– SANGHNUNA HLAWNDO, EX-V/C MEMBER, KHATLA SOUTH
16th January, 2012-a Board of Councillor Meeting CCBT 3rd Floor, Thuampui, Aizawl-a neih khan Aizawl khawpui chhungah Local Council thar 4 a siam belha, chu’ng zinga pakhat ‘Khatla East Local Council’ chuan sawi a hlawh hle a. Heti ang hi an lo awm tawh dan, an chanchin tlangpui chu a ni.
1. Khatla Veng V/C atangin kum 1997-a Khatla South V/C a lo pian dawn khan Khatla YMA Hall-ah Vantlang inkhawm koh a ni a, mipui an kal tha hle a; kal khawm zingah mi pakhat chiahin Khatla South V/C indan a duh a, chuti chung chuan Khatla South V/C chu a lo piang ta tho a ni.
2. Khatla South V/C a lo pian ve leh Khatla F-Line-a awmte zingah Khatla South-a tel duh leh duhlo, Khatla Branch YMA ten survey an nei a; 80% chuan Khatla South a beh an duh lova, tun thlengin Khatla South ah an la bet ngai lo a ni. Khatla F-Line paho tangrual chuan vantlang inkhawm an ko ve leh ta a. Chuta an thu pass chu –
1) Khatla Veng chhung then darh kan duh lova, veng khata awm leh kan duh-a theihloh chuan.
2) Khatla F-Line hi Khatla V/C hnuaiah awm kan duh zawk.
3) A hmaa point pahnih khi a rem loh chuan V/C hran kan dil ang.
Heng resolution an pass te hi Minister, Director LAD leh Khatla V/C President-ah te an thlen a ni. Awmzia a neih tak loh avangin 1999 V/C inthlan pawh kha an boycott a, Khatla V/C ten an boycott pui nghe nghe a ni. Chuti chung pawh chuan awmzia a la nei thei ta chuang lova, V/C hran dil chu an thupui ber a lo ni ta a ni.
MNF Ministry-ah khan Cabinet-ah vawi hnih ngaihtuah a lo ni tawh nghe nghe a ni. Khatla leh Khatla South V/C ten NOC an pek duhloh avangin an lo hlawhchhan tawh thin. Hun lo kal zelah kum 2006 khan Khatla F-Line huam chhungah Presbyterian kohhran lo indangin tunah chuan Dan zawh kim pawh 940 lai an lo tling ta a ni.
3. Khatla F-Line hi Khatla V/C leh Khatla South V/C hnuiah, administration pahnih hnuiah an awm ta a. Kohhran hruaitute pawh an lu a hai thin hle a ni. Tichuan, hun a lo kal zel a, kumin kumtir teah khan Khatla Local Council sitting chuan F-Line mipuite mamawh hriain NOC Khalta F-Line ta a pe ta thut mai a, South lam erawh chuan an pe phal ve lo thung a ni. NOC petu ten an pek chhan chu-
1) Kangmei chhuakah leh lei min te, F-Line huam chhungah a awm changin puih harsa an tih ve ve thin avangin.
2) LPG mipui ei rawngbawlna sem a mumal thei lo.
3) Chhiah chi hrang hrang an pe mumal lova, ran chhiah ngat phei chu an pe ngai lo a ni ber mai.
4) Development-ah tu V/C mahin an ngaihsak lova, harsatna an tawh changin Khatla F-Line Tangrual Pawl leh Khatla YMA Sec.-II hruaituten Tlangau an tir mai a, anmahniin an inenkawl tawk tawk a ni.
4. Khatla F-Line, Khatla Local Council huam chhung bikah hian chhungkua 120 vel an cheng a. Khatla South Local Council huam chhung bikah chuan chhungkua 320 vel an cheng thung a; an vaiin chhungkua 440 an awm a ni. Khatla F-Line huam chhungah hian Khatla South Local Council rorelna hnuaia tel duh leh Khatla South YMA a tel duh zat chu chhungkua 60 chiah an ni.
