Tun tum chu inverter lam sawi ve thung ang. Inverter hi current awm thatna ram ah chuan hmuh tur pawh a vang viau in ka ring a. Mizoram ah pawh thingtlang lamah bak hi chuan kan uar lem lovin ka hria.
Inverter chu DC kha AC a rawn pechhuak tu ani ti mai ila hriat a awlsam mai awm e. Battery atanga DC lo chhuak kha AC ah a lo siam a, tichuan êng kan lo nei thei ta ani.
Inverter han tih hian a bawm lianpui chi bakah hian emergency lamp/light te pawh hi kan mitthla ah lo lang nghal sela. A khawl pianhmang leh nihphung hi danglam deuh awm mahse a tlangpui thu ah a inang deuh vek ani.
Inverter te hi relay hmanga thuam an nih avangin current awm lai in charge pahin a chhit theih a. Current awmloh veleh automatic a battery on nghal thei tura dah ani thin a. Hei vang hian current awmthat lohna hmunah chuan chhit atan a tangkai em em ani.
Inverter han tih hian a khawl hi a pawimawh em em rualin battery hi a serh zinga a mei ang a ni a. Battery tel lo chuan vawk zinga lunghlu awm ang maia tangkailo a ni ve thei ani.
Battery han tih pawh hian chi hrang hrang a awm ve a. Tuna kan mamawh ber chu motor a battery hman ang chi, Acid thun ngai chi kha ti mai ila hriatthiam a awl in ka ring. Khatiang lo chi dry cell ang chi, torch light cell 2 vela kan thun ang chi leh pencil battery ang type ho kha chu a hman tlak hauhlo thung tih hre hmasa phawt ang aw.
Inverter hi TV a kan sawi ang khan hlawm lian tak pahnih ah then ila. Charger section leh output section tiin sawi mai ang aw. Kan hriat thiam zawk theih nan, sawi chipchiar lutuk chuan kan buai palh ange.
Charger section ah chuan plug atanga curren lut lo dawngsawng a battery charge thei tur a hna lo thawh kha an hna ber ani ti mai ang aw. Kan battery ah charge a luh loh emaw, battery chauh hmanga a eng thei emaw anih chuan hemi section ah hian a chhia a awm thin.
Output section ah chuan inverter atanga current pechhuak thei tur khawl a awm a. DC kha AC in a pekchhuah tir ta thung a. Current a luh that a, a en theihloh chuan output section ah chhia a awm tihna ani. Tin, charge khawl theilo leh battery hman theihloh ah hian inverter khawl bakah battery chhiat vang a ni thei tih hriat tel bawk tur ani.
Similar Posts:
- Eng lo awm rawh se!
- Tunlai Boruak hi!
- Electric wiring-I
- Cyclone Mahasen-in Sri Lanka a nuai.
- TV nihphung
February 5th, 2012 at 11:44 am
Ka hawng e.
tren tren.
Report this comment
February 5th, 2012 at 11:47 am
Ka second e
tren tren!!
Report this comment
February 5th, 2012 at 11:48 am
inverter fuse hi check bok tur, a en rei theih loh chuan. ka inverter lei thar poh minute 5 bak a eng thei lo a. kan electrician ten battery kha a nih kha an ti zel a, a thar ka lei phah a, a hnu ah inverter fuse kha ka check mai2 a, a lo chat chu ni in, tul lo ah battery ka lei phah ringawt
Report this comment
February 5th, 2012 at 12:05 pm
A bengvarthlak e.
Report this comment
February 5th, 2012 at 12:23 pm
#3, hehe. In battery an check lo ami?
Report this comment
February 5th, 2012 at 12:27 pm
#3, fuse a chah chuan eng lo tawp zawk awm? A la inzawm der der tal a niang a…
Report this comment
February 5th, 2012 at 12:46 pm
Ka 7th lucky number em aw? Inverter ai chuan Conversion a pawimawh. Khi lam power supply dan azirin!
Report this comment
February 5th, 2012 at 1:06 pm
Sangpuiipa pual liau liau hian “Hmangchang” tih category hi siam tawp mai ka duh, a thlawh tha thei thuai thuai lutuk hi.
Report this comment
February 5th, 2012 at 1:12 pm
Haha ku Aduh, ka phu lo.
Report this comment
February 5th, 2012 at 1:13 pm
Post tha hle mai.
Report this comment
February 5th, 2012 at 1:23 pm
Inverter lam hi engmah ka lo la ngaihtuah ngai miahlo a a hming bak hi chu hriat dang ka neilo khawpmai. Kan neih loh vang aniang. hehe
I han sawi takah chuan a hnathawh dan ka man ve uar uar e. Good post
Report this comment
February 5th, 2012 at 1:27 pm
UPS battery hmang anih ber chu a.
Report this comment
February 5th, 2012 at 1:40 pm
Spa pa nge nge
Report this comment
February 5th, 2012 at 2:08 pm
SMPS nen a inang reng a nihphung chu.
Report this comment
February 5th, 2012 at 2:10 pm
Ups ka tihna, sala tunlai chu ka type sual reng mai.
Report this comment
February 5th, 2012 at 2:10 pm
kan lawm e Sangpuiipa
Report this comment
February 5th, 2012 at 2:48 pm
Bengvarthlak leh pek e.
