Ka nu upa ve tawh tak mai chuan a theih tawk tuah thing a phur ve thin a, phur sawm vel lai chu a keuh ve hman a. Kan thingkhawn siamna thin ah kan lung rem tur kan dah avangin a thing phurh chu kan huan pal ah kan tung mai a.
Chu a thing phurh sa chu ni tin hian a tlem tial tial a, tunah phei chuan phur 5 awm vel lek a awm ta. Chutiang a a bo thin avang chuan ka nu pawh a rilru a hah ve a, hah taka a phurh thlen sa a lo bo thin chu a thin a rim ve khawp mai a. Ka bulah hian a sawi ve keuh keuh zel a. Han rinhleh mai tur lah chu kan hre thei si lo.
Nikhat chu tual a nilum ka ai laiin nidang ang bawkin kan thenawm pa leh a tunu, kum 5 mi vel chu kan tual ah an rawn inkai phei leh a. An haw lamah chuan naupang kum5 mi chuan ka nu thing phurh sa chu fak hnih a la a, a haw pui ta a. A bulah chuan a pu a kal ve reng a, hauh pawh a tum lova, engtin mah a ti heklo.
Chutia thing a la ta mai chu ka lungawilo chu ka tawng chhuak deuh bawrh bawrh a, ka tawng chu hira in kan kawmchhak nu a lo dak a. Kan kawmchhak nu chuan ni tin kan thing chu chu naupang chuan a lak thin thu min hrilh a. An ni pawh an chemte a lo hawn daih thu leh a zuk sawi chung pawha pek let an tum miahloh thu te a rawn sawi chhuak ta a.
Tlem lai deuh khan Group YMA conference a ka kal avangin ka nupui fanau te chu a ni te in lamah lo riak mai turin ka ti a. Chutia conference ka kal hlan chuan inhnuai a kan thingzai dah chu a lo bo then nual mai a. Tichuan thla hnih vel a liam hnu chuan kan kawmthlang te chuan an room bakah chhuar leh eng eng emaw an siam ta a, tunhma zawngin thingzai an nei ngai lova, an room an siam dawn pawh hian thingzai an lei kan hrelo reng reng. Tichuan ka dakchhuak vel mai mai a, an thingzai hman chu kan thingzai bo ta nen a thing a lo inang chiah mai. An chhungkaw pa ber hi kan inhnuai vel ah zan ah an hmu fo a, zankhat phei chu kan in a lo sawi a ni awm a, ka chhungte phei chu an thlabar hman hle a. Hei vang hian conference ka kal hlan pawha riak chhuak an ni a. Ka sawi duh tak zawk a chu an fanu hi thil ruk hrat em em mai, khawtlang pawhin an buaipui hial khawp a lo ni tawh thin ani.
He thil thleng avang hian ka rilru ah thil tam tak ka ngaihtuah ve a. Nu leh pa tam tak hian kan fa te thil tha zirtir nachang kan hrelo a, thil sual hi a sualna leh a thatlohna hi naupan lai atanga inzirtir nachang kan hriat loh avang hian kan ram zim te ah pawh hian thil ruk leh suahsualna a tam niin ka hre ta tlat mai. Naupang khan mi thil a ru tih a inhre kher lo maithei, a inhria anih pawh in dem tur a awm lo, chhungkua ah thil ruk thatloh zia an zirtir miau lova. Chuvang chuan naupang pawh nise ‘Engmah an hrethiam tak tak lo’ ti a kan namnul mai mai thin hi sim a hun in ka hria.
“NAUPANG CHU A KALNA AWM KAWNG AH CHUAN ZIRTIR ULA, A PUITLIN HNU PAWHIN A THLAH LOVANG”
Similar Posts:
- Red Sandalwood man te kha engtin awm zel tak maw !!!!
- Hlawndawhthanga (fanai thlahtu bul?) -2
- Sex Education
- Naupang Zirtir
- Mumang han ni teh sela aw!
March 14th, 2012 at 9:03 pm
Chipnawi vek ang..
