Tun tum Masi chawlh hmanga ka haw chuan, thu lar tak an sawi fo thin pakhat “ A hmufiah thiamte tan chuan ‘thilmak’ hi hawina lam apiangah hmuh tur a awm a ni” an lo tih kha, a takin ka han tawng a. Kan thenrual tha tak takte’n tun kum hnih khat lek chhunga hma an lo sawn dawrhna te han hmuh chuan, rilru a hlim a. An insak thar nuam tak takah te chuan lutin, thingpui sen hang leh kurtai te kan dawm za a. A hlimawm ngei mai.
Congress pachal ka pa Lawmsanga (hming thlak), pa taima lem lo tak leh thlawhhma pawh la zau ngai lem lo chuan In tha tak a lo sa uah mai a. Car nen a lo inhung rup mai bawk a. Tin, ka thian thenkhat, lehkha zir tha duh mang lova, sikul chawlhsana hlo thlo ta te pawhin Sawrkar hna chhe te te an lo chelh far bawk a.
Congress pa thenkhat, engtik lai maha ‘Nuai tel’ sawi ri ngai lo te pawh an tawng nuam hlawm khawp mai. Krismas bawr a ni bawk nen, ‘Michak chuan thil ropui tak a tihsak hlawm’ ni maiah ka ngai a; chu mi chak hming erawh chu Thianghlima chu a ni lo phawt a!
Party Politics tel lo hian democracy sawrkar hi a hlawhchham ngei ang. A tel lovin a awm thei lo tih chu kan hretlang vekin a rinawm. Mahse, Party politics kan laknat luat avanga Mizoram Sawrkar nei lova, Congress Sawrkar kan neih tak dan te hi chhut neuh neuh chi niin ka hria. MNF emaw PC emaw ZNP emaw pawh sawrkarna fawng chelhtu-ah han tang se..an lem chuangin ka ring lo. Tu thiam loh nge ni ta ang le?Party Sawrkar hi ramin a mamawh lo; Mipui sawrkar, kan zavaia aiawha banphar ngam, hleih nei lo sawrkar a ni a mamawh ni!
A chiang reng mai. Mipuite thiam loh a ni a. Nang leh kei hi a kaikuanga chu kan ni ta chiah a ni. Mahse, hemi chungthu-ah hi chuan kan thawnthu erawh a hrang hret thung. Kan pu Chemtatrawta tilte-ah chep lovin,a chulin kan chul a. A lawm lutuk awm ngaihna hre lo chuan a chawfun a phelh lawk a, kan ei atan a chhawp ta a. Kan thiante rawn ei ve tur chu hnahthial kuangin a lo hawl nawk nawk zel a. Keini’n “Pi leh pute khua chu nuam sing khaw!” tia kan nawm kan maka kan inleng laiin, kan thiante erawh hmui pawr sunga hawlh hrep an ni a..vui hmui pu lo thei lova siam an ni ta a ni.
Ram leh hnam kan hmangaih takzet a nih chuan hlemhletna te hi kan do ngam a ngai a. Nuai 100 man contract hmuin Nuai 50 tal hlep phet kan tum chhung hi chuan a tu amah hi kan inhmu nikhua tak tak chuang dawnin a rinawm loh. Contract hna kan tih mai te hi a nihdan tur dik tak anga kalpui lova, kan tih khawbaw fova, party mi leh sa invulh len nana kan hman chhoh zel si chuan Party politics hi a kha telh telh anga, mipui lam kan bawraw tawlh tawlh anga, hruaitu tha an lo chhuah pawhin term khat bak ram hruai tlakah kan ngai lovang.
Chu chu, kan hmabak a ni. Hetiang zela kan kal chho a nih takzet chuan engtik ni-ah emaw chuan mi beidawng, ram hmangaih si te pawh an lo la chhuak ngei anga. Mi hlemhle te leh eiruknain a chawm thau, mahni tanghma ngaia dikna thlauhthla-a, a dera Zoram hmangaihtute hmachhawn tur chuan, ruah leh rialin a hrual hrep hnu, dikna tana, rinawmna avanga hmel pawr fap mai, thinlung beidawng ngawih ngawih chung pawha bang lova Zoram Tana an ban phar ngamte an lo la chhuak ngei ang le. Chumi hunah chuan ka dinna tur chu ka hrechiang ngang mai! ~ Fam Dairial Pawh Chang Ila, Kan Sakruang Mizoram Tan~
Similar Posts:
- Tlakpui kum – 1998 & 2008
- Party Politics tel lo Politics meeting boruak sang hle
- National Politics-1 (Didi a che leh ta..!!!)
