Mizo hi kan mak angreng ve khawp mai a. Kan thil duhzawng leh lawmzawng chu khawilam nge, eng atangin nge, engtiangin nge, engtin nge ni zel ang tih pawh ngaihtuah lem lo hian kan bawh huang huang mai zel a.
Kan hmathlir a tawi ti ila, kawng thenkhatah chuan thlir thui kan inti fu lawi si. Hnam upa kan la nihlohnaah hian i puh thla vek mai zel phawt teh ang.
Zo-vawk, tereuhte, chum bing biang, a sa mawm zet pawh hi kan kawk a, “Tuikuk vawk saw” kan ti a. Zo-vawk tia kan sawi duh chu hmanlaia kan vulh ni lem lo, vawk lian tha pui pui, hmundang atanga kan lakluh tih hriat reng reng, inhnuaia naupang ek leh hnawmhnawk um peih lo tur khawpa lian leh tuanmuang, khawlaia lim kual zak zak peih lo tur tih hriat ngawih ngawih te hi a ni fo.
I kal thui leh deuh teh ang. Kan hmanlai thilte chu a mawi leh sawinuam chin chiah kan intitatu ta a; kan kawrchei, ngotekherh te chu intineitu takin kan lek vaw vaw a, chutih lai erawh chuan Sum leh suk tliang ral mai, sitting room cheimawina atana tha fahrante chu kan hmusit a, sum leh suk pawh hrehrang lo khawpin kan lo changkang ta a ni.
Chawhmeh tui ber berte kan hre nasa a, hamburger,sandwich tiin khawthlang lam tihdan kan la a, khawchhak lam atangin momo, fried rice, chowmein kan ti bawk, Indian chawhmehtui Dosa, biryani, chicken tandoori te kan hria a, thangtharten siam kan intihhmuh lai hian telhawng chhum pawh thiam lo kan tam; khanghu leh thingthupui danglamna hre lo lah kan pung tulh tulh; saisu phei chu sai chikhat emaw ti awm nulh nulh tan ania aw!!!
Puan ven aia jeans hak thiam zawk pawh kan nulate zingah changkannaa ngai kan tam tulh tulh. Nula puan vawikhat bilh lut aia Jeans kekawr kilhna lianpui pui leh kawnghren tha ber ber chite lah chu a phelh awlsamsam an ni thung lawi si.
Hman deuh phei kha chuan Mizote hi Burma ram atanga pem kan ni lo tih deuhte pawh post lamah a awm tak kha maw!!! Burma ram hi Sapram angvela changkang chu ni se khatiang rilru te kha a rawn chhuakin a rinawm hauh lo.
Kan hmusit zawng leh changkang lo nia kan ngaih zawngte chu keimahni kutchhuak, kan chhulchhuak pawh ni se hmusit kan hreh hauh lo hi Mizote’n kan identity kan hloh tulh tulhna tur chu a ni e. Kan tawng tichimit thak tur hi chuan beih fe angai tawh ang a, Mizo tawng a awm chhung hi chu Mizo kan nihna pawh a bo tak tak thei lo ang. Amaherawhchu, kan Mizo kutchhuak leh silh leh fen, kan nitin khawsak relbawlna leh kan nuna bet ve tlat thin hote erawh hi chu awlsam tea chimral theih mai an ni. Tan i la ang u.
Zo-vawk diktak pawh kan hloh tawh a, tuna kan la kawl laimekte hi chu uluk takin vawngnung tlat ila. Nu leh pate pawhin fate hnenah i hrilh uar sauh sauh ila. Kan hmang ngai tawh lo anih pawhin Museum lamah te leh thingtlang lama kan Mizo hmanrua leh nihna tilang thei tam tak leh kan hmanlai nuna thil pawimawh te i hrilh uar sauh sauh ang u.
Kan pi leh pute lo chhawmdawl a, an nitin nun khawsaknaa tanpuitu hmanrua leh an silh leh fente ngaihlu ila, anmahni avanga tun dinhmun thleng thei kan nih hrereng chungin i hlut thiam hram hram ang u. Hnamdangin hma min rawn lakpui dawn hauh si lo.