Report this comment
March 14th, 2012 at 9:10 pm
‘Naupang chu a kalna awm kawngah chuan zirtir ula, a puitlin hunah pawh a thlah lo ang(?)’!
Report this comment
March 14th, 2012 at 9:14 pm
Rukru-ah an chhuah dawn zu nia! A hmabak hun a êng lo hle mai. Zungawlvei-ah a la chhuak mai ang a..
Report this comment
March 14th, 2012 at 9:14 pm
Tuar thlawn mai lo khan lak let leh dan lo zawng mai teh, nia, tunlai khawvel hi zawng a hahthlak a nih hi. Insiamtha tur chuan chungkaw tinte hian mahni chungkua theuhah hian bul han tan tha theuh ila kan ziaawm mahna.
Report this comment
March 14th, 2012 at 9:18 pm
Tuaia’n post vuak hot a tum(zu a sawi
)
Report this comment
March 14th, 2012 at 9:18 pm
Naupang zirhtir tur turin a pa ber pawhin, i thingzai a ruk mai piah lamah; i in a la sawi zui a nia
Report this comment
March 14th, 2012 at 9:25 pm
Naupang chu zilhtu tha nei sela chuan a thil ruk chin thin chu a sim mai ang. A nu leh pa te chuan an chher chhuak khawlo vek dawn anih chu. A nu leh a pa te chu rukruk an sim theih nan an thil ru lai ngei man a tul anih chu le.
Report this comment
March 14th, 2012 at 9:29 pm
I phuahchawp chu a van anglo ve, ngaihnawm ti deuhin ka’n chhiar leh pek chu!
Nia, naupang/nausen hi an lo mak khawp mai, kan en liam mai mai chhung hian an bula khawsa te mizia hi an lo zir nasa ve em em hi a lo ni.
Report this comment
March 14th, 2012 at 9:33 pm
a (lal) ram leh a felna hi chhungkuaah, kan fate ah i zawng hmasa ang u. (biakin leh a chhehvel ah chauh ni lovin)
Report this comment
March 14th, 2012 at 10:39 pm
Thlirdan dang pakhat. Kutkem chu an inthlahchhawng deuh a nilo maw? An rilru a piangsual hlawm anga pawi tihna an neilo a ni thei mai ang a, a pu kalpui pawh chuan
Report this comment
March 14th, 2012 at 10:40 pm
Naupang chu a puiltin huna ni tura i duh ang chiahin enkawl rawh an ti thin.. Naupangte pawh hian dawt sawi nachang an hre ve tho asin! Naupang enkawl hi hna hautak leh challenging ber mai a ni
Report this comment
March 14th, 2012 at 10:43 pm
Chu hmeichhe naupang chu a thanchhoh zel dan tur a va ngaihtuahawm dawn ve leh
Report this comment
March 14th, 2012 at 10:52 pm
Ka thuziak hi thil thleng tak tak vek ania, tlem hi chu an mahni zah thu hla ah ka phuah chawp deuh, an nihna hriat mai loh nan.
Thingfak ru tu naupang hi vawiin ah ka hmu leh a, thil ruk thatloh zia kan hrilh tak melh melh kha. Amah phei chuan mi thil ru ani tih a inhre hauh lo. A putea(a nu u mipa) hian tunhma in kutkem a nei thin a, tunah hi chuan a sim tawh niin ka hria.
Report this comment
March 14th, 2012 at 11:01 pm
Report this comment
March 14th, 2012 at 11:03 pm
Engpawhnise.. Zawhte leh hmeichhia chu ruk thiang… Thingfak leh thingzai chu…blah.. Zu ruk pawh hi. Case a lian vaklo.ha3
Report this comment
March 14th, 2012 at 11:12 pm
Zu ruk sawi tak ah chuan in deuh zauh zauh pah phei chuan tih keh palh hi a awl khawp a, duh aia tam in te pawh a awl.
Report this comment
March 14th, 2012 at 11:12 pm
Post tha khawp mai.
