«
»

Zoluti

January 19th, 2012 10:32 am by Thara Chhangte

Keini lam chuan a hun leh ni lam te kha kan lo chhinchhiah thlip thlep ve hauh lo ang a. Kha tia Bengkhuaia khaw pasaltha Chawma leh a hote’n Monierkhal thingpui huan an zuk run khan Sap hmeichhe naupang buang thing theng Mary Winchester chu an rawn pawm hawng ta nawlh mai a. A hmingah ‘Zoluti’ sain lawm leh en pawh a hlawh hrep awm e.

Amah Zikpuii Pa tawngkam takin chu titaka thenawm nei ropui chu India sorkar pawh a thang harh ve ta a. Kum 1871 Pawltlak thla a an man Mary Winchester la let leh tur chuan Sipai rual a siruk lain an rawn thawk chho a, kum 1872 Pawltlak thla vek chuan an hruai haw leh ta ani.

Bengkhuaia khaw pasaltha te’n Hringchar (Cachar) vai thingpui huan hnathawk ho hniak pherh vunga an zuk um atanga chhut pawhin he hnam hian kum za leh tih fe khawvel eng a hmu ve ta.

Hun eng e maw tih lai atang khan Zoluti lak letna hmun (Khua) chung changah inhnialna tawp hlei thei lo a lo chhuak a. History ah chuan a hun, a hmun leh thil thleng reng reng te hi a dik thei ang ber a chhinchhiah leh sawi a ni thin. Zoluti lak letna khua hi Sailam nge Kawlri(Serchhip) zawk tih hi chhui chian a, kan pawm tlan theih deuh tur a thu tihtluk a tha khawp mai.

Sailam khua leh a mipuite thinlungah eng tiang takin nge Zoluti hian hmun a chan a an ngaihhlut chu ka hre hauh lo a. Serchhipah erawh chuan Zoluti Hall te, Zoluti Memorial High School te a awm. Mahse kan tih teh ang, he tia hnam pasaltha leh mi ropui ang zia zanga a hming an chawilar hi kawng leh lamah chuan ho riau a hriatna ka nei ve tlat. Sap naupang vanduai tak kha a ni ve mai a, pasaltha rammu te khan an thenawm naupang zawk kha salah rawn kai chu nise a hming hi tu’n kan hre lo’ng e :D Lal ropui Bengkhuaia hminga kawtthler pakhat pawh chawi a nih loh laia a sal man Zoluti (k)an chawi lar vut mai hi Bingtaii zawk an zawn ni te hian ka hre ve thin.

Pasaltha Khuangchera te khan Vailian kha an kap kir thei ang em tih kha an ngaih hauh in ka ring lo a, mahse an ram an rawn dai a, rawn luhchuah an tum a an lo kap mai a ni. Lalnu Ropuiliani te kha a ropui teh e, a ngam loh leh hneh loh Vai ho lakah khan a tlawm hauh lo.

An ram chin leh an ta chin ni a an ngaih hauh nan Lalburha te, Bengkhuaia te leh kan lal ropui tak tak te kha pen khat pawhin an hnung tawlh lo. Tha leh tul ni a an hriat chinah chuan fing takin saui an tan pui mai a ni. A saseh lo zawk Zoluti ngaihsan a, chawilar zawk tak tlat mai hi a kawng loin ‘pichhe mur’ tih a hun tawh viau lo maw, Pu Kawlri ?

Similar Posts:

Recent Posts:

This entry was posted on Thursday, January 19th, 2012 at 10:32 am and is filed under Mizo Society & Culture. You can follow any responses to this entry through the RSS 2.0 feed. You can leave a response, or trackback from your own site.

25 Responses to “Zoluti”

  1. 1
    RZA Says:
    January 19th, 2012 at 10:37 am

    first

    Report this comment

  2. 2
    Amaria.vch Says:
    January 19th, 2012 at 10:39 am

    Kan naupan lai chuan Zoluti lak letna khua hi Sailam tiin kan zirlai buah a inziak thin.

