangaih che tih i hria in i hmangaihna hi ka ringhlel lo asin, nang nena lendun hi a nuamin hlim leh lawmin hmalam hun pen ila tih hi ka duhthusam ani. Mahse, ani hauh dawn silo, hun chuan kan hlim nite hi a liampui hun alo thlengin harsatna hun a rawn herchhuahpui dawn si.. Chung hun alo thlen hunah chuan, ka ning, phunchiar emai, thikthu chhe emai emaw, carring lo lutuk ka buai ti reng mai tiin min kalsan mai dawn. Nge, inhmuh thiamloh hunah kan in ankhumin kan invin tuar ruar anga, ngawih a hunta e kan tih hunah boruak siam that nan kan ngawi mai dawn.. I thiam loh avanga inhmuh thiamloh ni khua ah, min hnial tang tang dawn nge “ Ka thiamlo ani tiin ngaigdam min dil thin dawn “. Mihring ka nih angin i lakah thil ka tisual in, thinrima ka siam hun che ala awm ang, chung hunah erawh chuan ngaihdam ka dilin, i hlimna tur chuan engpawh tih ka huam tih erawh ka hrilh duh che ani.

Chhungkaw huikhawm tu chu Hmeichhia, a Vawdarh theitu pawh hmeichhia anlo tih hi a dik na chen tamtak a awm tih hi i hai bik ka ringlo.. Harsatna tam tak karah inzui chho in kan suangtuah fo thin ang ngeiin runhmun leng dun ta ila, Kei chauh hi min nei dawn nge ka Nu leh Pa leh ka unau te leh kan chhungkaw Ro, inhmun motor bakah kan harsatna thleng in i nei tel dawn.. Ka Nu leh Pa tar chaklo tak te hi Old Age Home lama thawn liam mai i rilruk dawn nge, duat takin i enkawl in, Kan hnenah ngei thlamuang takin an hnuk i chahtir dawn.. Inpui changtu ka nih angin In leh lo tha tak ka rochun hi i pawm a, mahse a ken tel mawhphurna hi i pawm tel thei em tih lo inzawt thin ang che.. Ka farnu te hi zankhat Makchhiat tawk thei anni in, chung hunah chuan lainat takin i lo tuamhlawm in i hnem dawn nge, hnawk tiin thenawm khawveng lakah i rel thin dawn.. A tawp berah chuan tette atanga Biakin lam pan tura Nu leh Pa te zirtir niin, Kristian chhungkaw din hi ka ngai pawimawh thin a, Kan fate hi biakin lam pan tura zirtir in chhung inkhawm i neih pui dawn nge, Kasauti, IDOL tih velin i chawilian dawn, lo in ngaihtuah ang che..

Ka hmangaih che vang a heng thil hi sawi ka ni tih minlo hriatsak leh ang che.
Nangmah hmangaihtu

( facebook thu ngaihnawm huanga 04/12/11 a ka post tawh ka rawn dah leh ani e)

Similar Posts:

• MIN HMANGAIH VE EM?
• Ka pu Shakespeare-a love story
• Tu hmangaihna nge thuk ber ang?
• Ka ar thai
• Mahse…

Recent Posts:

• Sehrep thenfai dan awlsam
• American flag thui hmasaber tu chu tunge?
• mi(sual).com hi!
• KA MITTUI A TLA!
• ȚAHNA NUNHLUI

This entry was posted on Monday, December 5th, 2011 at 7:17 am and is filed under Fiction. You can follow any responses to this entry through the RSS 2.0 feed. You can leave a response, or trackback from your own site.