Khatla V/C hnuai leh Khatla YMA-a tel tlat, Presbyterian Kohhran Khatla East a lawi leh Kohhran danga lawi chu chhungkua 380 lai an tling thung. Heng chhungkua 380 te hi engtik lai mahin Khatla South lamah an tel ngai lo. Tichuan, A.M.C Board of Councillor meeting ni 16 January 2012-ah an thukawm dawn tih hriain Khatla F-Line Tangrual Pawl te chuan, 12th January, 2012, zan dar 6:30 PM ah Graceland School-ah vantlang inkhawm an ko ta a. Khawvawt tak kara mi 150 vel kal khawm te chuan heng a hnuaia Resolution te hi an pass ta a ni :-
1) Khatla F-Line huam chhungah hian chhungkua 440 kan cheng a. Chu’ng Khatla F-Line huam chhunga cheng mipuite hian administration pahnih, Khatla leh Khatla South Local Council hnuaia awm reng hi tha kan ti thei lo. Local Council pakhat hnuaia awm hi kan duh ber a, rorelna pakhat hnuaia kan awm theih nan hma kan la zel dawn a ni.
2) Khatla F-Line-a cheng ten hmasawnna kan lo neih ve theih nan te, thlamuang taka mahni in leh loa kan chen reng theihna tur leh Sawrkar-a kan mawhphurhna, Tax pek, PPP Mode leh thil chi hrang hrangte pawh mumal taka kan tih ve theih nana F-Line Tangrual Pawl hmalakna hi mipui kal khawmte hian kan thlawp tlat a ni.
3) Kan mamawh leh kan duhte hriaa, 10th January, 2012 a A.M.C Executive Meeting-in Local Council thar min pek a tum mek laia harsatna lo siamtute hi demawm kan ti. Khatla F-Line huam chhunga chengte mamawh hi AMC Board of Councillor Meeting hian Democracy Principle vawng tlata Khatla F-Line ah Local Council thar min siamsak ngei turin kan phut tlat a ni.
4) Khatla F-Line vantlang inkhawm, 12th January, 2012 zan dar 6:30 PM a neih chuan veng hmingah pawh ‘KHATLA EAST’ ni se tiin a pass.
Similar Posts:
- Local Councils Election Result
- VC leh LC Inthlan result
- Mizoram Baptist Kohhran Zaipawl intihsiak
- Lawngtlai Town Population Statistic tichhuak
- Khatla VC ngaihdan ni lo
January 22nd, 2012 at 6:08 pm
chuan Khatla East chu an ni ta mi?
Report this comment
January 22nd, 2012 at 6:09 pm
Khatla veng ka ni si lo a.coment dan tur ka hre lau
Report this comment
January 22nd, 2012 at 6:10 pm
khatla west a awm leh mai ang a, aaa atha vek e..mi kan tam tawh a
Report this comment
January 22nd, 2012 at 6:12 pm
@2 Tete-i, nia, han sawi hlawm teh se, khatla south a awm tih pawh ka lo hre lova..
Report this comment
January 22nd, 2012 at 6:14 pm
Khatla East chu kanin ral.(Rallehlam chu ka awmna hi a ni si…)
Report this comment
January 22nd, 2012 at 6:16 pm
@Shailendra, in then awm te chan chin chu rawn sawi teh, mahse nang pawh Aizawl i awm ngai bik si lova, vawiin hna ka nei lo lutuk, hi awm ngaih na ka hre lo, Misual ah hian minute hnih khat vel dan ah hian thu rawn post mai mai se he he
Report this comment
January 22nd, 2012 at 6:16 pm
DXB freak.. chanmari lama lo in sawn phei ve mai rawh..:-D
Report this comment
January 22nd, 2012 at 6:17 pm
@Tete-i, ka rawn Poke dawn che…
Report this comment
January 22nd, 2012 at 6:23 pm
@DXBFreak, ka thenawm te chanchin hi ka hre lo khawp mai. ka tap tawm a…
Report this comment
January 22nd, 2012 at 6:26 pm
@Shailendra
Champhai Nula hmeltha chan chin min lo hrilh rawh in thenawmte chan chin pawh i hriat loh chuan
(a post tupa) kan office ah enge maw ni neuh neuh an block vangin ka lo OT, lung leng a
Report this comment
January 22nd, 2012 at 6:30 pm
@DXBFreak, kannu in sawi a phal lo a…
Report this comment
January 22nd, 2012 at 6:34 pm
naaa…fair lo ve.. in Nu kha wai wai ka lo chhum ang
Report this comment
January 22nd, 2012 at 6:44 pm
Indan hi hmasawn zel nan a tha a nia
Enge F-line ?
Report this comment
January 22nd, 2012 at 7:08 pm
Khatla hi veng nuam tak ni ve in ka hria
Report this comment
January 22nd, 2012 at 7:09 pm
F-line chu in thler phei sawina, G-line te, D-line te a awm angin.
