MBSE Chairman thar atan Rev. Dr. Lalchungnunga

March 2nd, 2012 6:30 am by Ignatia (33-115 AD)

– Lalruatkima, Serampore, West bengal.

Thuthar chu

Mizoram sawrkar chuan Chairman, Mizoram Board of School Education (MBSE) thar atan Principal, Serampore College kalchhuak ta Rev. Dr. Lalchungnunga a ruat thar. Amah Rev. Dr. Lalchungnunga hi nikum October ni 31, 2011 khan Serampore College atang pension in a chhuak a, ruahman ang chuan tun thla atanga hian a hna thar hi zawm tura beisei a ni.

Kawnpui khawchhuak a ni

Rev. Dr. Lalchungnunga hi kum 1951, October ni 28 khan Kawnpui khuah alo piang a, zirna lamah chuan BA (Hons) leh MA (Political Science) chu kum 1976 khan Gauhati University atangin a zo a, Master of Philosophy (M.Phil) chu kum 1981 khan Jawaharlal Nehru University (JNU) atangin a zo a, Doctor of Philosophy (PhD) erawh North Eastern Hill University (NEHU) atangin kum 1987 khan a zo thung. Kum 2011 May thla khan William Carey University, Mississippi, USA chuan a hnathawh that avangin honorary Doctor of Divinity (DD) Degree a lo hlan tawh bawk.

College khat Vice Principal hna a bansan!

Kum 1976 khan Aizawl College (tuna Government Aizawl College ni ta) ah Lecturer in a thawk chho tan a, kum 1986 khan Vice Principal atan hlankai a ni. Kum 1991 khan a hna Vice Principal chu bansanin missionary atan Interserve hnuaiah a in pe a, hemi kum vek hian an chhungkua in Delhi lamah rawngbawl turin an feh chhuak ta a ni. Tin, kum 1987 tawh khan Dawrpui Kohhran chuan Upa atan an lo thlang tawh bawk.

Serampore College Principal a ni

Kum 1994 khan Bachelor of Divinity (BD) zir turin Aizawl Theological College-ah a rawn let leh a, a BD zir zawh hlim te, kum 1998 a Principal, Serampore College hna a ruah khan interview tura koh ve a ni a, Principal atan lak a ni a, amah hi North East India mi zingah a hmasa ber a ni nghe nghe. Kum 1999 kumtir atangin Principal, Serampore College hna a zawm a, hemi kum vek hian Presbyterian Church of India, Mizoram Synod chuan Minister atan a ordain nghal a ni. Kum 13 dawn tep tha taka Principal, Serampore College hna a thawh hnuin nikum 2011 October thla kha pension in a chhuak ta a ni. Rev. Dr. Lalchungnunga hi India mi zinga Principal, Serampore College dinhmun chelh rei ber leh India Independence hnu a Principal hna vuan rei ber a ni bawk.

Kut hnu a nei nual

Rev. Dr. Lalchungnunga hian kum 1994 khan lehkhabu, Mizoram: Politics of Regionalism and National Integration tih a lo chhuah tawh a, tin seminar paper thahnem tak a ziak tawh bawk. Khawvel ram hrang hrang America, Europe leh Asia khawmualpui ah te thusawi leh meeting in a zinkual fo thin.

Pe rawh u tichuan pekin in awm ang

Kum 1977 khan Lalliana leh Lalthangkhumi (Dawrpui Jail veng) te fa 13 zinga fatlum ber Lalhliri nen Dawrpui biakin ah an innei a, fapa pahnih leh fanu pakhat an nei. An fa upa ber Emmanuel Lalfelkima chu a nupui Lalrintluangi nen Doctoral studies (PhD) ti ve vein Texas USA ah a awm mek a, an fanu Elizabeth Lalrinngheti (MSW) chu Joseph Lalrinmawia tuna Master Studies (Church Music) USA a zir mek nen an in nei a, an fa naupang ber Michael Lalmuanpuia chu B. Sc (Business) William Carey University, Mississippi atang zir zovin business company, USA-ah a thawk mek. Rev. Dr. Lalchungnunga leh Lalhliri te hian tu pathum; Timothy, Elianna leh Nathan te an nei bawk

Rev. Dr. Lalchungnunga te nupa hi Forth Worth, Texas, USA ah an awm mek a, ruahman dan chuan tun March thla hian Mizoram lama rawn haw nghal deuh mai an tum a ni.

