A nu chu cancer natna hrehawm tak tuarin a awm a. Damdawiina an beidawn tawh hnuin a kal hun nghakin in lamah an inenkawl a ni.
Ni khat chu a hun tawp a hnai tih hriain a nu chuan a fanu neihchhun naupang të chu a ko va, a bulah a thuttir a. A fanu hmel a en a, a lungngaihna chu thup rual a ni lo. A fanu bulah kum 5 chiah hun a la hmang a, a fanu nena hun hman a la kham lo; lungngai lo rual a ni lo.
“Bawihte, ka thusawi hi lo ngaithla rawh aw..”
“Ânu, eng nge ni?”
A fanu chu a ngai të bawkin a nui sen sen a, a nu a en kar a. A nu chu a tawng leh thei ta lo.
“Ânu, i thi dawn ami?”
“Aw.. Bawihte, i bulah hun ka hmang rei thei tawh dawn lo va, ka lungngai em a ni.”
“Ânu, lungngai suh, tihdan ka hria alawm.”
A fanu a en ringawt a.
“Magic ka thiam asin. I thih hnuah pawh i bulah ka awm reng dawn alawm.”
“Bawihte, i la naupang sia, mi rawn zui zel chuan i hah lutuk ang. I bulah ka lo awm zel zawk ang aw.. I thil tih tur chu a that leh that loh ka lo hrilh zel ang che a, i hlim ni leh lungngaih ni-ah pawh i bulah ka awm zel ang a, ka awmpui tlat ang che. Chutih hunah chuan i nu hi ka thi lo tih i hre reng dawn nia.”
An inkuah a, lungngai takin an nui dun a.
A nu chu a thi ta a. A fanu chu nu tel lovin a seilian a, thil sual leh tha lo a tih dawn chuan hmana a nu’n a thih dawna, “I thil tih tur chu a that leh that loh ka lo hrilh zel ang che..” a tih te, “I nu hi ka thi lo tih i hre reng dawn nia,” a tih te kha a hre reng a. A nu chuan a awmpui ta zel a.
Thlêmna do harsa tak a tawh chang chuan hmana a thusawi kha a bengah a lo ri leh thin.
“Ânu, i thi dawn ami?” tih chu.
Similar Posts:
- “I âw-ah a âw ka hre thei asin!”
- Zahmawh Fiamthu 5
- Nangman min chelh zawk rawh
- In hmangaih tawn ang u
- Ka nau lehkhathawn
March 13th, 2012 at 6:58 pm
… thisen cancer a thita min hriatchhuah tir zawk chu mawle.
Report this comment
March 13th, 2012 at 7:03 pm
Report this comment
March 13th, 2012 at 7:10 pm
Report this comment
March 13th, 2012 at 7:11 pm
Tuai ‘ami’ tih hi i ti lui em ni?
Report this comment
March 13th, 2012 at 7:11 pm
kan naupanlai hian ka nu hi a hrisello thin khawp mai a. “Hetianga dam reng ai chuan, Lal Isua hnena natna leh hrehawm awm tawh ngai lohnaa kal/awm daih hi ka chak em em thin a, mahse, nangmahni avang hian la dam hram hram ka duh si” a ti thin a(ka bulah). Sawitur avang duh thin khawp mai. Good post.
Report this comment
March 13th, 2012 at 7:13 pm
Member ka rawn ni thar ve a.ka rawn comment ve thuai .
Report this comment
March 13th, 2012 at 7:14 pm
#4 @Rose, aw tilui e. Naupang tawngkam a nia, naupang ni reng chung si-a puitling deuh tawng anga kan tawngtir thin hi chu a fuh chiah lo alawm!
Vawiinah TV-a movie pakhat ka en a, “Ânu, i thi dawn ami?” tih lai khi ka en fuh a, ka han phuah belh chho vel a nih hi, post a lo tlem lai a ni bawk nen.
