Naupan laia infiamna lampang post ah hian mipa naupang infiamna chauh hi kan sawi thin a (a ziaktu hi mipa an lo ni tlangpui nen), tun tum chu hmeichhe naupang infiamna lam sawi ve teh ang.
Inkawibah: Inkawibah hi chu Mizo hmeichhe naupang infiamna ah chuan a no. 1 ve chiang alawm. Kan naupan lai, late 80s – mid 90s chho ah khan kan inkawibah nasa thei. Kawngpuiah bi kan chhu khuar a, a chang chuan bi sawm chuang te in kan inkawibah thin. Sunday tlaiah khan a nuam bik em em bawk. “Lirh hmuh thawh” tih te kha rules lar tak a ni a, aia naupang deuh te nen a kan tih chuan kan lir ru min man pawh khan min ngam leh si lo a, lir lo khelh khan kan khel leh hmiah hmiah zel.
Pawl 10 kan nih te khan sikulah kan la inkawibah mawle. Class neih laiin veranda-ah kan lo inkawibah a, Sir Savio-an min din tir tham a, engtinmah chuan min hrem zui lem lo a. Kawi neih that kha inelna chi khat deuhreuh kha a nia, kawngpuiah ka hrut mam e kan ti, kan chiah puam a khum ke in kan delh phek leh, a rih nan suan kan thun thul. Tunah pawh hian kawi chu inah ka la nei nual in ka hria, ka chiang tawh lo.
In-tea-set: Tea-set hian a huam zau khawp a, bazar a tea-set an zawrh mai bakah khan siai bur ruak, bottle chhin, no leh bowl chhia thlengin a huam thei vek. Siai bur ruak pahnih hmang khan patla kan siam a, a in balance tha duhlo em em thin. In tea-set nikhua kha chuan chawhmeh zuar an awm a, tel zuar an awm a, buhfai zuar an awm thin.
Kan indawr kual a, rawng kan bawl der a, balu kha buhfai a nia, midum pangpar tuia rawt nal hluak kha tel a nia, chawhmeh kha chu hnim leh pangpar hrang hrang kha a nia. Chhungkaw pahnih pathum kan awm a, tuemaw ber khan birthday a lawm a, eng engemaw kan siam vak a, chuan kan bang thin. In tea-set zawha tea-set vel dahfel ve duhlo a tlan haw daih ching kha an awm thin a, kan va han ngei thei tak!
Inkhualtelem: In Barbie te pawh kan ti thin. Kan naupan zual lai kha chuan Barbie te kha nei heklo, nautelem cheng 5 man hi a awm thin a, tereuhte mai, ban leh ke pawh thlawn theih loh, a lu erawh thlawn theih a ni a. A sam kha kan tan vek a, khawlla hian sam lem kan siamsak thin.
Barbie a lo chhuak a, chi hrang hrang, My First Barbie tih te, My Best Friend Barbie, Happy Birthday Barbie, Monica (a sam dum), chuan Barbie in India tih te kha a lar pawl a nia. Puanthem hi kan khawl teuh a, a chang chuan kan inthlanpawlh vel thin. Barbie kawr kha ka thui nasa thei khawp mai.
Invaibah: Hei hi chi hrang hrang a awm. Rin dan hrang hrang, points chhiar dan hrang hrang a awm.A hnuaia a lem ka tarlan ang hian.
Step kan tihchhuah vek hnuah hnungchhawn zawngin kan lung hman kha kan vawr a, khami hmun kha kan “seh” a, kan chei rang chhuai zel. Seh ah hi chuan ke pahnih a din phal a ni a, kan ding vel awr awr zel. Mi seh ah hian kan lung kha a tlak chuan kan out nghal bawk. Line rah leh rah loh kha inhnialna bulpui ber a ni thin.
In-ball vawm: Hei pawh hi nuam tak a ni, a hahthlak bawk. Pawl 2 ah kan inthen a, vawmtu leh thawktu. A thawk te vawm thih kha kan tum ber a ni a, rule awm chhun chu “Lu leh ban thi lo” kha a ni deuh ber a, kut hian kan inhliah tut tut zel. A tawpah la dam chhun kha chu kan “zim” ngei a, a awmzia chu kan vawm duh lawk lo a, ball kha kan in pass kual sek a, kan zim hnai tial tial a, kan vawm hlum thin.
Tile rem chi kha a awm bawk a, a laiah tile them kan rem tiang ur a, a vawmtu lam khan a tirah an vawm darh chhuai a, a thawka te’n an thih kim hmaa tile kha an rem that leh vek hman chuan a bul atangin an thawk tha leh thin. Mipa pawh an tel ve fo mai.
In-rubber zuan: Fit a lo ngai tek tek khawp mai in rubber tur khan. Step chi hrang a tam, hun rei hnuah phei chuan step a danglam tawh le. Sunday inkhawm ban, chhun ni saah te khan kawngpuiah kelawngin kan zuang thauh thauh peih mawle.