Similar Posts:
- Combined Post: Republic Day dangdai leh Vawk Phing culture
- Lawmna tur hlir a lo ni….em??
- BBC Top Gear vs Mexico
- Vawk leh Zu
- Mizo tawng ve reng a ni.
:sawi leh lo:
January 27th, 2012 at 12:39 pm
1st
January 27th, 2012 at 12:39 pm
haha ka va nui hnem e saisu phei chu sai chikhat emaw ti awm nulh nulh tan ania aw!!! <— a va HIT tak lolz!!
January 27th, 2012 at 12:42 pm
A bilha tho tawh lo MIZO kha kan ni miau a..
January 27th, 2012 at 12:45 pm
A tha ka ti hle mai (Y) (Y)
January 27th, 2012 at 12:48 pm
A tha hle mai. chemtatrawta nge nge, i tat hriam leh tek tawk hle mai.. (Y)
Mahni tawng, ei leh in, incheina ngainep mi hi chu, mahni inbum an ni maiin ka hria. Hetih laiin changkanna erawh ka sel hran lo.
Nizan khan ka naute, Pathianni a Duet-a an hla sak tur an thlang a. A upa zawk chuan, ‘sap hla kan sa mai dawn mi?’ a ti a. Kei chuan, ‘sap hla chu sa lul suh u, Mizo inkhawmna a ni a, Mizo hla tha tak tam sak sen loh kan nei’ ka ti a. An pawm ve viau. Hemi chungchang erawh ka la rawn post ang (thiam ang tawkin… 🙂 )
January 27th, 2012 at 1:03 pm
I buaina a ho mai mai em mai. Engvangin maw?
Zo vawk chu zo vawk a nia, Tuikuk vawk lo ti talh an awm a nih chuan a majority aiin minority an ni ang. Ka hre ve tlat lo. A hrim hrimah Mizoramah tualchhung vawk vulh kha zo vawk kan ti a ni mai a, species emaw genus hran emaw nei pawh kan ni lo. Bru leh Chakma hovin an vulh pawh Mizotawnga sawi chuan Zo vawk a ni mai a. Bru leh Chakma hovin engtinnge an tih ka hre lova, mahse, koh dan an nei ve ngei ang. Chutiang vekin Zo-artui pawh Chakma leh Tuikuk te chuan zo artui an ti ve kher nang.
Incheina te chu a hun lai ang zelin a inthlak thin a. Hmanlai Mizopa incheina chu puan ven kha a ni a. Taitesena leh Khuangchera te ho tihdan ang renga kan la inchei dawn a nih chuan Mipa ho zawng pawhin puan ven leh mai tur a ni. Hmeichhia chauh sawi kha a kim lo. A hrim hrimah hmanlai leh tunlai thlengin buan chak lo hi chu awm a ni hrim hrim. Hnam nun inthlak lo, pangai reng i nun duh chuan museum-ah i chen ve mai a ngai ang.
Chawl hahdam rawh 🙂 (Hnam in ti vei deuhin a rawn insawi hot leh vak maithei a ni. A mak lovang!).
January 27th, 2012 at 1:05 pm
Va dik tehlul emmmmm Like
January 27th, 2012 at 1:07 pm
Puan ven aia jeans hak thiam
zawk pawh kan nulate zingah
changkannaa ngai kan tam tulh
tulh. Nula puan vawikhat bilh
lut aia Jeans kekawr kilhna
lianpui pui leh kawnghren tha
ber ber chite lah chu a phelh
awlsamsam an ni thung lawi si.
KZP. ka nuih huk chu. A dik si
January 27th, 2012 at 1:12 pm
tatrawta vrs selthuama.
Tren tren
January 27th, 2012 at 1:14 pm
Tren Tren REd Corner vs Blue Corner 😀
January 27th, 2012 at 1:20 pm
I Indian chawhmeh rawn sawi khi hriat ka nei lo tluk a ni! Post tha e. I thahnemngaihna a ropui khawp mai. I vei ang u, i vei zel ang u.