    Report this comment

  3. 3
    TuaiSialA Says:
    January 19th, 2012 at 10:44 am

    Goofd bengvarthlak ngaihnawm post. :) (Y)

    Report this comment

  4. 4
    ^-||R@lT€||-^ Says:
    January 19th, 2012 at 10:47 am

    Good post good post (Y)

    Report this comment

  5. 5
    badboy Says:
    January 19th, 2012 at 10:49 am

    atawi fel tha thlepthlawp khawp mai chhiarchhuah a nuam tawk vel e (Y)

    Report this comment

  6. 6
    DXBFreak Says:
    January 19th, 2012 at 10:58 am

    thu ziah iva thiam ve, ka tawmpui, Bengkhuaia hall te siam zawk se..

    Report this comment

  7. 7
    Chhuaklinga Says:
    January 19th, 2012 at 11:03 am

    Ka thlawp e.

    tren tren.

    Report this comment

  8. 8
    lr hlonchhing Says:
    January 19th, 2012 at 11:07 am

    Bengvarthlak khawp mai. Zoluti an lak letna khua chu Sailam tiin zirlaibu ah kan zir thin kha maw…

    Report this comment

  9. 9
    lrpa Says:
    January 19th, 2012 at 11:17 am

    Thawh hlima Zoluti han chhiar nghal ngawt chu a :-)
    Dik khawp mai (Y) ,
    A tur reng appreciate thiam hi kan zir chho beuh beuh anih hi maw :-O

    Report this comment

  10. 10
    Rev. Dr. saint sammoo Says:
    January 19th, 2012 at 11:27 am

    thlawp lo ve ngawt te’ng..

    Report this comment

  11. 11
    lushai_er Says:
    January 19th, 2012 at 11:36 am

    Chawthing kan her lum leh dawn em ni ? Pu Mzvision-a post hlui hi lo en teh post-tupa…https://misual.life/2010/02/.....uaia-khua/

    Kan post siam lai hian post hlui a awm tawh em tih hi check peih a van tha em…!

    Report this comment

  12. 12
    lushai_er Says:
    January 19th, 2012 at 11:43 am

    “3
    TuaiSialA Says:
    January 19th, 2012 at 10:44 am
    Goofd bengvarthlak ngaihnawm post.”

    Hei pawh hi post hlui hai vak ngai lo anih hmel….:-P NOI

    Report this comment

  13. 13
    Dr Mahminga Sailo Says:
    January 19th, 2012 at 11:46 am

    #11… (Y)

    A bengvarthlak ka ti.
    Mah reng reng se.. ti te’ng.. ;-) Siamthat theih chu siamthat a pawi loh rualin, hun rei tak kan kalpui tawh, engemaw avang a tharthawh hluai hi a dik em le? Ka ngaihdan a diklo a nih chuan ka hre tlem pawh a ni mahna.. :-)

    Duh leh Pu Bengkhuaia hming chawi chuan hmun/kawng/adt pawh phuah belh mai zawk ila… :-)

    Report this comment

  14. 14
    hiho Says:
    January 19th, 2012 at 11:54 am

    Zoluti sawi tak ah chuan Sal anga lak mah nise, Hnathawh tir leh Pawngsual a hnek in Fa angin an lo enknawl a. Sap ho in an rawn lak dawn phawh khan Mizo Fa alo pai thawh te hian an hlau a ni lawm ni? Mahse an lo enkawn dan ah khan Zoluti rawn lamtu te khan Mizo kha mak min ti hle tih an sawi ka hre tawh.

    Report this comment

  15. 15
    Pc-a Says:
    January 19th, 2012 at 2:01 pm

    Zoluti vang khan kan ramah chhanchintha te alo luh phah, nge Bengkhuaia vang zawk. Inhnial phawt a ngai a nih chu.

    Report this comment

  16. 16
    Jacka Pi Says:
    January 19th, 2012 at 2:02 pm

    Sailam khua leh a mipuite thinlungah eng tiang takin nge Zoluti hian hmun a chan a an ngaihhlut chu ka hre hauh lo a. Serchhipah erawh chuan Zoluti Hall te, Zoluti Memorial High School te a awm. Mahse kan tih teh ang, he tia hnam pasaltha leh mi ropui ang zia zanga a hming an chawilar hi kawng leh lamah chuan ho riau a hriatna ka nei ve tlat. Sap naupang vanduai tak kha a ni ve mai a, pasaltha rammu te khan an thenawm naupang zawk kha salah rawn kai chu nise a hming hi tu’n kan hre lo’ng e Lal ropui Bengkhuaia hminga kawtthler pakhat pawh chawi a nih loh laia a sal man Zoluti (k)an chawi lar vut mai hi Bingtaii zawk an zawn ni te hian ka hre ve thin.
    Helai para hi ka like e, Zoluti chawilar vut hi a tulna ka man pha lo lutuk..a lakletna khua in chuh ang deuh ti tih a a kal phei kha chu a ho ka ti bawn