In-step-ball: Rubber ball sawt duh deuh a ngai, a chang chuan tennis ball te kan hmang thin. Step tha deuhah hian kan ti thin. A chang chuan bangah te pawh kan ti thin.
Miss thlan: Miss World/Universe kha kan ngaisang em em a (Venezuela kha kan hre lar a, Miss Venezuela nih kha kan chak thin), Miss kha kan thlang deuh sek mai a ni. Crown tur kha lehkha in kan siam a, phur deuh chang chuan sash nen. Sweet kawr kan chep nawi bawk a, a tawpa theh tur.
Judge kha pahnih vel kan awm tlangpui a, contestants te kha ram hrang hrang leh hming lem an invuah a, sap hming hi a ni tlangpui bawk. Venezuela, Spain, USA, London, Hongkong te kha a lar pawl a ni. Zei bik hi an awm ngei zel bawk a. Round hrang hrang kha kan nei a, zawhna leh chhanna round a kan zawhna te chu a turu thei asin “Enge i sahbawn hman” tih te.
Zaikhawm: Hei hi chu infiamna chiah pawh a ni lo, mahse zaikhawm kha kan ching tlat a ni. Kohhran a hlim kha chuan naupang kha kan hlim a, tute inah emaw hian kan zaikhawm thin. Kan lamrui der vak vak thin bawk.
A la tam mai. Inbandeh, innap, invawr, inbihruksiak, balu a chen, inhawngbi, inhruizuan, drama chan, inzirtir lem, daktawr leh damlo, laphiar, post hmasa lama sawi tam tak te nen. Pawnto kha chu khan ching em em lo a, mahse “Tin dialah” kha chu kan ti thin tlai lam chhungte’n min rawn koh sap sap hnu, kan haw darh dawn hunah khan. “Deh leh sawt tawh loh” tiin kan inum kawi zur zur zel (vawikhat phei chu ka tlu thuai lehnghal). A hnuah kha chuan “Last touch” an lo ti daih.
Similar Posts:
- Inkawibah
- Kan naupan laia kan infiamna thenkhat
- Delhi Mizo Kut 2008 – Outdoor
- Ho Mai Mai
- “Who should get the flute?”
January 22nd, 2012 at 4:54 pm
Phek thar lamah aw
Report this comment
January 22nd, 2012 at 5:14 pm
Nu te bra kan hreng a, kan hnawh puar a, hnute lem te kan siam thin mawle. Tunlai naupang chu an changkang tawh a, an tih ve pawh ka hrelo. Nu te pawnfen fual deuh deuh in kan feng a, nau te kan han vei der vel thin ania…han tih thar leh a chakawm mai dawn lawm le
Report this comment
January 22nd, 2012 at 5:22 pm
a tibuai pawlah ka tang thin..haha..
Report this comment
January 22nd, 2012 at 5:28 pm
U Aduh, facebook a video ka tag ang che sawn in ti ve ngai e?
Report this comment
January 22nd, 2012 at 5:31 pm
U Aduh, post ka submit a nia…
Report this comment
January 22nd, 2012 at 5:42 pm
in nupa lem lem ang u..tunge ka pasal lem lem ah tang duh?hehe
Report this comment
January 22nd, 2012 at 5:42 pm
in nupa lem lem ang u..tunge ka pasal lem ah tang duh?hehe
Report this comment
January 22nd, 2012 at 5:46 pm
U tete keimah,eehh
Report this comment
January 22nd, 2012 at 5:48 pm
thingpui hi in leh phawt mai ang
Report this comment
January 22nd, 2012 at 5:50 pm
U Aduh naupan lai ka ngai… Eehh
Report this comment
January 22nd, 2012 at 6:11 pm
U lamea hi ka pasal lem lem tur..hihi
Report this comment
January 22nd, 2012 at 6:17 pm
Tete-i, i pasal lem lem tur nge i duat zawk ang i ui…
Report this comment
January 22nd, 2012 at 6:21 pm
sawi tur pawh ka hre ve lo, keihi engtin nge ka neih ve ang le, ka chhung te engmah an sawi lova, kei lah chuan engmah ka sawi bawk hek lova, aaa leng tar law law ang
Report this comment
January 22nd, 2012 at 6:22 pm
Ka ui le…pasal lem lem tur atan pawh ui lawm deuh ka duh.hehe
Report this comment
January 22nd, 2012 at 6:23 pm
vawin chu, tihtur em em awm lo bawka, MS-i ngaizawng leh mai ang, ava han zai thiam ve aw he nu hi chu
Report this comment
January 22nd, 2012 at 6:27 pm
Inkhualtelema thil zawrh lem lem kha a nuam. Midum bengbeh hnah emawni hi kan rawt kawi a, a tuihnang kha tel kan ti thin, pawisa atan chuan lehkhapuan cheh tet emaw, hnah emaw kan hmang mai. Chuan…., iskut rah ah hian ke lem pali kan vuah a, vawk kan tia kan talh lem lem thin. In rubber zuan ah khan che loa zuan lai tak kha hmeichhe hoin an thawh ai thawk turin min ruai zauh zauh- ‘Cross, thlak kher’ tih pawh ka la hria. In vaibah chu step-a tih chi kha ka thiam rapz, ‘seh’ ka ngah thei lutuk!
