Bible zirtir na hrang hrang ka lo dap ve ta nual mai.Ka hriat chin ah chuan he thlarau hian matheiloin vanram leh meidil rap tura ngaih a nih hi ka hre tam ta fu mai a;chu chu tunlai zirtirna ni zel ta pawh chu ala ni!
Juda ho zirtirna ah hian thihhnu piah lam reng reng ziak hi a awmlo a tih theih bawk ang chu;Ka tisain pathian ala hmu ang tiin joba chuan alo sawi a.Elija chu thi hauh lo a hruai bo a nih thu kan hmu bawk a ni!Hei bak ah zirtirna dang lo en leh ila,
“Thawin a chhuahsan a,ani chu leilungah a kir leh a;chumi ni ngei chuan a ngaihtuahna te chu a bo nghal a ni” “Unau te u,tisa leh thisen hian pathian ram chu a luah thei lo ang”
He mi chang atanga lo lang ta chu tisa vanram kailo tur ni thei mai a ngaihruatna alo awm thei a;thlarau chauh hi thihhnu piah ram dai tur a rinna a nih chu!
TAKSA(TISA) HI ENGE?
He mi awmzia hre tur chuan kan mizo bible keu mai hi chu a tawk hauhlo mai dawn a,chuvangin Hebrai leh Greek tawng lam keu a ngai ta tlat mai le!Gen 2:7 ah chuan Lalpa pathianin leia veivutin mihring a siam a,a hnarah chuan nunna thaw chu a thaw lut a;tichuan mihring chu minung alo ni ta a tih a ni.Authorized English Version ah chuan minung lai tak khi living soul tih a ni a, thaw lai hi breath tih a ni bawk.Hebrai bible kan keu chuan living soul hi nephesh tih a ni a,chutiang zelin breath tih pawh ruach tih a ni ve bawk!
Nephesh chu mihring lam nana hman a nih rual rual hian mithi te sawi nan pawh hman tho a ni a(Lev 21:11,Num 6:6,Haggai 2:12).Ramsa leh rannung sawi nan pawh nepheshtho hman a ni.
Thuthlung thar lam ah chuan Psuche tih a ni ve leh a;nephesh tho kha a ni.English bible chuan Nunna(Life) tiin a letling thung a(Thupuan 16:3).An kawhtum chu thuhmun tho a ni!
Khing atanga lo lang ta chu mihring hi nephesh kan ni a,ramsa te pawh nephesh tho an ni a;chuti chuan mihring leh ramsa chu taksa thuhmun kan nei tihna a nih chu,achhan chu nunna nei kan nih vang a ni!
THAW(THLARAU) HI ENGE?
Gen 2:7 bawk kha kan en kir chuan nunna thaw lai kha BREATH(Spirit) tih a nia,hebrai ah chuan Ruach tih a ni thung.Chu chu mihring chhungah hian a awm a(Zakaria 12:1).Chu chu ngaihtuah theihna feelings leh consciences siamtu hi a ni bawk a(1korinth 2:11).Thuthlung thar ah chuan Pneuma tih a ni ve leh thung a.Chu chu thlarau a ni.
Chutichuan mihring chu a nung hauhlo a.Thaw avangin alo nung ve chauh a;Chu thaw,thlarau tih bawk avang chuan minung alo ni ta tihna a ni.Ramsa zawng zawng aia mihring chungnunna pawh chu chu thaw/thlarau avang bawk chu a ni tel nghal bawk a ni.
NEPHESH NGE RUACH,THOLEH TUR CHU?
Chunglam a sawi tawh ang khian nephesh chu tisa/taksa a ni a,ruach chu thaw/thlarau sawina a ni.Thlarau chung chang ah hriat hmaih hauhloh tur chu nunna thaw kha Pathian thlarau a ni tih hi(Joba 32:8).
