Estheri bu kan en chuan a bung tir phata thupui chu ‘Lalnu Vasti-in Lal Ahasuera thu a hnial’ tih a nia; a chhung thu chu kan hre hlawm chek anga; tarlang lo mai ila. Lal Ahasuera (a Hebrai chuan Akhasverosh) chuan a council of minister leh cabinet ho chu a ropui zia a show duh avangin a awp ram bial zau tak a mite chu chah khawmin party ni 180 chhung zet mai a neih sak a; chu mai la duhtawk lovin a cabinet ho bik phei chu ni sarih chhung lai mai a la in tihtheih khum bawk.
Hetih mek lai hian Lalnu Vasti pawhin hmeichhe lama a cabinet ho tan ruai a lo ṭheh sak ve mek bawk. Lalpa chuan a lem hnem deuh a ni mahna a nupui hmelṭhat zia a cabinet ho show a duh ta tlat mai. An chokidar chu tirin Lalnu chu a va kohtir ta. Anin mipa zurui ho hmaa Angelina Jolie khel aia nalh mah va show vel chu a zah vang nilovin a lo duh i khaw lo mai. Lalnu atan pawh a tlak phah ta nghe nghe a nih kha. Tla ngam khawpa a zahawmna a vawnghim ngam kha a huaisen ka ti thlawt.
Lalnu thlauhthlaka a’n awm tak siah chuan lalnu tur zawng a ngai ta. Tichuan, khawvela nula hmelṭha thlanna hmasa ber chu Susan rama an hall lian ber ‘Vanapa Hall’ tia duat taka an enkawlah chuan neih a niin Juda nula hmelṭha, Estheri chu thlan a lo ni ta a nih kha.
Ahasuera cabinet-te zinga a meizang hlaptu ber Hamana chu lal ang maiin khawlaiah a vei thauh thauh ṭhin. Chu chu kuna chibai lo buk ṭhin tur a ni. Mi tamtakin chibai an lo buk dual dual ṭhin. Nimahsela, chung mipui tamtakte zinga pakhat a hming Mordekaia chuan ‘Lalpa I Pathian chibai buk la, ama rawng chauh bawl rawh’ tih ziaka a awm avang khan chibai a buk ve duh ta lo.
Hamanan chu mihring chu hrerengin hrem a duh ta. Amah chu Juda mi a ni tih a hriat avangin amah maia tawrh tir chu a tha a nat tlat avangin a Juda hnam pumpui maia suat chimih a duh ta. Lal a rawn a, mak tak main lal pawh chuan a lo remti ve hmiah mai bawka; heta lalin hetiang thutlukna a siam mai hi tun thlengin mak ka la ti tawp thei lo.
Miss World hmasa ber Estheri kha Juda thlah a lo ni hlauha; lalnu ber a lo ni bawk nen, Juda hnam thah chimih vek tura tih tawh chu chhanchhuahin an awm phah ta.
Chumi champha chu tunah hei a lo thleng leh ta a; he ni hi Israel ram pumah leh khawvel hmun hrang hrang (Mizoram pawh telin) a Juda-te chuan hlim takin an hmang ṭhina; hlimna kut anga ngaih a ni. Naupang ho chu inchei rangin an infiama; Krismass-a thawmhnaw thar kan neih ṭhin ang deuh hian thil thar neih ngei an duh ṭhin.
Hemi ṭum hi chuan an Biak In (Synagogue) ah Estheri bu chhiarin an hnam chhiatna duhtu Hamana hming lam rik a nih veleh bengchheng nasa takin an siam ṭhin. Zu te pawh in ṭhinin ṭhenkhat phei chuan zu in kut ang hialah an ngai. Mi tamtakin zu in ṭan nana hmangin zu lo in ve tawh ṭhin, nghei tum, chak tawk lo deuhte pawh in an in thar leh chawk. Zu in chu thil ṭha, Pathian thu awihna kawngkhat (מיצוה ka let dik em aw) niin an ngai. Hetiang hi ni mahse, zu in kher hi a ṭul chuang lova; zu in loh hi a pawi zawkna a awm chuang lo an ti bawk.
Zu hi Israel ramah hian a larin dawr tin deuhthawah an zuar tlep dul maia; chu chu a duh apiangin an leiin an in mai ṭhin. Mizoramah hian zu khapna dan hliha hetiang anga kal duh hi tam tak an awm ta a; chung mite chuan a hnianghnar na na na chuan hun reilo te chhunga kan in thiam ve mai an beisei a ni. Mahse, he Israel ramah pawh hian Mizote chuan an in thiam mang chuang lo tawp maia; nunna chan an awm nual tawh bakah thisen chhuahna leh in rikrapna a awm ve chamchi bawk a nia.
Similar Posts:
- ISUA KHA ISRAEL HNAM TANA LO KAL A NIHZIA LEH AN KHAWVEL KHAN TUNA KAN KHAWVEL TIH HI A HUAP LO A NI
- Tuihawkin naupang la
- American-Israeli arrested on terror charges!
- BNEI MANASIA – MIZO JUDA-TE
- Krismas Thuchah
March 7th, 2012 at 7:03 pm
1st loh pawn teuh viau ang.