- Congress and MNF to form one party in Mizoram
- ZORAM POLITICS- Congress leh MNF insiamthat lehzual nana ka beiseite.
a tha khawp mai
January 15th, 2012 at 9:35 pm
chhiar hmain a topic ringawt pawh hi like teh ang..
Report this comment
January 15th, 2012 at 9:45 pm
A ngaihnawm phian mai… good post
A dik chiah a ni, party mitha nilovin, Mizoram hmangaih a retheih hial pawh ngam tur khawp, ram hmangaih thlan tur kan mamawh.
Contract hi fahrah te te kalo buaipui ve tawh thin. Thawh ve chhunah chuan ka inchhuang ngam chiang khawp mai.
Report this comment
January 15th, 2012 at 9:52 pm
Baala hmaa thingthi ngai lo an la awm ve nual ania. Dikna in kan rama ro a rel hun ala awm ang. Dam rei ngah thil pawh ni se. Tuna sum hai lut pup pupte hi an dingchang reng dawn lo ani. An “hausa” anih pawn sum dik taka lakluh anih vek loh chuan an hlim phah tehchiam chuang lovang. An lakluh zinga 99 lo thianghlim pawh nise, 1% a balh chuan a vaiin a bal vek. 99% a balh phei chuan…
Report this comment
January 15th, 2012 at 9:53 pm
Post tha khawp mai.
Report this comment
January 15th, 2012 at 9:54 pm
Ekai..hei hi misual a chai chi ani lo tawp mai..vanglaini ah emaw dah chi anih hi….misual ho hian kan tuar zo lo hetiang hi…a va dk teh reng em ve le…
Report this comment
January 15th, 2012 at 10:03 pm
Post tupa, Zoram Thlirtu leh Zoram tan (facebook group) ah ka dah dawn e.
Report this comment
January 15th, 2012 at 10:11 pm
tlem chuan kan moral chu a in reform ve zel a nia, lungngai reng reng suh para 2/3 ang chi te pawh khi thinlung zz a ngaisang tawhloin hmalamah pawh kan nuihzat ngam tran tawh a, a dawih deuh pawn hnunglamah tal annuih ngam ve tran tawh a nia
Report this comment
January 15th, 2012 at 10:16 pm
Hei ha! Hui ha! Kan ram hi a veiawm reng a ni.
Report this comment
January 15th, 2012 at 10:35 pm
Eiruk hi chu mipuite hian ngaiah kan nei ang tih a hlauhawm khawp mai. Sawrkar hna dil dawn ila, mi ṭhenkhat hi chuan chhungte/hmelhriatte insawipui tir tur emaw kan ti tlat tawh a nih hi maw. Mipui kan insiamṭhat a ngai. Hruaitu ṭha hi chu tun dinhmuna kan politician te enin beisei sân a har angreng khawp mai.
Rinawm taka kan thawhchhuah hmangin in leh lo chhete kan han din ve a. Kan kiang hmuhtheihah eiru tih hriat reng reng ten a aia lian leh ṭha in, motor nen an rawn ti khup mai si a. A zialo deuh ṭhin chu a ni. Mahse, he khawvel kan chhuahsan hunah chuan kan khawvel thil engmah kan chhuahpui dawn lo a, hengho nen hian khawvela kan tawpna chu a inang vek dawn a ni tih hian ka inhnem ṭhin.
Report this comment
January 15th, 2012 at 11:03 pm
A thu athain, chhiar a nuam hle mai. Post tha lutuk.
Mizoram kalphung that lo thuah hianMipui ai chuan hruaitu hi mawh an phur zawk. Halpuah hal mai maiah pawh mipui chu hruai kan nuam em mai. Tumah halpuah hal kan awm tawh loh hi.
Report this comment
January 15th, 2012 at 11:07 pm
Arsenal an chak dawn lo e.
Report this comment
January 15th, 2012 at 11:14 pm
a tha hle mai
Report this comment
January 15th, 2012 at 11:20 pm
Ka sawi fo leh ka vei thin i rawn puang thiam e.. 5 star rating ka pe e.
Report this comment
January 16th, 2012 at 12:10 am
Kan sawi a, kan sawi leh thin. Zoram a tlu mek a, mi retheite’n an chân laiin; a hausa ten a neih belh tun tun a.
Kan ta ni ve tura kan ruat loh AIDS leh Mobile ten min rûn a, min tichhe mek a. Mahni inah ngei rawk kan tuar a, kut kan tuar ta. Chapona nen tuallai kan màwi bawk a.
Zoram hian chhantu thalai rual huaisen a mamawh a ni. Dikna nena Zoram than mawhbawk do ngam thalai te i harh mawlh ang u.