Sam 146:4 ah chuan taksa chu thlarauin a chhuahsan chuan leilung ah a kir a,a ngaihtuahna pawh a bo ve nghal a ni tih kan hmu a.Mihring chu thlarau a nih bawk siloh ah chuan nunna atana a hman thlarauin a chhuahsan chuan a pianna veivut ah a kir leh ta a nih chu!Chutichuan a thlarau chu Pathian thlarau a nih avangin Pathian hnenah bawk a let leh dawn a ni.Mihring chu engmah hriatna reng neiloin lei ah hian a tlu a,muhil/thi tih alo ni ta a ni.
Mahse chu chu mihring/tisa tawpna ala ni mailo;Sam 16:8-11 ah chuan “ka nephesh(nunna) pawh chu seol ata a chhanhim ang a” tih a ni a.Joba ngei pawn “ka nephesh(tisa)-in pathian ala hmu ang” a ti ve bawk(Job 19:25-27).Isaia chuan “I nephesh(mitthi) ruang te an tho leh ang” a ti bawk(Isaiah 26:19).
Heta tanga lo lang ta chu tisa hi thihna lak ata a him tih hi a ni.Daniela chuan “Leia thi tawh te chu anlo thangharh leh ang a..thenkhat chatuan nunna ah,thenkhat kumkhaw zahna ah..” a ti a(Daniel 12:2).Paula chuan “Krista chu mitthi thawhlehna entirna a ni” a ti bawk(1korinth 15:12-16).
Ruach chauh hi tholeh tur chu nise thlarau thi thei nei kan ni dawn a;meidil leh vanram tem tur ni ta se Pathian thlarau chu meidil ah hrem atan a kal dawn tih na a ni bawk!
Khing atanga lo lang ta chu thlarau hian thihhnu piaha hremna leh lawmman te hi a tem dawn reng reng lo tih hi a ni ta a.Kan taksa(nephesh) ngei hi tho leh tur chu a ni;mahse chu tawihthei chu a tawihtheihloh nan thlarau a tihdanglamin a awm tawh dawn tih erawh a chiang!Thi taksa chuan thihtheih tawhlohna puan a sin ang a,chu chuPIANTHARNA( anōthen means from above/ from Heaven“) a ni.Eden natna avanga thihna chu krista thisen chuan a hneh ta a ni.Hetih hun hian nunna thaw kha kan mamawh tawh kher lo ang;hetiangin “Pa in mahni a nun a nei hrang ang bawkin Fapa pawh mahni a nun nei hrangin a siam(john 5:26)”.Taksa leilet lehna tluka hlu hi a awm dawn em ni aw….!!!!!Kan taksa ngei hi ala tho leh dawn a,Pathian hmel hmu tur chu a ni!
“O ..thihna,i hnehna chu khawi ah nge a awm tak ?O..thihna,i tur chu khawiah nge a awm tak”
Similar Posts:
- Thihna thupekah “Thlarau” a tel ve em?
- Mihringin thlarau a neilo !!
- Gehennah vrs Nephesh
- Immortality of soul
- Nunna Leh Thlarau {Sunday Pual}
December 15th, 2011 at 7:31 pm
Chhiar ang
Report this comment
December 15th, 2011 at 8:04 pm
A va ril hmel ve le! Zir tlut tlut tham a nih hi. Bible sawi dan chuan ti theuh theuh pawh kan rin dan a inang chuang si lova le(h). Kan la hrefiah hlawm ang chu.
Report this comment
December 15th, 2011 at 8:07 pm
Dik hmel viau mai, mahse mihring taksa anga kan let leh chu ka ring lo deuh.
Mihring taksa hi chu vawk, bawng leh kel ang hi ani mai a, chatuan daih ani lo hrim hrim a. Carbon, hydrogen, Nitrogen, oxygen a siam ani mai a, a bak eleement tlem te te ani mai.
Thlarau chu hetiang a siam anih loh avang hian chatuan daih tur ani dawn a.