January 27th, 2012 at 1:21 pm
@ Selthuama, chakma te pawh in zo artui an zuar ve tho. Zo ar pawh vai in an zuar. Vaihmite hi vai ramah chauh a awm lo.
January 27th, 2012 at 1:25 pm
Selthuam, Ka post ziah thenkhat avanga beihzui ka tawh hi chu ngaiah ka nei tawh.. A post aia a ziaktu i vei hi ka lo lawm zawk lutuk. Pakhatna ni sa hian pahnihna an el ngai lem lo a..;-)
January 27th, 2012 at 1:25 pm
Chemtatrawta nge nge, i ziak tha hle mai. Mi tam takin traditional attire deuh chauh hi Mizo culture emaw an ti niawm tak ani. A nalh kan tih lai deuh te kan la vung a, mipa naranin THANGCHHUAH KAWR an ha a, awmze nei lo khawpin popular arts kan atchilh a, nalh leh mawi kan tih lem lo chu Mizo culture zinga pawimawh ber pawl pawh kan theihngilh lui a ang viau.
January 27th, 2012 at 1:27 pm
#12 (Y)
January 27th, 2012 at 1:27 pm
“Puan ven aia jeans hak thiam zawk pawh kan nulate zingah changkannaa ngai kan tam tulh tulh. Nula puan vawikhat bilh lut aia Jeans kekawr kilhna lianpui pui leh kawnghren tha ber ber chite lah chu a phelh awlsamsam an ni thung lawi si.””
Bleh!!
January 27th, 2012 at 1:29 pm
kan sawi ve lok Zo vawk tia kan hriat hi Tuikuk vawk an tih ka hre ngun lutuk Zo vawk anih saw an ti ngai meuh lo 😛
January 27th, 2012 at 1:30 pm
Amaherawhchu, kan Mizo kutchhuak leh silh leh fen, kan nitin khawsak relbawlna leh kan nuna bet ve tlat thin hote erawh hi chu awlsam tea chimral theih mai an ni. Tan i la
ang u.
Hnam a changkan chhoh zel chuan heng thil te hi a bo tial tial ang. European te pawh khu tunge kum sang chuang liam ta ah khan heng thil hlui(em, herawt, etc) hi hmang lovang tih sawi thei? Chhawm chhoh zel a rem loh hun chu ala awm hrim hrim.
Mizo kan ni tih hriat reng theihna chu kan Tawng hi a ni. Kan ram lak theihna awm chhun ani. 🙂
January 27th, 2012 at 1:32 pm
ngaihtuahdan dangdai tak, tha tak si a ni e. A chhiar a nuam viau a..tawngkam thenkhat inphaman lo deuh erawh a awm zauh zauh.. “I lo…i la” ti lo hian ” I lo….ang u” tih zawk hi chhiar a nuam deuhvin ka hria.
January 27th, 2012 at 1:32 pm
Tuikuk vawk tia ka lo hriat ve char char thin kha zo vawk an tih thin zawk a ni tih tun hnuah ka hre ve chauh
January 27th, 2012 at 1:36 pm
khelawk hre lo ka hria :p
January 27th, 2012 at 1:38 pm
Chhangteval, a hlutna an hriat loh avangin an bo ve reng a ni. A hlutna an hriatchinah chuan mihausa hlun apiangin furniture hlui an khawl ania aw..
January 27th, 2012 at 1:39 pm
Vaipaden kan tih pawh hi zopa siam dan zawk a nia, vaihovin tihian an siam ngai pawh ka hre lo. A hming kan put tir daih mai. Ka ui lutuk. Dr Mahminga te vengah khuan an uar zek lehnghal.
January 27th, 2012 at 1:41 pm
Vety zawng takin Tuikuk vawk kan tih leh Zovawk kan tih hi indigenous breed/local breed kan tih ang chi kha ania, a inang.. A koh dan chu thuhran.. A tet avang leh a vulh a hlawk loh avangin an uar tawhlo.. Zo vawk kan tih kha mizo in kan vulh peih tawhlo ani e..