Report this comment
January 22nd, 2012 at 7:24 pm
Hetia kohhran leh VC/local council thendarh a nih hian veng hming thar sak hi an uar lo khawp mai. Khatla hi entirna pakhat chu a ni. Ramhlun veng te pawh hi chuti bawk. A chang chuan veng hming thar sak te hi duh pawh ni se an phalsak lo thin a ni awm nghe nghe e.
Chumi… East/West/South/North/Vengthar/Venglai/Vengchhak/Vengthlang tih duah ai chuan kohhran/veng indang thar hian hming thar nei zel se inhriat hran te pawh a awlsam zawk daih awm asin. Hming sak turin a daih lo azeng lah a nih hek loh!
Report this comment
January 22nd, 2012 at 7:30 pm
F-line chu khawilai ber nge le aw. khatla kawn atanga phei kha ami ni dawn le… peter’s street an ti ami saw lai saw.
Report this comment
January 22nd, 2012 at 7:39 pm
Tunhma kan veng problem thin kha in rawn tawng ve zu nia. Buaithlak ve riau a sin.
Report this comment
January 22nd, 2012 at 7:42 pm
A bengvar thlak hle mai.
Report this comment
January 22nd, 2012 at 7:53 pm
a va lawmawm em kan lawm e Good post
Report this comment
January 22nd, 2012 at 8:00 pm
Mission Veng LC atangin Tuikhuahtlang LC leh Model Veng LC siam thar a ni a, Chaltlang LC atangin Lily Veng LC siam a ni bok a, Lily Veng LC hi Chaltlang Nort LC tia vuah a ni.
Report this comment
January 22nd, 2012 at 9:01 pm
1. Khatla Veng V/C atangin kum 1997-a Khatla South V/C a lo pian dawn khan Khatla YMA Hall-ah Vantlang inkhawm koh a ni a, mipui an kal tha hle a; kal khawm zingah mi pakhat chiahin Khatla South V/C indan a duh a, chuti chung chuan Khatla South V/C chu a lo piang ta tho a ni.
Hei hi engtinnge intihtheih zawk le ??? Hemi tuma kalkhawm hi an va nawi awm em em ve ??? Naupang inkhuallem thurel pawh a tluk miahlo tihna a nia. ” Ka awihlo ” ti ngawt dawn ila i hriat chian hmel fu bawk si a. Thil awm zen zenlo tak a niin ka hria . Buaina hi phu reng avang hian a tawh theih a, midang dem vak chi pawh a nilo thei. (NOI)
Report this comment
January 22nd, 2012 at 9:09 pm
Hm…….. F-Line ho hi hlamchhiah ah an tang hle a ni tih a hriat theih a, LC/VC an ngiat hi a awm hle mai. Khatla South emaw khatla VC ten emaw an ngaihsak lo tawn ve ve a ni a, Chutichung chuan engatinge NOC an pek duh tlat loh?? An tha lo tihna a ni mai. Tuna NOC petute hian an mihring pui an hmangaih in an khawngaih tih a hriat theih.
Hetiang deuh hi kan veng ah kan tawng ve tawh a,Keini chuan Vengchhung mipui te min rawn sela, YLA te nen pawh sawi ho ila, a ramri tur te pawh lungrual taka sawi hovin tha takin indag se kan duh a, mahse sorkar lam khan ngawi rengin Notification an chhuah ngawt pek a, kan buai teh a sin aw……. ha ha……
LC/VC thar pian hi hmasawnna pakhat chu a ni ngei mai a, mahse veng chhung mipui in lungrual taka an din ni thei se a tha ber awm e..
Report this comment
January 22nd, 2012 at 9:20 pm
Veng inthen dawn hian a duh lo hi an tam zawk deuh ziah a, mahse an then leh nge nge thin an ti.
Report this comment
January 22nd, 2012 at 11:13 pm
kawlthei huan kan tih thin ho kha emaw ni le?
Report this comment
January 23rd, 2012 at 12:58 am
Khatla East mi leh sa ka nihna ang ngeiin kan sawi ve ange .. He thil hi a taka chenpui tu te tan chuan a ninawm zozai tawh khawp mai .. Khatla East (F-Line)ah hian a tam zawk hian Khatla pangaiah awm duhin VC ah pawh a theih chuan Khatla lamah awm vek kan duh a. Mahse Khatla South lam VC khuan kan duh lo chung an lamah min rin luh phet an tum ti tawh mai ang. Kan rilru hi a na tlang a nya!! a hranpa in Post ka rawn la siam ve zawk ange.. Duhtawk teh ang …
Report this comment