He hmun Tlawng kam, Kutbul kai hian sawi a hlawh fo tawh a. February Ni 8.2012(Nilaini) khan Serlui Presbytery Standing Committee chuan an tlawh a, he hmun a ram lo nei tawhtu Kawnpui Pastor Bial KTP atangin tawiawm tura min beisei angin ka tel ve a. He hmun chanchin hi a tawi thei angin han sawifiah dawn ila.
Mizoram History a hmun pawimawh tak changtu Tlawng kam, Kutbul kai chanchin hi Kawnpui Pastor Bial KTP chuan hun engemaw chen an lo chhui chiangin an lo buaipui tawh a. April Ni 2.2011 khan he hmun hi tlawh chhuakin Bial KTP ten hun an zuk hmang tawh a.
Helai a ram neitu Pu R. Kapthanga Hortoki hnenah a ram chhung a hmun pawimawh tak a awm thute sawipui niin, a ram chu Bial KTP hnenah hian 40ft. bial vel phal takin a pe a. Hemi tum hian a hmunhmate zuk sam faiin, inkhawmna hunte zuk hman a ni.
Kum 1891 March Ni 15 ah khan Welsh mi, Khasi ram Missionary ropui tak Rev. William Williams chuan Tlawng dung rawn zawhin, Lawngin Mizoram a lo lut a, Aizawl pan tur a lokal a ni a, a rual hian midang pathum Scottish mi Benjamin Aitken, Assamese mi Kasinath leh Khasi mi U Khanai te an rawn tel ve bawk a.
March Ni 15.1891 hian Kutbul kai hi an lo thleng ta a. Tlawngkam a Mizo lo awm an han hmu chu an Lawngte tidingin Vaukamah an chhuk a. Liankunga Khua a mi Naupang te leh Putar an lo awm a, naupang ho hnenah chuan Nawalh leh Bible Milem te an sem a, hla te an sa a, Naupang ho chuan ngaihnawm ti takin an lo ngaithla a. Lawng lam pana an kal san hnu chuan an hla sak thluk ang chuan naupang ho chuan an tiri ve riai riai thawm te chu an hre phak a ni.
Hemi hnu hian Sairangah Lawng a inkar chho zelin, Sairangah hian Sakawr an lo nghak a. Aizawl hi Ke in an lut ni a sawi a awm thin a, Ke a lut lovin Sakawr hmangin Aizawl hi an lut a.
Sairangah Sakawr lo nghakin, an Sakawr tur a lo thlen chuan March Ni 20 ah Sakawr hmangin Aizawl hi an lut ta a ni. Aizawl an thlen hnu hian Pathian thuchah te sawiin Chanchintha an hril nghal a. Thlakhat tlinglo hret Aizawlah hian an cham a. April Ni 17.1891 ah Aizawl chhuahsanin an haw leh ta a ni.
Tlawng Lui kan kalna chu.
Tichuan, he hmun hi Serlui Presbytery chuan humhalh a, enkawl zui a tum mek a, tunah hian In te sak a, Chhinchhiahna lungphun te siam turin hma a la mek a. Kawnpui Pastor Bial KTP in ram helai a a lo neih tawh pawh Presbytery Standing hian Presbytery a hlan turin an dil a, Kawnpui Bial KTP hian phal takin Presbytery kutah hian an hlan a. Hemi bakah hian helai hmun a ram neitu Pu R. Kapthanga Hortoki Vengchhak hian Presbytery kutah hian a ram tin khat hmun vel pek belh a inhuam a, Presbytery hruaitute nen an in be mek.
Kan ramin Chanchintha a hmuhna kawnga sulhnu hrang hrangte kan humhalh a, Mizoram Chhim leh hmarah. He hmun pawh hi tunhnuah zir chian a, chiang zawk a hmuh chhuah zel a nih takah chuan Humhalh hi Mizo Kristian ten kan tih makmawh a ni a. Kohhran ang zawnga in epna thlentu nilovin, he hmun hi Kristian kan nih anga ngaihlu thiam nih mai hi kan nihna awm tak a ni.
Tin, hei hian Chanchintha thlen ni leh thildang a nghawng danglamna tura hmalakna a ni lemlo a. An sulhnu humhalhna mai chauh a ni a, Kohhran dangte tan pawh enghelh em em chhan tur a awm vakin a lang lo. A hmunhma hi humhalh ani ve mai chauh a ni.
Similar Posts:
- Mizoram History a inthlak mai thei!
- Rev. William Williams hriatrengna lungphun
- Mizorama Chanchin Tha thlenna Ni..Dt.15.Mar.1891?
- CCPUR ah Kawnpui khua Veng fai ber
- Sakawrhmuituai
February 13th, 2012 at 7:34 pm
ram an lo zu hauh thawt thawt ani maw KTP ho chu?