32 Responses to “MBSE Chairman thar atan Rev. Dr. Lalchungnunga”

1
Tete-i Says:
March 2nd, 2012 at 6:38 am
Good Post..Rev.Lalchungnunga hi pa chhuanawm tak a ni…
OT lawks..Good morning, chuan Chapchar Kut hman nuam vek ule..

Report this comment
2
Benny Says:
March 2nd, 2012 at 7:07 am
A lawmpuiawm hle mai pu lala chu. M.B.S.E pawhin a that phah ngei ka beiseiin, duhsakna sangber ka hlan e.

Report this comment
3
H.Vangchhia Says:
March 2nd, 2012 at 7:22 am

Report this comment
4
Chhuaklinga Says:
March 2nd, 2012 at 7:41 am
Mizoram tan a thiamna leh finna hmang turin duhsakna ka hlan e.

@1, nangpawh hman nuam le. Misual.comer zawng zawngte Chapchar kut chibai ule.

tren tren

Report this comment
5
Chhuaklinga Says:
March 2nd, 2012 at 7:46 am
OT, kan banner khi chapchar kut rawng kai deuh ka lo beisei a..

tren tren

Report this comment
6
Soberboy Says:
March 2nd, 2012 at 8:32 am
lawmpuiawm e!

Report this comment
7
chawnghilh Says:
March 2nd, 2012 at 8:38 am
‘Pem buh bel’ fuh ka tih pawl tak a ni. Duhsakna ka hlan tel nghal bawk e.

Report this comment
8
PKfanai Says:
March 2nd, 2012 at 8:52 am
Sawrkar chuan, a nachang an hre zawk hle mai a. Dik tak leh hmingtha taka a hun hnuhnung lam hi hlenchhuah han tum teh se.

Report this comment
9
Dr Mahminga Sailo Says:
March 2nd, 2012 at 9:00 am
Ka lawmpuiin duhsakna ka hlan e…

MBSE chairman a nih theih dan leh an ruat dan bangbo deuh mah ila, zirna tihmasawntu a nih ngei ka beisei.

Report this comment
10
Dr John Says:
March 2nd, 2012 at 9:47 am
FB lamah an post tawh a, Tha ka tih thu ka lo sawi tawh. Hetianga mi hming tha, mi chhuanawm, Pension hnu pawh-a Rawih-nawn hial tlak Mizo-pa kan nei hi Mizo tan leh Mizo Kohhran-te a vanneih-thlak a, ka Lawmpui tak zet a, kei pawh ka lawm,

#1 & #4 leh mi(sual).com(ers) zawng zawng Chapchar Kut Chibai vek ule!

Report this comment
11
TuaiSialA Says:
March 2nd, 2012 at 9:58 am
Ka va lawmpui tehlul em! Chairman hlui (nge hlui leh zawk?) kha chu a ngaihna a awm lo. Certificate pawimawh buaipuiin ka kal zeuh zeuh tawh a, mi khirh leh ‘deuh vah’ tak a ni. Tuna mi hi a dawr pawh a nuam zawk ngei ang le.

