He KRISTIAN TLANGAU BU HLA hi Messenger for Christ Team-a an soloist Pu Zaivunga, East Lungdar-a miin Kristian Tlangau buin kum 75 a tlin kum 1986-a a phuah a ni.
1. Zoram dung leh vang hi ni tinin
Ka thlir vel ṭhin a;
Lal Isua Chanchin Ṭha puan darh nan
Hmanraw pawimawh leh ṭangkai ber chu,
Kristian Tlangau bu hi a ni.
(He hla phuahtu hian Zoram dung leh vang a han thlir vel a, Kristian Tlangau bu chu Krista Chanchin Ṭha puan darh nana hmanraw pawimawh leh ṭangkai a nihzia hmu chhuakin, chu chu a chang khatnaah hian a hmang a ni.)
Kristian Tlangau bu (Tlangau bu) – bass
Dam reng ang che khawvelah hian,
Lusunte thlamuan ṭhintu i ni e;
(Thlamuantu i ni) – bass
I chhungah hnam ze tinreng damna
Thu a chuang kim ngei e.
(A thunawnah hian lusun khawharte hnemtu leh hnam ze tinrengte damna thu a lo chuan kimzia tar langin, chumi avang chuan Kristian Tlangau bu hi dam reng turin duhsakna a hlan ta a ni. Chu a duhsakna leh ṭawngṭaina chu Lalpan malsawmin hei kum za hiala rawn au thleng ta rêng a nih hi.)
2. A sakhming lam rik a nih veleh
A chhung thuah hian,
Thu dik leh rinawm a chuang a ni tih min hrilh.
He dinhmun hi a thurochhiah leh
A rochan hlan chhawn chu a ni.
3.Kristian Tlangau bu hi Zofate
Chanchinbuah chuan;
Chanchinbu darh zau ber leh hlun ber a ni e.
Mite ngaihsan leh ngainat ber chu
Kristian Tlangau Bu hi a ni.
(A châng hnihna leh chang thumnaah hian ‘Kristian Tlangau’ tia a hming han sawi rik tawh chuan a chhunga thu awmte chu thu dik leh rinawm a nihzia min hrilh rualin, chu tak chu a rochan leh thurochhiah, ṭhangtharte tana min hlan chhawn chu a ni tih min hrilh nghal a. Chu mai ni lovin Zofate kutchhuak chanchinbua darh zau ber leh hlun ber, mite ngaihsan leh ngainat ber chu Kristian Tlangau bu hi a lo ni e, tiin a nemnghet zui ta a ni.)
Similar Posts:
- Kristian Tlangau Hla
- Tripura lamah tihdam rawngbawlna
- Old Rugged Cross
- Bangladesh Healing Crusade
- Lazydog’s “KRISTIAN RAM ANI SI A”
December 18th, 2011 at 10:31 pm
Chhiar ang hmiang.
Report this comment
December 18th, 2011 at 10:33 pm
Sa dawn ila.
Report this comment
December 18th, 2011 at 10:42 pm
Nakum lam chu Kristian Tlangau hi lak ve tawh tur a ni. Chhiar nuam ka ti riau thin.
Report this comment
December 19th, 2011 at 12:45 am
Hrilh fiah nghal deuh thlap thlap a! are yaar
A thluk a awm em aw. . a solfa ang zawng te pawn rawn ti tel law law la. Like heavy 
Report this comment
December 19th, 2011 at 8:29 am
Kristian Tlangau tluang takin kal zel turin Duhsakna sangber ka hlan e. Zofate tan Rohlu i tling e. :kiss:
Report this comment
December 19th, 2011 at 11:30 am
-do-
Report this comment
December 19th, 2011 at 7:24 pm
Kristian Tlangau hi ka hriat theih tirh ata ka nu leh pa in an subscribe char char a, kan chhungin kan chhiar thin a, monthly magazine chhiar manhla tak a ni. Sermon tha tak tak awmte hian mi a hneh thei khawp mai.. :happy:
Report this comment