«
»

Hmangaihtu ngawi chawi

February 3rd, 2012 6:00 pm by Awmtea Leo Khiangte

(Valentines Day Pualin…)

Thu tha leh ril pui pui, ngaihnawm tak chhâk chhuak tûr khawpin ka thiamnain a phâk lova, thu duli tê tê, thinlunga khat liam ka rawn mualphopui ve rêng rêng teh ang tiin; mahse ngai teh, ka la zâm ta fo mai! Zak mah ila, eng vang kherin nge maw ka zâm reng bîk ang le tiin he lamtual zau laiah hian ka rawn tulpui ve ta nghawng ngawng mai a nih hi, tu’n min sêl bîk lo’ng chu maw…

Khawvêl mawina pár ka tlàn a, a zu thlum tak ka dàwn lai chuan ngai teh, he thu hi ka hnênah a lo thleng a, ka ti mai dâwn lo, a takin ka tawng zâwk a ni. ‘Mipa takin i puan veng la’ tihte hi ka Bible châng duh ber a ni thin, mahse a hmaah chuan naupang ang maiin ka zak a, ka khùr ru thin nia maw le. Ka pa zo thlâwt lo! Mai mai saala!

Silence is Gold: Zîng vartianah ‘Good Morning’ tih message a rawn thawn a, zànah hma takin ‘Good Night’ tih a rawn thawn leh a, a bâk zawng chu thehmeh takin zuk reh vang vang zêla maw le. Message thawn lahin a rùl mawi tâwk, thinrim theih si lohin min chhâng thiam a, han call lah hian lungawina khawp chu min pe thiam ang lawi bawk si.

Biang insi riala kan inkuah vawng vawngte hian beng bulah zawi sapin ‘Ka hmangaih che’ min ti ve dâwn emaw ka tia, ka nghah vang vang pawhin zuk ngawi tlat zêl a. Beisei nei takin nghâk thin mah ila, râla thing hnah thliin a chhêm rik heuh heuh bâk hriat tûr a awm lo va, nghah chhuah tûr a vâng thin teh e.

Thu tam sawi ngai lêm lo mah se, ka kam chhuak hmangaihna ai chuan a chêtzia hmangaihna chu a thûk zâwk tih ka hai lova, duh taka kan inkuah vawng vawng laite chuan a kuta nghet taka min kuahna leh a âwma min pawmchilh a, a lungphu rang taka phu det dette chuan thu tam tak min hrilh zâwk a ni.

‘Ka hmangaih che’ tih tawngkam chu a kâa chhuak atân zawng a sit a ni ngei ang. Kei ve lah hian ka chhâk chhuak mawlh mawlh a, mahse ka ûm phâk leh ngai si lo. A ni zawngin a sawi ve mai mai ngai lova, a nunah erawh chiang taka inziakin hmuh hmaih tûr khawpa fiah lo a ni hek lo.

Ka vânnei ber: Kam tam lo, mahse ril si; thil ti puat puat lo, mahse a hun taka ti thin; beisei san viau chi loh, mahse nghet êm êm si; rinhlelh tûr zawng zawng mah ila, a rinawmna bâk hmuh chhuah tùr ka hre thin lo. Kei zâwk hian ka pharvarsan a, ka hir hasan thin.

Ani erawh chuan rinawm takin min lo la nghâk fan fan thin nia maw le! Hmangaihna dik tak chu amahah ka hmu a, rinawmna chu office bangah mai ni lovin a thinlung chhûngrilah chuan a inziak si. Khawvêl hian mi vannei min ti mawlh rawh se! Hmangaihtu ngâwi chàwi tak zawng, ka hahpui viau dâwn emaw ka tia, chhûngrila hmangaihna tak ka hmuh meuh chuan ka hahchâwl êm êm a lo ni zâwk reng si a!

Similar Posts:

Recent Posts:

This entry was posted on Friday, February 3rd, 2012 at 6:00 pm and is filed under Luangliam. You can follow any responses to this entry through the RSS 2.0 feed. You can leave a response, or trackback from your own site.

38 Responses to “Hmangaihtu ngawi chawi”

  1. 1
    kawlhawk Says:
    February 3rd, 2012 at 6:05 pm

    Ropui rapth1ak takin ka hawng e. u1uk takin chhiar i1a, kawmen chur chur ang u1e :)

    Report this comment

  2. 2
    Rumtea Says:
    February 3rd, 2012 at 6:08 pm

    ropui rapthlak takin ka dawt e.