Report this comment
February 5th, 2012 at 3:02 pm
a bengvarthlak hle mai . inverter ai chuan generator hi a buaipuiawm zawk na a , a tha ka ti zawk . a tlo zawk bawk, tunlai generator ( khawnvartui hmang pawh ) te phei chu a bengchheng tawh vak si lo a , A tha ka ti khawp mai . Inverter Batery kum 2 / 3 daih a awm vak lo .sing 1 man bawr ani tho sia , generator 25000 man vel lei ila kan hmang rei zawk . inverter batery tlo loh chhan hi a chet ve loh vang ni in an sawi a , hei hi a dik em ? sawi chet ve thin hi a tha ami ?
Report this comment
February 5th, 2012 at 5:26 pm
Power hi, mi ramte pawh hian hnianghnar vak bilo a niang Inverter an siamtha thei e mai te ka tiat.
Report this comment
February 5th, 2012 at 5:44 pm
@Maya, generator aia Inverter thatna ka rawn post leh ang.
Battery chungchang ah hi chuan a chet hi chuan a tlo viau niin a lang. Motor vel ah te hian kan hmang rei thei emai te ka tia. Mahse a tlo leh tlo loh ah hi chuan a enkawltu kan pawimawh ber. Battery chungchang ringawt ah pawh hian sawi tur a tam a. Post hran ah chiang deuh zawkin kan la sawi dawn nia.
Report this comment
February 5th, 2012 at 6:15 pm
Battery Motor-a atlona chhan chu charge leh hman tawn reng a nih bakah sawichet reng a nih vang niturah ngai ang. In ah chuan power neih that phei chuan kan ngaihthah nge nge.
Report this comment
February 5th, 2012 at 6:50 pm
sawi chet reng hian reaction a enhance thei deuh maithei lo maithei… motor hian alo charge ve thin avangin charge chu ngai khat zawk awm tak chu ania. A bettry hi a down lutuk hma a charge thin a tha an ti in ka hria…
Report this comment
February 5th, 2012 at 7:19 pm
a in charge reng avangin a battery a low har(zing lo zawk) a chu chu a tlo nachhan ber anih ka ring, a shake vang aimahin.
Report this comment
February 5th, 2012 at 7:53 pm
#3, i inverter fuse a chah palh chuan(zanah) wire pangngai kha(fuse anga thlun zawmin)a hman theih tho nia aw, tumah chu hrilhve kher chuang lola!!..hman reng atan chuan zia vak chuang lo..
Report this comment
February 5th, 2012 at 7:59 pm
@Funny, i sawi khi a dik tho a, mahse mak ve deuh chu motor a hman nilo, inverter atana hman te pawh hi khawih chet ngun ho hi an tlo duh phian. Ka expi tawh atangin.
Report this comment
February 5th, 2012 at 8:07 pm
Anih chuan khawih chet khawih chet chuan a plate a thil deposition awm tur a veng te ani lo maw… leh reaction a enhance theih vang emaw… A chhan hriat a chakawm ta zo vek mai a dilchhut tih takah. Ka naupan lai hian ka dilchhut thei lutuk hi ka u teho hian min ning thei rura. haha
Report this comment
February 5th, 2012 at 8:12 pm
@Funny, ka hre thiam bik lo tlat. Khawih chet loh khan a muhil anga, khawih chet khan a harh tihna ani ang.
Report this comment
February 5th, 2012 at 9:23 pm
He post nena kan inlaichinna chhete pakhat; Power supply a chhiat em avangin Inverter hi mamawh kan inti ve khawp a, dawrkai hnenah a man zat awm vel kan zawh tir dek dek a, a lo chah nghal chu niin, a tuk lawkah phone call ka dawnga “I inverter chah kha a lo thleng a, Rs.29000/- kengin rawn lam rawh…” a rawn ti heu mai.Kan order lo bawka tiin tuang kan tichhah a, bazar-ah ka kal a emergency light Rs.250/- man ka lei ta daih asin le!! Inverter kan ti ve hmiah.
Post tha thei khups mai…
Report this comment
February 5th, 2012 at 9:59 pm
A ngaihnawm ve hranpa hi ka tia. A la bengvarthlak zui. Heti ang lam post hi tam viau se ka chhiar peih zawng tak a ni ve tlat. Post tha thin kung kung khawp mai eng zuai zuai zel mai a akekekeke..
Report this comment
February 6th, 2012 at 6:13 am
anih leh China siam burma hovin an rawn zawrh inverter lar tak hinge tha zawk India siam ho hi le?
Report this comment
February 6th, 2012 at 6:45 am
China inverter ’98 kum a kan lei kha tun thlengin kan la hmang, vawikhatmah a la chhe lo. Battery erawh tuna kan hman hi a pathumna a ni tawh. Battery hi acid a kang hian acid thun lovin, distilled water hlir thun ila, a tlo bik.
tren tren
Report this comment
February 6th, 2012 at 8:26 am
#31,Chhuaklinga, distilled water aiin acid thun a tha zawk tia min hnial hi an tam khawp mai. Mahse battery company te hian distilled water thun tur tia an sawi avang hian a tha zawk anih ka ring tawp. A hnu lamah chuan ka thusawi awih lova battery tê a acid lo thun, battery ti chhe ta vek an awm nual mai.
Report this comment
February 6th, 2012 at 12:25 pm
Ka save keuh e.
Report this comment