Report this comment
12
chhana Says:
March 2nd, 2012 at 10:09 am
Tu leh fate hmu pha lo chiin an changkang a ni maw ti daih teh ang. מזל טוב

Report this comment
13
lamea25 Says:
March 2nd, 2012 at 10:30 am
Deuh daih a kalo ti deuh a..Pa fel ani hrim2 a, tha turah ngai ang

Report this comment
14
sheldon170 Says:
March 2nd, 2012 at 10:41 am
A inhmeh ngawt ang ti daih teh ang. MBSE Chairman hlui nen khaikhin dan tur ka hrelo. Ka dawr ngai loh lam an ni. Pu Chungnunga hi chu ka ngaisang khawp mai. Chairman thatak a nih ngei ka ring.

Kan College kal tirh lai vel khan kan Vice Principal a ni thin a, Aizawl College ah sawn. A rei ve ta khawp mai. Lunglenthlak

Report this comment
15
kotlaman Says:
March 2nd, 2012 at 11:21 am
Income Tax Officer Education hotu lu-a dah te, Forest Officer PWD hotu bera dah te ai chuan a inhmeh viau e!

Pu Chunga duhsakna ka hlan e.Department hnawkhnailo taka Reverend awm tur hrim hrim hi ‘change’ tha tak a ni.

Report this comment
16
Dr Mahminga Sailo Says:
March 2nd, 2012 at 11:27 am
# 13… Deuh daih a kalo ti deuh a..

Eng ang takin nge MBSE chairman hian education department-ah thuneihna a neih ka hre ve law. Mahse, department pawimawh leh thianghlim tak tura ngaih si, a bawlhlawh viau si hi, thianfaitu a ngai pawh a ni mah na… Ka hriat sual a nih chuan min hrilhfiah mai teh u’n…

Report this comment
17
hlatekhua Says:
March 2nd, 2012 at 11:31 am
Pu Chunga ka lawmpui e!

He pa chanchin a lo lana ka lo sawi ve ziah chu…hmanah ‘ka beng mai tur che asin’ min ti tawh bik tih hi a ni!

Report this comment
18
Dr Mahminga Sailo Says:
March 2nd, 2012 at 11:55 am
#17.. He pa chanchin a lo lana ka lo sawi ve ziah chu…hmanah ‘ka beng mai tur che asin’ min ti tawh bik tih hi a ni!..

Mizo pa lar tak ben teuh deuh i ni maw..??

Report this comment
19
Ignatia (33-115 AD) Says:
March 2nd, 2012 at 12:05 pm
MBSE Act 1975 section 3 atanga 11 tlawh chhanin Boards member-ah hian President/chairman, MBSE, Director, School Education, Director, H & TE Director, Art & Culture, Director, Sports & Youth Services, Director, Agriculture, Principal, Pachhunga University College, Principal, College of Teachers’ Education Principal, DIET, Aizawl, ldt., an awm nawk danah hian a pawimawh turzia leh MBSE hian eng tin emaw taka enkawlna a neih a rinawm a ni. Mizoram Board of School Education (Amendment) Bill, 2011 kha kan Minister rin aia turu ta vak lo Pu Lalsawta’n a pass ta bawkin ka hria. Education reform committe lam pawh an thawhhlawk ve mai thei bawk e.

Chumai a la ni hlei nem Finance Committe, Nomination committee, Recognition Committee, Appeal Committee, Building Committee, Sylabus & Text book Committee, ldt. ah hian PROMINENT CITIZEN telh an ni fo thin. Sorkar pangngai kal danin an kal lo deuh ni awmin a lang. Examination Committee lama Chaltlang HSS, Govt HSS, PC Girls leh Durtlang HS an tel ve fo thin pawh hi mi tamtak chuan tul an ti vak lem lo a ni. Mahse thil kal phung a ni miau a. Sylabus leh Curriculum lam buiapui tur phei chuan hetiang zawnga inruat hi a tul fo bawk. Commitee pawimawh tak takah khian CHAIRMAN hi hotu ber a ni fai vek a ni. Engtianga pawimawh ngea nih chu a lang uar mai ang le. Tin, tunhmaa President MBSE tih thin kha Chairman-ah an thlak hrim hrim tawh a ni.

