mi(sual).com

Thenkhat rawn comment dan tur chu hre ren run mah ila, hei hi Misual nih nawm na, engpawh kan ziak in kan sawi bawrh bawrh ngam..

Gay nih hi duhthlan na ani em? :- Lo ni ta se, zawhna awm thei, eng tik lai khan nge gay/straight nih i lo thlan? chu mi i thlan hma zawng chuan gay/straight i ni tih na mi?

Mi tamtak ngaih dan ah chuan, gay nih hi mahni duh thlan na ani an tia, nita se, then khat miten an chhaih nawm nah avanga, mahni hial in ti hlum duh ho hian, an duh vang reng a thlang chu an nih a rin awm loh, Mipa naupang kumhnih mi pawh hi, Motor lem aia, Barbie thlang chat chat hi a awm theih chutiang zelin Hmeichhe naupang pawh silai lem lawm zawk tlat an awm.

Thenkhat in hmeichhe kawm nasat lutuk vang ti te pawh in awm mai thei, chutiang a nih chuan boarding school a kal te hi, a nih leh Muslim ho te hi, hmeichhia leh mipa inkawm phal a nih lo mai bakah, restaurant ah pawh hmeichhe section, mipa section, family section thlap in a awm.

Chutih rual in, hmeichhe then khat in mipa nih chak vang in Mipa an kawma, Mipa thenkhat in hmeichhia nih chak vang in hmeichhe bulah an khawsa tho bawk, hengte hi chhan vang tam tak a awm thei ang, entir nan, Naupang pakhat chu a nu leh pa te bula sei lian lo a nih avangin, hmeichhia niha pasal neiha, A pasal thlazar hnuai a awm khan emotional leh physical a him (secure) tlat ah i ngaia, chu chuan sex lam ai mahin emotional a naupan lai a khatiang a mahni a mu leh chhantu/thlavang hautu nei lova awm kha, ama mipa pui ngei te bula awm khan him tlata inhriat na a neih vanga hmeichhia nih chak anih thu a sawi, hengte a nih avang hian mi emotional level hrethiam miah lova, lo hmuhsit leh chhaih nawmnah hi i ching lovang u, enge an nun ah an kal tlang tih hi kan hriatpui loh phei chuan.

Proud of being gay :- Gay nih hi khawi a kawng mahin in tih theih na chi leh, mahni in chhuan na chi ani lo, kan awm anga kan in pawmsam mai hi a tawk viau, U chuak lutuka, mi in gay ka ni tih an hre lovang tih vanga in chei leh awm herh vel hi angai lo, mi pangai an ni lo ka tih na ni lovin, mihring pianphung ang ah chuan mipa leh hmeichhia te in neia in ngai tura ngaih kan nih laia, mahni, mipat pui/ hmeichhiat pui ngaihzawn hi engmah chapona tur a awm lo, Bed room an in awm dan chu, nang leh i kawppui bak an in rawlh tur ani lo.

Is being gay a new fashion? :- Mizoram ah hian, tlema in lak gay deuh hlek kan ti dawn nge, in tih korean deuh hlek hi fashion ah kan ngai em aw? Gay i ni emaw, straight i ni emaw, mipangai in chei angin in chei mai rawh, chu chu mi in an zah na tur che leh mipangngai anga an en na tur che ani mai. Mipa eye liner in hnawih kual pup te (heihian party then khata Guy Liner a huam lo), chutiang chiah in hmeichhia thir (chain) kg nga vel awrh kual ruih te, Mipa in tilmu phir lang thaw khawpa kekawr tight (hmeichhe hak chi) hak te a huam thei ang.

Chuan Gay chu tu te nge?:- kan naupan lai chuan gay anga kan en hi chu, hmeichhe in chei anga in chei ho chuah ah kan ngaia, kan hmusit in, tuman zah en ah pawn kan en ngai lo.

Kan thian pakhat kan zawhna a chhan na hi lo en ila ( ka tet te atang hian chutianga mipa va ngaihzawn na pawh ka nei chuang lo, chutih rual chuan, class chhung ah emaw, khawi a maw kan kal chang hian, He pa ang hi ka van ni ve chak, a ni ang hian hmeltha ni ila chuan tih vel hi ka nei thina a ti, chu mi avang chuan chupa a mi ngaihsan ate chu sex hman pui chak na a nei chuang lo, tichuan a rawnpuitlingin nupui te a nei ve a, Bar pakhat a an awm lai in, an thian te in ah an leng kawia, chu chu a first gay sex experience, a ma sawi dan takin, khatia kan awm kha, keimah ah hian ka hre nghal mai a ti ni.