Report this comment
December 15th, 2011 at 8:17 pm
lta hi UPC amaw ka lo ti thin a, Jehova witness lam lo ni reng in!1 Vai pakhat pawh a thi a, vanram kawtchhuahah Pu Petera ten an lo dang ta si a. A han insawithiam ngial takah chuan Pathian chuan a khawngaih ta a, a thlarau chu leia a kir leh a phal sak ta a. Lawm taka a han kir leh chuan a taksa kha an lo halral hman chiah si a, a mang ang teh e an tih kha. (fth)
Report this comment
December 15th, 2011 at 8:21 pm
#4
Report this comment
December 15th, 2011 at 8:27 pm
Hei chu a ril raih mai comment lo mai teh ang,ka sawi thiam lo
Report this comment
December 15th, 2011 at 8:42 pm
Ka hrethiam phak ve leh ta pek lo
Report this comment
December 15th, 2011 at 9:11 pm
Report this comment
December 15th, 2011 at 9:33 pm
Kan taksa hi tho leh tur ni ta se, kan thih laia kan taksa kha ami tho leh ang? Entirnan : Putar kum 100 a thi hi tho leh ta se Putar kum 100 angin a tho leh dawn nge, patling hrisel tha pangngai a nih lai ang in? Hetiang a nih dawn chuan that laia thi te an vannei dawn tih na a nianga.(te ka tia).. aRe yAar, ka bo map map lutuk
Report this comment
December 15th, 2011 at 9:37 pm
Hnial khan chu ka nei falua lo. mahse he taksa ngau ngau (tih danglam loh) hi chuan kan thawh leh ur ur chu ka ring chiah lo.
Report this comment
December 15th, 2011 at 9:43 pm
Mahni pawl rin dan post vak vak thin hi a fuh ber lo.
Report this comment
December 15th, 2011 at 9:47 pm
Bible tlawhchhan vek si sawifiah dan hi a va inanglo thin em! Keini ang mawl deuh tan phei chuan ngaihthlak hnuhnun apiang awih maite pawh a awl..
Report this comment
December 15th, 2011 at 9:52 pm
Juda ho hian Afterlife an rin ve tho hi, han google mah teh u..
Report this comment
December 15th, 2011 at 10:00 pm
Thuhriltu 12:7 ah chuan “vaivut chu a awm angin lei ah a kir leh a,thlarau chu a petu pathian hnenah a kir leh a ni”
Pathian thlarau chu suangtuahna a ni bawk(1Korinth 2:11,Sam 146:4)
Gehenna ah hian pathian thlarau hi a kang/hrem/natuar ka ring hauhlo!!
Report this comment
December 15th, 2011 at 10:02 pm
Daniala 12:2 -na ah chuan “mitthi tawh te chu anlo thangharh leh ang a,thenkhat chatuan nunna ah,thenkhat zahna leh chatuan hremna ah”
Thanghar hnu hian nunna leh thihna a kal tur kan la awm cheu a nih chu
Report this comment
December 15th, 2011 at 10:05 pm
12
Peacock
Pawl rindan lam pang a kawk pawn ka hrelo
Report this comment
December 15th, 2011 at 11:30 pm
Bible lukham meuh pawh a ka ngaihtuah pawh hian ka bo tho mai.
Um…ka hriat ve danin kan ti ve phawng teng, buh chu zu ah, mihring chu leiah, cuan…midum chu alkatra ah.
Report this comment
December 16th, 2011 at 12:09 am
Zanin chu a va reh ang reng e! topic hot deuh a awm lo nge mawni le
Report this comment
December 16th, 2011 at 1:33 am
Ka bo map mai a.
