Mizo Hlakungpui Mual chei hna chu thawh zawh tawh ani a. Tunah hian Archive Building sak hna chak taka thawh mek ani bawk. Tin, Internet hmanga khawvel hmun hrang hrang atanga an tlawh ve theih nan website siam ani in hei pawh hi zawi zawi a siam chhoh ve zel a ni bawk.
Tunah hian hmalakna peng pakhat atan Wikipedia ah dah luh leh ani ta a. Tuna awm lai hi tih that chhoh tum mek ani bawk a, hemi atan hian kan mithiam te thawhpuina kan han ngen in kan sawm che u ani.
HLAKUNGPUI CHANCHIN TLANGPUI
A TOBUL:
Ram leh khawtlangin hma a sawn zel angin, kan tih ngai loh thil thar leh tha zawk a piang zel a. sualna a san poh leh hmasawnna pawh a pung emaw tih theihin thiamna pawh a sang zel a. Mizo fate ngei pawh mihuaisen, tlawmngai, rinawm leh ropui an piang chhuakin, thu leh hla-ah pawh an lo piang chhuak ve zel bawk a.
A bik takin thu leh hla lama hrang hlui, pasal tha, sûl min lo sutsaktute hi an pawimawhin, hun lo la kal zel tur atan pawh ngaihhlut leh chawimawi an phua ngaiin Khawbung Branch YMA chuan engtianga hma lak tur nge ni ang tih a ngaihtuah ta a. Dt.13.01.1983 zâna Khawbung Branch YMA Committee chuan Committee thinlunga lo riak tawh chu kai harhin Thu leh Hla-a hranghlui pasalthate chawimawi chungchang chu Agenda-a neiin ngaihtuah tan a ni ta a.
Committee chuan ngun taka ngaihtuahin thu leh hlaa Mizo pasaltha, hranghluite chawimawina lungphun leh an tana hmun buatsaih chu tha hlea ngaiin lungrual takin pawm tlân a ni a. A hmasa ber atân Khawbung khawchhuak pahnih – Hlakungpui-te Pu Patea leh Pu Damhauva-te chu bultan nan hman nise tiin rel a ni a.
Ni 16.9.1983 leh ni 28.10.1983-ah an chhungte phalna lâk fel a nih thu Committee-ah thlen a ni (An ruh pawh seng luh a ni). Hemi tipuitling tura hmalakna hi Khawbung Branch YMA leh a khawchhuakte’n neituchan changin bul tan a ni a. Kum 1986 April 7 & 8-ah Hlakungpui-te chawimawi-na lungphun a ni.
THILTUM:
Mizo fate – hnam leh thlah thumhmun kan nihna ang a, ram bik kan neih chhung leh pawn lama mite tana kan hnam rohlu Thu leh Hlaa pasaltha leh hranghluite chawimawi leh an tana hmun bik ruat/siam a ni a. Hetah hian kum 10 dan emaw, Silver/Golden Jubilee etc., hun bîk remchang anga chawimawina siam thin tur a ni. Tin, Hlakungpui Mualah hian Mizo fa/Mizo hnahthlâk tawh phawt chu chawimawitlâka kaihhruainain a ruat leh phalte chu chawimawi zel tur a ni a; chuvangin ‘Mizo Hlakungpui Mual’ tih a ni.
Mizo Hlakungpui mual hi tunah Khawbung Branch YMA-in a enkawlna chungchangah mawh latu ni mah se, Mizo tawh phawt a neitu a piang ta a ni tih hi Mizo mipui zawng zawngin hria ila. Mizo thu leh hla-a pasaltha kan neih Mizoram leh khawvel hriata kan phochhuah a, kan chawimawi a; kan hlut tlân theuh hi Mizo fa tawh phawt chuan kan mawhphurhna a ni e.
Similar Posts:
- Mizo Hlakungpui Mual Silver Jubilee
- Hlakungpui Silver Jubilee Lawm a ni dawn
- Hlakungpui Jubilee lawm hun tur chiang ta
- Hlakungpui Website hawn a ni ta
- Thil hlui khawn khawm dawn
January 23rd, 2012 at 3:35 pm
A lawmawm e. Ram Lungphum pawimawh tak in chher mek a ni si a.
Report this comment
January 23rd, 2012 at 3:37 pm
That ve khi
Report this comment
January 23rd, 2012 at 3:52 pm
Thlalak khi ngatinge khitia in dah a… a fuhlo anih hi tawngkam uluk deuh zawk tepawh hmang ula delete an tum mai hi.