Tin, Mathematics thiam tak Lalthangmawia pawh kha Education officer lamah an dah tawh bawkin ka hria. Eng article dan tlawhchhanin nge an ruat tih tak chu mi zawh mai tur ka neih loh avangin ka sawi mai thei lo va. Mahse MBSE inrelbawl dan hrethiam pangngai tan chuan a hriatthiam theih mai awm e. A pawimawhna pawh committee zawng zawnga a khaipa ber tur a nit lat. Tin, MBSE hi Mizoramah na na na chuan hnathawk tam ber pawl an ni ngei ang. An pawimawhzia hi ngaihtuah cheuh cheuh hnua hriattthiam chi a ni ang..

Academician pangngai ni bawk si hi kei kan MBSE kaihruai tur atan ka lo pawm thlap thlap hle mai. Chutih lai chuan a bik takin Synod, UPC leh Baptist lam hian kan Mission rawngbawlna lamah hian Education kal tlangin chanchintha kan puang a. Mahse kan hotute – pastorte hi duhthu an sam lo thin hle. Education chungchang pawh hre eih lo Field director emaw an han nih chuan an lo lal ve tawh bawk si a, a buiathlak thin hle a nia. Pu Chungnungate ang hian Mission/ Ramthar rawngbawlna ang chi pawh hi enkawl sela a ziaawm leh zual ang.

Report this comment
20
tribepower Says:
March 2nd, 2012 at 12:42 pm
mizo ho hi khovelah mathematics thiam ber kan nih lo pon a dawt loh pon pathumna tal cu ka ni ve sim2

Report this comment
21
AmiGo... Says:
March 2nd, 2012 at 1:30 pm
Kan khua ah Pu Chungnunga te chhung awm hi ka hre ve chiah,va hriat loh theih ve,zoram an chuan chhuah hma in va hmuh ve ngei tur a nih chu…

Report this comment
22
hlatekhua Says:
March 2nd, 2012 at 1:50 pm
Dr Mahminga Sailo@18, ni chiang e maw le. A la lar dawn tih hriata lo inbentir nek tak tur kha a nia!

A hnu-ah Delhi-ah te kan awmho a, welfare thilah te kan tiho dal dal a. Blue Elephant restaurant (Chalngura Jahau)-ah te chaw kan fakho leh thul. Mahse min ben ṭep thu kha chu ka la sawi chhuak leh ta rih lo. Remchang leh hmasa berah chuan sawi ngei tawh ila a ṭha awm e.

Report this comment
23
Dr Mahminga Sailo Says:
March 2nd, 2012 at 2:02 pm
# 19.Ignatia (33-115 AD) .. A lawmawm e, fiah takin min hrilh a.

# 22. hlatekhua.. La hrilh ngei tur a nih chu, a nuih a za ve viau mai thei asin..

Report this comment
24
funny™ Says:
March 2nd, 2012 at 2:53 pm
an ngaihsanawm chhungkua khawpmai. MBSE in hma a sawn phah ngei ang.

Report this comment
25
ZerO Says:
March 2nd, 2012 at 3:56 pm
Pension tawh te post sang takah kan dah a, a then an service kan pawt sei bawk a. A tha vek e. .

Report this comment
26
lrpa Says:
March 2nd, 2012 at 4:04 pm
25 dik chiah..education department a a thawh that vang award te lo la teuh tawh, a awm a tangkapui bel tlep tuarh te nise chuan a chhawr naawm deuh ang a..V.pricipal sawrkar hna a bansan a, missionary deuh in khawiah emawni principal ania, texas a an khawsa a..enge mbse tan a a itawm na?
MBSE in a that phah chuan cheng 5 ka chawi ang!

Report this comment
27
Dr Mahminga Sailo Says:
March 2nd, 2012 at 4:09 pm
# 26…

Ka ngaihdan chiah a ni e. Theological institution leh MBSE kalphung phei chu a danglam phianin ka ring ve ngawt a. Pu Chunga hi a tha lo ka tihna ni lovin, mi tha dang tam tak, MBSE kalphung leh kalhmang hria tam tak an awm ka ring tlat, kei misual hian..