Tho la ding ta che. I hliam a dam e, i tha thum te a kiang e. Hnutiang hawi lovin khuavel i la chhing ngei ang tiin Zoram hi duhsakna kan hlan nawn e.
A damdawi i sawi tlem deuh a ni. Good2 post
Report this comment
January 16th, 2012 at 1:14 am
#5, lrpa khi ka thlawp e, kan chai nek tawh thin…!!!
Ana Hazare-a te pawhin an vei khawp mai !
Report this comment
January 16th, 2012 at 7:26 am
A dik lutuk
tren tren
Report this comment
January 16th, 2012 at 8:46 am
PHE Deptt. a tuisem tur chuan, Hawla lehkha aiin EE duhsak zawng nih a pawimawh zawk. Party party tihngawt hi a nilo. Officer thil ti thei hmelhriat/ chhungte neih leh neih loh te pawh a nive tho. Tih kan sawi belh ve mai mai ang e. Pu Lalmanzuala ang thehthawh kha kan mamawh a, mahse kantuar lovang.
Report this comment
January 16th, 2012 at 8:55 am
A va dik em.
Congress an sorkar chiah a, MLA/Minister inah an thenrual leh party member an kal khawm a, ‘HNA, Contract’ an dil nghal sup sup mai. Post awm lo siam chawp tur te pawhin an nawr ngam. ‘MNF pawhin an theih te chuan ngatinge in theih ve loh?’ ti ten an nawr.
Mipui hian ram kan hmangaih hma chuan Mizoram hi engmah a ni dawn lo. Kan MLA te, kan officer te, kan dawrkai te hi’Mipui’zingah kan tel vek tih hi theihnghilh lovang u. Kan pawimawh vek a sin kan RAM tan hian.
Report this comment
January 16th, 2012 at 9:03 am
Lalthanhawla Memorial HSS, New Serchhip (Pu HVa chetthatna hmunah) ah din a ni a. Zirtirtu atan MNF ruh tak fanu a tling nawlh mai a. Congress party hruaitu thenkhat chuan an sawisel nasa hle a. Mahse, Block President berin Interview ah ati tha miau si a, kan lak lohin a ti tlat.
Report this comment
January 16th, 2012 at 9:05 am
ka chhiar ve ta chiah e! a va dik ve
Report this comment
January 16th, 2012 at 9:28 am
In comments chhiar a nuam khawp mai..sawibelh zel dawn ila..duhthusam lo lai leh party politics avanga kan ram hun tawn mek chungchang hi sawi tur a tam ang. Mi ram kan en pawhin HV-a te khaw lamah pawh hian Republicans leh Democrats ho intaizia chu kan hre tho na a..anni chuan felfai zawka thil a kal theihna turin Spoils System (Patronage System) an la nei tal a. Andrew Jackson-an a rawn tih tan tirh kum ngat phei kha chuan amah support-tute tana hna a pek theihna tur khan khatih lai (1829?) vela sawrkar hnathawk 10% kha a ban a, mi thar a ruai ta hial a nih kha. Party plitics hi thil namai a ni lova, kan insiamrem thiama, kan kalpui thiam loh chuan keini ram pawh hian thatpui a hnekin kan chhiatpui talh talh dawn niin a lang ta tlat a ni. Sawi tur a tam khawp mai..
Report this comment
January 16th, 2012 at 10:25 am
I thu ziah tan dan leh i sawi duh tak inlaklawn dan khi a tha tak zet…
Mahni ram hmangaihna rilru pu thei lo khawp a duham leh hausak chak, ram hruaitu kan ngah lutuk hi zawng a pawi teh a nih hi…
Kan thenawm lawk, Sakhuana kawng ah phei chuan kan hmusit zawk, Tripura Chief Minister chanchin te hi aw, a chhuanawm thlawt. Hetiang ang pakhat tal hi kan ram hruaitu mi 40 chuang zingah ah hian pakhat tal pawh an awm lo (in ka hria)…
Ram hmangaih avang a retheih ai chuan, mahni party hmangaih avanga hausak hi a lo nuam hle a nih dawn hi…
Report this comment
January 17th, 2012 at 2:58 am
He post hi ka chhiar nawn leh a, a tha khawp mai..kan like nawn leh teh ang
Mizoram hmangaihna lam chi hian comment a hlawh tam ngai lo a, a chhan chu sawiselna anih thin vang ani mai thei. Ram that nan kan infak der chiam dawn nge kan in sawisel dawn? tih hi hriatthiam a har khawp mai a.
Report this comment
January 17th, 2012 at 3:43 am
lrp #23 , ka sapawt che
Report this comment