Kan misual Epistemology kha edit tir vat rawh u.
Report this comment
January 23rd, 2012 at 3:52 pm
A lawmawm hle mai.
Report this comment
January 23rd, 2012 at 3:57 pm
ehe hei chu a va lawmawm si em!!
Report this comment
January 23rd, 2012 at 4:02 pm
Report this comment
January 23rd, 2012 at 4:04 pm
Wikipedia hian delete an tum avangin ti hian an rawn dah kuau zawk nge, wiki page reng reng ah blog ang maiin ti hian an dah kuau ngailo. A sirah an dah mai zel sia. Thlalak hnuaiah engmah description a awm bawksilo. Hetiang ang deuh tehian tih dan a awm lawm ni.
http://en.wikipedia.org/wiki/Pyramid
Lo phunchiar ve mai mai. Wikipedia a a awm hrim hrim chu a tha khawpmai. ka like e
Report this comment
January 23rd, 2012 at 4:18 pm
kalo tang riau kalo edit ve tawp mai dawn mani le. hehe
Report this comment
January 23rd, 2012 at 4:38 pm
In thahnemngaihna, in enkawl tang tang peihna a ropuiin ka chhuang che u. Mizo ten kan hnam rohlute dimdawi thiam takin kan enkawl thin hi keimahni tan zel anih hre zui zel ila.
Report this comment
January 23rd, 2012 at 4:53 pm
Wikipedia ah hian member ka ni a, mahse Mizo Hlakungpui Mual deletion page hi an khar tawh a ang. Member 3 in an debate a, 1 in delete a duh a, pahnih (administrator 1 tiamin) in Keep an duh a. Ka rin dan chuan entry dang a awm leh loh hmel a, an delete rih lovang. Comment ve thei ila ka duh nen
Report this comment
January 23rd, 2012 at 5:27 pm
funny™ -a phunna khi ngaih pawimawh a tha khawp in ka ring…
Report this comment
January 23rd, 2012 at 6:15 pm
English Tonic Solfa hi Mizo Hlakungpui emawni le
Report this comment
January 23rd, 2012 at 6:57 pm
Hetia thlalak dah tawp hi wiki lam tan pawh mi thlalak an thu lova lo dah a nih leh nih loh velah fimkhur a ngai ve viau maithei sin
Report this comment
January 23rd, 2012 at 7:11 pm
Vawiin chu current loh vangin ka rawn lut thei lova. Post pawh ka vil hman lo. In lo comment liam liam a a lawmawm e. Funny thil sawi khi a buaipuitu te hnen lamah ka thlen tawh a. An rawn ngai pawimawh turah ngai ang.
Report this comment
January 23rd, 2012 at 7:38 pm
‘This article is being considered for deletion in accordance with Wikipedia’s deletion policy’ a inti kulh mai. Engtia tih chi nge ni le?
Report this comment
January 23rd, 2012 at 9:47 pm
an delete loh nan mithiamte u debate page-ah khian tih theih in nei lo’m ni? han tang teh u..:D
Report this comment
January 23rd, 2012 at 10:42 pm
Nia, hei an delete dawn talo ani ang, mobile atang chuan ka hmu ta lo. Thlalak erawh hi chu la siam a ngaih hmel.
Report this comment
January 24th, 2012 at 12:04 am
Ka comment hmasa @15 chu comment dang chhiar mang lo-in ka lo ti ve ngawt a, a va zahthlak ve aw!
Sãñgpüîípã @17, delete atana vauna chu ka la hmu reng tho mai kei chuan.
A entry hi tu siam nge ni aw? Saptawng hei aia uluk leh dak nalh deuh zawka siam atan a itawm khawp mai. Mithiam zawk te ruaiin tih that leh ni hial thei se a duhawm mang e.
Report this comment
January 24th, 2012 at 11:20 am
Ti hi chuan a dak ve zaih tawh alawm an delete tawhlo ang. K.Zawla hnuai line ah hian space an dah theihnghilh anih hi. Tunah chuan ala tir a tih zung zung ala harsa a nakinah chuan poets leh writers list ami ho hi link anga dah a an mahni pual in wiki page siamsak a an chanchin leh works vel dah chi anih hi a.
Hetiang deuh hian
http://en.wikipedia.org/wiki/L.....scientists
Report this comment
January 24th, 2012 at 11:50 am
A layout a pangngai deuh tawh bawka trustworthy tiin ka’n vote ve kauh kha
Report this comment