Serchhip khua hi mi tamtak chuan ‘a reh’ emaw, a ninawm anti ani maithei. Keia tan chuan khaw nuam tak tho a tling mai. Kum 20 aliam leh ta der mai, thian hlui te mual an liam hlawm tawh a a la dama te lah an chinchang hriat ka nei ta heklo, lung an ti leng thin hle mai.
Serchhip ah hian inhlawhna lawmman lak tum vang emaw, zin ve hrim hrim te, ka vawk vulh chaw tur zawng te pawn ka kal fo thin. Hetiang karah hian hmelhriat leh thian tha tam tak ka chhar a, an hawihhawmna leh min duhsakna avangin Serchhip hi ka thlahlel ve thin hle. Hmar veng, Chhim veng leh New Serchhip ah te leh AOC chhak lamah te chuan nula ka rim ve thin a, chanchin sawi tur a tam thei viau ang le.
Tum khat chu Serchhip veng pakhatah ka lenna thinah ka leng leh alawm mawle. Mikhual, N.Vanlaiphai lam mi (ka hmelhriat sa) an lo nei nghe nghe a. A ni chuan a bialnu a rim duh thu min hrilh pah chuan, a pheikhawk a theihnghilh avangin ka pheikhawk bun hawh chu min dil ta pek alawm mawle. Kei lah chuan, “lo kir har lo la,” tiin ka bun hawh tir ve mai bawk a (ho angreng).
Zan a rei tulh tulh a ruah lah chu a sur nasa ta tawlh tawlh mai a, a ni tlangval leng lah chu lo haw tih reng a awm thei ta silo. Zing dar 2 thleng ka nula rim te choka ah chuan kan thu dun a, kan nui ker ker a, thingpui te lumin kan ti ti mai mai a. Chutah leh a u (upa ber) a lo lut hlawl mai a,a ni chuan ring tha leng lawng tak mai hian, zan tin inleng an neih thin thu leh kei anga leng rei an la awm ngailoh thu te, haw nachang ka hrelo chu mawl min tih zia a rawn sawi ta bawrh bawrh mai a. Ka haw tlai chhan kan sawi ve ngial pawn, “tinge i bun tir teh ei,” min ti fel et mai si.
Ruah sur nen, tuihawk karah kelawng chuan ka haw duh bik der silo, kan kiangah chuan ka awm chhung chu kan lam hawiin a ding ve ta char char a 
Ka haw dawn chuan an pal ka thiah sak vek a, a tukah chu nula nen chuan kan siam tha leh nghe nghe.
Serchhip IB awmlai kha a ni a, tleirawl chhelo deuh mai hi ka hruai lut ve e ka tia, nakin ah chuan a u mipa hian a rawn zawng ta pek alawm mawle. Khumhnuai ah rang fe hian a tleng lut a, chuta tang ngei mai chuan a u chuan a samah an kek chhuak a nih kha a nuihzatthlak si, a zahthlak deuh bawk si, pum na urhin a ruk chuan ka nui khur ta char char a.
Shillong a ka lehkha zirpui thin chu ka hmu hlawl mai a, inngai em em in kan titi tui hle mai. Chaw eiah te min sawm a ka ei ve mai a, zu te inin kan inkawm hlim viau mai. Hlim viau e tilo chuan annu kha (a rui chuan) beisei dawnin min ngai ni ngei tur a ni (beisei lo rura), insual min cho ta tlat mai a, ka chhuak nal nal, ka kir leh tawh ngailo reng reng.
Aizawl lamah vawkchaw lak tur te avan tak em avang chuan Serchhip lam hi ka pan fo mai. Zapan hlo te kawng sirah a tam thin bawk a chung chu ka la thin a, bus in ka phur haw leh mai thin. PWD staff ho hian tlai dar 3 hnu hi CRY TIME an ti mai thin a, tum khat chu ka va tel ve a, dangdai ka ti khawp mai.
Zu litre 5 bur an inchhawp a, an in liam liam a. An rui deuh ta tihah chuan an inti lungchhia a, an tap hliam hluam ta mai a. An tap chu an inthlem a, an tap zual sauh sauh ta thin a. Chumi chu nuam hi anti em em mai, a cry time anih chuan an Qtr pakhatah an lut a an tap tliar tliar thin.