Report this comment
28
Ignatia (33-115 AD) Says:
March 2nd, 2012 at 4:46 pm
Pu Lrp: Ka lo inrawlh leh lawk teh ang. Mizoram Board of School Education (Amendment) Bill, 2011 an passnaa a lan dan chuan MBSE chairman ni turin PhD nei chin, tin a tlem berah kum 25 chhung zirna in lama awm a ni tur a ni tih a ni. Chuan pension hun pawh 60 ni lovin kum 65-ah an pension ang. A rei berah Chairman hi kum 6 chhung chauh a nih theih dawn bawk.

Pu Chungnunga hi Chairman thar atan chuan a awm ang ve viau e! Mizo dang amah lo han melh kual ve chhin mah teh u an vang pharh a nia. College a thawh hun chhung hi kum 15 chiah a ni bawk a. Tin, Serampore College hi Theological college ang chi tawp a ni lo. Secular lam pawh a awm tho a nia. Zofa zngah hian Medal bel tlep tuar zirtirtu PhD nei phei chu kan nei lo a ang khawp mai!

Report this comment
29
Awmtea Khiangte Says:
March 2nd, 2012 at 5:47 pm

Report this comment
30
Ignatia (33-115 AD) Says:
March 2nd, 2012 at 6:29 pm
Comment number 28-na khi hun chep tak kara ka ziak a nia ka lo tisual a nih khi. Kum 25 ni lovin kum 15 tal zirna inah an awm tur a ni tih zawk tur a ni e.

Tunah pawh hian Mizoram lamah awlsam tein a lo chhoh mai bik loh hmel khawp mai. Mi tamtak awm chakna hmuna(USA) a hnathawhna chu bansanin kan zingah a lo tal leh dawn a nih hmel. Pathianin a ko chhuak a, a ko lut leh ni maiah ka ngai. Sawi tawh angin Theology lam aimahin Secular lamah hian a turu zawk mai thei a ni. A lo enkawl tawh Serampore hi Theology lam chauh zirna a ni lo hrim hrim bawk. Science lamah pawh Serampore lama zir thei chu an induh veh vah a nia. Mi tangkai tak a ni ngei ang.

Report this comment
31
rawihteamizo Says:
March 2nd, 2012 at 6:57 pm
Serampore college chungchang hi sawifiah deuh a ngai a ni maw, kan unau thenkhatin an hrechiang lo tlat (lo zir ve tawh manah). Serampore college-ah hian department 4 a awm a. Science, Arts, Commerce leh Theology. Theology Dept. hi kan intithu hle a, mahse secular lam hian engahmah min ngai lem hlei lova. Zirlai zawng zawng hi kan hunlai khan 3000 vel bawr kan niin ka hria, chutah chuan Theology Dept chu 100 vel kan ni. Theology Dept hi Serampore College hi Serampore University ta a ni a,chumi rual chuan University Senator-te chuan Theology Dept bik hi an enkawl a, Secular lam erawh chu UGC hnuaiah a awm thung a ni. Principal tur hi Senate-in a thlang thin a, Principal ni tur chuan a lo berah Secular lamah Ph.D + teaching experience leh Theology lamah B.D. degree tal nei nih a ngai a ni.
A thui tawh em mai duhtawk mai dawn ila. A tawp nan, chuvang chuan Pu Chunga hian khawilai theological College mai mai a enkawl lova, University + UGC hnuaia College un tak pakhatah Principal a lo ni ve tawh thin a ni. Ka lawm e.

Report this comment
32
chhangte_ll Says:
March 3rd, 2012 at 10:41 am
“Thil tul tak anilo..” tih bak sawilo mai teh ang…BJP Minister Murli Manohar Joshi pawh kha ka duh chuang lo

Report this comment