Amah phei chuan khatia gay hi hmeichhia anga inchei kher an ni lo tih hi khatih hunlai khan ngati nge tuman min hrilh lo te a ti vel hnu hnawha) a mah han en in, gay hmelpu leh mi nem tak chu a ni chuang lo,hmelfai, leh pa pangngai tak hmel pu hi a nia. Chu tih rual chuan, thenkhat mipa lo mut pui mahse a hnua duh leh chuang lo, straight ni chho ta te pawh sawi tur an kat nuaih entir nan Tom Hardy (warrior movie leh This means war) a mi ang te hi, chutih rual chuan, thenkhat chu kan hostel awmna a, lo ti ve nawk nawk mahse a hnu a chhun zawm chuang lo te pawh an awm thei.

Engati nge mi tam takin gay ho chu kan huat?: han be tha viau in, an bulah han awm ve ta ila, midangin min hmu gay vek ang tih kan hlauh vang ani em? thenkhat hi chu bisexual kan ti dawn nge a ruka gay, midangin min hriat kan hlauh vangin, kan tih ve ngei mahse mite kan hmaizah vang emaw, miten min hria ang tih kan hlauhvanga, gay hua em em anga lang kan ni bawk angem le? thenkhat chu kan sakhua (religion) na avangin kan haw em em thei bawk, sakhua na atanga kan ho dawn a nih ro ro chuan, eiru, dan zawm lo, nitin hnathawhna a tlai ziah leh hawhma ziah ang chi te hi i haw em em hmasa phawt ang u.

Nangma nihna, i status a i chian chuan, engvang nge gay ho bula awm chu i hlauh em em? or nangmah hian i din na ah i chiang chiah lova, zu nokhat pek chuan ti ve zuaih thei i nih vangin an bula awm loh i thlang? gay then khat titipui theih fe fe, leh lehkha thiam leh mi hawizau fe fe hi an tam ani.

Chutih rual chuan, thenkhat gay in min zen ti tu lah bang lo, engvang nge? a chhan chu a chunga ka sawi angkhian, hua ang deuh a lang, mahse lo ti ve thei zel an awm hian, an ni pawn an lo risk cheu ani mai, Hmeichhia kan risk a, a changa kan hlawhtlina, kan hlawhchham nen a in ang niaaah mahse ka dem lo cheu, a ten awm bawk dawn em ani

Gay chi hrang hrang te:-
Transgender, sex inthlak, heng hi mipa zing ah chuan, hmeichhia anga wm duh tlat kan ti thei ang, hmeichhia a in ngai an ni a, hmeichhe tan mipa anga awm chak na, mipa ni tlata in hriat na, tichuan an zahmawh an thlak thleng thin.

A Drag queen a chunga mi nen khian an danglam na a tam lo, mahse an ni hian an zahmaw an thlak thleng ve lova, mahse hmeichhia angin an in chei thin.

I am not a gay but my boyfriend is- Heng hi mipangai tak, sport, politics etc, straight men nen an danglam na awm lo, an ti ti duh zawng leh an thil duh pawh a in ang, mahse bed room an luh chiah in an thil khalh a in ang lo tih ani mai, jeans tight leh makeup pawh an hnawi ve chuang lo, an awm ve tawp ani mai. Hmeichhe tam takin heng te hi straight emaw ti in hook up an tum fo thin, Drinks pawh an lei ang cheu, mahse an mobile number leh an in ah an hruai ho ve lovang che u.
Bisexual heng hi Gay ho huat ber an ni transgender ho in an duh thung a nih na tak ah chuan, hmeichhia leh mipa an duh kawp, Nupui/pasal an nei tho a, mahse a rukin an mahni anpui ang an kawp ve tho, heng mi te hi chu hur kawh vang liau liau a tih theih ang, chutiang in an mahni neih ang nei an va ngaizawng chuang lova, mahse sex erawh an hman pui tho, emotional a awm tak tak lo.

Kan hriat hmaih miah loh tur pakhat chu, gay kan tih zawng zawng ah hian sex hi an first priority a ni chuang lo, thenkhat anal (mawng) tih duh miah lo, thenkhat oral chauh ti, thenkhat oral pawh tichuang lo awm ve mai mai, thenkhat ngaihzawng pawh nei chuang lo, sex pawh mi va hman pui chuang lo an awm ve nawk tho ani.

Gay hi piansual na pakhat ani em? :- straight couple ah pawh tih dan chi hrang hrang leh duh dan chi hrang hrang nei an awm thluah awm e, chutiang bawkin Mipa/Hmeichhe thenkhat an mahni an pui an duh ani mai.

Tichuan engtin nge thenkhat hi gay nilo tur in kan ven ang?;-

1) School leh kan thenawm khawveng ah tlema lo nu deuh/ nem deuh an awm pawhin, mipangai treat a treat tur, an tawng ang zir te hi tih loh tur, tuai anga in treat chuan, an rilru ah tuai emaw in tih na tlat an nei thei. Mihring theuh kan ni a, in tih nawmnah hi i ching lovang u, entir nan, mi thenkhat an khawsak a harsat deuh vang leh hmeichhia unau nei loh vanga, thlengsil, chhuat nawh, insuk leh hmeichhe tih ang tih vek angaia, thenkhat in tuai ti a ko nawk nawk nih te kha sawi lang lo mahila rilru ah hian kan tuar veng veng, kan theih nghilh ngai reng reng lo.