January 27th, 2012 at 1:45 pm
jin @21 Tunlai naupang tam tak hian khelawk te chu sawiloh, chaicheh leh suankual la hmu miahlo pawh an awm asin…keini pawh kan hmang tawh ngailo nain kan dahtha reng a, kan inah ka hruai a, ka entir tawp :-O
January 27th, 2012 at 1:48 pm
Suankual leh suankang hrehrang lem lo pawh naupang chu sawi loh, nula tlangval zingah pawh an tam mai.
January 27th, 2012 at 1:55 pm
khawnge SELTHUAMA kha 😛 Hairehai 😉
January 27th, 2012 at 2:00 pm
Suankual leh suankang hrehrang “re re” lo an lo awm chu a mak hle “mei”. Tunlai Mizo tawng ka han hmang ve chhin anih hi
January 27th, 2012 at 2:18 pm
Khawvel changkanna-in min chiahpiah chhoh zel avanga tunlai thangthar ten kan Mizo thil tam tak an lo hre ta lo hi dem ngawt theih an ni lova, nep tih viau ngawt chi pawh a ni chuang lo. Generation thar hrang hrang an lo chhuak leh zel dawn a, tuna kan phak tawk ang pawh hi kan phak loh hun a lo thleng dawn. Hei vang hian Mizote kan ral tial tial tihna pawh a ni chuang lo.
Tin, tunlai thangthar tam tak te hi kawng tam takin kan tluk lo ve bawk. Zuk leh hmuam tih ngei ngei tura kan ngaih hun te kha a liam chho zel asin! A pawng atakin thangthar hi dem zen loh a tha khawp mai.
I post erawh ka thlawp e.
January 27th, 2012 at 2:22 pm
Tha khawp mai. Nih phung leh awmphung pangngaia nun chu thil dik leh tha ber a nih loh rualin, kan changkanna hian kan Mizo nihna leh thilte min theihnghilh tir tur a ni lem lo.
Worship dance phuah chawp zet a Lalpa fak ai chuan, Cheraw Biak Inah i kan ngam zawk ang u.
Nakinah ka hman chuan, hetiang lampang rawtna hi post puitlinga ziah ka la tum ang. Pu Chemtê, i ziak tha uar uar khups mai. (Y)
January 27th, 2012 at 2:24 pm
Vaipaden maw, chil a ti put… 😉
Khai mah aw.., mautak tuai, mauthei ngei ah; bawngsa rep, hmarcha tai hler hlawr, bahhkawr, behlawi, hmehhan (ajinamoto), purunsen, aieng, sawhthing, lenghmaser, leh a dang dang han chawhpawlh nuk mai kha chu aw… a va’n tui thin tak. Hnahthial hnah chawfun thehdarh chuang ngei ah vaipaden kan han bun chhuak a. Thlantui nen, hnaptui nen kan han ei suah suah zel mai kha chu(h). Dam man kha a awm thin ngawt mai… 😀
Mizo nula lum ngei, thingpui senhang te; ka nu chhum ngei Antam tui hang dai raih mai te… chemtatrawta englo cheptu kaikuang rep, hmarcha tai nen a rawt sen hlawr mai te… Khaih khaih khaih, ka insum rih te’ng, lungleng in luaithli ka nul mai dawn. Ka OT leh ta teuh pek mai.. 🙂
January 27th, 2012 at 2:54 pm
Dr Mahminga chu eirawngbawl i va thiam hmel si ve 😀
January 27th, 2012 at 3:05 pm
Vaipaden siam dan khi, Primary sikul kan kal laiin kan zirtirtu’n min zirtir thin a… 😀 Alu kan leh dal hang chhum pawh ka hnehsawk rap… 😛
January 27th, 2012 at 3:09 pm
A tha khawp mai. Mahse incheina kawnga hmanlai kan hmachhuan lutuk hi a superstition rilru ka ti ve deuh a, Western leh hnam changkang Asia lam, China, Japan thleng pawhin Hmanlai an incheina an kalpel thui hlawm tawh em hi. India ah pawh hian puithuna atthlak rei tak an vuana tunah chuan nula changkang chin chuan Sari pawh an paih ve ta tial tial a ni, hun bik nei ah deuh chauh sari poh an kaih/ha tawh a nih ber hi.