Tum khat pawh Aizawl a bar awm laia bar pakhat manager thin vaipa ka hmu nawlh mai a, a ni lah chuan min ngai derin zu min khilai ta a. Kan inna hi Serchhip bazar thlang, lane pheiah khan a ni nghe nghe. A rui ta deuh chu ka zai tir ta a, a zai lai em em mai lehnghal. Sazuar lo awm ve te chuan an ning hle ni tur a ni, an chhuak sap sap mai a.
A hnu chuan kan chhuak ve ta a, rin loh deuh kan tawng ta tlat mai le. Sazuar pakhat kha alo thinrim zual fal deuh chu lo niin, a sazawrhna kiangah chuan milo changin min rawn hnek pawp mai a, Vai Mizo inah ka lenluh pui kha a chhuanlam chu a ni ber. Serchhip bazar lunlai ah chuan patling pahnih sazu thankin tawh chu kan in khuainuai chu a ni ta der mai a, a van zialo tak em! A sa zawrhna dawhkan te chu a pherh ta pheng phung a, a sa zawrhlai pawh a bal zo ta vek a, a hlawk lo khawp ang le.
Tum khat leh pawh Sports office atangin coach te hoin Mizoram dung leh vangah “catch them young” anti emawni, anlo hawlam chu Serchhip ah an lo chawl ve a, an ruala haw ve ka tum ta a. Nula pakhat, bus kalo nghahna, ka thiannu tho dawr atanga ka chhuak tur chu a tap ta vak vak mai a (thian ngaih tap), ka la mitthla thei reng ka zah zia kha. Kawng tluan chuan coach ho lah chuan min fiam nan tak an hmang a, haw kawng ti nuam tu, fiamthu atan min hmang thla tluan ta zak nghe nghe a ni. Sawi tur atam, ka sawi seng lo a ni ber e!
Serchhip a ka thian hlui, Liandailova a awm tawhlo (a thi) tih ka hre leh zel a, lung a tileng in avan ngaihawm rei dawn vawng vawng tak em. Matluanga a awm tawhlo an ti leh bawk huiham. Serchhip hi chu ka khua ti ve ngam thaw thangin ka tlangnel ve hman a ni. Madawngi te unau (anau Zami) te sam siamna dawr ah khan ka van thu tam thin tak em!
Similar Posts:
- Serchhip lama thil khir deuh deuh thenkhat!
- Nula Rim Thu
- “Ka pu, tlem back la”
- Chet chhiatna tlem te
- T. Romama Nite Serchhip ah
January 18th, 2012 at 1:32 pm
chhiar ila
Report this comment
January 18th, 2012 at 1:36 pm
Hahaaa…..va’n hit hlawm ve aw….
Report this comment
January 18th, 2012 at 1:42 pm
Tha lutuk
Shillong a ka lehkha zirpui thin chu ka hmu hlawl mai a, inngai em em in kan titi tui hle mai. Chaw eiah te min sawm a ka ei ve mai a, zu te inin kan inkawm hlim viau mai. Hlim viau e tilo chuan annu kha (a rui chuan) beisei dawnin min ngai ni ngei tur a ni (beisei lo rura), insual min cho ta tlat mai a, ka chhuak nal nal, ka kir leh tawh ngailo reng reng.
Pan lovah tho a fu ngai lo… an ti
Report this comment
January 18th, 2012 at 1:50 pm
A hit hlawm mang e aw..! A bikin ‘cry time’ khi..
Hahaha..!
Report this comment
January 18th, 2012 at 1:57 pm
Report this comment
January 18th, 2012 at 1:59 pm
A ngaihnawm dan a dangdai khawp mai!
Report this comment
January 18th, 2012 at 2:02 pm
Ngaihnawm hlimawm thei khawp mai.
Report this comment
January 18th, 2012 at 2:03 pm
Cry time chu chhe lo e…..mahse keipawh thiandun officer ve ve an ruih apianga hming in thleng thin an sawi ka hre ve..
Thil dang zawng ai chuan ‘Ngaihzual nang nen’ mawlh kha keimahah chuan hit thar tlat..Pu HV inzep rei eeee..
Report this comment
January 18th, 2012 at 2:16 pm
Pu Hv hi chanchin ziah tur nei ngaihnawm dangdai thei bik eee!!.I nula rimna te mikhualpa,i pheikhawk bunlai i hawh tir mawlh khi,dangdai em mai.. :)) ..