Report this comment
March 7th, 2012 at 7:09 pm
zu hi mi mawl a piang ah a thawkna
Report this comment
March 7th, 2012 at 7:12 pm
Report this comment
March 7th, 2012 at 7:19 pm
First em aw..postupa
Report this comment
March 7th, 2012 at 8:03 pm
Tel thar ve chauhna a thaw phar phar teh ang.. Inzauh hmelhlawm bawka..h.
Report this comment
March 7th, 2012 at 8:05 pm
Nakin ah chhiar ang..a ngaihnawm leh khawp ang.
Report this comment
March 7th, 2012 at 8:11 pm
A lem a awm dawn e maw tiin bawp ka lo khawkherh hman a sin maw le
Report this comment
March 7th, 2012 at 8:14 pm
A ngaihnawmin i keuh lut nalh hle mai.
Report this comment
March 7th, 2012 at 8:23 pm
A ngaihnawm hle mai, Estheri bu hi zir fe tham a awm a ni. Feminist theologian ho chuan Estheri an hma hruaituah an ngai ve hmiah.
Report this comment
March 7th, 2012 at 8:48 pm
ka chhiar chhuak vek tih ka lo sawi ve mai mai
Report this comment
March 7th, 2012 at 9:12 pm
Estheri kha chu athlang fu ve ngawt mai,tlingzo talo ho pawh kha anchhelo hlawm teh aniah,
Report this comment
March 7th, 2012 at 10:55 pm
E khai va ziak ngaihnawm thiam ve a. Mahse duh aiin khalama inhman dan i ziak chiang lova. Heti tawp chuan zu hawtute’n an khuainuai mai ang che…
Tak takin i post tha khawp mai. Chhiar a nuam bawk.
Report this comment
March 7th, 2012 at 11:28 pm
Ka fapa post ah ka 1st e. A tawp ah chuan ZU bawk!
. Chuan Estheri khi a girik chuan Estaragatosti a ni ka hria!! 
Report this comment
March 7th, 2012 at 11:28 pm
Chhiar a nuamlo miah lo. Ka chhiarchhuak thlap.
Report this comment
March 7th, 2012 at 11:31 pm
Chuan, ka chhiar chhuak vek bawk.
Report this comment
March 7th, 2012 at 11:40 pm
Pu Chhana chu Post tha hle mai,
Pathian thu lam hawi reng reng hi chu tuna i ziak ang hi ni vek thin sela, a chiang ber thin, (1). Original Text, (2). Context, (3). Application, hengte en hian i Post hian a fun-kim tha hle mai, 
Lalnu Vasti (Amestris) hian Lalpa Ahasuera hmaa a inlan duhlohna chhan i sawi bakah khian, Bible scholar-te chuan, hetih hunlai hian Vasti hian Artaxerxes (born in 483) a pai mek a, rai chunga Lal hmaa inlan hi a duh lo a ni, an ti.
Pathianin, a hnam-thlan Judate a chhan-chhuah theih nan (Setana’n thah chimih vek a tum si), Ahasuera leh Vasti te hi hmanrua-ah a rawn hmang a. Lal Ahasuera khan a “chapona laltiang” chu hmangin Lalnu Vasti chu a paih-thla a. Lalnu Vasti lah chuan “a dikna humhim duhna leh a luhlulna” te chu Lalnu a nihna atanga tlak-pui nan a hmang ve thung. Pathian hnam-thlan Judate chhanchhuak turin Estheri tan kawng a lo inhawn phah ta ni e, an ti.
Kum 465 BC-a Lal Ahasuera a tualthih hnu-ah, a fapa Lal Artaxerxes-an Lalthutthleng a rawn luah leh khan Lalnu Vasti (Amestris) hian a dinhmun ngai a rawn luah leh ta a ni. Kum 465 BC-a Ahasuera thih hma hian Estheri hi a thi nia rin a ni bawk.
Chuvangin, Lal Ahasuera leh Lalnu Vasti-te inkara boruak tha lo tak lo irh-chhuak leh, Vasti’n a Lalnu nihna hial a kalsan a tul tak kha, Chunglama Engkimtithei remruat vek a lo ni, “Lal thu chu thu tawp a ni” tih a ni miau alawm…
Report this comment
March 7th, 2012 at 11:48 pm
Nangni pafa chu in inthurual ni maw @chhanapa…haha
Report this comment
March 7th, 2012 at 11:49 pm
Nangni pafa chu in han in first tir vel ni maw@chhanapa…hahaha
Report this comment
March 7th, 2012 at 11:50 pm
Pafa an in chharchhuak ta e @comment #13
Report this comment
March 7th, 2012 at 11:54 pm
Hahaha..tikha chuan chhana leh chhana pa ah ka chiang ta..in ni (aunt) ah min lo la lut mai teh unn..
Report this comment
March 8th, 2012 at 12:10 am
“Zu hi Israel ramah hian a larin dawr tin deuhthawah an zuar tlep dul maia”
Hairejishh…Mizoram khap sen loh leh India ram mipuite hnianghnarna khawpin Vijay Mallya pawhin zu a sa kumtluan ngheng ngheng alawm mawle
Report this comment