Report this comment
January 22nd, 2012 at 6:53 pm
Film pakhat en ho theuh theuh kha a sawichhawng leh thiam bik kha an awm a, kan ngaithla leh thrap thin. Keichu thenawm lama u deuh ka kawm ten ramhuai sawithraih min ching a, tun thleng hian helamah hian ka dawih phah in ka hria
Report this comment
January 22nd, 2012 at 6:54 pm
#64, u Tete..super like.. Zei tlat.. Eehh
Report this comment
January 22nd, 2012 at 6:58 pm
in khaulte lem ang u…
Report this comment
January 22nd, 2012 at 7:03 pm
kei bantu leh telhtu
Report this comment
January 22nd, 2012 at 7:14 pm
@Century child, ka t-set ka la nga ka bang dawn
Report this comment
January 22nd, 2012 at 7:37 pm
naaa a theih loh, banrual kan tih kha
Report this comment
January 22nd, 2012 at 7:37 pm
@DBXFreak : naaa a theih loh, banrual kan tih kha
Report this comment
January 22nd, 2012 at 7:48 pm
@73 Century child, kei ban theih loh, thingoui lo in rawh
Report this comment
January 22nd, 2012 at 7:53 pm
A bang hmasa sa kheimit chhut
Inkawibah hi naupan lai khan ka thiam ve khawp mai. Ka rualpui mipa kawm tur ka nei si lo va, hmeichhia ka kawm tam a, la phiar thlengin ka thiam vek maw le
@DXBFreak, i avatar hi Andaman-a Jaruwas hnam an va nih duh hmel ve?
Report this comment
January 22nd, 2012 at 8:00 pm
lol #75 muante ka lo hre tawh miah lo i thil sawi chu. Kan ti thin tak. Tu kheimit mah kan chhut tak erawh ka hre lo.
Report this comment
January 22nd, 2012 at 8:00 pm
haha taka, a bang hmasa sa khaimit chhut
hmeichhia chu ka kawm tam ve tho mai, mahse laphiar thleng2 chuan ka thiam lo
pu muantea chu in rubber zuanah pawh zuangsang thei fu ang a
Report this comment
January 22nd, 2012 at 8:14 pm
Naupan laiin Kawi hmang tho hian kan “Inhnawk” thin. Inball vawm leh instep ball hi mipa pawhin kan ching tho
Report this comment
January 22nd, 2012 at 8:30 pm
Naupan lai chuan balu huh chep chup a chen hi a nuam thei khawp mai.
…khrum
Report this comment
January 22nd, 2012 at 8:44 pm
In rubber zuan chu ka ti ve ngai lo. Kan naupan laiin tunlai rubber ang hi a awm ve pawn ka hre lo. Sairawkherh fan a ni deuh mai. Kawi hmang chuan inchheubah leh inhnawk a ni deuh ber
Report this comment
January 22nd, 2012 at 11:01 pm
Kan naupan lai chuan naupang kan ni maw le. Buk lem sak a, silai a mu awm chi nen a indo tluk a nuam kha a awm lo.. Chuan, Pi Aduhi chu ka rin aiin………ih…..ih…ih…..i lo hmeltha daih!
Report this comment
January 22nd, 2012 at 11:15 pm
In step ball khi ka lung a ti leng latux. Bailem chhuan pawh kan uar thei rap. Alu kan hel deuh kha tui ti takin ka ei ve bawrh² thin a.
Report this comment
January 22nd, 2012 at 11:24 pm
#81 Pu ChhanaPa i sawi tum ka hrethiam e!
Report this comment
January 23rd, 2012 at 11:44 am
In-rubber zuan, Miss thlan, Zaikhawm Tih loh khi chu ka ti ve vek, ka tuai deuh a
Report this comment
January 23rd, 2012 at 1:41 pm
Aduhi naupan lai hi ka van ngai e..
Report this comment
January 23rd, 2012 at 3:11 pm
Ka nau (hmeichhia) hian invawrpui tur hian min sawm reng thin a. Bu sawm let thleng te’n kan invawr thin…
Inbawlvawmte khi chu, hmuhnawm ti takin kan thlir ve thin.
Post tha tak a ni e…
Report this comment
January 29th, 2012 at 8:39 am
Hlen chilchal, let leh dawna samzai khata belpui vuak keh hma loh, nang van deh kei lei deh.
Hmeiche ho nena infiamna nuam deuh chu- pang aw inzial inzial tih kha.
post-tunu zawn chiah chan kan chak thin zia kha. 
(phiamthur)
tren tren
Report this comment