Report this comment
January 18th, 2012 at 2:19 pm
Pui thei miah miah hle mai a.., ngaihnawm ka tiin min tinui nasa hle mai. Cry time mawlh mai khi, a va han turu tak em, pui lutuk, pui lutuk
Report this comment
January 18th, 2012 at 2:37 pm
Very very good post. Serchhip hi khaw mawimawh tak ani lawm ni? CM constituency. Pu VH chu US of A ah emaw i awm ka lo ti a, Serchhip lam i ziah tak mai. A lawmawm e.
Report this comment
January 18th, 2012 at 2:48 pm
ka chhiar zawng a piang in ka nuih ala za…i blog ah ka chhiar tawh a, ka chhiar leh a, ka la nui tho
Report this comment
January 18th, 2012 at 2:51 pm
Report this comment
January 18th, 2012 at 2:52 pm
blog lam nen ka ngaihpawlh nge..? Hman ni lawk khan misual ah tho hian he thu tho hi kan komen tliar2 tawhin ka hria..??
Report this comment
January 18th, 2012 at 2:53 pm
A ngaihnawm hle mai. Zolywood star nge nge (
), i chanchin hian min tihlim, i ziak thiam bawk si… 
Report this comment
January 18th, 2012 at 2:57 pm
A ngaihnawm kher mai, cry time mawlh mai khi tha lutuk.
Report this comment
January 18th, 2012 at 3:09 pm
Hairehai…. Serchhip
Report this comment
January 18th, 2012 at 3:10 pm
Ngaihnawm ve…..
Report this comment
January 18th, 2012 at 3:30 pm
Shillong a i sikul kalpui thin pawh kha kan zingah a awm ve tawh lo!
Report this comment
January 18th, 2012 at 3:30 pm
Phiekhawk han in hawh tir hmiah chu(h) ava in ngamtlak thlak tak Hairehai!!
Report this comment
January 18th, 2012 at 3:46 pm
Hman lai thil tawn hi a lo ngaihnawm duh a nih hi. A hun laiin nuihzatthlak vak loh mahse, a lo hlimawm ngaihawm duh phian. Hit khawp mai.
Report this comment
January 18th, 2012 at 5:13 pm
Nula tap khi coach hovin in ngaizawng inngai tap emaw anti a, ka lai mai mai
Serchhip chu a ngaihawm alawm
Report this comment
January 18th, 2012 at 5:20 pm
ka chhiar tohin ka hria
Report this comment
January 18th, 2012 at 5:22 pm
Pal thiahsak leh a tuka nula nena siam that leh ngei khi a fing ka ti tlat…
Khawnge zanin chu, pal thiah tur ka’n zawng ve te’ng..
Report this comment
January 18th, 2012 at 5:40 pm
Dr Mahminga Sailo #24
Report this comment
January 18th, 2012 at 5:43 pm
Sulhnu hi i ngahin ka va ring. Tawnhriat i ngah khawp mai. Bakah i hriatrengna a tha ka ti. Kei chu thil hi ka theihnghilh zung zung mai a. I adventurous ve hrim hrim in ka hria.
Report this comment
January 18th, 2012 at 6:13 pm
PU HVa chu thu i ziak ngaihnawm thiam ka ti hrim2….I talent pakhat anih hi..
Report this comment
January 18th, 2012 at 6:18 pm
Insual an hrat ania aw..serchhip hi. Sundayah kawngpui ah kan kal ngam vak ngai lo, kum 9 vel bawr lek kan la ni a, kan awmlai khan! Mahse mahni in ramhnuaiah ka kal ngam zan zan!
Pu HV a experience hi compile tha ila, novel angin siam ila..ngaihnawm ve viau mai thei ani.
Report this comment
January 18th, 2012 at 7:01 pm
lrp, tihsual palh loh chuan an hrat vak pawhin ka hre lemlo.
Nuam ka ti khawp mai. Champhai kha 80’s vel lai kha chuan insual rawn, veng leh veng insual an hrat. Kei leh Eddie-a (Protocol a thawk) pawh Kahrawt veng bazar khat thlatin min sualrawn tawh…reason: Click 3 chanchin an sawi kha Eddie-a hnenah, “Click 2 kha i keng lawm ni” ka tih vang. hairehai 
Report this comment
January 18th, 2012 at 8:26 pm
Click 3!! A hairehai tawp!