Report this comment
February 13th, 2012 at 7:37 pm
Kohhran lamah a kankai duh hmel leh pek ve aw…..hihi
Report this comment
February 13th, 2012 at 7:47 pm
Post tupa min lo ngaidam la i thu hi a ho ka ti e. William enganga pawh nise ka postcolonial view nen hian hetiang Bakthak missionary ram en a lokal zawk lo chawi vul chuk ang chi hi ka tei thei tlat lo.
Report this comment
February 13th, 2012 at 7:58 pm
Hman deuha missionary hmasa ber thlenna hmuna an puan tum kha em ni, thuziak deuh roh te an tarna kha.??
Report this comment
February 13th, 2012 at 9:10 pm
Report this comment
February 13th, 2012 at 9:12 pm
Missionary bakthak satliah han tih tawng mai chuh!!
Report this comment
February 13th, 2012 at 9:23 pm
Williams a hi Bakthak ho missionary a ni lawm ni? Ka hresual emni pek? William a hi Bakthak a ni e chu ka ti lo thung.
Report this comment
February 13th, 2012 at 9:28 pm
Bakthak???
Report this comment
February 13th, 2012 at 9:33 pm
A bengvarthlak hle mai
Report this comment
February 13th, 2012 at 9:58 pm
Gud work Pimpom, Mahse, Thupuia “Rev.William William” tih khi “Rev.William Williams” a ni zawk lawmni? …To Err is Human…
Rev.Williams-an Mizoram-a chanchin tha a rawn hrilh theihna chhan pawimawh tak chu, Sylhet-a rawngbawl mek a thianpa Missionary Pengwern Jones a rawn zui laiin, Mizo Lalte Sylhet lungin-a tang mek-te a hmuh atangin Mizo-te zinga chanchin tha hrilh a chak ta em em a, a rawn kal ta a ni.
Mizoram a rawn thlen hnu (March 15, 1891) rei vak lohvah, April 21, 1892 khan Typhoid avangin a thi a, Shillong-ah an phum nghe nghe a ni.
Report this comment
February 13th, 2012 at 10:03 pm
Hetianga hun hmasa hmun hlui hriatreng atana tha han cheibawl hi a tha ka ti khawp mai. Chutih rual chuan, chawi vul dan kan thiam loh chuan, tuna kan rilru lo ang hian thil hi a kal palh ang a, kan history hmasa leh dik taka kan lo pawm tawh rawn tichingpenin kohhran ram thlengin a fan palh ang tih pawh ka hlau hlel lo ve.
Rev. William Williams hi ngaihhlutawm viau mahse kan ram missionary erawh a ni lo tih hi kan chian a tul. Anni rawn lan hma pawh hian Vailen laia hnathawk leh puakphur thenkhat Kristian-te atangin Pathian thu lo hre tawhte pawh an awm zauh zauh a ni.
Report this comment
February 13th, 2012 at 10:12 pm
E khai! Helaiah hian SAIRANG leh CHANGSIL inchaltauh leh mai dawn a ni maw…
Pu Williams-a hi Khasi missionary zoram lam lo enthla hmasaa chanchintha hrilh atana awt em em tu kha a ni mai lawm ni?
Report this comment
February 13th, 2012 at 10:27 pm
Hetiang lam hi chu a hriate hriat dan a inang thin lova, a hreve lo chu ngawi mai teh ang. A awmzia hre lem hlei lovin Bakthak tih pawh kan hriat belh nghal pang mai hi maw.
Report this comment
February 13th, 2012 at 10:34 pm
Han sawi zau belh zel teh ule.
Report this comment
February 13th, 2012 at 10:58 pm
Enge Bakthak chu? ka hriatloh lam tak ani
Report this comment
February 13th, 2012 at 11:15 pm
An rawn thlen tak chu chanchin tha phei chu ani ta ve ang. Mahse tunah chuan Kristian der kan pung thur thur mai zawng anih hi.
Report this comment
February 13th, 2012 at 11:34 pm
KA comment dawn zuk zuk a, Pimpoman mi hauh hrep ka hlau deuh a, ka delete leh ta mai!
A tha vek e, an lo kaina lai tui pawh a thlum bik dem mai thei asin
Report this comment
February 14th, 2012 at 1:22 am
KTP khian dn dil emni. Zialo thin.
Misionary hmasa te kha chu, A hlut zawng a hlu e.
Report this comment
February 14th, 2012 at 11:57 am
Pu R. Kapthanga Hortoki Vengchhak chu a tiropui hle mai.
Report this comment
February 14th, 2012 at 12:57 pm
Ruata Pachuau @ 2 , kohhran chu a kankai deuh zuau zuau kha maw le, mahse William Williamsa han vawrh hluaina chhan kha a obvious ta lutuk a, chaw sa in a kangdai tih ang deuh kha a ni ta deuhin ka hria..chuan muantea @ 11 ka sapawt e..
Report this comment
June 23rd, 2014 at 11:32 am
[…] loh ngawt ai chuan “Better late than never” ta mai Post hmasa ah hian pic tlem a awm- Rev. William Williams leh Mizoram a a sulhnu hmasa. I theih chuan comment lamah rawn update mai dawn […]
Report this comment