Report this comment
March 13th, 2012 at 7:29 pm
Hetah chuan ka thlawp che tuai mahse engngatinge mi tam tak hian em ni tih hi ami tia kan ziah fo..a dik loOOOOOOO
Report this comment
March 13th, 2012 at 7:36 pm
Lungngai takin an nuidun a.. A mawi ka ti..lawm avangin an tap a… Titi thiam deuh hi inhlu… Lungtizing,beitidawng, dawntisei…tichuan hlim takin an awm ho ta a…tihlampang a vang a up lutuk….
Report this comment
March 13th, 2012 at 7:39 pm
Marka leh holy guru te Wel come em em.
Report this comment
March 13th, 2012 at 7:46 pm
#6 marka, kan lo lawm a che. I lo tel ve zel tawh dawn AMI?
Report this comment
March 13th, 2012 at 7:53 pm
Mark te hetah lo hlim ang che. Welcome tuithlum kha le
Report this comment
March 13th, 2012 at 8:46 pm
tuaite leh.. Karleh khi ka nu thih cham..
Report this comment
March 13th, 2012 at 8:48 pm
@SS, he post hi i nu hriatreng nan ka hlan nghal e.
Report this comment
March 13th, 2012 at 8:57 pm
Tunlai chu post thar han haha natur va awmlo ve
Report this comment
March 13th, 2012 at 9:01 pm
@david, he post-ah hian HAHAHA ti mai rawh.
Report this comment
March 13th, 2012 at 9:08 pm
A tha reuh kher mai
Report this comment
March 13th, 2012 at 9:13 pm
ka nu ve chu midangte tan chuan hriatreng tlak a ni lo mai thei. Ka tan erawh.. Ngawi renga min fuihtu, tun dinhmun ka thlen theihna turin… Van lam ka thlir apianga chhelna leh huaisenna min pe tu.. Zanin zet zawng ka nu duhtak ka ngai zual hle mai che. Tuaitea vang vek.
Report this comment
March 13th, 2012 at 9:23 pm
#6 “Marka, Welcome to mi(sual).com” ka’n ti ve thuai teh ang. In thlahrung suh…an fel hlawm a nia, min fuih nasa lutuk hi “a tak tak emaw ka lo ti hman”
Kei pawh February 12 khan ka rawn zawm ve a, ka zawng-chhang tawh, “mi-ang lo nupui nei ang mai ka ni” thildang ngaihsak nachang ka hre tawh lo, 
Report this comment
March 13th, 2012 at 9:24 pm
Report this comment
March 13th, 2012 at 9:27 pm
@Dr John, a thatna leh mawina, a tangkaina leh a ngaihnobeina min hmuhsak thiam zel a, ka lawm khawp mai.
Report this comment
March 13th, 2012 at 9:45 pm
#18 saint sammoo, i nu i lo sun tawh a ni maw? TuaiSialA post avanga i lungleng hi a awm ka tihpui hle mai che. Mahse, Pathianin nu neite aia ropui leh hming tha zawkin a siam thei che a, a siam mek che tih hre reng ang che.
#21 TuaiSial, I NIHNA CHIAH CHIAH KA SAWI
Report this comment
March 13th, 2012 at 9:49 pm
He thuziak chuan min deng dawt mai, rilru a va khawih ve aw.
Report this comment
March 13th, 2012 at 9:52 pm
Zirtir a nei tha hle mai. Mi a khawih zak mai alawm le
Report this comment
March 13th, 2012 at 9:55 pm
Thawnthu tawi te, rilru hneh tak, zirtir nei tha em em si a ni. Tv a movie en vang mai te’n tiang hian thawnthu thatak in phuah thei mai zel a, post tu hi a fakawm thlawt
Report this comment
March 13th, 2012 at 10:01 pm
Hman deuha(Junior Dept. nihlai vel) Gospel speaker thuihruai tehkhin thusawi ka hriatchhuah daih chu, thusawi laia thildang kan ngaihtuahloh nan a ngaihnawm thei ang bera min hrilh hi a tum niin ka hria. ” Samson-a a thi zuih” tih te kha theihnghilh mai chu har ve tak a ni. A thih zuih chhan chu hmeichhia vang kha a nia.
