KRISMAS DẦWN HIAN Ruth-i chuan lehkhathawn mak deuh mai hi a dawng nawlh mai a. A han hawn chuan ti hian a lo inziak a:
Duh tak Ruth, vawiin tlai hian in thenawmah ka rawn kal dẩwn a, zanriah rawn kǐlpui che ka tum ang.
I thian, Isua
Mak a ti hle mai a, ‘Isua hian eng vảnga min rawn tlawh duh nge a nih? Mi ropui leh hriat hlawh ka ni si lo va, eng nge ka lo buatsaih ang aw?’ tiin a inngaihtuah buai hle mai a. A pawisa neih a han en a, “ Isua zanriah kilpui nan chuan a tlȇm mange aw,” a ti a. Hmanhmawh takin bazar turin a chhuak ta a. A bazar zo in lam pana a kal lai chuan mi pakhat hian a lo ko ding a. “ Ka pi, khawngaih takin min tanpui the, inhlawhna tur ka hmu si lo va, ka nupui leh fate nen riltamin, mi khawngaihna kan lo dil chawt mai a ni,” tiin a bula a nupui leh fanu riltam hmȇl leh vawt ti taka khǔr bauh bauh te chu a kawhhmuh a.
Ruth-i chuan, “ A pawi ka ti khawp mai, rethei ve tak ka nih avangin ka pui thei lo che u a ni. Mi pawimawh tak mikhual ka neih dawn avangin tuna ei turte hi lo chhawpsak ka duh si a,” tiin a chhẩng a. Chu pa chuaan, “ A pawi lo ve, ka hrethiam lutuk che alawm,” tiin kalsawn mai a tum a. Ruth-i chuan ko ding lehin, “ Ka ei tur leite hian inhnawh puar mai rawh u, ka mikhual tẩn chuan thil dang ka ngaihtuah leh mai zẩwk ang e.” tiin a thil lei sẩ chu a pe ta vek a. Chu pa nupui khaw vawtin a hmeh duk vek tawh, khǔr bauh bauh a hmuh chuan, “ Ka pi, inah kawrlum dang ka nei tho bawk a, inhẩk lum nan hmang the khai,” tiin a kawrlum hẩk lai chu a pe leh ta a. An chhungkua chuan lawmthu sawi mawlh mawlh chungin an kal sawn ta a.
Ruth-i rilru chu a buai hle mai; Isua lo thlen hunah engmah lo chhawp tur a nei ta si lo va, tihngaihna hre lovin a lo nghẩk tawp mai a ni. Chutih lai chuan kawngkhẩr chu an rawn kik dawt dawt a, hlauthawng taka a va hawn chuan postman hian lehkhathawn a lo pe a. Lehkhathawnah chuan ti hian a lo inziak a.
Duh tak Ruth, kan inhmu leh thei chu a lawmawm hle mai. Ei tur tui tak leh kawrlum tha tak min pȇk avangin lawmthu ka rawn hrilh che a ni.
I thian, Isua tiin.
Tih tak meuhvin ka hrilh a che u, Heng ka unau tȇ berte zinga mi pakhat chunga in tih chu ka chunga ti in ni ( Matthaia 25:40 )
.
Similar Posts:
- Ruth Bell Graham passed away
- Neuh Neuh!
- Pawisa bag(purse) chhunga Isua thla.(Sunday pual)
- 2012 March Fiamthu
- “Zu ka in leh tawh ngai lovang!”
December 13th, 2011 at 8:12 am
He post chu a tawi viau nain, a tum laimu chu a hriat theih tho e.
Report this comment
December 13th, 2011 at 8:13 am
Good post. He thu tha lutuk hi ka chhiar tawh thin a, chhiar nawn fo ka duh a ni.
Report this comment
December 13th, 2011 at 8:21 am
Post tha e
Report this comment
December 13th, 2011 at 8:23 am
He story ang deuh hi Drama in kan chang ve tawh. Ka duh khawp mai. A biblical em em bawkin ka hria. Charity pawh ka thawn ve kha(a tlem a tlem in. Tam pek tur nei miau hek lo le)
Report this comment
December 13th, 2011 at 8:24 am
Wow…Tha lutuk. Good post.
Report this comment
December 13th, 2011 at 8:26 am
Post duhawm tak ani. Krismas lo thleng tura kan rilru kaihruaitu atan a tha lutuk.
Charity pek hi, a tlem leh a tam lam pawh a ni lo. A petu thinlung kha ka ngaihlu a. Pek tur tam tak nei pek nachang hrelo leh pe phallo te ai chuan kan neihchhun atanga kan pek hi tlem hle mahse a hlu em em.
Report this comment
December 13th, 2011 at 8:57 am
Kumin Bible chhiar chhuah ka tuma Jeremia chauh ka la chhiar thleng maiah…misual nen fb nen chuan indaihloh theih ngei mai
Karleh aṭang chuan nileng zak zaka chhiar loh chuan pamṭul a ni mai
ka’n chhing leh lawk teh ang
Report this comment
December 13th, 2011 at 9:01 am
Vawikhat chu kan thian zaho inrawt phurin damdawi inah thingpui leh cake kan sem ve chiam tawh. A boruak a hlimawm duh phian.
Report this comment
December 13th, 2011 at 9:56 am
A va tha kher ve! Hei hi krismas spirit dik tak chu a ni-‘krismas midangte tan’
Report this comment
December 13th, 2011 at 10:23 am
Tha lutuk,tha lutuk.Ka ngaihtuahna i chet tir nasa kher mai
Report this comment
December 13th, 2011 at 11:01 am
Chhiar zawm zel ka tuma a tawp daih.. mhse chhungrilah thu a va sawi hnem hman tak em!!
Hmeichhe hmel tha tak leh mit meng fel tak ang mai a ni.
Report this comment
December 13th, 2011 at 12:13 pm
A va han ngaihnawm in rilru a va kal thui tir ve aaww…. Kristian te kan inbih chian na atan a tha hle mai. tiang khian han ti thei vek thin ila aw
Report this comment
December 13th, 2011 at 12:26 pm
Report this comment
December 13th, 2011 at 12:32 pm
Vowel a character i hman ho hi ka la hmu ve ngai lo, a dik tak an ni em? A thluk dan tur tarlanna vek an nih ka ring a, mak hlom chiat2
Report this comment
December 13th, 2011 at 12:52 pm
Report this comment
December 13th, 2011 at 12:54 pm
He mi story hi a variation a tam ngawt mai, a tha hlawm vek
Report this comment
December 13th, 2011 at 5:30 pm
Post tha hle mai. Misual dot commers te rilru leh thinlungah cham reng rawh se.
Report this comment
December 13th, 2011 at 5:41 pm
Report this comment
December 13th, 2011 at 6:12 pm
Ka chhiar tawh a, misuala chhiar tur a awm leh hi a va lawmawm em.
tren tren.
Report this comment
December 13th, 2011 at 7:04 pm
Hriat tawh hnu nimahsela ka chhiar chhuak leh vek..Mahni infuih thar nan ka hmang leh e..
Report this comment
December 13th, 2011 at 7:10 pm
Report this comment
December 13th, 2011 at 7:22 pm
tawihle na in thil min va zirtir na sa ve.GOOD post.
Report this comment
December 14th, 2011 at 4:46 pm
A tha kher mai.Ka lungleng tak zet a ni hetiang lam thu ah hian.
Report this comment