mi(sual).com

Dear,

Zanin hian ka khua a har hle mai, ka ngai che a ni. Nang nen khan Krismass kan hmang dun miah lo chungin Hunpui lo thleng tur te hi ka huphurh thin, kan nun hlui khan min rawn um pha leh a ni. Dik tak chuan engtik lai pawh hian min umpha reng a zawk a, nikhat pawh nang hre chhuaklo hian hun ka la hmang lo zawk a sin.

Zanin hian a zual em a ni. A tir ah kha chuan theihnghilh che kha ka hlau thin a, ka hriat chhuah theihna tur che ka ti thin. Tunah chuan theihnghilh che ka duh a, a chhan pawh, “I nun zawng zawng ti chhe vek tu ka ni” i tih kha thlen dik tir ka duh lo a ni. Mahse ka theihnghilh thei lo che.

Kan inhmuh hmasak ber kha ila hriat ve ngei ka ring, ka thianpa nen a kan in luah chung i luah ve dawn vangin, rawn thlah tu che i chhungte nen in lo leng a nih kha. Hmeichhe pangai ve mai hmuh che khan ka hmu che a, ni e, i pangai a ni, hmel leh pumrua ah chuan han sawi vul chuk tur chu i awm miah lo.

Hmeichhe ngainat awm tak, hmelhmuh nuam leh dam tak i ni tih erawh chu ka hria. Inchung inhnuai a awm ta ngang chu eng eng emaw, hmeichhe tan a tih harsa te a lo awm bawk nen theih ang ang in kan in pui ve thin a nih kha. I chhungte’n an hawsan hnu che khan nangmah te khan i riak ngamlo vel a, ka fuih che a vang a huaisen ta sawt a i insawi te kha ka beng ah hian a la cham reng mai.

I  riah tan tirh lam a current a rawn awmlo thut a, i hlau ang tih ka hlauh a vanga ka lo phone che kha, kha ta tang khan a ni lawm ni ka ngaina tan che min tih kha, khatiang lai kha chuan inngaihzawn lam ka rilru ah ala lang pha hauh lo sin.

Mahni hna tul avangin kan haw ve ve a, “i concern thil tih tur ka nei a, ilo len hun ah ka hrilh ang che” i tih a, ka bangbo zia te kha, min sawm ang a in in a ka lo len hmasak ber kha ka la hre reng mai, i pa in thil ei pah a min ti ti pui a ka lai lutuk min lo khawngaih, a hnu a min hrilh leh a kan nuih dun hawk hawk te kha ka va ngai em, kha mi ni kha chuan kei pawh khan eng vang a leng kher kher nge ka nih ka in ti ve rum rum reng a. in veranda ah kan thu dun a, “ in close deuh ang a kan lan chuan ka nu ngaih a tha lo ang” i tih te kha a awmzia ka lo hre lo vel a.

Enge ka concern chu ka tih lah in ‘kan let leh hun ah’ i ti tlat leh nghal.. Rem chang a piang ah kan in text a, zan ah ngei ngei in kan in be bawk a nih kha. Khatih lai pawh khan kan inngaizawng ang tih ngaihna ka la nei hauhlo a sin.

Ni e, i hriat vek kha, i bul ah chuan ka hlim mai ni lo in thil tam tak, Nun dan thlengin min zirtir si a. Hlimni leh lungawilohni ka tawn chang hian ka bul ah awm la ka ti thin,a nih loh vek pawhin hrilh hmasak ber che ka chak thin, nang pawh i nih thin tho kha.

Min hnem a, ka lungawi a, min hrilh a ka zawm thin a nih si kha.Ni tin ka hna a ka kal dawn a piangin i in ah ka rawn lo lut chho a, “ …vawiin chu tha deuh khan aw, temper kha…..” ti a min thlah thin khan min vawn thin zia leh ka chhawr thin zia kha mak ka ti zawk. Vawiin ni thleng hian min la vawng a sin. Mi dang kan ngai lo a, kan pahnih khan kan hlim tih chu tu hrilh mah kan ngai si lo.

Duhtak, thiante chuan, ‘thinlung kahpathir’ min ti ve a sin, kan chanchin chu ka hril vek lemlo na in, pakhat phei chuan ka awmdan a tangin a hre thiam a, ‘thinlung kahpathir ti tui thei chu ka va hre chak em’ a tih fo pawh in ka chhang ngai lo, a chhan chu “ …kan chinchin hi mi in hre ta se min dem ngawt ang, an ti dik chiah bawk ang…” i tih kha ka hre reng a sin. Nia, mi’n an dem dawn che, chu chu ka ngai ngamlo a ni.