Nu te hi anlo hluber mai khawvelah hian. A thu hrimah naupang enkawl i thiam duh hmel.
Report this comment
March 13th, 2012 at 10:12 pm
A va ngaihawm ve le, rilru a kalding ngawk ngawk thei alawm le. Phuahchawp mai mah nise, chu naupangte chu a va fingin a va khawngaihthlak reuh ve le. A post tupa hian thuziak a lo va thiam em em ve le.
Report this comment
March 13th, 2012 at 10:19 pm
@Sheldie, ka lawm e. I han ti hluai tak naa, a zahthlak lek lek zawk. Mi pangngai hlir awmkhawm tih takah thu ho leh fahrah te te pawh dah ila, tha deuh hian in han chhuah thin a, a lawmawm thin khawp mai!
@Atom, naupang hian min ngaina lo khawp! Ka fail nghal..hahaha
@Caribou, naupang fing ru tak chu niin ka hria.
Report this comment
March 13th, 2012 at 10:21 pm
Rilru a khawih hle mai, nu te hlutzia min hriatchhuah tir
chuan ka nu tan liau liau 
Report this comment
March 13th, 2012 at 10:29 pm
Hnuk a khawih em mai, ka comment ve teh ang
Report this comment
March 13th, 2012 at 10:32 pm
A nia sin! Kan in fak der lo. Short story pakhat pawh mi hmuha la pharh ngamlo hian a ropui ka ti tak tak. Ka rilru ah hian a awm a, mahse ka kut hian a ziakchhuak thiamlo alawm kei chu. Nu leh fa inkar anih hi chuan a hlu em em zel, he thawnthu phei hi chuan hnuk a tiulh
Report this comment
March 13th, 2012 at 10:37 pm
Ka lawm thin khawp mai. Kei hi ka la vannei a, ka nu’n min la dampui a, a hlutzia ka hrechiang deuh deuh a, thil dang dang avangin hmun khatah kan awmho thei lo va, ka ngai thin khawp mai — ka nu hi.
Report this comment
March 13th, 2012 at 11:25 pm
Kan naupan deuh laia ‘Ka nu hian min thihsan ta se’ tia mittui tla zung zung khawpa ka inngaihtuah lungchhiat lai te kha min ti hrechhuak alawm le… a tawi naa ngaihtuah a tithui hle mai.
Report this comment
March 13th, 2012 at 11:39 pm
Phai a lehkha zir tura ka kal dawn a ka nu in ‘nitin i hming lamin ka tawngtaisak thin dawn che’ a tih leh Hostel a ka awm tawh hnu a kartin vawikhat tal lehkha min thawn ziah kha a va lo hlu em ve aw. Nunkawng diklo zawh tura duhthlanna kawng peng thuama ka din apiangin ka nu hmel ka mitthlaah ka hmu fo thin a, kawng dik ka thlan theih phah thin. He post hian ka nu min ngaihtuah chhuahtir nasa hle mai a.
Report this comment
March 14th, 2012 at 5:36 am
hei chuh!
Report this comment
March 14th, 2012 at 1:53 pm
Nu hlutzia min hriat nawn tir rualin, englai pawh a min hmangaihtu Nu ka la nei a, ka vanneihzia min hriatchhuahtir.Good Post
. @TuaiSialA
Report this comment
March 14th, 2012 at 2:01 pm
@EmEich, ka lawm e aw.. Midang pawh ka lawm lutuk e. Comment a ropui hlawm khawp mai.
Report this comment
March 14th, 2012 at 6:52 pm
A lungchhiat thlak bawk sia, mahse Nu hlutna ropui tak a tel. Ka nu leh pa in min kalsan tawh mahse an dam laia thu tha tak tak min hrilh leh min tawngtaisak rengna kha tun thlengin ka nun hruaitu an ni fo.. Ziak tha hle mai.
Report this comment