    Report this comment

  3. 3
    sheldon170 Says:
    February 3rd, 2012 at 6:27 pm

    E! A va tha ve. Duhthusam ani deuh thaw alawm. Mahse ‘Ka hmangaih che’ han tih hreh tlat chu.

    Report this comment

  4. 4
    Levi Says:
    February 3rd, 2012 at 6:36 pm

    Ril ru fu… (Y)

    Report this comment

  5. 5
    thachianga Says:
    February 3rd, 2012 at 6:45 pm

    Thu duli ni lovin thu cheng sawm a ni zawk e (Y)

    Report this comment

  6. 6
    Soberboy Says:
    February 3rd, 2012 at 6:52 pm

    Speak is Silver :D

    Report this comment

  7. 7
    shailendra Says:
    February 3rd, 2012 at 6:53 pm

    Security atan a hmang che nih chu… :-P

    Report this comment

  8. 8
    mr.Duhlova Says:
    February 3rd, 2012 at 6:57 pm

    I vannei hle tak mai (Y) (F)

    Keipawh, hetiang hmangaihna ril, thu mai piah lamah, a taka hmangaihna lantir tawh tu hi ka tawng tawh..Lal Isua.
    mi vannei ber ka lo ni ta….kei pawhin ka hmangaih ve ta.. (L) (F)

    Report this comment

  9. 9
    Pc-a Says:
    February 3rd, 2012 at 7:05 pm

    Thlukna i dah peih hi i fakawm hle mai. I taima e.

    Report this comment

  10. 10
    lrpa Says:
    February 3rd, 2012 at 7:40 pm

    vannei ve..i duhthusam i sawi mai mai ani lo maw! :-)
    Hmeichhia hi sawi vak tur ka hre lo, an tapbelh tlangpui in ka hria :-P

    Report this comment

  11. 11
    H.Vangchhia Says:
    February 3rd, 2012 at 7:53 pm

    I luangliam hle mai. :-)

    Report this comment

  12. 12
    Ignatia (33-115 AD) Says:
    February 3rd, 2012 at 8:18 pm

    Zorem, Paula ti lawm thin em em tu pakhat chu an inhmangaih tawnna leh inthlakhlelh tawnna kha a ni Phil. 4:10-ah chuan, “..in mi ngaihtuahsakna tunhnua in rawn tihthar leh tak avangin hian, Lalpaah chuan ka lawm hle a ni”, a ti mawlh mawlh mai. A huhoa nuna kohhran ho inhmangaih tawnna piah lamah khan ama mimal relationshipah pawh lawmna sawi tur Pathian hnenah a nei a nih kha.

    Pathian tirhkoh kha vannei inti thei khawpin Pathian hmangaihna aia nasa lo zawk dawng mah se Pathian hnenah lawmna chang a hria a ni. Kan thil hmuh leh hriatte hian kan Lalpa min enkawlna leh duhsakna chu a chen lo viau ang; mahse a aia nasa zawk a awm a ni tih min ngaihtuah chhuah tir turin Pathian hian hringmi duhawmna hi min pe thinin ka hria.

    “Lalpaah chuan lawm fo rawh u: ka ti leh pek thin ang, lawm rawh u” Phil. 4:4

    Report this comment

  13. 13
    Ruata Pachuau Says:
    February 3rd, 2012 at 8:37 pm

    Kalhlen kut puala post maw a nih hei………? :-O

    Report this comment

  14. 14
    mamboihi Says:
    February 3rd, 2012 at 9:01 pm

    Hmeichhia hi kan tlak duah lo a mahse kan rinawm tlat!! :-D

    Report this comment

  15. 15
    beethugs2 Says:
    February 3rd, 2012 at 9:05 pm

    Tleirawl te, zakzum deuh i lo hmangaih mai mai nilo maw..? :-D Hmangaihna chuan chetzia mai nilo, a thu ngei pawhin a sawi fo tur a ni. “I hmangaih chu i hmangaihzia hrilh fo rawh” tih ti tu ve ve tan pawh a pawimawh viau ani. Ziak tha hrim hrim e (Y)

    Report this comment

  16. 16
    H.Vangchhia Says:
    February 3rd, 2012 at 10:02 pm

    KA OT DAWN, ka lainat lutuk:

    KOHHRAN UPA IN NAUPANG KUM NGA(5) MI SAWISA
    Posted by zalawm 7 hrs ago in News (Mz)