Report this comment
December 16th, 2011 at 1:51 am
@lta…. neshamah zawk a lawm, breath of life(Pathian thaw chu) chu Bible ah vawi 25 hman a ni e,ruakh ni lovin. Hei hi alawm oxygen atom chhung a space a force-field hi a ni chiang mai ka tih lai chu, nunna(soul(nephesh) siamtu a ni a, amah hi a nung ve chuanglo.He Pathian thaw, neshamah hi mihringa kan lo inhlanchhawn hian neshamah ti ta lovin, ruakh kan ti ta zel zawk thung. Hei hi Mizo in thlarau kan tih chu a ni a, kan thlarau hi Pathian thaw a ni a, a nung ve lo, agent mai a ni, Chuvang in:
1. A bawhchhe ve lo, bawhchhe chi pawh a ni lo.
2. A nung ve lo, life giving force zawk a ni.
3. Hrem a ni ve dawnlo, hrem tur chi entity ni heklo.
4. Chhandam pawh a ngai lo.
5. A bo lo.
Bo, Chhandam ngai, hrem theih, nung, bawhchhetu erawh chu neshamah aka ruakh nilo, nephesh, SOUL hi a ni e. A immortal lo rapthlak, soul chu keimah nung mek, thil type zut zut tupa hi ka ni e,inawkhlum thei, rui hnem a chatthla thei,accident thei, heart attack avang a thi thei hi ka ni e. Ka thi ang a, ka tho leh ang a, rorel sak in ka awm ang, chatuan thihna leh chatuan nunna zawk zawk hi ka chantur chu a ni e. Hei mi mihringte chung a khawrel inangvek, sawi hrang in sawi danglam engang mah ila, pumpelhna awm eih lo chu a ni e.
Report this comment
December 16th, 2011 at 2:01 am
nghaituah tham fe chu a awm!
Engpawhnise, zoho a sawi hi dikna chen a awm a, a diklohna erawh a tam zawk mai thei e..ka rilru nghaihtuahna a tang chuan!
Report this comment
December 16th, 2011 at 2:08 am
zoho comment hi chu pkfanai te ho chhanah khek mai ang!
Report this comment
December 16th, 2011 at 2:42 am
Report this comment
December 16th, 2011 at 1:46 pm
I Bible chang han tarlan, “Unau te u,tisa leh thisen hian pathian ram chu a luah thei lo ang” (I Korinth 15:50) atang pawh hian a chiang reng asin maw le.
He taksa tawih thei hian Pathan ram a luah dawn hlei nem. Lal Isua lokal huna tholeh taksa chu Lei taksa ni lovin Van taksa, Lal Isua pana thlawk thei leh tawih thei tawh lo a ni ang. (I Korinth 50:39-44)
Doctrine lam pang hi chu inhnial tul ka ti vak lo. Pu Zohoa nena in pawmdan pawh hi, a pawina leh hlauhawmna ka hre hran lo. Amaherawhchu, Taksa leh Thlarau dah hran leh lutuk hi a hlauhawm thei. Taksa thil tihin Thlarau a effect lo” tih emnmaw, “Pathian in Nunna thaw min pek hian a tisual ve theilo, hrem theih pawh ani lo” tih ang chi hi chu Zirtirna him tawk lo a ni thei.
I bible chang tarlan dang,“Pa in mahni a nun a nei hrang ang bawkin Fapa pawh mahni a nun nei hrangin a siam(john 5:26)” tih phei hi chu a, “I Trinitarian lutuk em mai”
Tupawh, Pathian Ram alo zau a, a lo lanfiah a, a lo ngheh deuh deuh theih nana beitu zawng zawngte hi chu ka lam tang leh ka Unaute anni mai. Tupawh chumi kalh zawng leh a thiat darh zawnga che reng rengte erawhchu, ka hmelma te an ni. Theih tawpin, meikawhin ka do zel ang.
Report this comment
December 16th, 2011 at 8:09 pm
A greek tawng a tel vang hian ka chian kuar phah chuanglo a, khiti zat inziakah khian ka hriatthiam dan nen a danglamna pawh chu ka hre chuanglo bawk. He tawih thei taksa hi tawih theihlohna neiin kaihthawhin a la awm dawn tih hi ka hriatthiam ve reng thin dan leh mawltea ka lo pawm ve reng dan a ni ee
Report this comment