An sawi thin angin, mi rilru tih nat chu lehkha puan thalai tak hi, thamchuar vek in nuai nawk nawk ula, a hnuah istiri pawhin nawh mam tumin beichiam mah ula, in en chian chuan, a chuar/ azia inla hmu thei ang, hetiang ang chiah hian, mi kan lo hmuhsit na leh an rilru kan tih nat na te hi theihnghilh angin lang mahse, rilru tak chuan tuman kan theih nghilh ngai lo.

2) Gay lampang han sawi hian, hmeichhe tam zawk in an comment rawn pek hi ka en in mak ka ti thin, Hmeichhe best friend chu gay an ti thin maw ka tih lai hian, a hua ang ber hian an awma, chutih rual rual chuan an bulah gay awm se, an bawlin an nui thler duai duaia, an tawng dan zir in, thianu tih leh an hming lem atan sap hmeichhe hming entirnan Rosie tih te an vuaha. han kal sawn chiah se, an sawisel hrep a, tuai khanglang tih vel leh, fiamthu thawh nan tak hian kan hmang bawk sia, hengte hi i sim ang u, Tuai kan hua a nih chuan Mipa an nih angin Mipa angin i bia in i en ang u.

3) Tupawh in attention kan duh, engati nge school vel ah pawh tlema in hlei deuh hi an inhlei an inhlei thin? a chhan chu, chuchu an attention neih na ani tlat, mi ngawih thuplaia, mi nuihzat tur ang lo awm phet te pawh hian chhia leh tha chu an hria mahse kha kha an attention lak na anih avang in mawi leh mawi lo ah pawh an rawn ri leh awn awn zel, chutiang chiah in chhungkua ah pawh, ngati nge kan fa ten drugs an tih, a chhan chu an ruih te, an sual te hian nu leh pa ten attention an pe bik, chutiang chiah chuan gay ho pawh hi, hei hi attention an lak na anih phawt chuan an rawn awm herh in maksak em em in an rawn awm thin, entir nan hmeichhia anga an rawn awma kan lo nuih dur dur te kha, mi in attention min pe an ti in, nuam ti em em lo mahse an lo sawi leh naw naw thin.

Chuvang chuan mitin te, mi hmusit leh attention kan pekna a dik loh avangin an nungchang a in thlak hlawih theih a nih tih hria in, mi chhaih nawmnah leh bawl hi i ching lovang u. Chu tih rual chuan i lo gay a nih pawhin, i gay ani mai, han tih vak tur leh mahni in ten hluah hluah na tur a awm lo, leh mi zawng zawng hriat tur a kei chu ka gay tih angai chuang lo, straight in i bul ah rawn kal in kei chu ka straight a rawn tih loh ang bawkin, in awm ang ang in awmla, i pindan chhung a i khawsak dan chu tuma thu ani lo tih hre reng in, damchhung hun hi hlim takin hmang teh, Gay hi Pathian huat anih pawhin, I mihringpui ten an lo sawisel leh an lo hrem a tul lo, Pathian, engkim siamtu, roreltu rorel atan i thlen zawk ang u, a nin a lo ngaidam theih leh sual a tih loh chuan chu chu, kan chunga roreltu Pathian thu thu ani e.

I fa nu, I fa pa, nagmah kha gay i ni lo kha lawm la, i nih loh avang in midang va hmusit kher suh, iva hmusit em em a te pawh khan nang ai a an thiam na zawng ah chuan an hmusit ve em em tho ang che, chuvang chuan mi pindan chhungrila an awm dan hi kan in rawlh loh na tawp tur a ni e.

hei hi kan tawngtai na ni fo teh se ‘ God, grant me the serenity to accept the things I cannot change, the courage to change things I can, and the wisdom to know the difference.

Similar Posts:

• Hmeichhe Pastor!!!
• Mipa ve thung
• Mipa Vs Hmeichhia
• Mizo inneih dan hi a fair lo
• Mipa leh Hmeichhia-II

Recent Posts:

• NANG NEN NGEI HIAN
• June 2017, Mizo(ram) diary
• MIZORAM POLITICS A PARTY TE INCHIRHTHEHNA TAWP THEI LO: KAWNG CHHIA “MNF hovin anmahni mawng an hlim”
• Dawihzep
• CALL GIRL AN TI!

This entry was posted on Sunday, March 4th, 2012 at 9:32 pm and is filed under Opinion. You can follow any responses to this entry through the RSS 2.0 feed. You can leave a response, or trackback from your own site.