    Sarah Lalduhawmi kum 5 D/o Lalliantluanga, Chawnpui venga Pu C.Dinthanga inhnuai luah a khawsa chu, an inluahna pa in midang chunga a thinrim hrikthlak nan nasa takin a sawisa a. Hemi avang hian November thla atang khan Durtlang hospital-ah enkawl char2 a ni a. Engmah tih theih an neih toh loh hnu ah GNRC Guwahati ah an refer a Durtlang Doctor ten MRI Result atanga an hmuh dan chuan bawk vanga zeng an ti a, mahse Guwahati Doctor ten MRI result atanga an hmuhchhuah chu a hnungzang-a thi chhe tling vanga zeng ta ngei a nih thu leh sawisak a nih avanga awm a nih thu a nu leh a ni lo kal pui tute an hrilh a. Hetih lai hian he naupang khawihtu hian ka khoih vanga awm a ni lo tiin a tang tlat thung a ni.

    Tin, Pu Lalliantluanga te chhungkua hi an khawsak a harsa hle a. Kohhran leh Child Welfare te tanpuina zara GNRC (Guwahati) poh thleng thei an ni a, an fanu Sarah Lalduhawmi tan hian dam leh na chance a tlem hle. (He thu hi a victim te atanga kan thu hriat a ni a, thu chiang zawk hriat tuma kal pui mek a ni e.)

    Source :: Tripy Royte Smf, Guwahati. via lawrkhawm.com

    Report this comment

  17. 17
    mamboihi Says:
    February 3rd, 2012 at 10:12 pm

    HV tak tak anih chuan a va rapthlak em.. Kohhran upa lehnghal maw a sawisa tu hi.. Ka va khawngaih em aw..

    Report this comment

  18. 18
    H.Vangchhia Says:
    February 3rd, 2012 at 10:16 pm

    mamboih, ka thaw a tihah :-S ;-( (N)

    Report this comment

  19. 19
    Asteric™ Says:
    February 3rd, 2012 at 10:19 pm

    #16@Pu Hva thil hriat chu thudik anih chuan ava khawngaihthlakawmin ava hmingchhiat thlak ve aw.
    Tunlai san ah Kohhran upa hi Pathian thu hria leh ṭha bik te thawh ṭhin ni ber pawh niin ka hre hran lo, pa ṭha tak tak chu anla awm nuala chutih rualin nihna avang leh Kohhran inrelbawlna hriat zau avanga in hlangkai hi an tam tawh emai, Pathian thu hre em em hlei chuang si lo te, sermon ro tak tak te. (N)

    Report this comment

  20. 20
    Asteric™ Says:
    February 3rd, 2012 at 10:31 pm

    Ziak ngaihnawm hle mai, hmeichhia hi mipa te hian chawlhna hian kan duh ṭhin si a beiseina kan nghah anga min han chiau au loh hian rilru ah hian zawhna apiang nasa duh ṭhin khawp mai. Beisei sa nei miah lovin chawlhnan han hmang ila an lo beiseiawm leh em em ṭhin zawk si a nih hi ;-)

    Report this comment

  21. 21
    CFL Says:
    February 3rd, 2012 at 11:10 pm

    Ziak tha khawp mai a.

    Report this comment

  22. 22
    Awmtea Khiangte Says:
    February 3rd, 2012 at 11:10 pm

    Rinawmna hi thu maiah ni lovin chetziaah hian a lo langchiang ber anih hi….

    Report this comment

  23. 23
    zualbonez Says:
    February 3rd, 2012 at 11:11 pm

    awke

    Report this comment

  24. 24
    blackmagicwoman Says:
    February 3rd, 2012 at 11:39 pm

    3rd Feb a ni dek dek a, valentines day in ti nghal chum chum mai….in luangliam hlawm lutuk!! :-D

    Report this comment

  25. 25
    zualbonez Says:
    February 3rd, 2012 at 11:42 pm

    bmw happy v day for you https://www.youtube.com/watch?v.....38;ob=av2n (Y) :-P

    Report this comment

  26. 26
    mamboihi Says:
    February 3rd, 2012 at 11:48 pm

    @24 BMW.. Mipa ho hi luangliam tur ringawt in MI se a tha ang!! Tunlai chu an chiangkuang lo tlat hahha..

    Report this comment

  27. 27
    Chhuaklinga Says:
    February 3rd, 2012 at 11:50 pm

    @16, ka mut chhuak pawh ka harh vek, ka thin a phu dawt dawt mai. Naupang a lo a luat a sawisak ching ho hi (N) chhaih tah ringawt pawh tih tawh nakalaia. Maiii mai..

    tren tren.