January 27th, 2012 at 3:20 pm
Kan Banner chu ka hrethiam rin ran mai siah 😀
January 27th, 2012 at 3:24 pm
a tha ka va ti em (Y)
January 27th, 2012 at 3:27 pm
“Selthuam, Ka post ziah thenkhat avanga beihzui ka tawh hi chu ngaiah ka nei tawh.. A post aia a ziaktu i vei hi ka lo lawm zawk lutuk. Pakhatna ni sa hian pahnihna an el ngai lem lo a..;-)”
HAHAHAHA….post ka ziak ve ngai lo, engzatna mah ka ni lo…i comment-ah i nihna a lang, mahni mawnghlim, sakhi ngal i ni e.
I ngaihdan hi a retrogade lutuk a, a Taliban a, a ho ka ti. Society hi thil nung a nih avangin a thang a, a inthlak danglam reng thin. Tuna Mizo incheina i tih hi kum engzata upa nge a nih i hria em? A nih leh puanchei te ngotekherhte a lo chhuah tirh khan SIAPSUAP feng ho khan “Kan hnam nihna kan hloh, hetiang hi chin loh tur” tiin inti TALIBAN tlat mai se, engtinnge ni ang? Anih leh Scottish Highlanders ho chuan hnam identity atan hmun tin hun tinah kilt fen reng tur an ti bik em ni? Tuna i thawmhnaw hak zawng zawng kha traditional Mizo dress pakhat mah a awm lo tih ka chiang ngam. A nih leh chumi avang chuan i identity i hloh em?
Kum tam a la ni lo C.Vansanga zai chu tape cassette-ah an record a, record player hmangin kan ngaithla thin a. Tunah chuan chu chu kan ti tawh ngai meuh lova, Mizo-na a tidal em? I buaina hi a ho va, a buaina bul aiin a symptom kha inti fing ve fuin i sawi ve mai mai hi ka nuih a za em a ni. Hmmm, fing khawp mai, Mr. Pakhatna, Dr. Chemtatrawta….Hahaha (Y)
January 27th, 2012 at 3:34 pm
Selthuama chu..i ziak ka ti nawh.. Ka ziak ka ti anih khi. Dr Selthuama i nih chak chuan dah ve mai rawh. Midang chuan an sawisel peih ve lo ang che. I duhleh Prime Minister pawh inti la, Chemtatrawta boss pawh inti la, kan lo nuih liam mai mai ang che. Mizo tawng pawh chhiara awmzia hrefuh hleitheilo ho hi in buaithlak duh fu. Im i thawh le, i hui nileng thak ding? 😀
January 27th, 2012 at 4:28 pm
Tren tren
January 27th, 2012 at 4:50 pm
Ni reng mah ila, hetiang public forum vela lo intih dr vel kha a tul ka ti thlawt lo a ni. Vety dr phei chu ka ni lem lova. Period!
Mahni leh mahni insawi leh intifing leh thei deuh deuh leh midang chelhdelh deuh deuha tawng vel hi JEANS kekawr hak ai chuan a Mizo lo zawk daih a, a mimal ni lovin a principle hi ka do zawk a ni. Beng nei chuan hre rawh se.
January 27th, 2012 at 4:55 pm
Selthuamte.. Public forum a Dr tih vel ai chuan mimal inbeihna hi vei hmasa zawk rawh. I bauh lohna tur lamah i bauh thui mai mai. Han ti ngawt ila, thu tha hrilh che ai chuan lawi bulah tingtang perh ila kan hlawkpui ta ve ang..:-D
January 27th, 2012 at 5:00 pm
Khaih khaih, naute u zah ngai, zah ngai!