Lo hrilh ta teh reng pawh ni ila an hrethiam chuang lo ang. “ ….kan chanchin hi ziak la…” te i tih thin kha.. ka ziak teuh a sin, kimchang takin ka ziak chhuak vek zawk a sin… I tawngkam hman zawng zawngte kha vawiin a mi ang mai in ka thinlung ah hian a la chiang a sin.

Duhtak, i sawi tamtak te, kan khawsak dan zawng zawng te, tun mai a thleng ang hian ka la hria a sin. Ni e, han chhai ve deuh te pawh ka’n nei ve thin a, ka phuloh tak tak te pawh an ni ve in ka hria, mahse a der ka thiam ve lo a ni, ka thinlung luahtu chu an hre chhuak zel.

Tu nge a thinlung a midang awm reng chu ngaizawng duh ang?. Thil pa khat erawh min hriat sak la ka ti, kan chungchang atang a ka tawnhriat a tang hian mak tak mai in mi enge maw zat ka lo pui ve thawh a sin.. ka la hmuh miah loh te pawn min rawn tah khum ve hawm hawm nia…Mahse ka inthiamlo fo thin, kei pawn ka zawm theihloh tha tha ka lo hrilh thin a ni sia.

Duhtak, i chanchin hi khawi emaw a tang hian ka hre zel mai bawk si hi mak ka ti !, a sawitu te lah hian kan chanchin kimchang hi an hre der silo. Chung ho lah chuan min dem vek leh nghal a, chung demna te chu na ka ti lo. Na ka tih zawk chu Reality i hmachhawn ngam lo kha a ni.

Enge maw chang hi chuan engkim hi puan ka chak thin, mahse chu chu ka hmangaihna che vang hian ka thei si lo, Chung zawng zawng ai chuan min hmangaih a ni tih i tawngka ngei a i hrilh awmchhun ka nih hian min luah hneh zawk.

Duhtak, hrilh chak tamtak che ka nei thin. A hun lai khan i sawi awmzia ka lo hre silo a, “ mite hian hla thalo tak tak an lo phuah thin a” i tih te kha.. Tun a ka awm dan hi Siamtu min dahna a nih te pawh ka ring ta. Hetiang tur a duan hi ka nih ka ring. Zan in hian ka khua a har hle mai, he hla hi ka ngaithla a ka thlahna che pawh ni teh se…Dam tak in, hlim takin, tluang takin, in chhungkua duhsakna ka hlan a che u. Kum sul hnih liam hnu pawh hian ka damchung zawngin ka HMANGAIH reng ang che…

EVERY YEAR EVERY CHRISTMAS

I don’t know how love could do this to me

I’ve waited and waited for someone I’ve never seen…

But I’m so sentimental and I’m so hopeful you’ll be here

So, here I am every year, every Christmas…(yes)

I’ve wish for you in my heart and in my head

And I got my answer that first moment that we met…

And, oh yes, I believe you as you told me, as you said

You’d be here every year, every Christmas.

There must be a lesson for me to learn

If you don’t trust in love, you’ll get nothing in return

Why should i be lonely, don’t tell me it’s fine

I have my pride, but I’d rather be with you tonight (yeah…)

So much emotion, its driving me mad (yeah)…

But I’ll take my chances with this feelings that. I have

And I’ll come back to this same corner where we met

And I’ll be here every year, every Christmas.

Mere words can’t explain, the pain and the fear

`Cause oh, I wonder, yes, I wonder

Are you goanna leave me standing here

Today’s almost over, but I don’t wanna leave

Has my heart made a fool out of me? (yea…h)

My friends gather round me with holiday cheer

They say to forget you, to let you go cause you’re not here

Well I can’t keep explaining what they’ll never understand

And why I’m here every year, every Christmas

I return every year, every Christmas

I come here every year, every Christmas..

Similar Posts:

• Nitin Mai Hi Krismas Ni Thei Se
• Merry Christmas!
• Advent Christmas- Advance Christmas ni lo
• Krismas Card…
• Your plans for Christmas?

Recent Posts:

• ENGVANGIN NGE CHAKMA TE HI AN RAM AȚANGA TLANCHHIA IN MIZORAMAH AN RAWN PUN LUAI NA CHHAN HI.
• MIN PHATSAN SI!
• Misual Apps
• MNF LEH CHAKMA POLITICS; TU NGE A KAIKUANG CHHUI A NGAI E !!!
• Android Games

This entry was posted on Saturday, December 24th, 2011 at 3:00 pm and is filed under Christmas, Fiction, Luangliam. You can follow any responses to this entry through the RSS 2.0 feed. You can leave a response, or trackback from your own site.