    Report this comment

  28. 28
    blackmagicwoman Says:
    February 3rd, 2012 at 11:50 pm

    ZB, same to you ( awi, kan in wish advance vel eee!!)
    https://www.youtube.com/watch?v=UP3AGhjg5g8

    i siannu i serenade na tur ka rawn thlansak che nih hi!

    Report this comment

  29. 29
    blackmagicwoman Says:
    February 3rd, 2012 at 11:55 pm

    mamboih, i dam maw? where is your lrpa? ‘ka di mamboihpui’ a la ron ti hluam hluam ngai em? :-)

    awmte, kan lo OT deuh…sorry!!

    Report this comment

  30. 30
    blackmagicwoman Says:
    February 3rd, 2012 at 11:58 pm

    #16…awii, a van mak ve..pawi hle mai! Kohhran upa chu a ni sia maw? Psychological problems nasa deuh a nei a nih chu….rilru panggnai tih chi loh. mizo trawngin ‘thinbutut’ an tih ang hi.

    Report this comment

  31. 31
    mamboihi Says:
    February 3rd, 2012 at 11:58 pm

    BMW dam e.. Larpa chu a remember hi a chaklo khawp a! A dang Boihsuk tur a hmu aniang!!. Nge luangliam MI tur a organize mek aniang!! :-D

    Report this comment

  32. 32
    zualbonez Says:
    February 4th, 2012 at 12:04 am

    ty bmw..for you

    https://www.youtube.com/watch?v.....&NR=1

    Report this comment

  33. 33
    blackmagicwoman Says:
    February 4th, 2012 at 12:08 am

    ZB, snsd hi Sandman-an duhve a phal vaklo a nia…a rawn hau mai ang che. I comment hi a delete ka ring :-P

    Report this comment

  34. 34
    zualbonez Says:
    February 4th, 2012 at 12:33 am

    bmw..sandman baluman ka hlau lo..another for you

    https://www.youtube.com/watch?v.....re=related ;-)

    Report this comment

  35. 35
    Chhuaklinga Says:
    February 4th, 2012 at 9:43 am

    Blog lamah comment ka tum a, ka ti thei der lo. I ziak thiamin i vannei e.

    Report this comment

  36. 36
    Chhuaklinga Says:
    February 4th, 2012 at 9:43 am

    I blog lamah comment ka tum a, ka ti thei der lo. I ziak thiamin i vannei e.

    tren tren

    Report this comment

  37. 37
    coolsoul09 Says:
    February 4th, 2012 at 10:55 am

    BMW te pawh an rawn inlar a..engah nge ‘KAN HAN INLAR LOH BIK LEM ANG LE!’ :D (A pawr zual chuan ‘Vaibuh ei theuh theuh’) a la tih zawm zat theih a nia…

    Hmmm..thupui-ah lut ang; bei nghal chat teh ang. Thuziak chhiar nuam tak a ni. A flow a tha a. ‘A ni thei awm ang tak e a’ a tih theih rualin ‘awih mai har’ lai erawh a awm ve nual a..a zia viau e.

    Selna 1 : Thehmeh i hmandan hi-> ‘Thehmeh ang maiin/iangin’ tih ni se a fuh zawk ka ring. ‘Thehmeh takin’ tih hi chu a kim lo tlat. I hriat tho chu ka ring a. Thereng han hram vang vang lai..a mawnga han hmeha, a hram tawp ta hmak mai thin..a reha reh ta hmak mai sawina a ni a. Tehkhin thu-a hman dawn chuan ‘thehmeh ANG’ tih hi hman ngei a ngaiin ka hria.

    Selna 2: ‘râla thing hnah thliin a chhêm rik heuh heuh bâk hriat tûr a awm lo va’ i ti a. Han chhiar chiang leh deuh chhin teh. Tawngkam hmaih i nei a nia.-> râla thing hnah thliin a chhêm rik heuh heuh (thawm) bâk hriat tûr a awm lo va’ tih tur a ni em?

    anyways, good post!

    Report this comment

  38. 38
    Awmtea Khiangte Says:
    February 4th, 2012 at 5:58 pm

    Cool, ka lawm e. I selna khi hmasawnna tur hlir ani. Chuan ‘thehhmeh’ ni lovin ‘thehmeh’ tih tur niin ka hria.

    Report this comment

Leave a Reply

You must be logged in to post a comment.