Putlunga-Sih khua-ah khan Tuikuk Vawk kan va lei a, avan tui kher ve e….tunah hian sum 3 vel engzat man vel nge hria kan awm em aw…?
@Chtr : Hinglish te, Minglish te hi changkanna ken tel pakhat chu a nia….! Kum 50 a ral leh chuan a vei tur pawh kan awm tawh lovang ! Mahse a vei pawl hi chu awm a tha khawp mai.
MI ang u aw……!
January 27th, 2012 at 5:01 pm
tren tren tebul leem..
January 27th, 2012 at 5:01 pm
Chemtatrawta kaikuangin a chehna lai pawh kha a englovah kan tingawt zel a, thangthar leh naupangte chuan a TILah a chep a ni tih an hre mumal tawh lo ang em le???? 😛
January 27th, 2012 at 5:06 pm
Pu lushai_er, leh ila ni mai alawm. 😉
Mipa thil pawh hi naupanlai chuan sazu, naupang lian deuhah tilte, tleirawl dawn tan chu til…tlangval tan atang chuan…sawi tawh lo mai ang..;-)
January 27th, 2012 at 5:08 pm
Thingtlangah Mizo vawk an ti a, Aizawl hovin Tuikuk vawk inti anih kha. Aizawla seilian inti changkang sap sikul inti kal mizotawng chhiarthiamloh changkanna a ngai ho khan a lawm mizoram ti dazat zo. (I)
January 27th, 2012 at 5:08 pm
I rilru duhthawhna chu ka tawmpui khawp mai che.
Tuikuk zingah ‘Saw Tuikuk vawk’ han tih hian, anni zawk hian ‘Mizo Vawk a lawm’ an ti let hlauh thung a sin…
College a lecturer pakhat, (a rei deuh tawh a) vai ram a zirlai excursion kal hruai tur khan an kal hma a a hruai tur ho a ‘brief-in’-naah, ‘Hmeichhe ho te kha, puan te kha in rawn bih mai mai ang e, kekawr rawn ha rawh u. Rel um te angai dawn a nia’ ati (True Story) 😛
January 27th, 2012 at 5:28 pm
A dik khawp mai….Mizo Indigenous hi i ngaihtuah ngun ila, i humhalh ve deuh ang u.
Tunhma, kum 15 hmalam a, a thingpui dawr a “Sawhchiar” ang diktak kha, kum 2011 ah chuan hmuh tur alo vang ta hle. A awm chhun lahin hrawk a fah lemlo.
Hamburger,sandwich te pawh lo awm mahse, kan thil neih Mizo indigenous hi i ti ral kher lovang u.
Tunhman khan Shillong Chow kha a chow bik riau thin. Aizawlah pawh,Shillong chow ngei mai lo lar in, “Hei le Pork Chow” tluka Chow tui kha avangin an lun char char ngei mai.
Khatiang chiah kha Shillong Bara Bazarah eina bik kan nei thin a, Kum 2007 khan ei leh tum in kan pan a, a dawr kha chu alo la awm a, mahse tunhma a ang ta lo, a taste pawh alo dang daih. Bei a dawng duh hle.(shillong kan sawi kai lawk a ni e)
Ei leh inah pawh ‘mahni hnam thil’ kan thansan duak duak hi chu a tha lo ngawt mawi. ;-(
January 27th, 2012 at 5:46 pm
Nia khanghu leh thingthupui-te hmeh uar deuh2 ila, a theih hram chuan thleng vel hmang loin ‘kho’ hmang hram2 zawk bawk ila :-O
inkawibah, invaivawm, adt. pawh zirna In lamah game 1 anga dah ni se.. (ti ve mui2 ) 🙂
January 27th, 2012 at 5:57 pm
chelhdelh = chaldelh 😉
I ram leh i hnam, I khua leh tui, I chite chimral an nih chuan zuah i ni bik hauh lo vang. 🙂