Report this comment
January 18th, 2012 at 9:12 pm
Cry time khian thil min tih hriat chhuah zawk chu le… champhaiah hnalam thilah kan zin a, Officer lian tak 1 in keini ho hnathawk 3 kha chaw eiah min sawm a, kan zu thleng chu a thianpa dept dang a officer nen tho khan an lo ‘happy’ nasa tawh mai a… chaw mumal pawh min eipui khan ka hreta lo, kan ei mawlh2 a, kan haw ringawt, min sawmtu ber kha a chatthla daih si a…
Pu HV, Madawngite unau khi ka hre ve tlat. Zami kha chuan pasal tha tak a nei a, dept pakhat ah hian Joint director in a awmin ka hria. I dai zau hle mai…
Report this comment
January 18th, 2012 at 9:43 pm
a ngaihnawm hle mai
.chanchin tun hnu a hlimawm ngaihnawm tak tak i ngah hi le .
Report this comment
January 18th, 2012 at 9:44 pm
a ngaihnawm hle mai
.chanchin tun hnu a hlimawm ngaihnawm tak tak i ngah hi le .
Report this comment
January 18th, 2012 at 10:02 pm
A ngaihnawm leh hle mai. haw paha Pal thiah, a tuka siamthat leh lai khi ka duh zual.
Liandailov teunau i sawi khi an naupanlaiin kan inkawm ve zeuh zeuh thin. A nau te Lalsailova leh Ngurdinga te kha kan kawm zawk mah thin.
Serchhipah hian ka u chiahte chhungkua hi Sawrkar hnathawkin an awm a. Missionary hna ka thawh tantirh, ka la tlangval lai khan, ka va tlawh a. An Biakin kha a lo hla hrep mai a, Inrinni zanah Thu ka sawi dawn a, Ka u pasal a chhungte nula(tleirawl) an awmpui khan min kalpui a. A Bialpa khan a lo thik viau ni tur a ni. zan inkhawm banah a thianpa nen an rawn leng a, an haw duh ta reng reng lo mai a, an rui bawk si a, ka va han ning tak. A tukah a nuin a hau nasa khawp mai. An harhfim hnuah chuan min en thangam lo(zah vangin).
Report this comment
January 18th, 2012 at 10:48 pm
CRY TIME khi ka duh eeeeeeeeeee!!
Report this comment
January 18th, 2012 at 10:51 pm
Saitawk #35, Khimi hunlai bawr vela Serchhip PWD a thawk ho chuan an hre vek ang hairehai
An hmuhnawm lutuk, an tap tui thei mai mai. Rui chunga tah kha a nuam an ti em em mai a hahahahaa
Dam chuan nakin lawkah Ngurdinga (Liandailova nau) te pawh ka han hmu leh ang chu. Ani kha chu a naupang deuh a min kawm rual chiahlo…ka kawm vek tho.
Report this comment
January 18th, 2012 at 10:58 pm
Ka pianna khua hi a lo pui ru zek anih hi! Keitum khua nena an chanchin te kha kan nu leh pa te ho hian an la sawi bang theilo.
Report this comment
January 18th, 2012 at 10:59 pm
HV Cry Time an hman hian enge an tah pah chuan an chham vel a? haha! A hit tawp!!
Report this comment
January 18th, 2012 at 11:05 pm
Hei hi blog lamah hman deuh khan ka chhiara nuihzathlak ka ti khawp mai
Report this comment
January 18th, 2012 at 11:11 pm
mamboih #38 a remchang chang an sawi a, an inti lungchhia a, an tap ta hawm hawm mai thin a lawm hairehai
Report this comment
January 19th, 2012 at 9:20 am
I blogg-ah ka chhiar tawh, ka nuih pui leh vin vin tho mai.
tren tren.
Report this comment
January 19th, 2012 at 1:07 pm
Serchhipah hian kum nga ka awm ve tawh a, a nuam viau e, thiante hnung zuiin zan rei tak tak thleng a len pawh ka nei nual mai. Tumkhat erawh ‘a tlai tawh em a, naktuk zanah hma deuhin in rawn leng dawn nia’ tih kan tawng
Report this comment