    Report this comment

  17. 17
    Levi Says:
    January 19th, 2012 at 2:05 pm

    Niang chu mawlee… :D

    Report this comment

  18. 18
    lushai_er Says:
    January 19th, 2012 at 2:26 pm

    “Zoluti chawilar vut hi a tulna ka man pha lo lutuk..a lakletna khua in chuh ang deuh ti tih a a kal phei kha chu a ho ka ti bawn”

    @Jacka Pi : Zoluti hi Chawi lar loh pawh tum ila a lar sa hrim hrim a……GOSPEL kan dawn ve theihna chhan hi Mary Winchester vang hi a ni tih hi kan theihnghilh ta mai em ni?

    An lak letna khua chu khawi pawh lo ni ta se…Vailian Vawikhatna avang hian Khawvel hriat kan nih ve phah a ni lawm ni! Amah Zoluti hrim hrim phei hi chu mihring ve mai a ni a, a chanchin lah misual.com-ah hian kan sawi ngun khawp mai……comments hlui in hai peih chuan in hmu teuh ang.

    Report this comment

  19. 19
    Pc-a Says:
    January 19th, 2012 at 2:58 pm

    Zoluti (Mary Winchester) hming hi Zofate hian kan thukru ang maw.

    Report this comment

  20. 20
    Dr Mahminga Sailo Says:
    January 19th, 2012 at 3:31 pm

    Ka la duh tawk bik lo… :-)

    Ka ngaihdan liau liau…
    Vawikhat chu kan nau (thian) pakhat in, Lalnu Ropuiliani Sailo chu, tlawm ve lo Lalnu ni siin a tlawm hlum thak ti zawngin a sawi a. Ka thin a khei zak. Ka sawi duh chhan chu; Lalnu Ropuiliani kha a tlawm pawh ti rawh se, Mizo tam takin kan hriat dan leh ziaka kan neih dan chuan a tlawm chuang lo. Kan hriat/zir/pawm tawh tih danglam tum phet hi, hmasawnna kawng thenkhat ah chuan a tul tho mah se; kan milar/huaisen hmasa te a sel/diriam ti tih zawnga ka tih fo hi a tulin ka hre tlat lo kei chuan.

    # 18 ang khian, Zoluti hi chawilar a ngai tawh lo, a lar tawh sa. Chutih rualin, Pu Bengkhuaia kan chawilar duh a nih paw’n khua a la tlai hlei nem. A hming chawi a phuah tur kawng/in/mual/adt a la tam ang.

    Kawmchhak nula hmelthatzia sawi dawna, kawmthlang nula hmelchhiatzia sawi kher hi chu aaa… ka ti (inthlahrung takin.. :-) )

    Report this comment

  21. 21
    sheldon Says:
    January 19th, 2012 at 3:42 pm

    Post bengvarthlak (Y)

    Report this comment

  22. 22
    H.Vangchhia Says:
    January 19th, 2012 at 4:52 pm

    A bengvar thlak e (Y)

    A thlalak chanchinchu a an ziahkai hi kan thawh ve ang e:

    Mary Winchester, The Illustrated London News, 25th May 1872:
    http://i43.tinypic.com/2qx5ld1.jpg

    Mary Winchester after her release, The Graphic, 20th July 1872:
    http://i40.tinypic.com/10fuqvp.jpg

    Report this comment

  23. 23
    Thara Chhangte Says:
    January 19th, 2012 at 5:50 pm

    #11
    lushai_er, ka lo la hmu miah lo a, sorry

    #22 H.Vangchhia, thanks for the pics

    Report this comment

  24. 24
    H.Vangchhia Says:
    January 19th, 2012 at 6:47 pm

    Thara Chhangte, keipawh le :-)

    Report this comment

  25. 25
    caribou Says:
    January 20th, 2012 at 9:13 pm

    Zoluti te chu lar lo chi a ni hleinem, sap ho rengin an ngaihven em alawm….

    Report this comment

Leave a Reply

You must be logged in to post a comment.