Kan social life dik tak i rawn sawi niin ka hria. A lehlamah atang a thlir chuan thil hlu leh hman tangkai theihte pawh duh duh a midang lak theih maiin kan la dah/pho lang a. Lehlam ve thungah chuan he ‘rinawmna’ hi a tlu chhe mek ani tih i rawn pho lang bawk.
Ethnic purity kan hlauh a, kan dazat a, hei hi a chhan bulpui chu hnam dang nena kan in pawlhsawp vang ani. Kan hnam in a pawm ngai reng reng lohte keini Mizo te hian kan pawisa lo sawt em em a. Hei hi mihring kan lo pung vang pawh ani chuang lo a, dignity maintain thei lo khawp a Mizo-na keng ding thei lo khawp in kan lo tlu chhe tan ta. Hei hi siam that tur ani reng ani. Naupan lai atang a ram leh hnam hmangaih inzirtir te hi thil tul ngawi ngawi ani ta tlat mai.
Report this comment
March 15th, 2012 at 12:21 am
First person a ziak bawk. U aduhin a hau ngei ang. Le le raw raw
Report this comment
March 15th, 2012 at 12:26 am
A va tha lo ve awww…chu naupang chu rehab a dah a ngai nih chu
Report this comment
March 15th, 2012 at 12:29 am
#18 haha
Report this comment
March 15th, 2012 at 12:36 am
#18
Report this comment
March 15th, 2012 at 3:12 am
in sawithaih nasa em mai, hau lo mai ang!
Report this comment
March 15th, 2012 at 5:17 am
Report this comment
March 15th, 2012 at 5:22 am
An va ngam sak sak che ve
Report this comment
March 15th, 2012 at 7:24 am
A rapthalk hle mai. Khawtlangin zilh chi a nih chu
Report this comment
March 15th, 2012 at 8:13 am
A va rapthlak zawk ve.
Report this comment
March 15th, 2012 at 8:23 am
In khua hian rukru leh kutkem nei in ngaithei viau a lo nih hi!
In khaw nula pakhat, kutkem nei, hmeltha puak ni lawi si chanchin kha ka lo hre ve asin.
Khatia YMA Conference i chhim hawin SKIT i ziah phah tak nachhan kha … kha nula kha hrilh dawt in ngam bik bawk si lo —amah benharh nana YMA Hall-a SKIT in chan zan pawh khan kha nulain mi artui a tham ruk thin lantir in tum em em lai khan, ani lah kha a tlar hmasa bera thuin, a lawm ber ber nui ring ber bera a tan kha …
Zilh fin theih hauh loh chi hi chu an awm alawm … kha nula khan mi artui tham ruk a la ching zui em?
Report this comment
March 15th, 2012 at 8:32 am
Miin kan thil ru se, an dahna hre ru khiau ila, an hriat loh hlanin lo la kir ve leh ta ila … kha rukru khan, “Ka ruksa ka dahthat tute’n emaw an ru,” a ti ve mai lo’ng maw?
Kan Mizo thil chin pakhat, kal paha mi leipuia fanghma han lawhsak mai leh ei mai te kha thl thiang a ni awm a —ema phur meuhva in lama hawn kha chu a thiang ngai lo, an ti ni khan ka hria a.
A fuh bik tawh lo khawp mai, tunlai sanah chuan! Huan-thlai neituten, “Miin an lo ru a ni maw?” an tihna tur thil a ni vek tawhin a lang.
Kan ram Sorkar Office NOTE-SHEET tam zawkte hi engtin nge in ngaih ve le?
Report this comment
March 15th, 2012 at 9:06 am
Ti, Pu Chawnghilha sawi ang khian, i Thupui khian kan Zoram Dinhmun Dik tak a Reflect chiang khawp mai. Han sawi zau deuh dawn ila, tute’n emaw an lo inngaih-bel leh ang a, an ngai-haw leh mai ang tih a hlauhawm si a!
Post Rukru leh Ril, Awmze nei tak a ni,
Report this comment
March 15th, 2012 at 10:22 am
Report this comment